مدخل القاعة الرئيسي للرجال
منظر عام للطاولة، تريب الطاولة عجقة ولاحظو الوسخ
منظر عام للطاولات الموجودة بقاعة الرجال
مدخل القاعة الخارجي
قاعات الشيماء- ضاحية الياسمين
قاعة الرجال
قاعة الرجال
قاعة النساء
قاعة النساء
البست واللوج
صالة البنفسج
صالة البنفسج
Review صالة البنفسج by هدى
306 من المراجعات |  قبل 9 سنوات
الاسبوع الماضي حضرت حفلة عرس فيها انا اول مره بدخلها عجبني اللوج يلي بالصاله مرتب ولونه ابيض وحواليه زينه مرتبه والصالة مش كتير كبيره يعني وسط واحلى شي ما فيها عمدان ....
الضيافه كانت عباره عن قطع كيك كان المنظر ماشي حالوا فجربت الطعم كان سيء كتير وكمان ما عجبني انهم بيقدموا عصير بكاسات زجاجيه لاني بقرف بحب اشرب علب بيبسي والفلبينيات ما بضيفوا غير يلي بالطاولات الاماميه بعدين بطنشوا يعني لازم اصحاب العرس يضلوا فوق راسهم عشان يضيفوا كل يلي بالصاله الصاله موقعها حلو جايه على طلعه وفيها مصف ترابي صغير الاسعار سألت كم بتكلف حكولي اصحاب العرس كلفتهم 800 دينار طبعا رخيصه لانو احنا بفصل الشتا بس بالصيف اغلى طبعا

عمان - تلاع العلي

شارع تحية الكلبي بجانب اشارة البشيتي
احصل على التوجيهات

مراجعات (11)

  • Review صالة البنفسج by أروى
    18 من المراجعات |  قبل 3 سنوات
    القاعة نضيفة ومرتبة بس صاحب الدي جي ما بعرف يحط الاغاني منيح بحطهم كاملين وبكون جدا ممل الا لو رحت حكتله اعمل الي اياه ريمكس بس المصورة منيحة ومكان التصوير حلو القاعة مرتبة تقريبا بتكلف 1500 من غير الزفات للحفلة التانية الزفة بتكلف 100 لبيت العروس و100 لبيت العريس
  • Review صالة البنفسج by Thikrayat
    1 من المراجعات |  قبل 4 سنوات
    انا اتحدث عن تجربة حديثة مع هذه الصالة بتاريخ 30/8/2016 وللاسف يا ريتني ما عملت حفلتي فيها من حيث سعر الصالة من اغلى الصالات حيث يعتبر مرتقع مقارنة بالصالات الاخرى السعر اللي بتحصله بهاي الصالة انت وشطارتك يا ريت فيه اشي واضح ومحدد وطبعا ما رح تقدر تتشاطر عمدير الصالة مدير الصالة غير متعاون بتاتا وطبعا اذا حجزت عنده مثلا نهاية اسبوع وطلبت منه يغيرلك اياه ليوم تاني نهاية اسبوع ما برضي ابدا وبصير يحكيلك بشوف وانا برن عليك وطبعا ولا رن ولا مستعد يتعاون اما لما غيرنا ليوم عادي عالسريع غيرها عاساس انه يستغل نهاية الاسبوع لناس تانيين وبسعر اعلى. رنيت عالصالة اسالهم اذا كان بالامكان تبدا الحفلة قبل بساعة من وقتها حكولي ما بزبط لانه فيه حفله قبلكم وطلع ما فيه حفله والسبب لرفضهم لانه حفلتي من 9- مفتوحه فكيف بدهم يعلموها 8- مفتوحه انا هيك بكون زدت ساعة عالحفلة مع انه خلصولنا الحفلة كتير بكير بسبب تنسيقهم السيء والكل مستعجل بده يروح وكانهم نسيوا انه حفلة الواحد مرة بالعمر .. للاسف ماديين جدا مش ممكن يسامحك بدينار .. لو انهم متعاونين كان الواحد ما بزعل بس كامل الكادر للاسف سيء من حيث الخدمة سيئة جدا التنسيق سيء جدا .. لما تحجز اشي ولما يجي وقت البروفا والحفلة اشي تاني مثال ع وقت البروفا بحكولك انه الدي جي اللي بالباكيج دي جي عادي مش سوبر واذا بدك تغيره بتدفع 50 الامور اللي صارت بالحفلة : 1. المصورة والمنسقة للحفل (لا اريد ذكراسماءهم ) كانوا مستعجلين جدا لدرجة انه ناديت المصورة بالاخير بتحكيلي خلص بدي اروح والمنسقة بتحاول انها تنهي الحفل بشكل سريع غير متعاونين نهائيا وبدها تمشي الحفلة زي ما بدها وفعلا مشيت زي ما بدها خلال الحفلة بتغيييب المنسقة بتقعد ادور عليها عشان تحكيلها انه مش هيك الاتفاق او انه مثلا خلص بدنا العريس يطلع مثلا مع انه اتفقنا متى يدخل عالصالة ومتى يطلع بس كله الاتفاقات هاي هيك بس حكي .. المهم ما بتلاقي المنسقة حوليك كتير من الصور فيهم رجة مش واضحين تنظيمها للتصوير سيء بتصور كيف ما اجت تيجي واول مره يمر عليي مصورة بتصورك بدون ما تحكيلك مثلا عدل الجرافة على سبيل المثال اذا كانت الجرافة مايله او فيه مشكلة بالفستان يعني بتصور ااش ما تيجي تيجي للاسف 2. بعد العرس بتروح تستلم الصور بحكولك الك 80 صورة .. اما السي دي كامل الصور اذا بدك اياه ب 30 دينار . 3. الاضواء كانت عادية جدا ما بعرف همه ما شغلوها كاملة ويلا هية اضواء الصالة هيك 4. الاهم من كل اللي مرق والكارثة الكبرى انه انا عدد معازيمي اجى اقل من العدد المتفق عليه بكتير صدقا ومع ذلك فيه ناس ما اكلت من الكيك ولما طلبوا اهلي من البنات انهم يجيبوا كيك حكولهم ما ضل .. وطبعا انا والله ما دقت كيكة عرسي . والعصير لما تقدم كان ساخن . 5.ما مشيوا على اللي اتفقنا عليه عالبروفا .. قسموا الوقت زي ما بدهم وطبعا كان توزيع سيء للوقت وهدا مش رايي فقط راي كتير من الناس اللي حضرت. الصالة جاي على طلعة اماكن الاصطفاف مش سهلة للاسف كانت تجربة سيئة مع هاي الصالة وما بنصح حدا فيها مع انه الصالة مرتبة من جوا وما فيها اعمدة بس شو الفايدة اذا كل الحفلة من الالف الى الياء تنسيقها سيء وسعرها مرتفع جدا مقارنة مع باقي الصالات وبتعاموا معك بمادية لا توصف.. وبنكدوا عليك حفلتك.
  • Review صالة البنفسج by E
    1 من المراجعات |  قبل 5 سنوات
    الصالة مرتبة كتير، العاملين فيها جدا متفاهمين وراقين, بشكر السيد/ جعفر بالذات، خدمات العاملين في الصالة وقت الضيافة عند النساء والرجال كانوا رائعين، المكان كديكور جميل لا ينقصه شي، التكييف ايضا ممتاز، الحمامات نظيفة طول الحفلة وكان في وحده على الباب بإستمرار، نظافة في جميع انحاء الصالة، الدي جي رائع التصوير رائع، وبتاخد السي الدي تبع العرس معك وانت مروح، اماكن الاصطفاف كتيرة ومتوفرة ،، انصح بها بشده
  • Review صالة البنفسج by Mousa
    3 من المراجعات |  قبل 5 سنوات
    المكان جميل والقاعة ان كانت للرجال او النساء واسعة وانيقة والوانها من اسم مكانها ... البنفسج .... زرت المكان مرتين في حفلات زواج لاحد زملائي وابن اخي ... وان شاء الله اليوم 8/5 ستكون التجربة الثالثة ... بخطوبة بنت ابن عمي ... جهود القائمين على هذه الصالات مشكورة ... والى الامام وبالتوفيق...
  • Review صالة البنفسج by بسمه
    2 من المراجعات |  قبل 6 سنوات
    تجربتي مع القاعه كتير رائعه ع اد ماكنت متخوفه من موضوع التصوير ولانو عرس بنتي كان مختلط وكانوا شباب الي يصوروا فانا بهنيهم ع الابداع والفن بالتصوير جد رائع وبشكر بالذات السيد اسماعيل على ترتيبو واشرافو ع كافة الامور ... فعلا قاعه بتستحق 5 نجوم
  • Review صالة البنفسج by Tamara
    1 من المراجعات |  قبل 6 سنوات
    السلام عليكم, صراحه تجربتي مع قاعات البنفسج سيئه نوعا ما, أول شي الدي جيه أسوأ من هيك ما فيه, ولا أغنيه من الأغاني اللي طلبناها و أغاني بتخزي, تاني شي تصوير الفيديو جودته مش كتير منيحه, تالت شي ترتيب الطاولات كان من المفروض يكون فيه شموع بالمي في الوسط و ورد عند الرجال ما شفت هاد الشي أبدا, التكييف مش مجاوب في القاعه و فوق اللوج ما في تكييف!
  • Review صالة البنفسج by Lama
    6 من المراجعات |  قبل 7 سنوات
    انا اعملت خطبتي فيها oct/11/2013 الصاله حلوه كتير ومرتبه اللوج كتير حلو والزينه والاضاءه رائعه تعامل راقي ومريح بس صار معنا مشكله صغيره انه حفلتي كانت من ٥-٨ وما اتاخرنا بشي وبكون في بريك ١٠ دقايق ما كان اله داعي واخر الحفله كان في فراغ كتير ما بنعمل فيه اشي بس حاطين اغاني قديمه ،واتأخرو لما دخلو الرجال يسلمو دخلوهم اخر ١٠ دقايق من الحفله ولما دخلوهم يا دوب حطولهم اغنيه وحده وخلصو الحفله .يعني بنصح الي بحجز فيها ينتبه على الوقت وما يضيعه ع الفاضي
  • Review صالة البنفسج by Doaa
    1 من المراجعات |  قبل 7 سنوات
    انا حضرت فيها كتيييير .. ممممم مره حلوة و بتجنن و.مره لأ.. الانارة مو بزيادة ب اخر مرة .. و ما فيها ديكورات حلوة .. زمان كانت احلى
  • Review صالة البنفسج by فراس
    714 من المراجعات |  قبل 8 سنوات
    حضرت فيها عرس الجمعة الماضي، بصراحة القاعة حلوة كتير وكبيرة وواسعة ومرتبة بس مع هيك انا ماعجبتني الصالة للامور التالية: 1- الخدمة كتير سيئة والموظفين عبوسين ومكشرين ومابقدمو بشكل جيد 2- الطاولات مش نضيفة ابدا والفرش محطوط فوق الوسخ وهاد واضح لاي واحد بقعد ع الطاولة 3- الكراسي مش مريحة ابدا وواطية كتير عن الطاولة 4- العصير بصراحة مش معروف شو طعمو وانا طلبت عصير المفروض يكون برتقال بس بصراحة انا ما كملت الكاسة لاني ماعرفت شو الطعم 5- المطرب التابع للصالة صراحة مطرب نادي ليلي مش قاعة اعراس، يعني مابعرف يقدم اغاني ابدا وكل اغانيه اغاني نوادي ليلية وبصراحة معظم الموجودين تركو العرس وروحو بسببو 6- التواليت مش نضيف بالمرة وبحاجة لمتابعة من المسؤولين 7- الدي جي والساوند مو كتير ممتاز وعالي كتير بدون لازمة وحتى كون صادق الكيك كان طيب كتير والصالة الها مواقف كتير داخل المبنى ومدخل القاعة كتير ممتاز وقاعة الرجال الها مدخلين والديكور بالصالة جيد جدا والاضاءة جيدة جدا بصراحة يللي بفكر يعمل عرس فيها مو غلط بس ازا بهمو الفرق والمطرب مايخلي هاد المطرب هو اللي بغني
  • Review صالة البنفسج by هدى
    306 من المراجعات |  قبل 9 سنوات
    الاسبوع الماضي حضرت حفلة عرس فيها انا اول مره بدخلها عجبني اللوج يلي بالصاله مرتب ولونه ابيض وحواليه زينه مرتبه والصالة مش كتير كبيره يعني وسط واحلى شي ما فيها عمدان ....
    الضيافه كانت عباره عن قطع كيك كان المنظر ماشي حالوا فجربت الطعم كان سيء كتير وكمان ما عجبني انهم بيقدموا عصير بكاسات زجاجيه لاني بقرف بحب اشرب علب بيبسي والفلبينيات ما بضيفوا غير يلي بالطاولات الاماميه بعدين بطنشوا يعني لازم اصحاب العرس يضلوا فوق راسهم عشان يضيفوا كل يلي بالصاله الصاله موقعها حلو جايه على طلعه وفيها مصف ترابي صغير الاسعار سألت كم بتكلف حكولي اصحاب العرس كلفتهم 800 دينار طبعا رخيصه لانو احنا بفصل الشتا بس بالصيف اغلى طبعا
Next