Nadeen Bassam

Nadeen Bassam

عمان . منذ مارس 2011
113 من المراجعات
الأماكن المضافة
11
من وجدوا مراجعتي مفيدة
8
مراجعاتي
113
صوري
82
أماكن فضّلتها
8

مراجعاتي

  • Review by Nadeen of باو باشا
    قبل 7 أشهر
    موقعه بصويفية فيليج الطابق الاول ومتوفر باركنج مجاني كتير حبيت الشغلات الي بيقدمها واكتر شي بميزه هو الخبزة لانها فريش بيعملوها ومكوناتها غير عن كل المحلات جربت من عندهم تشيكين باو وايسكريم باو والطعم ١٠/١٠ الكمية قليلة ما بتكفي لشخص بس يستحق التجربة القعدة لطيفة والسيرفس ممتازة
  • Review by Nadeen of باو باشا
    قبل 7 أشهر
    موقعه بصويفية فيليج الطابق الاول ومتوفر باركنج مجاني كتير حبيت الشغلات الي بيقدمها واكتر شي بميزه هو الخبزة لانها فريش بيعملوها ومكوناتها غير عن كل المحلات جربت من عندهم تشيكين باو وايسكريم باو والطعم ١٠/١٠ الكمية قليلة ما بتكفي لشخص بس يستحق التجربة
  • Review by Nadeen of مطعم تل الرمان
    قبل سنة واحدة
    مطعم مميز بقعداته الداخلية والخارجية.. مقسم لاكتر من قعدة وكل قعدة الها اسم. ودايما عندهم مطرب بس لازم حجز مسبق.. التراسات عنده الها فيو على جبال جرش والديكور لطيف خاصة بتيراس نرجس.. الخدمة ممتازة ودائما بسألوك ازا محتاج اشي والنظافة ممتازة ودورات المياه كبيرة.. بالنسبة للاكل عندهم تنوع كبير بالاطباق وفي عندهم شغلات live station.. جربت من عندهم سلطة جرجير بالاناناس ومشاوي وحمص رمان وفريكة بالكريمة وعدة عصائر وارجيله وجربت اقعد بتيراسات مختلفة واكتر واحد حبيته هو نرجس.. كمان حلو انه اجواءه عائلية ومناسب للجمعات الكبيرة والناس الي معهم اطفال لانه في العاب اطفال مجانية متوفر خدمة فاليه وموقف سيارات مجاني.. اسعاره غاليه بس بيستاهل
  • Review by Nadeen of بالما مطعم ولاونج
    قبل سنة واحدة
    مطعم بالما مطعم جديد نسبيا بشارع المدينة المنورة عندهم خدمة فاليه وما في موقف مجاني للسيارات للاسف. حبيت الديكورات والقعدة بالتيراس المسكر عالطابق التاني مع الاضاءة الهادية.. المنيو متنوعة فيها خيارات عديدة من بيرغز وفاهيتا وكباب وبيتزا وحلويات ومقبلات ومشروبات واراجيل وغيرها. عجبني اكتر شي اهتمامهم بطريقة تقديم الاطباق والالوان بالطبق وتزيينه. جربت حمص بالافوكادو وحمص بالشمندر وكان زاكي جربت كمان الكباب كان زاكي بس مش متل ما وصفلنا ياه الجرسون. ما حبيت ابدا الفاهيتا ولا سلطة التفاح وما بنصح فيهم.. ممكن ارجعله لاجرب اصناف تانية وحلويات كونه اشكال الاطباق بتحمس الواحد يجربها كلها الاسعار غاليك
  • Review by Nadeen of سيزلنج ووكس
    قبل سنة واحدة
    جربت المطعم قبل اسبوعين تقريبا مكانه في مكة مول طابق المطاعم.. اولا حبيت انه الشيف من الصين والاطباق معمولة بحرفية. الاصناف عنده متنوعه ولكل صنف من دجاج او بيف او نودلز في عدة خيارات بس اكتر شي حبيته sweet and sour chicken وكان اضافة الاناناس مميزة فيه وكمان حبيت الدجاج بالكاجو جربت كمان السبرنج رولز وكان زاكي.. اكيد رح اعيد التجربة لانه من ازكى المطاعم الصينية في عمان وبنصح الكل يجربه
  • Review by Nadeen of صوفا لاونج
    قبل سنتين
    جربت المكان مرتين مرة قبل ٤ سنين ومرة قبل اسبوعين لاحظت انه المطعم تراجع كتير عن اول مرة رحته فيها اولا الديكور بحاجة لتجديد والمكان بحاجة لصيانة واهتمام اكتر الخدمة جدا جدا سيئة وللاسف الشديد انه كل الجراسين الي اجونا عالطاولة كانو مش بروفيشينال بطريقة الحكي والتعامل وعبارات الغزل الغير مبررة مع البنات.. سألنا عن عروض عاملينها عالفيس بوك وطلبنا تبديل قطعة كيك بكاسة شاي من ضمن العرض وحكولنا اوك وعالفاتورة لقينا الحساب غير.. الارجيلة سيئة والحلويات اقل من عادية تجربة اجمالا ما كانت موفقة وما رح تنعاد
  • Review by Nadeen of قهوة نور الدين
    قبل سنتين
    موقعه على دوار عبدون بالزبط وما فيه مواقف الا فاليه.. الكافيه تصميمه بشبه القهاوي القديمة ومقسم زي اجزاء كل جزء اله اسم وtheme معين.. والديكورات لطيفة اجمالا.. المنيو جدا محدودة بالنسبة للاكل ولكن الاكل كان جيد اجمالا والخدمة كويسة والاسعار متوسطة.. غير ملائم لاجتماعات عمل او تواجد اطفال لانه المكان شوي فيه ضجة ودخان اراجيل.. ملائم اكتر لطلعة اصحاب
  • Review by Nadeen of أنكل مو'ز
    قبل سنتين
    هو عبارة عن مطعم متخصص بالباستا بجميع انواعها بتنقي نوع الباستا والصوص والاضافات وبتعمل الباستا الي بتحبها جربت اكتر من نوع مع كرات البطاطا ومع الباستا المقلية وحبيت كل شي عدا الباستا المقلية ما كتير حبيتها.. الخدمة ممتازة والموظفين بشوشين وبضلو بتطمنو انه الاكل عجبك الاسعار كويسة بالنسبة للكمية والنظافة والجودة المكان صغير ما فيه الا طاولة كاونتر وللاسف المكان بده تهوية لانه ريحة الاكل بتلزق بالاواعي لانه المطبخ مفتوح
  • Review by Nadeen of كيك ديفان
    قبل سنتين
    جربت المكان مبارح هو عبارة عن مطعم ومحل حلويات عنده منيو فيها مشاوي وشاورما وبروستد وحلويات ومشروبات بتمشل قهوة وملك شيك والخ وببيع قوالب كيك جاهزة اولا المنيو في الصالة غير شاملة قطع الحلويات الي ببيعوها طلبنا قهوة فرنسية وجابلونا تركية وحكولنا هيك بنعملها ورجعنا بدلناها بموكا وجابولنا كاكاو طلبنا تشوكلت فوندو وقعدنا ربع ساعة نستنى شوك ومعالق.. الاسعار عالمنيو مكتوب عليها يضاف خدمة ولما اجت الفاتورة طلع كمان في ضريبة بس غير مذكورة بالمنيو كانوا كمان حاطين عروض عن خصم ٣٠٪؜ على جميع اصناف الحلويات وبس سألنا حكولنا العرض مش فعال بالصالة بس عالطلبات الخارجية!
  • Review by Nadeen of بانكيك اند وافل هاوس
    قبل سنتين
    هو عبارة عن مكان متخصص بالبان كيك والوافل حسب اسمه لكن في الواقع عنده منيو شاملة وجبات غداء من ساندويشات دجاج وبرغر وغيرها وكمان مشروبات باردة وساخنة المكان مش كتير موقعه واضح لانه جاي جوا دخلة والاسعار غالية شوي لهيك معظم الوقت بكون فاضي الصبح القعدة فيه حلوة وممكن الواحد يروح يفطر هناك وينبسط جربته مرتين مرة طلبت غدا ومرة طلبت وافل الخدمة منيحة والاكل كويس بس الاسعار غالية ولو ضفت اي شي بسيط عالوافل بزيد السعر بسكر عالساعة ٨ المسا واخر مرة رحنا عالساعة ٧ حطولنا العصير بكاسة بلاستيك عأساس ما نطول وناخدها وهاد تصرف غير مقبول في كتير اماكن ازكى وبسعر احسن لهيك ما رح اعيد تجربتي
  • Review by Nadeen of فوود هاب
    قبل سنتين
    جربت المكان مرتين اول مرة طلبت ديليفري وصارت مشكلة مع الديلفري ووصل الاكل بارد ومتأخر واعتذرولي المطعم وما اخدو الحساب ولهيك كان صعب اكتب رأيي بتجربة مش كاملة.. رجعت رحت للمكان وجربته موقعه قريب من دوار الكيلو وبتقدر تلاقي مواقف سيارات بالشارع قعدته رايقة وحلوة والخدمة ممتازة والموظفين بشوشين المنيو متنوعة عنده بيتزا ومناقيش وستيك وبيرغر وساندىيشات وحلويات ومشروبات ومقبلات .. اكتر شي بتكيز فيه هو بيرغر البيتزا الي بينلف بعجين وبينحط بالفرن وفعلا زاكي ومشبع ومميز جربت كمان بيرغر البريسكت بس حسيته عادي مو كتير حبيته جربت الموزيريلا ستيكس وفعلا من ازكى المرات الي باكلها بحياتي.. الاسعار متوسطة
  • Review by Nadeen of جوستي ايس كريم و قهوة
    قبل سنتين
    عادة انا بروح لفرع شارع المدينة الطبية جربت هاد الفرع من اسبوع موقعم جنب دوار الرابية وفي موقف سيارات جنبه وهاد شي بشجع الواحد يروحه وما يتغلب بالصفة القعدة لطيفة المنيو متنوعة بين وافل وكريب وفخارات كنافة وفواكة وام علي بنكهات كتير متل اللوتس والنوتيلا والفراولة وعندهم مشروبات باردة وساخنة طلبنا وافل وكريب وجابولنا ياهم مع معالق بدون شوكة وسكين بحجة انه المخزن مفتاحه ضايع وكان اسلوب الموظف جدا سيء وحكالنا دبرو حالكم المخزن مسكر وازا مو عاجبكم المدير جوا وفعلا اشكتينا للمدير.. المدير انسان جدا لبق وتدارك الموقف وعالج المشكلة بانه اشترى من سوبر ماركت شوك واعتذر وضيفنا وما قبل ياخد الحساب بحترم الادارة الناجحة الي بتكسب الزباين وبتعالج المشاكل باسلوب حضاري. طبعا اسعارة كويسة والطعم جيد
  • Review by Nadeen of بيت الرمان
    قبل سنتين
    هو مكان ببيع فواكة وعصائر ما في قعدة وبتاخد العصير عالماشي عنده عصير طبيعي وعنده سلاش معمول بعصير طبيعي وبتقدر تعمل اي خلطة بدك ياها مثلا جربت من عنده سلاش جوزالهند مع المانجو وكتير فريش وطعم المانجا واضح وقطع جوز الهند واضحة كمان ومنعش كتير عنده كمان جوافة وفراولة وتوت وكيوي وكتير انواع يا ريت يفتح اكتر من فرع
  • Review by Nadeen of برغرايز
    قبل سنتين
    جربت المطعم مرتين اول مرة مع جيران والتانية لوحدي بفارق اسبوع المطعم قعدته واسعة وفي مواقف بالشارع وموقف بالاجرة جنبه ديكوراته حلوة والخدمة ممتازة المنيو متنوعة وفي كتير انواع بيرغر وموجود wings كمان جربت من عندهم ستار وجربت ماشين وامستردام البرغر كتير زاكي واللحمة نوعيتها كويسة تعليقي الوحيد انه بس رحت مع جيران كان التقديم غير وقدمولنا صوصات والجبنة لحال بس لما كنا لحالنا كان عادي وما في من هالحكي،،
  • Review by Nadeen of مريم كافيه - زيروفور
    قبل سنتين
    جربت المطعم قبل فترة من ناحية الموقع فهو قريب من دوار الواحة وموقعه سهل ما في مواقق سيارات الا فاليه للأسف القعدة رايقة والديكور هادي والمكان عالي مطل على شوارع عمان وفي قعدة خاصة ممكن الواحد يحجزها لعزومة او عيد ميلاد او يقعد فيها المنيو متنوعة اكلات عالمية جربنا دجاج بالبيستو ودجاج بالفطر والكريما وجربنا الباستا والمقبلات متنوعة وجربنا سلطة بوملي وداينمايت شرمب وحلوم مشوي وللامانة كان الاكل كله بشهي بس الدايناميت شرمب مش كتير حبيته عندهم عصير ديتوكس اكتر من خلطة لازم تجربوه الحلويات جربت تشيز كيك بتيجي على خبزة متل المناقيش ومش كتير حبيتها.. تجربتي خلتني اروحله كمان مرة ورجعت جربت الستيك وشرمب مطفى بالليمون والثوم وكان مميز جدا الاسعار وسط والخدمة ممتازة متوفرة خدمة الاراجيل
  • Review by Nadeen of ديب ان ديب
    قبل سنتين
    هو مكان متخصص بالوافل والكريب والبوظة والchocolate indulgence وعندهم مشروبات باردة وساخنة.. مكانهم بالبوليفارد وعندهم قعدة خارجية وداخلية والاجواء لطيفة بشكل عام الي بميزهم انهم بستعملو شوكولاتة خاصة فيهم وما بستعملو نوتيلا متل باقي المحلات.. جربت pistachio chocolate fondant وكمان cream puff pyramid بقيمهم ١٠/١٠ من ناحية طعم وخدمة وتقديم الاسعار غالية شوي بس بستاهل
  • Review by Nadeen of بريويد كوفي ‎
    قبل سنتين
    مكان جديد واجواءه مريحة وهادية ومناسبة للدراسة وموجود بمنطقة هادية.. عنده قعدة داخلية طابق ونص وخارجية القهوة عندهم جيدة وعندهم شغلات تانية متل حلويات وسندويشات الي بميزهم عن باقي الcoffee Houses انه عندهم اراجيل برا ومسموح الدخان جوا..
  • Review by Nadeen of بوهو هاس
    قبل سنتين
    جربته المكان مبارح.. اولا موقعه بمنطقة حيوية بس ما في مواقف سيارات الا فاليه او بالاجرة.. عندهم قعدة خارجية بس لازم حجز مسبق لانه دايما فل وعندهم قعدة داخلية طابقين.. الديكورات حلوة بس احنا ما لقينا الا بالطابق التاني جنب المطبخ واندوشنا من حركة الموظفين.. الاسعار غالية طلبنا نوعين مقبلات shripms
  • Review by Nadeen of وينجرز
    قبل سنتين
    المحل موقعه سهل ورا سيفوي السابع.. القعدة صغيرة ودايما فل بس الطاولات بتفضى بسرعة.. طلبنا اوردر وحكولنا بده ربع ساعة حكينالهم تمام لانه بنستنى شخص عالطريق.. وفجأة بعد دقيقتين بنلاقي الاكل نزل! راجعنا المسؤول حكالنا بنشوف وبنرجعلكم ازا في حل وبالاخر حكولنا ما بنقدر نعمل شي وما عرفو حتى يدخلوه جوا المطبخ مشان ما يبرد لانه كنا جنب الباب قاعدين وبرد الاكل.. جربنا الboneless wings وهم بيجو قطع من صدور دجاج ومش اجنحة! وجربنا بطاطا كيرلي وبطاطا حارة مع جبنة ولحمة وموزيريلا ستيكس و كرات هالابينو بالجبنة اجمالا الاكل زاكي والاسعار كويسة وعلى ٤ اشخاص دفعنا ٢٤ وزاد كتير من الاكل
  • Review by Nadeen of ذا كيك شوب
    قبل سنتين
    طبعا الكيك شوب غني عن التعريف ومن ازكى محلات الكيك بالاردن اليوم جربت فرع سيتي مول وكتير حبيت الديكور الي عاملينه والقعدة الرايقة ما بتخليك تحس انك جوا مول.. عندهم كتير انواع كيك جاهز وبيعملو كيك تواصي باي شكل بتختاره.. عندهم كمان تشيز كيك من تشيز كيك فاكتوري وطعمه جدا زاكي ومميز بالاضافة للكوكيز بنكهات واشكال مختلفة والموالح جربت كمان الapple crumble مع البوظة والمولتين كيك والبراونيز واكتر شي حبيته هو الapple crumble النكهات كانت كتير متحجانسة طبعا بيقدمو كمان انواع قهوة كتير متل اللاتيه والموكا وغيرها الاسعار بالنسبة لقوالب الكيك غالية بس بالنسبة لباقي الاشياء جيدة
  • Review by Nadeen of شاورما زرب
    قبل سنتين
    جربت المكان قبل كمن يوم فكرتهم جديدة من نوعها انه بيعملو الشاورما زرب بافران خاصة عندهم بالمطعهم والاكل فريش واول باول جربت فتة الدجاج واللحمة مع الرز وكانت زاكية وخيار جيد للناس الي بحبو الاكل العربي جربت شاورما دجاج ولحمة وحبيت اللحمة اكتر لانه اضافات السماق والطحينية الهم نكهة مميزة طبعا كتير حبيت شغف صحاب المحل وخططهم المستقبلية مشجعة جدا.. المكان صغير والكراسي مش كتير مريحة بس اجمالا القعدة حلوة ولطيفة كانت.. بنصح كل حدا حابب يجرب الشاورما بطعم مختلف يروح لعندهم
  • Review by Nadeen of شاورما ابو حاتم
    قبل سنتين
    اول ما فتح المحل كانت الشاورما عنده نخب اول وعندهم شاورما لحمة بلدية وبرغر وسناكات تانية خلطاته زاكيه ومميزة لكن تراجع بعدين وغيرو نوع الخبز وكمان الوجبة كل مالها عم تصغر حجما وما بتشبع.. بنصحهم يرجعو يهتمو بالجودة اكتر
  • Review by Nadeen of ذا كيكيري
    قبل سنتين
    دايما بنوصي منه كيك لاعياد الميلاد عندهم رد فيلفت وتشوكليت وكراميل وكتير وفستق حلبي نكهات وصراحة كل شي عنده زاكي اسعاره غالية
  • Review by Nadeen of ذا هايد اوت كوفي هاوس
    قبل سنتين
    شفت المكان بالصدفة وكنت طالعة لاعمل بحث عاللاب توب وقررت اجربه المكان موقعه استراتيجي قريب من دوار الواحة بمنطقة هادية وعنده موقف سيارات وفاليه وفي موقف للاجره كمان جنبه.. حبيت انه عنده قعدة داخلية وخارجية والمكان كتير رايق ومناسب للدراسة والديكورات لطيفة بيقدمو كل انواع القهوة وعندهم حلويات وساندويشات.. والخدمة كويسة ومعاملة الموظفين لطيفة وحكولي بنحب نعرف رأيك وازا ما عجبك بنبدلك الطلب.. طبعا انترنت سريع وموجود مقابس كهرباء بكل مكان والموسيقى والاضاءة مناسبين واكيد اكيد رح ارجعله
  • Review by Nadeen of ازول كوفي هاوس
    قبل سنتين
    جربته الاسبوع الماضي هو بالطابق الارضي بمكة مول امام المدخل الرئيسي وعنده قعدة مناسبة مو عجقة مثل طابق المطاعم.. جربت من عنده الدوناتس والكوكيز وكان عادي ما بقدر احكي مميز.. جربت من عندهم بوظة نكهات وبوظة عربية وكانت اكتر من رائعة ومميزة والاشي الحلو انهم بصنعوها من حليب فريش عندهم.. جربت كمان موكا وفراباتشينو باردين وكانو زاكيين وبنافسو محلات القهوة المعروفة.. اكيد رح ارجعله وخصوصا للبوظة
Next

أماكن أفضلها

صور أضفتها

مع القشطة والشوكولا
Its a boy balloons
موقعه الجديد بالرينبو كتير واسع وحلو وعنده قعدات داخلية وخارجية.
الاسعار كتير مناسبة وما في ١٠٪‏ خدمة
الاكل كتير زاكي وفي تنوع من باستا وستيك وحلويات وغيره
الخدمة ممتازة