-- -

-- -

عمان . منذ مارس 2011
Ask :)
26 من المراجعات
الأماكن المضافة
2
مراجعتي كانت الأولى
5
مراجعاتي
26
أماكن فضّلتها
1

مراجعاتي

  • Review by -- of تشيلي هاوس
    قبل 9 سنوات
    طبعن تشيلي هاوس مابدو كتابة نصيحة عنه لا يحتاج للوصف ولا المدح بس لاني باكل فيه كتير حبيت
    اكتب تعليق و بما انه مكان موثق معناها التعليقات بتوصل : حابب يعرفو القائمين على المطعم انه ادارتهم ناجحة جدا و موظفينهم على احسن مستوى من النضافة و الكفائة و الضيافة . -موقع : جميع فروع تشيلي هاوس موقعها ممتاز و خصوصي عبدون مطل على الشارع و قعدته جميلة و فرع خلدا جميل . -الاصطفاف للسيارة : فرع عبدون مو صعب في دخلة بعد المطعم في مصفات بتمشي دقيقة فقط -الموظفين : بشوشين جدا محترمين و النضافة و اللباس تبعهم ممتاز -الاكل : وجبتي المفضلة كومبو 8 + تشيز كوني :) اطيب همبرغر مع بطاطا مع جبنة و السوس تبعهم يعني بصراحة طعم يحترم -النضافة : متل ما تعودنا عليه نضيف جدا و مع الاهتمام بتنضيف الطاولات اول ما تفضى - سرعة الخدمة : حتى لو كان في عدد كبير بضل سرعة وصول الوجبة مقبولة جدا و سريعة -حسن الضيافة : أكيد فنجان القهوة بعد ماتخلص الاكل يدل على حسنها - السعر : متل باقي مطاعم الوجبات السريعة نفس الاسعار لشخصين مابيتعدة 11 دينار اخيرا :) اكيد 90 بالمية من اهل عمان جربوه و بضل يحبه طعمه المميز و نشالله يضل هيك عطول
  • Review by -- of منتجع الوادي
    قبل 9 سنوات
    منتجع الوادي : اقل من وسط لاسباب كتيرة
    قبل اسبوعين او اكتر رحت على الوادي انا و مجموعة و كانت التجربة كالأاتي : 1- متل اغلب الاماكن ممنوع ادخال الطعام و الشراب ( فقط ماء) لا شيبس ولا عصير ولا شي بس همة زادوها انو في شغلات حتى بالفنادق بفوتوها هما لا 2- دخولية على الشخص 25 دينار و بصراحة مبالغ فيها على الخدمة و المكان يعني يا دوب 15 و كتير عليه بتحط اضافة تأمين على المناشف 5 دنانير مستردة و بتستأجر خزانة ب 5 دنانير ؟؟؟ يعني مش فاهم ليش في اجار خزانة ؟؟؟ 3- النضافة اقل من عادي رغم عدد الموظفين الكبير في استهتار ملحوظ بالنضافة بتلاقي سجاير و محارم على الارض والمفروض يكون دايما نضيف ، الحمامات نضافة عادية ممكن تكون احسن ، عددها كبير جدا ، لايوجد مقاعد يعني بدك تغير و انت واقف 4- الالعاب المائية : مناسبة للكبار و الصغار و امنة نوعا ما ولكن تسبب جروح باليدين و الكوع اغلب الي معنا تجرحت كواعهم و جروح مش بسيطة كبيرة بس ما بتشعر فيها غير بعدين :) عدد الالعاب مو كتير مابتجاوز ال 6 و عدد البرك قليل و الامواج و المسرب تبعها بدك حدا يدفشك هههه كمدينة العاب مائية لازم يكون العدد اكبر 5- شط البحر بعيد جدا جدا و صدفة لتعرف، ممر الي بدك تنزل للبحر غير ملحوظ بتنزل لتحت الالعاب بتلاقي ممر طبعن غير مجهز و الشط غير مجهز باي نوع من الخدمات و وسخ ، يعني رفع عتب و منيح الي في شوارات 6-الاكل اقل من عادي ، خلاصة : لا انصح بتجربته ، مكان مناسب اكتر للصغار لانهم مابيهتمو بما ذكر :) و بس بدهم يلعبو وبستغرب انو الأدراة بيجيها مكاسب لازم تعمل على التحسين و الأهتمام بكتير مرافق منها الشط .
  • Review by -- of فروت سالاد
    قبل 9 سنوات
    موقع المحل جيد جدا انا بسميه شارع الاكل :)
    النضافة جيدة الخدمة مقبولة عادية النوعية : بصراحة سلطة فواكه مع قشطة رائعة جدا الفواكه فرش و بحط فيها منيح عنب اناناس كيوي فريز و القشطة طازجة و طعمتها طيبة عسل و مكسرات :) السعر :وسط لا غالي ولا رخيص بس ممكن يكون ارخص سعر سلطة الفواكه مع قشطة 3 دنانير المواقف للسيارات : صعبة فوق بعض بس ممكن في الليل تقدر تصف بعيد شوي و تنزل حتى في عصير جرجير مع حليب شو رأيكم ؛-)
  • Review by -- of عصرونية الكعكة اللبنانية
    قبل 9 سنوات
    الجمعة الماضية اكلت من عندهم :) بصراحة رائع جدا طعم و نضافة و معاملة هي تاني مرة بروح عندهم بشان جرب انواع تانية على رأي هدى بيتزا سوبريم عندهم جد مو طبيعي و محمرة بقشقوان اليطة و عصرونية اسماء نهفة :) القائمين على المطعم و العاملين سورين و اقترحت عليهم يساوو كعكة ب سجق و رح يساوها قريبا لحتى يجربوها .
    شباب اسمعو مني روحو ما بتندمو . حتى بصراحة طعم اطيب من محل بصوفية كنت روح عليه كتير اسم كعكة
  • Review by -- of مايلز سوبرماركت
    قبل 9 سنوات
    طبعن انا مابشتري انا باكل بس :) بجيبوهم من مايلز طعم طيب و بتشهي مع الجبنة ................................................................................................................................................................................
  • Review by -- of مطعم فخر الدين
    قبل 9 سنوات
    رمضان الماضي كان اكله ازكى و الخدمة احسن
    رمضان هاد كان المينيو غير متنوع مع انه بقول نفس رمضان الماضي غريب صيادية و مقلوبة و مشاوي بسسسس والي اكل مبارح مقلوبة شو يساوي :)
  • Review by -- of ليمون شيشة بيسترو
    قبل 9 سنوات
    ارجيلتو طيبة اسعارو متل بافي الكفهات القعدة برا مع هل الهويات ممتازة
    الشب تبع الارجيلة نشيط اغلب الاوقات عجقة فوق بعض
  • Review by -- of كارفور
    قبل 9 سنوات
    ببساطة في جميع المتطلبات للعزايم خضار فواكه و كل شي بس عجقة شوي بس بريح و اسعارو احسن من غيره . مابحب اشتري العروض لانه اوقات بتكون نوعيتها سيئة بس اجمالا ممتاز
  • Review by -- of محمصة الحموي
    قبل 9 سنوات
    من يومين شتريت من عنده سلة تمور بصراحة ممتاز جدا نضيف مرتب فيه تشكيلة كبيرة و خصوصي لرمضان سلات حلوة و منوعة
    بتقدر تختار السلة او شي جميل من الاواني الفخارية و تحط الي بدك ياه هدية لرمضان :) اسعاره اغلى من غيره بس ممتاز .
  • Review by -- of فندق و منتجع موفنبيك البحر الميت
    قبل 9 سنوات
    من احسن الفنادق من ناحية الخدمة و النضافة و حسن المعاملة .
    اخر مرة رحت على موفنبيك تالا بيه بصراحة الموظفين متعاونين لدرجة لا توصف و بساعدك اذا بيقدر لاكتر من مابتتوقع تصميم الاوتيل بنظري احلا من الي بالبحر الميت و بالعقبة البلد كتير حلو برك كتيرة اكتر من 5 برك متصلة متابعة ممتازة للصغار حتى لو الاهل للحظة سهيو عنهم و طبيعة و شجر و خضار جميل جدا بنصح الكل ينزل فيه بدل الي بوسط البلد السعر مساوي لجميع الفنادق 5 نجوم
  • Review by -- of نادر بايك
    قبل 9 سنوات
    نادر بايك :
    تنظيم ممتاز اللا شخاص القائمين على الرحلات محترمين و ودودين و بيتقبلو اي انتقاض بصدر رحب و ابتسامة . الرحلة كانت عبارة عن دراجات من مادبا جبل نيبو الى منطقة قريبة من البحر الميت و بعد هيك هايكنج بوادي الموجب محمية الموجب ، منظمة مسلية رائعة بكل معنى الكلمة بنصح الجميع يجرب مع نادر Cycling, Hiking
  • Review by -- of موال
    قبل 9 سنوات
    موال قبل اكثر من سنتين و اكثر كان ممتاز ضيافة جيدة اكل معتدل طيب فرع الي جنب الصويفية ولكن للاسف
    قبل اسبوع بالزبط رحت على الفرع الي بعد دوار المدينة كان غداء سريع مع شخصين بس للاسف كان سيئ جدا اللحمة المشوية لا نكهة ولا طعم سيئة بكل معنى الكلمة خدمة اقل من عادية عدم اهتمام بالمظهر العام عندهم ماكينة فيزا لا تعمل و لمى اصريت طلع مافي رول ورق يعني غريب عجيب شو بيخسر اذا اهتم بالطعم و الاشياء الاخرى مع العلم اسعاره اغلى من زمان و نفس اسعار الفرع التاني بس الطعم و الخدمة اسوء
  • Review by -- of الجزيرة للسياحة والسفر
    قبل 9 سنوات
    تجربتي معهم غير جيدة :
    من ناحية التعامل الموظفين بعضهم محترم و راقي بالتعامل و بعضهم غير مبالي عدم مراعة الشروط فعندما حجزت و دفعت كان في احتمال الغي الحجز و خبرتهم بذلك مسبقا و اجابو ممكن الغاء الحجز بدون اي غرامة قبل 48 ساعة . وعندما لغيت الحجز قبل 4 ايام اي 96 ساعة يعني ضعف المدة كانو بدهم يقتطعو 25 دينار بدون اي سبب ؟؟؟؟؟؟؟؟؟ قال اجور موظف ؟ هو عندهم 10 دقايق للموظف بتكلف 25 دينار ؟ طبعن مارضيت و اخدت المبلغ كامل لانو اسلوب نصب و معاملة غير مهنية ولا احتراف. بنصح بمكتب مواكب للسياحة
  • Review by -- of أبو شيخة للصرافة
    قبل 9 سنوات
    انا جربت خدمة فرعين لهم الاول جبل الحسين فاشل جدا و كما تفضل الاخ ليث بدك تعد اطارد بالحوالة و تابع و قصة طويلة و تعامل غير لائق بخليك تتعامل معهم بطريقة تجبرهم و اوقات بتسحب الحوالة و انا سحبتها تاني يوم .
    فرع الجاردنز : محترمين جدا الصبية تبع الحوالات محترمة جدا و تعامل لائق مع العلم هاد اصغر فرع بالنسبة لابو شيخة و عدد الموظفين لا يتجاوز ال 4 او 3 لو يكون في رقابة اكثر بكون وضعهم احسن و جميع الفروع تقدم نفس الخدمة و رحابة الصدر
  • Review by -- of بنك الاسكان
    قبل 9 سنوات
    اتجنب التعامل مع هذا البنك بجميع الطرق لانه معاملاته صعبة شروط صعبة اجراءات غريبة عجيبة .
    الحسنة الوحيدة الي فيه هي وجود صرافات ATM منتشرة بجميع الاماكن فقط لا غير عشان هيك عندي حساب فيه
  • Review by -- of كعكه علماشي
    قبل 9 سنوات
    كعكة طيب جدا اطيب شي التيركي الكعكة صغيرة نوعا ما بالنسبة للشباب الاكيلة يعني انا اكلت تنتين و زاد شقفة صغيرة :)
    الطاولات برة كلهم تنتين بس بنص الاسبوع خرج تروح بليل متأخر و تاكل من عنده و تقعد برة . الاسعار وسط الموقع منيح
  • Review by -- of مطعم ابو الخير للروس والكرشات
    قبل 9 سنوات
    اللله شو بدي اتغزل لاتغزل بالفوارغ و مقادم و الروس و الكرش يعني حدث ولا حرج اول شي ابو الخير نضيف جدا خرج تطلب و تاخد من عنده للبيت ريحة الفوارغ بتشهي و مافي ريحة زنخة او اي شي اطلاقا الحشوة ممتازة . نضافة المطعم عادية بس نضيف و خرج يعدو الشباب فيه :)
    اسعاره معتدلة و أرخص من بعض محلات الي بتبيع نفس الاكل بعمان الغربية :)
  • Review by -- of أورانج للاتصالات
    قبل 9 سنوات
    طبعن جميعنا جرب شركة اورانج لانو في خطوط ارضي و تلفونات و انترنت والا ما هنالك
    أنا مع و ضد بعض الأراء و السبب اوقات كتير تعامل الموظف السيئ و عدم فهمه للمتطلبات و تلبية حاجة الزبون بينعكس سلبا على الشركة -فخطوط الهاتف اذا اجاك موظف محترم هادي و فهيم بساعدك قد مابيقدر و ممكن هوة يقلك قدم اعتراض و اذا حس انه في غلط هو بحاول يصحح . بس اذا موظف مش طايق حاله بتكون علقت - الأنترنت ADSL : انت و حظك نفس الموضوع على حسب الموظف و الفرع واذا كنت مشترك كشركة اصعب وخصوصي اذا leaseline اعلق معهم بالفواتير و نظام عقيم -تسليم المودم قصة طويلة بالنسبة قلي و بتستغرب ممكن موظف يحللك كل هل الموضوع اذا بتعرفه شو ماكانت مشكلتلك محاسبيا او ادرايا ومشالله الف مدير و كل موظف عليه اربع مدراء مشاريع وطبعا ما ننسى انو البنية التحتية ملك أورانح و انه في اتفاقيات و مراقبة من هيئة قطاع الأتصالات لاستخدام باقي المزودين بس الي بيدري بيدري خلاصة ماشي حالها متل السفرجل كل عضة بغصه بس طيب :)
  • Review by -- of مواكب للسياحة و السفر
    قبل 9 سنوات
    مكتب مواكب الكائن بالصويفية جيد جدا لاسباب التالية
    قبل فترة اجيت احجز باوتيل بالعقبة و كان كالأاتي : -جميع مكاتب السياحة طلبت اكثر من سعرهم بما لا يقل عن 15 دينار للغرفة -بيعملو خصم زيادة حتى عن العرض بالجريدة مثلا انا حجزت لليلة من عندهم ب 95 و باقي المكاتب و منهم دالاس السعر كان لا يقل عن 108 دينار -معاملة لطيفة و بروفيشينال مافي لا دلع ولا غيرو -ماجربت اطلع معهم برحلة منظمينها بس أظن بتكون ممتازة الله يوفق :) -
  • Review by -- of كمبيوتر فود
    قبل 9 سنوات
    محل قطع كمبيوتر و صيانة ممتاز العاملين فيه لطيفين اسعاره رخيصة بالنسبة للسوق و اذا قلتله لقيته بسعر ارخص بينزل بالسعر اكتر
    محترم جدا و بأمن أي قطعة بدك ياها و بيفتل السوق كله من احبار و قطع و اجهزة و حتى لابتوبات و بيرضى بربح قليل عن تجربة
  • Review by -- of ماكدونالدز
    قبل 9 سنوات
    امممم بالنسبة قلي مش مرغوب بين محلات الوجبات السريعة يمكن الي عمرهم لسة صغير بينبسطو فيه اكتر مابعرف ليش :) بس الوجبات صغيرة نوعا ما السندويشة عبارة عن عينات
    الهمبرغر صغير كتير جدا ههههه بحب برغر كنج اكتر سندويشته ال XXL طيبة و كبيرة
  • Review by -- of الدكتور توفيق الشيخ
    قبل 9 سنوات
    بصراحة انا رحتله و صار معي التهاب حاد جدا بالمعدة حتى ادة لتسمم و انتفاخ بالوجع يعني قصة طةيلة بس الدكتور توفيق والله ممتاز جدا انا مستعد ادفع ثمن علاج غالي و اتحسن بسرعة احسن مايكون الدكتور مو فاهم وين الله حاطه و يكتب علاج رخيص و ماتتحسن . و مشاله عيادته دايما مليانة و من جميع الدول الشقيقة وانا ماعملت تنظير و مع هيك عطاني علاج ممتاز خلال 3 ايام بالزبط شفيت . و يا جارتي اسماء العلاج الغالي اوقات بسبب الجرعة المركزة في مضادات التهاب ب 5 دينانير و 3 دنانير بس بتاخد وقت كتير و في مضادات ب 25 دينار و 15 دينار عبارة عن 3 او 5 حبات بالكتير بتعطي مفعول سريع :) و الله يشفي الجميع . هاي تجربتي الشخصية
  • Review by -- of كافيه جفرا
    قبل 9 سنوات
    من قبل 5 سنين و اكتر كان ممتاز بعد الدوام ننزل و ناكل مناقيش بجبنة و زعتر عنده طيبة . بس اخر مرة نزلنا فيها كان سيئ طبعن انسو العجقة فوق بعض مافي ترتيب و تنظيم وبعد ما تعد ساعة ليجي طلبك مع انه في كتير عاملين فيه و الأرجيلة سلامتك و الفحم كل نص ساعة و اذا يحطلك فحم :) متل اغلب المحلات بس يصير عليها طلب بتخرب و النهفة جرب أطلب بيتزا خضار بجبلك عجينة و فوقها سلطة هههههه جد صدمني بس عادي كلو على المعدة . و أظن فاتحين حمام تركي تحت بس ما جربته . يعني صار شطب :)
  • Review by -- of بوسيني
    قبل 9 سنوات
    رايق ... هادي ... مرتب .... سيمبل ... اسعاره و الجودة ممتازة ... خصومات دايما و جد بنطلوناته و البلايز البولو ممتازين غسيل و لبس :) ..... بس التشكيلات مش دايما كتيرة بس منيح
  • Review by -- of مدى للإتصالات
    قبل 9 سنوات
    انا جربت جميع شركات الانترنت اللاسلكي جميعها زين امنيا واي ترايب و مدى بصراحة و عن خبرة احسن شركة لاسلكي هي مدى ارسال قوي تغطية منيحة جدا طبعا بيعتمد على المناطق و مع المدى الشبكة عم تكبر و بغطو اكتر ،الاشتراك الشهري بالبيطاقات اغلى ب فقط دينارين من اي شركة اخرى فقط و اوقات مافي فرق بس بتفرق الخدمة احسن بكتير و للعلم شركات كبيرة بتاخد من مدى خدمة الانترنت لانها عندها باكبون خاص فيها يعني خود منهم احسن من زين :)
    السيئة الوحيدة او مو سيئة قلة انتباه او سياسة تسويق و هي ان الاشتراكات بغض النظر عن المدى ثابتة بطاقة الشهر متل سعر ال 3 اشهر مافي خصم و ماعندهم عروض دائمة متل باقي الشركات .
Next

أماكن أفضلها