Ehab AL-otepe

Ehab AL-otepe

عمان . منذ مايو 2012
10 من المراجعات
من وجدوا مراجعتي مفيدة
6
مراجعاتي
10

مراجعاتي

  • Review by Ehab AL-otepe of مطعم جوري للمأكولات الشامية
    قبل 4 سنوات
    جربته مرتين، المعطم مميز جداً كونه مختص بالأكل الشامي الأاصيل، وبشهادة شباب سوريين الطعم فعلأً أصيل وصحيح، بقدم بعض الطبخات الغريبة على المجتمع الأردني رغم قربنا من سوريا و أكلتها. الخيارات عندهم تنوعة و لطيفة، مقبلاتهم ممتازة، التقديم ممتاز، القعدات و الديكور لطيف جداً، التعامل جيد. بشكل عام المطعم جيد جداً، بجوز سعره غالي شوي نسبة لكميات الأكل، يعني لتشبع بدك تدفع سعر عالي شوي، لكن خيار ممتاز جداً خصوصاً للي حابب يجرب المطبخ الشامي على اصوله.
  • Review by Ehab AL-otepe of أريج الشام
    قبل 4 سنوات
    جربته بتاريخ 31/7/2016 كانت مناسبة طلعة توديع العزويبة لصديقنا العريس، أتصلت وحجزت وطلبت عرض ثابت لعشرة اشخاص وأعطوني عرض ممتاز جداً لمجموعة -نسيباً مع أسعار هاي الفئة من المطاعم-، أكدتلهم أنه جايينهم لمناسبة خاصة ولازم يهتموا كثير بكل شيء. فعلاً لما وصلت كانوا مجهزين الطاولة، للأمانة قعداتهم بس طاولات وكراسي، ما عندهم قعدة كنبايات مثل غير مطاعم، بس كانت مناسبة. الطاقم كان مهتم تماماً فينا، مجهزين الطلب وبستنوا من إشارة لينزل، طلبت بعض التعديلات الخاصة في الطلب ونفذوها، نزل الاكل اول ما طلبنا منهم ينزل، الكمية كانت جداً ممتازة، 22 نوع مقبلات وسلطات صحنين من كل نوع، مع 4 كيلو مشاوي، مع مشروب غازي، مع شاي و حلو و بطيخ بعد الأكل... أكلنا وشبعنا وزاد كمان!! جودة الأكل جيدة جداً، مش ألذ مشاوي و مقبلات باكلها في حياتي، أكلت بمطاعم جداً ألذ وأفضل، لكن الأكل كان زابط كأعداد و استواء، يعني ما في شيء بتحكي انه مش زاكي! لكن لو يزبطوا الأكل شوي بطلع ممتاز. بالنهاية كانت الفاتورة 115 دينار للعشرة اشخاص، وطلعنا مبسوطين :) أنصح تحجز قبل ما تروحلهم و توصيهم صح وإن شاء الله بتطلع مبسوط
  • Review by Ehab AL-otepe of الأكيل
    قبل 4 سنوات
    مطعم سناك ممتاز كجودة وسعر.. ما عنده طبق مميز... شغلات تقليدية مثل الشاورما والسناكات... لكن الطعم جيد جدا والسعر ممتاز... لو كنت بطبربور وجوعان و بدك شيء مضمون ... الاكيل مكان منتاز
  • Review by Ehab AL-otepe of غريل ماستر
    قبل 5 سنوات
    للأسف تجربتي مع جريل ماسترز كانت سيئة!! طلبت برغر و هوت دوغ، البرغر كانت عادية، مش زاكية بس مش سيئة، الهوت دوغ كانت سيئة!! مش مشوية كويس ومش مزبطة أبداً!! البطاطا برضو ما كانت مقلية كويس!! كان سيئة برضو!! المشكلة كمان وإحنا في المطعم العاملين قعدوا يصيحوا ويتطاوشوا مع بعض قدامنا!!! الشيء الوحيد الجيد هو إنو السعر جداً منطقي.. برضو لازم أحكي إنو إنتقدت المطعم و أنا طالع وأستمعوا للنقد وشكروني لأني حكيت رأيي
  • Review by Ehab AL-otepe of أوفر دوز برجر
    قبل 5 سنوات
    أحد المطاعم الممتازة وإلي عندها إبداع إضافي في البرغر تبعها... بجوز كل الناس بتروح فاير فلاي في الرينبو، أنا لما أكون في الرينبو فخياري رقم واحد للبرغر هو أوفر دوز.. وجباته مختلفة وعندهم كل الأكل طعمه مختلف، لكن، أقوى شيء عندهم هو البهارات الموجودة عشان ترشها على البطاطا، تشكيلة مميزة... صحيح، كل وجباتهم غنية بالصوصات فدير بالك توسخ أواعيك، هم بعطوك كفوف لتوكل فيها الوجبة.
  • Review by Ehab AL-otepe of فوود كورنر
    قبل 5 سنوات
    فوود كورنر مطعم جيد جداً، جربت عنده أكثر من برغر و مستواهم جيد... والطعم لطيف و الحجم مشبع و السعر جيد و القعدة جيدة ونظيف... المشكلة إنو إلي بعمل الاكل "حافظ مش فاهم"... ما تحاول تطلب منه يعملك اللحمة على كيفك أو يعدل شيء بالطلب...
  • Review by Ehab AL-otepe of هيروز برجر اند وينجز
    قبل 5 سنوات
    جربت هيروز أكثر من مرة... مشكلة المطعم إنه متقلب المستوى، أول مرة جربته كانت اللحمة رهيبة، مرتين عاديات، أخر مرة جربت Buffalo Chicken Burger "بناءً على نصيحة المحل نفسه" وكانت سيئة!! السعر عالي مقارنة مع غيره... بصراحة... ما بفكره أرجعله، في خيارات كثيرة أكثر ثباتاً من حيث المستوى منه وسعر أفضل.
  • Review by Ehab AL-otepe of 99 جريل
    قبل 5 سنوات
    جربتهم مرتين في فرعهم الجديد منطقة الدوار السابع... الطعم جديد جداً... لكن عندهم مشكلة بفهم مسألة الإستواء يعني طلبتها Medium well إجتني Well done ... كمان عندهم مشكلة إنو بعض الأصناف مش متوفرة.. مرتين رحت طلبت Double Hammer Burger أحد مكوناتها الأساسية حلقات البصل، أول مرة أعطاني إياها دون حلقات بصل ولما سألته حكالي خالصين!! ثاني مرة حكالي من البداية إنو ما عندهم حلقات بصل برضو!! السعر عادي، مش غالي ولا رخيص... بشكل عام مطعم جيد و يستحق التجربة
  • Review by Ehab AL-otepe of فاتي دابس برغر شاك
    قبل 5 سنوات
    كطعم، هو المفضل لدي في عمان، طعم اللحمة عنده استثنائي، والطاقم بفهم صح بالبرغر، بعرفوا يميزوا درجات الإستواء حسب الطلب وهذا شيء نادر في مطاعم عمان الثانية، يعني في فرق بين الـ Medium و الـ Medium Well و Well Done... البطاطا تبعتهم مع إنها ما بتقرمش و مزية بس جد زاكية، بتحسها بيتة صح، ما بعملوا البطاطا المجمدة... القوي عندهم إنر رحتلهم كثير، دايماً نفس المستوى و هذه أكبر نقطة ضعف في مطاعم البرغر في البلد، يوم فوق و يوم تحت، هم دايماً ثابتين... عيوب المطعم شغلتين: 1- الصوت العالي في المطعم، دايماً مشغلين أغاني بصوت عالي فما بزبط تقعد وتطول لانو مش رح تعرف تحكي. 2- السعر "نسبياً" غالي... هو أغلى من كثير مطاعم زيه، فأنا ما بروحه دايماً، بروحله لما تكون الأمور تمام :D يعني متوسط الوجبة من 9 - 11 دينار حسب البرغر واضافاته
  • Review by Ehab AL-otepe of بي اف تشانج
    قبل 5 سنوات
    أحد أكثر المطاعم المفضلة ألي... ما في عندهم شيء مش زاكي... كله قمة في الطعم... الشريمب دايناميت شيء فلكي، طعمه لا يوصف... مشكلة المطعم الوحيدة سعره مرتفع نسبياً... يعني بنحكي على معدل 15 دينار على الشخص طبعاً حسب حجم الطلب
  • Review by Ehab AL-otepe of تشاباتي
    قبل 6 سنوات
    تشباتي خيار مفضل بالنسبة ألي في الأكل الهندي الطعم ممتاز في معظم الأكل، بجوز لازم يشتغلوا شوي على التشكن تكا بس باقي الاشياء مميزة، و الاهم انه سعره جداً معقول ... لا يعتبر ابداً مطعم غالي. قعدته جداً لطيفة ... تعامل الموظفين ممتاز. أهم شيء تطلب شاي كرك بعد الأكل .... شيء رهيب و خرافي و ضروري لكل زيارة لكل هناك .... لو تروح بس تطلب شاي الكرك عادي جداً !!
  • Review by Ehab AL-otepe of جناش
    قبل 6 سنوات
    الطعم و جودته دون متوسط، و الخدمة بطيئة جداً ... مكان الجلوس جميل و لطيف ، السعر عادي، غير مرتفع و غير منخفض بشكل عام تجربة غير مرضية بتاتاً
  • Review by Ehab AL-otepe of مستر ريموس
    قبل 6 سنوات
    مستر ريموس صار واحد من مطاعمي المفضلة. بداية الشيف كثير ودود و لطيف و مرح، بوخذ و بعطي معك و بنصحك و بتحسه بجد بحب ألي بسويه، بقدموا الشواورما اليونانية (الجيروس) بطعم لذيذ جداً، السندويشة جداً لذيذة سواءً لحمة أو جاج ( الجيروس الاصل بس لحمة بس برضو الجاج لطيفة ) هذا اضافة للاطباق المتنوعة الثانية مثل البيتا و غيرها. السعر ممتاز، ابداً مش غالي، برضو ديكور المطعم رغم كونه مطعم صغير جميل جداً. المطعم صغير بس عنده طاولات صغيرة جوا المطعم و وقت الصيف بكون حاطط طاولات على الرصيف. أكثر شيء عجبني انو بيوم كنا قاعدين و دخل مجموعة أجانب و طلعوا سياح يونان، الشيف طلع مش بس بعرف يطبخ يوناني، بحكي يوناني كمان، ضليت اراقبهم انه رح يعجبهم الاكل ولا لأ، و علي شفته انهم انبسطوا على الاكل كثير ( شهادة اعتماد من اهل البلد نفسها ) :D :D أنصح به جداً
  • Review by Ehab AL-otepe of برجر ميكرز
    قبل 6 سنوات
    لا شك ان برغر ميكر اصبح احد اشهر مطاعم شارع المدينة المنورة ( شارع الجوعانين :D ) رغم كونه جديد - نسبياً - و لا شك انه صار احد اشهر مطاعم البرغر في عمان رغم انه جديد. برغر ميكر كطعم رهيب جدأً، اللحمة عنه لا "أنجس" ولا بطيخ ... لكنك بتيجي على المطعم بتشوفه بعمل اللحمة قدامك، و النظافة بتكون واضحة و مش محتاجة تأكد. السعر نسبياً لبقية المطاعم ممتاز، بتحكي عن 5 دنانير للوجبة (+-) و هو سعر ممتاز بالنسبة لبقية مطاعم . المشكلة بشغلتين: 1- فش قعدة، يعني رح توكل الوجبة في الشارع او في السيارة ( عشان تتمتع بالوجبة و هي ساخنة 100% ) 2- بسبب ضغط الشغل و الأزمة - ما شاء الله - فوجبتك ممكن تتأخر، يعني عادي تقعد الوجبة 45 دقيقة :D بس بتستاهل الانتظار :) المطعم صار خياري الاول في شارع المدينة و الخيار المفضل للبرغر إذا كانت القعدة ما بتهمني :)
  • Review by Ehab AL-otepe of الحمام الاسطنبولي
    قبل 6 سنوات
    ممكن أحكي اني ما كنت راضي تماماً عن تجربتي معهم حجزت لصاحبي عريس و أعطوني سعر و عرض ممتاز المفاجأة لما إيجينى لقتهم حاطين 3 مجموعات في نفس الوقت تقريباً ( دخلنا مجموعتين مع بعض و شوي و كانت جاي مجموعة ثالثة ) و الكل معهم عرسان، هذا أدى بانو ما حسيت باهتمام اللازم من الطاقم فينا، حسيت خصلنا الحمام كل "سلق" و بسرعة عشان معنا مجموعات ثانية!! حتى الضيافة المعتادة "الكركديه" ما كان بارد، و ما تضيفنا قهوة أو شاي بعد الحمام. بجوز رحنا بيوم غلط، لكن ادارة الحمام بتتحمل مسؤولية حط كل هذا العدد في نفس الوقت و هم ما عندهم الطاقم الكافي مسائل النظافة و ترتيب الحمام ما عليها حكي و سعره ممتاز مقارنة مع باقي الحمامات
  • Review by Ehab AL-otepe of بيج داديز برجر
    قبل 6 سنوات
    المطعم اشتغل على حملة اعلانية جيدة على الـ Social media اغرتني أني أجربه المطعم عنده قعدة جيدة ... سعر الوجبة بمتوسط سعر مطاعم البرغر تقريباً، لكن الطعم كان عادي جداً ... ال Beef bacon على السندويشة ما كان مستوي صح و طعم اللحمة عادي. بشكل عام مطعم عادي، ما تندمت على التجربة ... لكن لما افكر اكل برجر المرة الجاي ما اظن افكر فيه
  • Review by Ehab AL-otepe of عتيق
    قبل 7 سنوات
    محبي التحف لازم يزوروا عتيق، محل أسم على مسمى، كل تحف رائعة ميزة عتيق الاساسية إنو كل تحفه أصلية و مش مصنعة، يعني ما بتلاقي إيشي معمول على اساس إنه قديم، لا كل القطع إلي عنده عن جد بتكون قديمة و حقيقة، وهم بكونوا محافظين عليها كنظافة أو حتى إذا كان إلها وظيفة معينة بتكون بتشتغل (كألة كاتبة مثلأً). الميزة الثانية إنو أصحاب المحل مش ناس فاتحين محل وتجارة و بس، هم اصلاً من عشاق التحف، بتحس هذا لما تزورهم و تشوف كيف بكونوا حافظين كل قطع في المحل. بشكل عام التحف من الاشياء الغالية بالعادة باي مكان، و مع ذلك أسعارهم معقولة بالنسبة لعامل التحف. ميزة أخيرة: ممكن يشتروا منك تحف إذا عندك :)
  • Review by Ehab AL-otepe of ماي ماركت
    قبل 8 سنوات
    ماي ماركت سوبرماكت ممتاز، أكثر شيء بميزه كثرة أنواع التسالي و العصائر و الشوكلاتة عنده، بتلاقي أنواع مختلفة و صعب تلاقيها بسوبر ماركت تاني. التعامل نقطة رائعة جدأً في ماي ماركت ، دايماً الشب ألي على الكاش بشوش و بحكي كلام حلو مع الزباين الصفة سهلة عنده، ما ببتغلب بهاي الناحية. نقطة بتهمني أنا شخصياً ، عنده e-points .
  • Review by Ehab AL-otepe of مكس ستكس
    قبل 8 سنوات
    رحت أكثر من مرة، الخدمة ما شاء الله سريعة ، الأكل ممتاز ، و أحسن شيء أنك بتقدر تختار نوع البهار و الإضافات على الأكل . رغم إنو الأنواع الموجودة مش كثير ، حوالي أربع خمس انواع، بس مع تشكيلة البهارات و الإضافات بتقدر تتغير الطعم في كل مرة بتيجي فيها. الجميل إنو الاسعار مناسبة، سواء كنت رايح توكل من باب التسيلة، أو رايح توكل وجبة رئيسية لتشبع، السعر حيكون مناسب الأهم من كل شيء أنو نوع جديد و مميز من الأكل و الأغلب ماجربه من قبل. الشيء الوحيد ألي بحث المطعم يضيفه هو أنواع مشروبات إضافية ، بالذات العصائر
Next