Ali Baker

Ali Baker

عمان . منذ يوليو 2010
ولا اشي........
181 من المراجعات
الأماكن المضافة
10104
من وجدوا مراجعتي مفيدة
24
مراجعاتي
181
صوري
103
أماكن فضّلتها
9892

مراجعاتي

  • Review by Ali of شاورما مورغنيت
    قبل 7 سنوات
    امبارح جربت شاورما الدجاج واللحمة, كانت ممتازة وريحة بتفتح النفس, و البطاطا كانت مقرمشة, اسعارو مناسبة, بنصحكم تجربوه الشاورما من عندو لانها 1- نظيفة 2- زاكية 3-رخيصة.
  • Review by Ali of جمايكا برجر آند وينجز
    قبل 7 سنوات
    جاميكا محل برجر فتح جديد في الصويفية, مقابل بن العميد قررت اشتري من عندو عشان اجربو, كانت خدمة الزبائن جيدة و المحل ما فيه قعدات, انا اشتريت برجر من عندو و كانت جداً جداً زاكية ازكى برجر بشتريه لحد الان, الاسعار شوي غالية بس بستاهل, انا بنصحكم تجربوه عشان تحكمو عليه من حالكم. :)
  • Review by Ali of أسواق بن داود
    قبل 7 سنوات
    اسواق بن داود من اشهر الاماكن في مكة للتسوق, في البداية فكرتو مجرد سوبرماركت, بس لما دخلتو لقيت فيه اشياء كثير و المكان مكون من طابقين, فيه ملابس و العاب و ادوات مطبخ و مواد تمونية والبان واجبان و فواكه و خضار........... المكان من جو مليان ناس و ضغط يعني لو بدك تشتري ابسط اشي رح يوخذ وقت لعبين لما تفوت و تختار و تروح على محاسبة و تطلع. النظافة في المكان نظيفة. خدمة الزبائن ماشي حالها. بنصح كل واحد يجرب اسواق بن داود لانو رح تلاقي كل اشي بدك ياه فيه. :)
  • Review by Ali of كودو
    قبل 7 سنوات
    كودو كان من الاماكن يلي بدي اجربها او ما انزل السعودية, مهم لما رحت على المدينة المنورة رحت انا و اصحابي على المطعم عشان نجربو. انا طلبت وجبة بيستو و أصحابي نفس الاشي; كانت في الصورة اشي خرافي وبعد اقل من 5 دقائق كان الطلب جاهز(خدمة سريعة). لما بلشت ااكل في السندويشة كانت زاكية و بتشهي و البطاطة نفس الاشي. بس السندويشة ما الها علاقة ابداً يلي في الصورة, يلي في الصورة اشي و يلي طلبتها اشي ثاني. كانت الخدمة سريعة, و المكان نفظيف من جوا, يوجد قسم للسيدات و قسم للرجال.
  • Review by Ali of فندق برج العيتاني
    قبل 7 سنوات
    برج العيتاني ثاني فندق بجربو في السعودية, مهم اول ما نزلت الاغراض في الفندق و رحت استرحت 5 دقائق بلش راسي يحكني و جسمي يحكني دورة دورة على اشي يلي قرصني ما لقيتو, و قررت انزل على موظف الاستقبال; لقيت مجموعة من الناس نفس القصة مش عارفين يقعدو في الفندق خوف من القرص, و بعدين موظف النظافة رح نظف و غير شراشف الغرف و كل اشي (موظف الاستقبال = موظف النظافة = كل اشي) هو الموظف و موظف ثاني الوحدين يلي شفتهم في الفندق خلال 3 ايام :). - الفندق حلو و طلتو كثير حلوة بطل على المسجد النبوي, - و الموظفين كثير محترمين. بس نصيحة لصاحب الفندق لازم يهتم كثير بالنظافة الفندق لانو اشي اساسي في سمعة الفنادق بشكل عام.
  • Review by Ali of فندق برج ساعة مكة فيرمونت
    قبل 7 سنوات
    أبراج البيت ناطحة سحاب تقع في مدينة مكة وتقابل المسجد الحرام ، وهي ثاني أعلى ناطحة سحاب في العالم , و منظرها من الاسفل جدا رائع, و الشئ المميز في برج الساعة انو وين ما رحت في مكة بتقدر تندل على الحرم على السريع يعنى صعب تتوه في مكة. برج الساعة في محلات تجارية كبيرة و متنوعة بنصحكم تتصورو عندو و تجربوه :)
  • Review by Ali of باسكن روبنز
    قبل 7 سنوات
    جربت قبل فترة صغيرة باسكن روبنز, شكل الايسكريم كثير بشهي لما تشوفو و خدمة الزبائن ممتازة, و الاسعار غالية بس الطعم بيستاهل انا جربت cotton candy ice cream وكانت كثير كثير زاكية الها طعم مميز و زاكية بنصحكم تجربوه
  • Review by Ali of فندق النخبة
    قبل 7 سنوات
    فندق النخبة 2 من الفنادق المميزة بمكة, فندق كبير و خدمتو كويسة انا نزلت فيه 6 ايام و كنت مبسوط كثير فيه النظافة اول باول و المرافق بتاعت الفندق كويسة و بتوفر فيه خدمة انترنت. و اهم اشي في الفندق بوفرلك باصات 24 ساعة باليوم للحرم الشريف و بنصحكم لما تنزلو على مكة تروحو هاد الفندق
  • Review by Ali of ملحمة عرفات الشريف
    قبل 7 سنوات
    ملحمة عرفات الشريف من انظف المحلات اللحمة في سوق اللحمة, المحل دائما نظيف و الادوات يلي بيستخدمها دائما نظيفة, الاسعار عادية متل اي مكان, و بيراعي دائما في السعر, ببيع (كبد خروف و عجل , و طحال, و قلوب, و كلاوي,و كل اشي بيكون في الخروف بتلاقيه عندو.
  • Review by Ali of كدز هوم
    قبل 7 سنوات
    كدز هوم من المحلات الجديدة بالضاحية الياسمين, و يلي بميز كدز هوم عندو تشكيلة حلوة من غرف الاطفال, بس احلى اشي عندو تخت البيبي و تجهيزاتو; وبنصحكم فيه وتعامله المحل مع الزبائن تعامل كويس :) والاسعار شوي غالية لانو البضاعة ذو جودة اعلى.
  • Review by Ali of بقالة الشريف
    قبل 7 سنوات
    بقالة جديدة فتحت في سوق اللحمة, البقالة ابتدات بيبيع مواد التنظيف, و الان يبع مواد التنظيف و المواد التمونية و الالبان و الاجبان, انا جربت من عندو كثير شغلات مثل الجبنة الرومانية و البسطرمة, وعندو لبنة كثير زاكية (اللبنة الطرية او البلدية) و (اللبنة الحامضة او اللبنة الجرشية), وخدمة الزبائن كثير كويسة. انا بالنسة الي افضل بقالة في السوق. لما تمر من وسط البلد جربو هذا المكان. وبنصحك
  • Review by Ali of بافيليون مول
    قبل 7 سنوات
    بافليون من المولات الجديدة يلي فتحت في المنطقة, المول كبير وفيه خدمات كثير من المطاعم و المقاهي و العاب .. بنصحكم تجربوه :)
  • Review by Ali of كارفور ماركت
    قبل 7 سنوات
    كافرور صرلو فاتح من مدة صغيرة, المكان واسع و ماشي حالو, خدمة الزبائن كويسة مش كثير بهتمو, و النظافة في المكان بدي كمان شغل عليها, ودائما كارفور بعمل عروض و تخفيضات على البضائع يلي عندو, بنصح ادارة الكارفور تهتم بخدمة الزبائن اكثر لانو اشي كثير مهم.
  • Review by Ali of بوبايز
    قبل 7 سنوات
    في العيد طلعت انا وصحابي و قررنا انو نجرب بوبايز, و كانت تجربة حلوة مع انو الخدمة مو كثير كويسة, و كان تقديم الاكل سيئ, و المكان كان مسموح فيه الدخان, بس عشان ما اكذب كان الاكل زاكي, و الاسعار عادية زي اي مطعم عادي.
  • Review by Ali of مقهى السلطان
    قبل 7 سنوات
    اصحابي كثير بحكولي عن مقهى السلطان, انو مرتب و قعدتو بتجنن, وبعيد قررت اطلع معهم على المقهى ويا ريتني ما طلعت لانو الخدمة سيئة; و الجلسات وسخة و الطاولة بدبق كثير, و حتى تاع الارجيلة بعد ما دفعنالو دينار صار يغير الفحم بضمير, و كمان لما تروح الحمام بكون في حد بوخذ منك مصاري قبل ما تفوت, بصراحة هاي اول مرة و اخر مرة رح اروح عليه.
  • Review by Ali of ترو فتنس
    قبل 8 سنوات
    انا من جديد اشترك بالنادي, سمعت عنو من اصحابي انو كويس رحت اجربو, طبعاً لما سجلت كان المدرب كثير كويس و حكالي انو المدربين بتابعو المتدربين, النادي كثير نظيف و فيه ادوات كثيرة و و ببيع النادي تسالي و عصائر ..الخ انا سجلت فيه شهر و ما كملت الشهر لانو بتروح تتدرب من دون مدرب ( يعنى المدرب ما بهتم فيك بس باصحابهم) و كثير تفكيرهم مادي اكثر اشي مهم بلنسبة الهم المصاري $$$$ و هاد كان سبب ثاني اني اترك النادي. انا بلنسبة الي اهم اشي في النادي المدرب عشان يدربك كويس, و البرنامج يليه بعملو ابداً مش منطقي. انا بلنية الي ما بنصح حد يجرب النادي. :)
  • Review by Ali of محمص عبدالجليل
    قبل 8 سنوات
    محمص عبدالجليل من افضل محامص شارع الدستور بنزال بتشم ريحة البزر من عندو عن بعد 500 متر, بزر البظيخ دائما عندو ظارة كل ما امر من عنده المحمص انا و أصحابي لازم نشتري بزر بطيخ سخن, هو طبعاً عندو تسالي كثير مثل شوكولاته و العصير .... التعامل مع الزبائن من كثير ممتاز عادي.
  • Review by Ali of اوبتكوس شامي
    قبل 8 سنوات
    اوبتكوس شامي من احسن مراكز العيون في حي نزال, قبل فترة رحت اشتريت من عندهم نظارات كانت خدمتهم كثير ممتازة مع اني كثير جننتهم و كانو يتعاملو معى بكل احترام و الابتسامة على طول على على وجوههم; في عندهم تشكلية كثير حلوة من إطارات النظارات يلي هم بصنعوها و موديلات بتناسب كل الاذواق,و خدمتهم كثير سريعة, نظارتي كان بدها وقت يومين حتى تجهز, وانا صرلي شهر لابسها و لحد الان ما بشتكي منها كثير ممتازة. بنصحكم تجربوه لانو مركز بستاهل الزيارة.
  • Review by Ali of تشاباتي
    قبل 8 سنوات
    انا اول مرة بسمع بشاورما الهندية من هاد المحل, بصراحة استغربت و حسيتها فكرة غبية و مش زاكية ابداً, بس بعد ما جربت الشاورما كانت زاكية كثير , خدمة الزبائن جيدة و الاسعار مناسبة
  • Review by Ali of منقوشة
    قبل 8 سنوات
    المحل بستاهل 5 نجوم , ما شاء الله عليه كثير ممتاز من ناحية الخدمة و الاكل يلي بعملو و كل اشي انا اشتريت من عندو اشياء كثير مثل (نوتيلا سبيشل, بيتزا الخضار, بيتزا هاويان , كلزوني خضار,....) كل اشي كان من الاخر والاسعار معقولة. ديكور المحل كثير مرتب و بسيط بنفس الوقت, خرج قعدات هادية او للدراسة بداخل المحل بتزبط. بنصحكم تجربوه لانو بيستاهل.
  • Review by Ali of واي ترايب
    قبل 8 سنوات
    واي ترايب من افضل مزودين خدمة الانترنت مقارنة مع شركات الثانية يلي جربتهم, عروضهم كثير حلوة و السرعة الانترنت كثير ممتازة . بس للأسف الشركة رح تغلق هاي السنة كثير زعلت لاني مش رح الاقي خدمة زي خدمتهم. خدمة الزبائن ممتازة و بتعاونو معك عشان تحل المشكلة اذا كان في و أسعارهم مناسبة للجميع. كان نفسي انصحكم تجربو خدمات واي ترايب بس زي ما حكيت 7-12 رح تغلق الشركة.
  • Review by Ali of لازيو كافيه
    قبل 8 سنوات
    الكافيه كثير مرتب, والمكان كبير وواسع, والديكور حلو ; انا طلبت عصير برتقال بس ما كثير عجبني لانو بتحسو مو عصير طبيعي, عندو ارجيلة كثير زاكية و مرتبة بنصحكم تجربوها. خدمة الزبائن كثير ممتازة و بتعاملو كثير كويس والاسعار عادية و بنصحكم تجربوه لانو بستاهل.
  • Review by Ali of مطعم فرشوحة
    قبل 8 سنوات
    يوم جربت فرشوحة, كانت كثير زاكية ;مافي ريحة زفر او اشياء زي هيك, لحمة الحبش كثير زاكية, و الخبز جداً خرافي الاسعارو كثير مناسبة وبنصحكم تجربوه لانو بستاهل .
  • Review by Ali of المركز الثقافي الملكي
    قبل 8 سنوات
    مركز الثقافي الملكي; مركز كثير حلوة و مرتب و تصميم المعماري الو كثير حلو, بصير كثير من الفعاليات و مناسبات فيه و المسرح يلي هناك كبير و الكراسي مريحة, بس مشكلة التهوية مش كثير جيدة لازم يشتغلو عليها انا مرتين احضرت مسرح فكر الجديد هناك, كان توزيع الاضاءة مش كثير احترافي, والصوت كمان بنصحكم تحضرو فعاليات هناك كثير لانو بستاهل.
  • Review by Ali of مسرح البلد
    قبل 8 سنوات
    انا لما رحت على مسرح البلد; فكرة انو مسرح بمعنى مسرح كبير, بس لما رحت هناك تفاجأت طلع المسرح على السطح خاص للعمارة و حاطين عليه مسرح خشبي صغير و القف شوي كبير. طبعا الديكور جداًاً سيئ لازمو كثير شغل عشان يكون افضل
Next

أماكن أفضلها

صور أضفتها

شاورما
لوحة من لوحات يلي موجودة في المقهى
السفينة