كلية تراسنطة
كلية تراسنطة
كلية التراسنطة
كلية التراسنطة

عمان - جبل اللويبدة

اللويبدة
احصل على التوجيهات

مراجعات (4)

  • Review كلية التراسنطة by ليث
    1 من المراجعات |  قبل 5 سنوات
    انا ليث جودة من طلاب هذه المدرسة وهي الان في برنامج يعلم الطلاب كيف يحافظون على المدرسة تنظيفها وهي من المدارس الافضل في الاردن
  • Review كلية التراسنطة by Salim
    3 من المراجعات |  قبل 8 سنوات
    درست فيها واتخرجت منها ، وهلاء ولادي بدرسوا فيها المدرسة في تطور مستمر ملاعب واسعة و صاله رياضية حديثه ، معلمون متميزون واسلوب تعليم متطور باستمرار
  • Review كلية التراسنطة by Saleh
    137 من المراجعات |  قبل 8 سنوات
    تراسنطة مدرستي.. انا من الصف الأول فيها وكل ذكرياتي وتلت ترباع حياتي فيها.. المدرسة قوية جدا بالتدريس خصوصا باللغات.. فيها مناهج إنجليزي وفرنسي قوية جدا.. طلاب الصف الرابع بعرفو يعدو للمية بالفرنسي وبعرفو القواعد الأساسية إنو كتير قوية حتى للصغار بلغة غريبة.. المدرسة من جوا كتير مرتبة ونظيفة على مدار الساعة.. فريق النظافة مش مقصر الله يعطيه العافية أبو علي.. بتتمتع المدرسة بحرم مدرسي كبير واسع وجميل جدا.. فيه ملعب إسفلت والمرمى عليه شبك.. وفيه بوردات كرة سلة (7 بوردات) من أجود أنواع البوردات.. كمان في مقصف بس أكل المقصف مش زاكي أبدا وما بنصح فيه... في قاعة كبيرة جدا جديد تم بنائها.. فيها ملعب سلة أكثر من رائع ومدرج كبير للجمهور.. في جوا القاعة حمامات وشورات وغرف للغيار وفي طاولات تنس... في كمان ملعب كرة قدم تاني بس مصيبة إذا وقع الواحد فيه باكل هوا الأرض مش منيحة أبدا وفي مدرج صغير للجمهور.. في كمان ملعب صغير لتنس الريشة وفي مساحة فيها رمل خاص للوثب الطويل وألعاب القوى.. خلصت حكي عن الخارج هلأ عن الداخل.. المدرسين مناح كتير وخريجين أفضل الجامعات المحلية والعالمية.. الإداريين شديدين جدا بس المدير خالد منيح ولطيف وبوقف مع الطالب.. المعلم بعطي المادة حقها من شرح من بداية السنة الى نهايتها.. بس بالنسبة للتوجيهي انا بصراحة بشوف إنو في مدارس أفضل.. يعني في مواد أجزاء منها كنا نشلفقها وإذا الأستاذ ما كان رايق بمشي باليوم 30 صفحة والله أعلم عن إيش بحكي الزلمة ولا فاهمين إشي من السرعة والشلفقة.. وفي مواد ما بكفي استاذ المدرسة بدك استاذ خصوصي أو معهد عشان تفهمها.. أبدا ما بنصح التوجيهي فيها.... بالمناسبة ما فيها غير علمي وIT.. هلأ الصف كبير وما بتجاوز عدد الطلاب فيه 25-27 بس إحنا الIT.. كنا قلال (21) أحسن وأحسن..
    في بالمدرسة مسرح كتيييير كبير وحفلة التخريج كانت جميلة فيه.... في كتير أنشطة ممكن الواحد يسجل فيها مثل مختلف الرياضات والكشافة... بالمناسبة كشافة مدرستنا من أفضل مجموعات الكشافة في البلد.. المدرسة إبتدائا من هاي السنة (2012) صارت مختلطة بالكامل وهاد إشي بعض الناس بشوفه من السلبيات... في بالمدرسة باصات والشوفيرية مناح كتير ولطيفين.. طبعا بكون في مرافقة بالباص عشان الولاد الصغار وبتقطعه الشارع إذا في شارع بالموضوع... صحيح في بالمدرسة 3 مختبرات حاسوب وفيهم أحدث الأجهزة وأحدث البرامج التعليمية.. والإنترنت دائما موجود طبعا.... صار هلأ بأغلب الصفوف ألواح إلكترونية لمساعدة المعلمين بتلقين المادة بشكل ممتع أكثر للطالب وانا شايف هاي الشغلة ممتازة كتير وبتخلي الولد يحب الحصة.. بالنسبة للأسعار المدرسة مش رخيصة أبدا والأسعار عالية جدا بس في مراعاة للإخوان.. أيضا المدرسة مش بس تجارية.. أي حدا ما بحسن السلوك أو معدله واطي بطردوه بدون تردد.
  • Review كلية التراسنطة by فراس
    715 من المراجعات |  قبل 9 سنوات
    هاي الكلية وهي عبارة عن مدرسة تعتبر من افضل المدراس في عمان
    ديكور رائع نظافة ممتازة ورائعة مباني واسعة غرف كبيرة عدد الطلبة بالصف الواحد ممتاز ومش كتير يعني الطالب باخد راحتو ترتيب الغرف ممتازة كفائة المدرسين ممتازة الاداريين فيها ممتازين
Next