lion jordan

lion jordan

عمان . منذ مايو 2011
30 من المراجعات
مراجعاتي
30

مراجعاتي

  • Review by lion of مركز ديلوكس للدهانات
    قبل 9 سنوات

    مركز كبير بيحتوي على كل أنواع الدهانات الخاصة بالابنية والديكورات .. بتتميز دهاناته المائية بمقاومة العفن والمتغيرات البيئية اللي بتاثر على الأسطح، والدهانات الزيتية الخالية من الرصاص.. وعنده دهانات خاصة بالمستشفيات وغرف العمليات ومصانع الأغذية .. إله عدة افرع واحد في خلدا ..والتاني في عبدون في عبدون مول والتالت في جبل عمان الدوار التالت ..وهاد هو المركز الرئيسي إلهم ..وهو عبارة عن فيلا طابقين حولوها لصالة عرض كبيرة وكل غرفة مستعمل فيها نوع معين من الدهان المميز والالوان المميزة ..يعني اللي حابب يشوف الدهان على الطبيعة وكيف لونه وطريقة دهانه ما عليه غير إنه يزور معرضهم بجبل عمان ويشوف الشكل النهائي للدهان على ارض الواقع ....طبعا بيرافقك عند تجوالك مهندسة ديكور موجودة لخدمة الزبائن ..وبتعرفك على كل نوع دهان وشو مميزاته وكيف سعره ..طبعا شرحتلنا شو الفرق بين كل دهان ..وشو المكان المناسب في البيت اللي ممكن يلائم نوع الدهان .. . في أنواع كتيرة شفتها عندهم ..وجربت تلات أنواع منهم ..وهم دهان الأوتوشينتوا وهاد بالأغلب بيستعمل لغرف الضيوف والإستقبال لأنه بيعطي فخامة وألوانه بين اللؤلؤى والعاجي والترابي والزيتي الفاتح ..وطبعا بيندهن بطريقة معينة ..وفعلا من خلال التجربة بيعطي شكل وستايل مميز للمكان .. النوع التاني هو البرلاتو ..وهاد الدهان بيعطي شكل رخامي وملمسه بيشبه الرخام .وبرضة يستعمل على جزء معين من الغرفة ..متل حيط بارز وصغير ..ولا يستعمل على مساحات كبيرة لأنه جماليته فقط في إنه يكون على مساحة صغيرة حتى يعطي إنعكاس بالفخامة والجمال .. في نوع تالت اللي هو الدهان الأملشن العادي .. وفي منه كل الألوان بدرجاتها المختلفة ..وفعلا عنده تشكيلة الوان جميلة جدا ومناسبة لكل أنحاء المنزل وبالأخص غرف النوم والجلوس .. عدا عن إنه في نوع يستعمل لتعتيق الجبسين وبيظهر بشكل زخرفي جميل جدا .. طبعا كل هاي الدهانات الموجودة عند دهانات ديلوكس هي إيطالية المنشأ ..وبيتم تعبئة الالوان حسب الطلب على برنامج معين على الحاسوب .مبرمج حتى يعطي نسب اللون والخلطات لحتى يحصل الزبون على نفس اللون الموجود على الكاتالوج .. أخيرا ..عجبني عندهم الصراحة السهولة في التعامل والمصداقية والخدمة المميزة .. واستعدادهم لتأمين حتى عمال الدهان اللي بتعاملوا مع نوعية دهاناتهم وعندهم خبرة في هاد المجال ..وبالنسبة للأسعار ..لا شك إنه بالسوق في نوعيات دهان أرخص .. بس بعد التجربة ..وبصراحة اكتشفت إنه النوعية الممتازة واللي بتعطي جمالية أكتر بتستاهل الواحد يدفع فيها زيادة شوي ضمان لعمر أطول وجودة أعلى .. النصيحة كانت بجمل وإسأل مجرب ...وان شاءالله أكون فدتكم بهالنصيحة
  • Review by lion of الدكتور جمال تركي
    قبل 9 سنوات
    Jamal turki
    a brillian doctor who is specialise in M.D. & a member of an American board oflnternal medicine & American board of pulmonary and critical caree . & So This letter is a recommendation from me as i have been a patient of your. Nowadays, it is rare to find a great doctor who cares bout his patients and does his job with honesty & complete conscience without caring only for money. You take care about your patients & give them comfort whn they visit you. You give time to your patients to listen to them & understand exactly what they suffer from & where is their pain. the way you talk to your patients is very elegant & sophisticated making them feel good to open up & talk to you . What also makes you a great doctor is that you're an optimistic person, you give the patient advises & a motivation to live his life & never give up. & what tells us how genius you are , is that your diagnoses are always right & your prescriptions are excellent & helpfull. Finally , i realy liked your clinic ; its nice & organized in a very nice location , one can always find a place to park his car , & thats impartant , since here in jordan its very difficult to fine one So thank you dr. Jamal torky for being the perfect doctor for your patient . The end
  • Review by lion of مطعم بيت المفتول
    قبل 9 سنوات
    يا الله عنجد بحب المفتولات من عندهم وشو زاكيين ... احنا لازم بين كل فتره نجيب مفتول ... بالنسبه للمطعم الأكل كتير ونضيف وزاكي كتيييييير ... والنظافه عندهم عاليه جداً ... والواحد بحس حاله طابخ بالبيت ... الفرق بسيط ومش كتير
  • Review by lion of تشيلي هاوس
    قبل 9 سنوات
    المطعم هاد غير شكل واكلاتو طيبه كتير ...... الموقع كتير حلو والمطعم نضيف ومرتب والقعده عندو حلوه كتير
  • Review by lion of معجنات الشامي
    قبل 9 سنوات
    انا زمان جربت المعجنات من عندو ... المعجنات طيبه ونضيفه وفي عندو من كل الانواع
    وموقعه منيح ودايمن متوفر مصفات قدام المحل
  • Review by lion of قصر عراق الأمير
    قبل 9 سنوات
    انا زرت المكان وهو كثير حلو وفي تأملات كثيره والصخور حلوه ومنحوت عليها بدقه عاليه جداً ... وعندي صور كثير مرتبه للقصر
    بس القصر بحتاج اهتمام وترميم ... حتى القارمه اول القصر ياريت يجددوها لإنه الكتابه ما كانت واضحه
  • Review by lion of جيران
    قبل 9 سنوات
    كان ياما كان في قديم الزمان
    كان في موقع إسمه جيران كان حلو وماشي الحال بس ما كان يشمل المناطق لباقي البلدان بس هلأ تغير الوضع وإختلف عن زمان وصار موقع إجتماعي وأحلى كمان وفي الموقع غاية متعه وانسجام ورحلة في الزمان والمكان وبصغر المدينه إلي بتعيش فيها وبجمعك مع أهلها لتسيروا جيران
  • Review by lion of ملحمة الباير
    قبل 9 سنوات
    وانا كمان الوالد كتير بتعامل معهم ... انا صراحه مره وحده دخلت عليها مع ابوي
    الملحمه ممتازه ... واللحم البلدي إلي عندهم أصلي مش مبندق المهم النظافه ممتازه جداً ... وتعاملهم كتير منيح والملحمه مكيفه كمان هههههههه وفي مصفات عندهم متوفره وإلهم كمان خلف الملحمه لورى ب30 متر سوبر ماركت عنده ألبان واجبان زاكيه ... جربوهم
  • Review by lion of فروجنا
    قبل 9 سنوات
    ازكى من هيك مافيه
    فروجنا بتميز بالخلطه ... والجاج عالفحم من عندو إلو طعمه بتختلف أسعاروا منيحه ... ومنتجاته كتير طيبه ونضيفه انا بتعامل مع فرع بيادر وادي السير ... ما جربت الصويفيه بس أكيد نفس المستوى رح يكون وبنصح الكل يجرب الجاج المشوي من عندو ... لإنه جد بيختلف
  • Review by lion of مخابز جوهرة قبلان
    قبل 9 سنوات
    احنا معظم الخبز للبيت بنجيبه منه كتير ممتاز من عنده
    والكعك كمان بكل أشكاله المخبز كبير ومرتب كتير والنظافه ممتازه جداً عندو والموظفين مناح كل الأشياء زاكيه من عند هالمخبز وخصوصاً الخبز من عنده متل خبز السفرا وفيه مصفات كمان هناك وموقعه منيح
  • Review by lion of جو سبورت
    قبل 9 سنوات
    انا ما كنت بعرف هالمحل ... بس قبل كم يوم صدفه وانا بمكه مول شفته
    كنت بدي أشتري بوت ... لما دخلت المحل تفاجأه عندو كل المراكات العالميه ... اديداس / بومه / نايك / ............ الأسعار رووووووووووووووووووووووعه ( يعني نص ع نص ) واشتريت من عندهم بوت أديداس الموظفين أحلا من هيك معامله ما فيه المحل (طقع) مرتب وكبير وكل إشي عندهم فياته ونظيف كمان ... عنجد بنصح الكل يروح عليه وبميزلك كمان البضاعه الجديده بكون حاط عندها - new
  • Review by lion of فارمسي ون
    قبل 9 سنوات
    يعني بالمختصر ... صار الواحد لما يدخل على الصيدليات العاديه ما يلاقي الدوا الأجنبي أو خالص
    ... فالواحد صار دايمن يروح عالفارمسي ويجيب منها لإنه تقريباً متوفر عندها كل إشي من الأدوية عدا عن انها صيدلية ممتازه ... ومتوفر فيها معظم الأشياء الطبية ... نظافه ... ترتيب وبتتعامل مع شركات التأمين كمان ... والموظفين عندهم رائعين جداَ بالنسبه للأسعار ... جيده
  • Review by lion of مركز الخالدي الطبي
    قبل 9 سنوات
    عندهم أكفئ الدكاتره والممرضين
    إلي بروح عندهم بدللوه ... الله لا يسمع انا مره نمت فيها كنت مريض ... الدكاتره ممتازين وعلى مستوى عالمي والممرضين ... الله يعطيهم العافيه لو شوي بشيلوك من على الأرض المستشفى كتير مريحه ... وموقعا ممتاز وبعيده عن الدوشه ووجع الراس دايمن فيه مصفات هناك ... والصيدلية الي بداخلها كتير ممتازه ومتوفر فيها كل الأدويه
  • Review by lion of مطعم عودة
    قبل 9 سنوات
    متل ما تفضلت أحلام ...
    لما تشتري من عندو بتحس بالنظافه بكل إشي من عندو الحمص تاعم كتير زاكي ... والفول كمان انا بحبو ... والفلافل ولا في أزكى من هيك بالنسبه لأسعار المحل ... منيحه كتير ... ومعاملتهم للزباين كتير حلوه النظافه عندهم جيده جداً ... وفي مكانات لصف السياره
  • Review by lion of ياسر العبادي
    قبل 9 سنوات
    أول إشي ياسر العبادي بدا بسوبر ماركت صغير ... بس كان ناجح
    بعدين نقل المحل وبنى مبنى خاص إله وجديد وصار إسمه ( مركز ياسر العبادي ) ما كان حد يتوقع نجاحه - لإنه كان في المؤسسه المدنيه بجانبه .... بس إلي صار العكس ياسر صار أكبر وصار إسمه ... ياسر مول المؤسسه ما ضل إلها مجال تكمل ... وإنتقلت لمكان أخر خلينا نحكي شوي عن ياسر مول ... هو متواضع ... أسعاروا بتنافس الكارفور ... موقعه ممتاز ... الطريق يمكن دايمن فيها أزمه بس المصفات متوفره دايمن بالباركينغ هو عباره عن سوبرماركت كبير ... موجود فيه كل إشي ولما تدخل عليه ما بتحتاج تطلع تشتري من برى لإنه في بالإضافه لجميع المواد التموينيه ... ملحمله وديلي ومحمص وقسم للخضار ودائماً في عروض ع كل إشي ... وعروضه كتير قويه ... وهلأ في توسعه كبيره جداً رح يبلشوا يعملوها - رح يسير مول كبير ويمكن تكون أكبر توسعه للمول ... الله يوفقهم بنصح كل عائله تجربوا ... وإلي رح يجربوا رح يعتمدوا ويضل يرجع عليه دايمن
  • Review by lion of بيتزا هت
    قبل 9 سنوات
    امممممم بموت بالبيتزا وصعب اني اقاومها ... اكيد بيتزا هت بتميز فيها وهو اكتر محل بزبطها ... خدمت هاد المحل رائعه جداً ... والاكل نظيف
  • Review by lion of زين للاتصالات
    قبل 9 سنوات
    اكتر اشي بعجبني نظام التسويق لشركة زين ... هي الشركه المفضله بالنسبه إلي ووين ما تروح بتلحقك بتغطيتها ... خدماتها روعه وعروضها اروع وبتناسب الكل ... سياستهم بالتعامل مع المشتركين رائعه وفيها إلتزام جميل وراقي ... إن شاء الله تستمر زين بالتقدم ...
    تمتلك أفضل تغطيه zain عالم جميل ... أينما تذهب فشبكتنا تتبعك
  • Review by lion of حلويات عطا علي
    قبل 9 سنوات
    يمكن بالاردن كتير محلات حلويات ... بس عطا علي من بين ال10 الاوائل ... كل الحلويات من عندو زاكيه وانا دايمن بجربهم وخصوصا الكنافه الاصابع ... المحل نظيف والخدمه منيحه والموظفين كبار ومعاملتهم حلوه كتير ... اسعاروا جيده جدا ... بس المشكله بالمصفات
  • Review by lion of محمص شاهين
    قبل 9 سنوات
    التوب ون شاهييييييين ... كل المكسرات من عنده طازه وزاكيه ... انا اكتر اشي بحب من عنده النوقا وبنصح الكل يجربها من عندو ... هلأ المحل نقل عالجهه التانيه لمخازن اكبر صار جنب حلويات النجمه ... غيروا الصور !!! p:
  • Review by lion of محمصة الحموي
    قبل 9 سنوات
    لازم لما اروح ع مكه مول اشرب من عندهم قهوة ... والمكسرات من عنده زاكيه كتير بكل انواعها خصوصا الفستق ... المحل جميل وخدمته حلوه
  • Review by lion of شاورما ريم
    قبل 9 سنوات
    ساندويشاته روعه ... بتميز بالشاورما اللحم وهي كتير زاكيه ... المحل كتير صغير بس قيمته كبيره ... اذا حد راح وجربه ما يفكر يشتري سندويشه وحده ... لا احسب حسابك فوق ال 3 ... لإنه مش مستاهله تتعب عشان وحده من كتر الازمه وبنفس الوقت طعمها الي بجذبك تشتري غيرها
  • Review by lion of حدائق الحسين
    قبل 9 سنوات
    هي كتير حلوه ومرتبه ... طريقة تصميمها وموقعها بميزوها عن كل الحدائق الي عنا بالاردن ... واحلا اشي فيها انه موجود ملاعب قدم /سله/تنس ... والمسجد ... ومتحف السيارات الملكي
  • Review by lion of سنتر بوينت
    قبل 9 سنوات
    هاد افضل مكاان للأواعي ... بتلاقي عندو كل اشي والماركه كتير مرتبه وقوية ومشهوره ... اسعاروا غاليه شوي بس بتستاهل وبيعمل تنزيلات كل فتره .....
  • Review by lion of مطعم برشلونة
    قبل 9 سنوات
    بعشقوا هالمطعم والشاورما عندو كتير زاكيه ونضيفه كتير ... بحب الشاورما من عندو كتير انا وكتير نضيفه ومن لونها مبين ... مرات احنا واصحابي منروح مناكل من عندوا ... المطعم مرتب ونضيف واسعاروا طبيعيه ... والقعده عندوا حلوه وخصوصا برى كتير حلوه بالليل
  • Review by lion of مطاعم عمان الكبرى
    قبل 9 سنوات
    بحبو هالمطعم ... خدماته روعه وهو كبير ومرتب ...
    المهم بدي احكي بلهجه عاديه ... رمضان طويل وبرمضان صعب الواحد يهش وينش ... فلازم وخاوه وضروري الواحد يروح على عمان الكبرى يسلخله شقف وكباب ... بالنسبه للأسعار غاااااليه بس والله مش غاليه ... إذا بدك تاكل لحم مش بلدي روح ع مطعم تاني وبكون سعروا رخيص ... بس اذا بدك تاكل اشي صح وع كيف كيفك ما بتكون سائل عن فرق السعر من معطم لمطعم عن وهاد مش تبذير إسمو بس مش غلط الواحد يعز نفسو
Next