نسيم ابوراس

نسيم ابوراس

عمان . منذ يونيو 2011
25 من المراجعات
من وجدوا مراجعتي مفيدة
4
مراجعتي كانت الأولى
4
مراجعاتي
25

مراجعاتي

  • Review by نسيم of قصر الضيافة
    قبل 4 سنوات
    مكان مرتب اكله زاكي واسعاره مناسبه الخدمه جيده وسريعه
  • Review by نسيم of الكلحة
    قبل 4 سنوات
    السعر مباااااالغ فيه طلبنا حمص وخمس حبات فلافل وصحن فته حمص بالشاورما ما كان اله دخل بالشاورما وريحة قطع الشاورما سيئه وبطاطا وكاستين شاي بعشرين دينار تقريبا يعني عن جد مسخره بس انا كنت معزومه والحمدلله
  • Review by نسيم of مطعم الأرض التركية
    قبل 4 سنوات
    رحت عليه الاسبوع الماضي وقت الظهر والجو كان حررر ما كان عندهم اي شي بارد حتى المي مو بارده مع انه ما كان في زبائن وكانوا بطيئييين كتيير وسعرهم مبالغ فيه بالنسبه لكمية الاكل والكمبير مالها اي دخل بالكمبير عباره عن بطاطا وعليها سلطه كولسلو ولا شي تاني ما بنصحكم ابدا
  • Review by نسيم of بافلو وينغز آند رنغز
    قبل 4 سنوات
    رحت عليه اكتر من مره اكلهم جيد بس بطيئييييين وكمية الاكل بالنسبة لسعر منيحة والديكورات مرتبة بس المسا بكون معتم نوعا ما لازمه اضاءه بالمسا اكتر من هيك....
  • Review by نسيم of مطعم ربوع عكا
    قبل 4 سنوات
    الفلافل مميزه والخدمه سريعه وخبز التنور رااااائع
  • Review by نسيم of سوبر ماركت شمس
    قبل 4 سنوات
    السوبرماركت مرتب ومنظم ولكن البضاعة مو متنوعه ابدا وفي مساحات كتير فاضيه لازم استغلال المساحه اكتر من هيك
  • Review by نسيم of مطعم الأرض التركية
    قبل 4 سنوات
    المكان نظيف ومرتب ولكن الاكل اقل من عادي والسعر غالي على كمية الاكل ومذاق الاكل الخدمه بطييييئه جدا مع انه لما رحت ما كان عنده غير زبون واحد بس غيري
  • Review by نسيم of الضيعة
    قبل 8 سنوات
    انا اليوم كنت في الضيعه عبدون وللأسف تراجع كبييييييير بمستوى الأكل والنظافه والخدمه أول شي وأسوأ شي رائحة المكان اسوأ من السيء والأكل جودته سيئه وليس بالمستوى اللي كانت عليه سعر الوجبه الفرديه مع بيبسي 2.85 يعني سعر عادي جدا لكن اكله مو زاكي ابدا ابدا مو ممكن اعيدها مره تانيه ابدا لانه انا جربت فرع المدينه المنوره كان افضل من هيك وحتى كراسيه اريح بكتيييييير من كراسي فرع عبدون وانظف بكتير طبعا والموظفين اللي فيه بشوشين وخدومين.
    بالنسبه لصفة السيارات المكانين ببساطه بتلاقي عندهم صفة يعني مو كتير عجقه حواليهم. انا زرت فرع عبدون اكتر من مره بس اليوم عن جد كان سيء بمعنى الكلمه للأسف ...
  • Review by نسيم of زوكا كافيه
    قبل 8 سنوات
    انا رحت على هالمكان الاسبوع اللي فات بصراحه المكان لطيف وقعدته حلوه والخدمه كانت منيحه ولكن الاكل مو طيب ابدا انا طلبت بيتزا تشكن باربيكيو وطبق تاني تشكن بالزبده والليمون وسلطة تبوله كان الاكل اقل من عادي درجه لانه التشكن مو مستوي وطعم الليمون مو موجود اصلا والبتوا العجينه تاعها مو مزبوطه ابدا فالاكل ما عجبني بس بعد الاكل طلبنا عصير ليمون ونعنع وعصير فراوله وليمون كان اوكي العصائر اسعارهم اتوقع انها مناسبه الفاتوره كانت تقريبا 22 دينار.
    واذا قررت اعيدها ممكن اطلب بس عصير وشكرا كتيييير زوكا عالقعده الحلوه :)
  • Review by نسيم of ستار دوناتس
    قبل 8 سنوات
    انا رحت على ستار دوناتس ورح احكيلكم تجربتي أول ما توصل عالمحل طبعا ما بتلاقي مصفات ولما تدخل عالمحل بتشوف قعده حلوه وديكورات مرتبه لما توصل عند الطلب اللي بدك تطلبه كان زمان اول ما فتح يعني تلاقي عندهم اشكال وانواع كتييييير من الدونات والجاتوهات لكن اهلا دائما ما عنده جاتوهات الا نوع او نوعين ومنظرهم ما بشجع انك تاخدهم والدونات مو كتير طيبه طبعا بحكي مقارنه بالاسعار المشروبات الساخنه جيده نوعاً ما وبقدم نوعين مشروبات بارده متل السلاتش ولكن للاسف ما بشجعوا انك تشتري منهم واسعارهم كتييير على طعهمهم الأيس كريم ما حبيته للأسف والخدمة ذاتيه بالمحل وكمان ما فيه تواليت والمكان ناقصه تهويه وخصوصا انه التدخين مسموح فيه فبتمنى من القائمين عالمحل يعملوا تجديدات ويستغلوا المساحه اللي عندهم صح ....
  • Review by نسيم of أورانج للاتصالات
    قبل 8 سنوات
    عندي خط ارضي من اورانج وموبايلي كمان اورانج والنت كمان من اورانج لانه بلاقي خدمتهم كتييييير مميزه وسريعه وعلى طول بلاقيهم حاضرين وخصوصا للنت بمجرد ما ابلغ عن اي مشكله عندي بالمودم بلاقيهم اجوا وحلوا المشكله الله يعطيهم العافيه عن جد رائعيين الشباب في اورانج صويلح انا اشتركت معهم سنوي والحمد لله كتيير مرتاحه معهم :)
  • Review by نسيم of تشيه تشيه
    قبل 8 سنوات
    انا رحت عالكافيه اكتر من مره حبيته وحبيت الهدوء اللي فيه اغلب روحاتي كانت الصبح بين 11الظهر و4 العصر ودائما بلاقي مصف لسيارتي على طول وبكون المحل هادئ والخدمه مميزه كتير وسريعه كمان بس دائما ما بكونوا مفعلين خدمة ستارز لمشتركي اورانج !!! بس مع هيك انا بحب المكان وبتمنى انكم تفعلوا خدمو ستارز بلييييز :)
  • Review by نسيم of لذة اسطنبول
    قبل 8 سنوات
    اليوم كمان مرة رحت على لذة اسطنبول واااااااااااااااااااااااااو كان ما ازكاه طلبت من عندهم سلطه عربيه ومشاوي شيش طاووق مع بطاطا وبيدا قشقوان واتنين سيفن فاتورتي كانت 11 دينار بس الاكل كان كتييييييييييير زاكي وعلى طول جابوا الطلب استنيت تقريبا 10 دقائق بس عن جد انبسطت الحمد لله بنصحكم تزوروه بجد :)
  • Review by نسيم of مجدي مول
    قبل 8 سنوات
    انا رحت عليه كتيييير لانه بتلاقي فيه كل شي بيخطر على بالك في محلات اسعارها مرتفعه وفي محلات اسعارها منيحه وفي مصفات متوفره على طول وموظفين الامن اللي بمواقف السيارات كتير متعاونين، انا بنصح انكم تروحوا تزوروا واكييد حتلاقوا فيه طلبكم لانه في اغلب احتياجات العائله، الطابق الاول احلى طابق فيه والتاني كمان حلو بس ما في محلات ملابس، اما طابق المطاعم والكافيهات مو مرتب ومو لطيف وما في شي زاكي للاسف، والمكان طبعا واضح انه ناجح لانه ماشاء الله بوسعوا بطريقه سريعه وكبيره وعلى طول التوسعه كلها بتفتح محلات مختلفه ماشاء الله...
  • Review by نسيم of بوبايز
    قبل 8 سنوات
    اول ما توصل عالمكان بتلاقي مصف كبير يعني ما بتتغلب بالصفه، في مكان للعب الاطفال ولكن خارجي وما في مكان للعب داخلي وفي كتير متسولين فبيعملوا قلق فبضطر انه اقعد بالساحه الخارجيه عشان الاطفال، بس المطعم من جوا كتير مريح واسع ونظيف والخدمه فيه مميزه وسريعه واكلهم زاكي كتير واسعارهم حلوه وكمان الهدايا اللي مع وجبات الاطفال كتير حلوين وممتعين مو متل الالعاب اللي في المطاعم التانيه يعني للاولاد في سيارات كبيره او يويو وللبنات باربي انا بالنسبه الي حسيت انه المكان لكل العائله الكبار بيرتاحوا بهالمكان الهادي والاطفال بينبسطوا في الالعاب الخارجيه والهدايا اللي مع وجبات الاطفال :)
  • Review by نسيم of نيهاوس
    قبل 8 سنوات
    انا اليوم زرت المكان كان كتيييييييييير روعه الاكل زاكي كتير واسعاره مناسبه المكان كتييير نظيف والجو فيه هادئ ورهييييب انا حبيت الاكل كتييير جربت سيزلن تشيكن وبروكلي بيف وسلطات وكان رووووعه مو طبيعي شو زاكي عن جد حبيت
  • Review by نسيم of الضيعة
    قبل 8 سنوات
    هدا المطعم كان زاكي ومرتب بس بعد ما انشهر وعمل سمعة منيحة تراجع مستواه انا جربت اغلب فروعه الجامعة الاردنية، الاستقلال مول، شارع المدينة المنورة، مجمع جبر كانوا ممتازين ولكن تراجع مستواهم للاسف اسعارهم كتير على الشي اللي بقدموا
  • Review by نسيم of كافيتيريا الذواق
    قبل 8 سنوات
    انا بالنسبه الي وبما اني بشتغل بمكان قريب منه فالي خبره بالمطاعم هناك هدا المحل مو نظيف ابدا والناس اللي بيعملوا الساندويش للاسف ما بيعطوا انطباع جيد عن المحل للاسف سمعت عنه كتير ولكن لما شفته ما قدرت آكل منه بصرااااحه !!!!
  • Review by نسيم of مطاعم ومنتزه نبع العراد
    قبل 9 سنوات
    المكان كتييييير مميز واكلهم زاكي كتير وممكن كمان ناخد فطورنا معنا انا كتير بحب الاماكن المفتوحه لانه الفطور بالهواء الطلق رائع كتييير
  • Review by نسيم of مجمع جبري المركزي
    قبل 9 سنوات
    المحل موقعه قريب من بيتي وانا على السحور بحب المعجنات والكبه والتبوله اكتر شي بحب الاكل الخفيف وبجبري هاي الاشياء راااائعه وخصوصا الكبه والتبوله واسعارهم منيحه والمحل واسع ونظيف
  • Review by نسيم of البيت بيتك
    قبل 9 سنوات
    المحل بتلاقي فيه كل شي ممكن تحتاجه للبيت وللزينه كمان قبل رمضان عملوا عروض وكانت اسعارهم كتير مميزه ومعقوله وانا اشتريت من عندهم اشياء كتير واللي بيشتغلوا بالمحل كتير متعاونين
  • Review by نسيم of حدائق الحسين
    قبل 9 سنوات
    المكان اكيد كلكم بتعرفوه مكان رائع واسع كتير بيعطي مساحه للمشي كويسه والصغار بيلعبوا وبينبسطوا وبالليل جو عمان لا يعوض هوا بارد ورائع بيشجع عالمشي والانطلاق افضل من الاماكن المغلقه بكتير
  • Review by نسيم of فندق الفنار بالاس
    قبل 9 سنوات
    الفندق كتيييير مرتب ونظيف والبوفيه فيه اطباق متعدده وحلوياتهم بتشهي وانا كتييييييير حبيت اكلهم وحلوياتهم والعصائر عندهم بارده وعن جد زاكيه.
    اللي بيشتغلوا هناك كتير لطيفين ومتعاونين وفي عندهم مصفات وفاليت كمان.
  • Review by نسيم of دارك
    قبل 9 سنوات
    هدا المحل كتييير حلو ودائما بيعمل عروض اسعاره كتير مناسبه وبضاعته كتير حلوه بس مشكلته انه ما عنده مصفات وهااي مشكله كتير لانه في شرطة مرور دايما هناك
  • Review by نسيم of مجمع جبري المركزي
    قبل 9 سنوات
    هدا المطعم كتير حلو ومكانه حلو كمان وانا بحب اكلهم كتييير وخصوصا الحلويات اسعارهم مناسبة واكلهم نظيف بس مشكلته انه اغلب الوقت زحمه كتيير وفيه متسولين كتيير !!!
Next