وائل

وائل

عمان . منذ مايو 2011
125 من المراجعات
الأماكن المضافة
13
من وجدوا مراجعتي مفيدة
43
مراجعاتي
125
صوري
70
أماكن فضّلتها
13

مراجعاتي

  • Review by وائل of كافيه هارون
    قبل 4 سنوات
    هلا بدي ابلش بالايجابيات واحد من اروع ديكورات المطاعم والكافيهات بعمان عنده افضل واحسن ناس بالتعامل من موظفين كثير لطفين وكثير خدومين وبجد بتحسهم بشتغلو كانه شغلهم الخاص وبفرق معهم شو بتحكيلهم الديكور كامل مرتب من طاولات لقعده مريحه وحتى الحمامات ديكورهم رائع وحتى بحط صابون غار الشغلات الي ممكن يحسنها هي يحطو فاين على الطاولات وثانيا اتقان الاكل هلا كان واضح انهم بستخدمو مواد خام ممتازه بس يمكن كان بقدر يعملها الشيف بطريقه افضل شوي والاشي الي لازم يغيروه هو الخمص لانه ظعمه ابدا مو زاكي البرغر عنده ممتاز الصاجيه ماشي حالها المشاوي تزبيط ملح شوي التبوله بدها شويه ليمون الفتوش بدها اضافه طعم دبس الرمان وصحيح بيكون حاطلبك لعض الشغلات للتغميس بتكون بجد رائعه جدا المحل عجبني بس يزبط شوي طعم الاكل
  • Review by وائل of جارليشوس فاكتوري
    قبل 4 سنوات
    هلا فكرته جديده وحلوه هو الفكره انه بحط مثلا كيك او تشيز كيك او مثلا تيرمسو بجره صغيره اكيد الطعم الي اكلته اكثير زاكي واول مره جربته كثير عجبني بس بعد ما تجربه للمره الثانيه بتحسه اشي عادي ومبالغين بسعره يعني الجره كثير صغيره ب 4 دنانير فالاقتراح اما بقللو السعر او بزيدو الحجم اما بالنسبه للطعم فهو جيد جدا
  • Review by وائل of مستر كريب
    قبل 4 سنوات
    هلا مستر كريب يعتير من اقدم المحلات الي بتقدم كريب ووفلز اكيد طعمه يعتبر مميز وحجم الوفلز كبير نسبيا طعم العجينه زاكي وخميله وطريه بنفس الوقت بتقدر تطلب يقسملك اياها باكثر من طعم هلا يمكن اكثر اشي مش كويس عنده هو السعر فهو ببالغ كثير بالسعر يعني مثلا بدك تشتري وفلز بدك تدفع اكثر من 10 دنانير وهذا بيعادل اكثر من حق ثنتين من محلات الثانيه المنافسه اله بالطعم اعتقد انه اقل اشي لازم يخفض سعره 30%
  • Review by وائل of كنافة يامن
    قبل 4 سنوات
    كنافه يامن قبل تقريبا سنه ما كانت كثير عاجبيتني بس هلا بغير رايي وبحسن تقيمي الها لتحسن الطعم وبجد الجبنه طعمها زاكي
  • Review by وائل of تندوري أوفن الهندي
    قبل 5 سنوات
    نبلش شغله شغله اولا كقعده يعتبر من افضل المحلات الهنديه كقعده وجو بالنسبه للاكل للاسف بستقبلوك بخبز العدس بصراحه بدايه غير موفقه ابدا هذا الاشي وبالنسبه للاكل العادي الوجبات فهو جيد بس مش خرافي بالنسبه للخدمه بطيئه بس الموظفين لطفين بالنسبه للشغلات الثانيه هو مثلا ما بحط فاين على كل طاوله بحجه انه ممنوع لانه مطعم سياحي بس على الطلب وكمان اذا بدك تغسل فعلى الطابق الثاني الاكل كثير حار فمش كثير بعطيك مجال تدوق كل اشي بزكاوته الاسعار مرتفعه مقارنه بغيرو من المطاعم خبز النان ماشي حاله صحيح بالاخر بعد ما تخلص بحط شومر وسكر فضي وجوز الهند من شان تقيم اثار الحار والبصل والثومه الي اكلتهم
  • Review by وائل of شاورما الكرم
    قبل 5 سنوات
    يعتبر هذا الفرع اسوء فروع شاورما الكرم بعمان وفي اتتقاذ كان زمان عنده شاورما الصمون رائعه بس اخر فتره بكل فروعه ما عدا بشارع عبدالله غوشه صارت سيئه
  • Review by وائل of شاورما الفارس
    قبل 5 سنوات
    بصراحه بحب طعم الشاورما عنده بتحس انه شاورما بيتيه وبحط غيها بندوره ومخلل بجد بتحس انه حاط كل اشي عنده هلا النظافه بصرتحه المنظر العام لا يوحي بكثير
  • Review by وائل of شاورما ع الصاج
    قبل 5 سنوات
    هلا اذا اعتبرناه محل ببيع صدر الدجاج فهو كويس بس مش احسن واحد ببيع دجاج على الصاج بس لا يعتبر شاورما طعم الدجاج زاكي وهو نظيف واسعاره كويسه اكيد بتقدر تظيف الهالبينو والتشيز زي ما بدك
  • Review by وائل of الأصالة الشامية للحلويات
    قبل 5 سنوات
    المحل من المحلات الشاميه الممتازه عندهم تشكيله جيده من الحلويات الشاميه حلاوه الجبن كويسه وكذلك الحلويات الناشفه وجديد صار يعمل كنافه بارده بالقشطه وزاكيهبرايي كل اشي عنده زاكي ماوعدا البيتفور والتارت
  • Review by وائل of مطعم عالية المركزي
    قبل 5 سنوات
    تجاربي بهذا المطعم تقرسبا مجرب كل اشي عنده من اكل لسناك ولبروستد لطبيخ لبحري طبعا بحكي بكل فروعه الاشي الوحيد الي بخليني اروح عنده انه عنده تشكيله من كل اشي بس كطعم دايما رايي فيه واحد لا يوجد اتقان بالاكل نهائيا وكمان شغله بتحس الجميع قاعد معك واخر اشي بفرع خلدا حاطين قسم المدخنين على جهه الشارع فقط صح انه مش هالفيو بس احسن من قعده جوه وصحيح شراشف الطاولات لغير المدخنين الوانهم مش حلوات واخر ملاحظه لمرتين الاحظ انه الكاسات مكسورات الي محطوطات على الطاوله احسن اشي عنده هو البحري بس مش انه مميز البروستد اقل من عادي وكدلك الشاورما والبرغر والمعجنات والحمص بلحمه والشيش سيئه والكوكتيل والعصائر عاديه الرز مش تخصصهم صحيح عندهم الصواني جيده زي ما حكيت تشكيله بدون اتقان على كل اشي صحيح الموطفين مش طايقين حالهم دايما
  • Review by وائل of حلويات القدسي
    قبل 5 سنوات
    هلا القدسي معروف الي بجبل الحسين والي باليوبده وخاصه برمضان معروف بالقطايف مبارح بالصدفه وانا عند مجمع جبر قراءت اسمه ففتت عليه وطلبت كنافه هلا بعمل الكنافه قدامك هلا طعم الكنافه ماشي حاله وفيها اشي زاكي بس لو يقلل حلاوه الجبنه بتطلع رهيبه لانه هو بحط جبنه القطايف عنده كمان هريسه ومشبكه وتمريه واصابع زينب والحلويات الشرقيه بشكل عام هلا بالنسبه للاسعار فهي مناسبه بالنسبه للنظافه فمثلا وانا بالمحل اجو زباين طلبو تمريه فهو اخد منهم المصاري بايذه بدون جلافز وكمل عمل التمرفهتي الملاحظه عليه صحيح سالته اذا برمضان ببيع قطايف فجاوبني بانه نعم راح اجرب منه ان شاء الله الحلويات الثانيه زي الهريسه والتمريه والمشبكه والقزحه قريبا وبنشوف كيف الوضع مبارح جربت من عنده الدحدح وطلع طيب من افضل المحلان بعمان بصراحه خفيفه وزاكيه
  • Review by وائل of نوبل شوكولا كافيه
    قبل 5 سنوات
    اولا محل عجبني ديكوره ومكانه كويس وفيه مصفات بالنسبه للطعم الفوندو رهيبه والوفلز كويسه بس مش ازكى عجينه بعمان بس ماشي حالها بالنسبه للشوكلاته فجربت الكولكشن بجد زاكيه
  • Review by وائل of المختار
    قبل 5 سنوات
    مطعم سيء جدا جدا الحمص غير متقن الشنكليش ابدا مش زاكي الفتوش مالح الوينج عادي الكبده مش زاكيه المخلل كثير مالح وكمان ما بحطو بكل صحن معلقه او شوكه لتحط الاكل بصحنك الخبز ماشي حاله والفته ماشي حالها ولسه الطبق الرئيسي ما نزل بس للان اسوء مطعم بين مطاعم الفنادق بعد ما نزلت المشاوي فهي ماشي حالها اما الحلو فرهيب _معلبيه كثير زاكيه بس مع كل هذا ما بعطيه اكثر من نجمه لسوء المقبلات بطريقه كثير سيئه
  • Review by وائل of حلويات حبيبة
    قبل 5 سنوات
    حبيبه بشكل عام مكاني المفضل للكنافه بتحس بطعم الكنافه الاصلي مش مكسرات والجوده بشكل عام دايما وحده هلا عنده الحلويات الناشفخ الكنافه عندهم رائعه بينما الكيك مش شغلته هلا مجمع حبيبه بالذات فيه شويه عيوب اولا الاسعار اذا بتاكل جوه المحل اغلى من المحل الي جنبه مع انه لنفس الاشخاص والاشي السيء جدا عندهم هو تعامل الموظفين الي ما بسمعو الزبون بالنسبه للقاعه فهي عندهم رائعه وشغل جاهات بس اغلى بشوي مثلا من جبري او المدينه الرياضيه بنصح فيه ككنافه بكل قوه
  • Review by وائل of مركز دكتور أحمد سمرين لزراعة الشعر والتجميل
    قبل 5 سنوات
    طوغرئ 24 ساعه يعتبر الافضل في المنطقه من ناحيه الخدمات والموظفين والمكان عندهم عيادات طوارئ واسنان ونسائيه ومختبر متكامل الاطباء مش هدفهم مادي يعني بتاخد العلاج الي محتاجه فقط وما ببعطوك علاجات وابر وفحوصات زياده الاسعار حسب الحاله والغدوات الطبيه المستخدمه المكان كثير مرتب وراقي ومريح ونظيف
  • Review by وائل of مطعم جامو كشمير
    قبل 5 سنوات
    من مطاعمي المفضله بالاكل الهندي يعني كاتقان اكل يعتبر مميز وكاسعار ايضا مميز عنده الكاري والبيتر تشكن الافضل في عمان اما مثلا التندوري والخبز فبصراخه ابدا مافي اتقان اعطيته فقط 3 نجوم لسببين اولا في السابق كان اميز من هلا وحاليا تاج محل براي ازكى بس اغلى وثانيا المكان كعده كثير سيئه وصغيره وما بتحس بالنظافه بس كمطعم بنصح فيه تيحي تاخد الاكل بنفسك وتاكله بالبيت
  • Review by وائل of تشيز اند مور
    قبل 5 سنوات
    محل متخصص بالاجبان والمخللات فكرته حلوه وعنده تشكيله رائعه من الاجبان والزيتون المحشي باللبنه والليمون عنده صحون اجبان منوعه وباسعار رائعه فكرته بتختلف عن الحلات الي نوجوده بالمولات بس انه تشكيلته اكبر بس ضايل عليه يجيب لبنه هنغاريه
  • Review by وائل of فندق و منتجع ماريوت وادي الاردن
    قبل 5 سنوات
    كل فنادق البحر الميت انا ما بحبها بس هذا الفندق بالذات بحبش اكله تبع العشا لانه بيكون منوع ولكن مش متقن اما فطوره فجيب ومنوع من الفطور العربي للاوملت للبلان كيك والوفلز وللاجبان المنوعه وانواع الخبز والمعجنات بالنسبه للغرف فالغرف رائعه ومريحه والخدمه ممتازه ونظيفه وحاطينلك بعض القوانين من شان المحافظه على المي بتقدر تتقيد فيها وبتقدر لا اما المسابح فعاديه والاسعار جيده نوعا ما
  • Review by وائل of تتبيله
    قبل 5 سنوات
    من ازكى شاورما الفحم بالاردن بس فيها مشكله بسيطه جدا الساندويشه بتكون طويله بس مش عريضه فمرات ما بتحس بكل لقمه بطعم الشاورما وكمان شغله فرع العقبه اطيب شوي
  • Review by وائل of توم يوم بوكس
    قبل 5 سنوات
    من مطاعمي المفضله لعده اسباب اولا النودلن عنده طعمها زاكي ثانيا التشكيله عنده منوعه بس بفرع ضاحيه الامير راشد اكبر من الرينبو ثالثا حجم الوجبه مشبعه وسعرها ممتاز والموظفين لطيفين جدا
  • Review by وائل of شافل اند وافل
    قبل 5 سنوات
    بما اني من عشاق الوفلز فبجرب كل المحلات وبحكم بالنسبه للمقارنه هلا المحل صغير بس فيه قعده جوه وقعده بره بالنسبه للوفلز فبالنسبه الي سيئه لانه طلع العجينه مش زاكيه كصح عنده تنويع بانواع الشوكلاته وصح انه العجينه طريه بس الخلطه ابدا مش زاكيه تحتاج تعديل بالنسبه للبوظه الي بتنحط على الوفلز فابدا مش زاكيه السعر مقارنه بالي اكلته فلا يستحق يعني الوفلز مع البوظه ب 475 بينما مثلا بهاجين داز مع قطعتين برظه وطعم خرافي بر525
  • Review by وائل of مخبز العنبتاوي للمسخن و الطابون
    قبل 5 سنوات
    يعتبر فرن العنبتاوي واحد من اشهر مخابز خلدا وام السماق بتميز بانه يقدم الخبز العربي بانواعه ما عدا الشراك وبقدم معجنات الزعتر ةالجبنه ةالبيض ةانواع اخرى وبهمل حتى بيتزا بخبز طابون داخل فرن حجرب وبيكون داخل الفرن فحم حجري هلا بالنسبة للطعم فطعم المعجنات رائع جدا وكمان فيه ميزه لو برد وسخنته برجع الخبز ممتاز هلا كطعم حبز لوحده انا بشوفه عادي متوسط جديد صار يقدم كمان حمص وفول بس ما جربته (بس الي بعملهم واحد سوري) بالنسبه للنظافه فجميع الموظفين مصريين وبصراحه مش متقيدين ابدا بالنظافه يعني بستلم منك المصاري بايده وبعجن الخبز فيها وكل اشي في عندهم كمان سيئه فش مره اديب منه فطور الا ويصير في مشكله بين حدا من الزباين والموظفين لانه مش مخترمين بالتعامل متى ما بده بعمل حاله مش سامعك ومتى ما بده مثلا يمكن يكون الك باقي صغير يطنشه وهكدا
  • Review by وائل of شاورما ابو حوسه
    قبل 5 سنوات
    المطهم رائع هلا عنده تشكيله شاورما على الفحم في العربي والتركي والمكسيكي الحار طعم الدجاج عنده زاكي بس اول ما فتح جربته كان خيال لانك بتحس بطعم الفحم اكثر بس هلا اخف الطعم يمكن من كثر الشغل البطاطا عنده زاكيه بس لو يحط مع الوجبه فاين معطر او هايجين لانك بتوسخ ايديك من بهارات البطاطا بنصح فيه وما بنصح بمحل العصائر الي جنبه الاسعار كثير ممتازة
  • Review by وائل of أهونجي
    قبل 5 سنوات
    دايما كنت بحكي عنه انه عنده ازكى فريكه بالكريمه لحد مبارح وصيت وكانت سيئه جدا اولا الطعم كثير اختلف ثانيا مقلل كميه الدجاج وثالثا مغير نوعيه المواد الخام الي مستخدمها ورابعا كان اول ما فتح يحط صنوبر وهلا قلب على اللوز واخيرا الطلب بده ليوصل ساعه ونص كنت بالسابق بحكي عنه انه ما عنده استقرار بالجوده كل مره شكل لحد مبارح اضفته للمحلات السيئه
  • Review by وائل of نتميغ
    قبل 5 سنوات
    المطعم رائع جدا نبلش شغله شغله اولا عامل برموشن ممكن تربح اشي من المحل زي فاوتشر مثلا بقيمه 5 دنانير ثانيا الخدمه رائعه جدا ثالثا بالنسبه للساندويشات الخبز خيالي اللحمه تبعت البرغر خرافيه بصراحه كثير فرق الماده الخام عن غيره البطاطا عليها اورغانو بصراحه زاكيه سويس اند مشروم خرافيه الستيك جيده جدا والاهم المخلل الحلو رهيب اسعاره متوسطه وتعتبر بالنبسه للماده الخام قليله الوجبه مثلا ب 6 دنانير
Next

أماكن أفضلها

صور أضفتها

كربتشينو
ليمون ونعنع