مباني ال M بالطبيه ,, الصوره من مستشفى الملك عبد الله ,, شهر 6 - 2013
مبنى الرئاسة والخدمات الإدارية في جامعة العلوم والتكنولوجيا
رئاسة الجامعة
مبنى المكتبة من بعيد
المساحات الخضراء والأشجار داخل حرم الجامعة
مدخل مبنى المكتبة
لوحة مبنى المكتبة المركزية والقاعات
جزء من مبنى المكتبة
مبنى المكتبة من جهة أخرى
جامعة العلوم والتكنولوجيا الأردنية
جامعة العلوم والتكنولوجيا الأردنية

جامعة العلوم والتكنولوجيا الأردنية

11 من المراجعات
توجيهات
Review جامعة العلوم والتكنولوجيا الأردنية by Omar
38 من المراجعات |  قبل 9 سنوات
انا درست بالتكنولوجيا فصل دراسي كامل و بصراحه من اقوى الجامعات الاردنية
و جامعه العلوم بتمتاز بجمالها الخلاب لانو فيها بحيره كتير بتجنن و فيها بط و طيور مهاجره و المواصلالت داخل الجامعه بالباص الي زي القطار وكتيير خدمات فيها اما بالنسبه للدراسه و الدكاتره فيها ف حسب كليتي بالهندسه كتير كانو الدكاتره ممتازين و انا منونلهم ولاخلاقهم العاليه

اربد - شارع البتراء

احصل على التوجيهات
ميزات المكان
  • يقبل البطاقات الائتمانية

مراجعات (11)

  • Review جامعة العلوم والتكنولوجيا الأردنية by سيد
    356 من المراجعات |  قبل 3 سنوات
    جامعة العلوم والتكنولوجيا في التسعينيات من القرن الماضي زرت جامعة العلوم والتكنولوجيا وبقيت في ذاكرتي عنها انطباعاً جميلاً رغم أنها كانت عبارة عن بنايات حديثة في صحراء قاحلة، و منذ عشرة أيام زرت هذه الجامعة الرائعة لحضور مؤتمر دولي فيها لمدة ثلاثة أيام فانبعثت الذكريات القديمة، وفاحت رائحة الزمان الذي يمر سريعاً، ودهشت لتطور هذا المكان إلى الأفضل حيث امتلأت الجامعة بالساحات الخضراء والأراضي المزروعة بالأشجار الحرجية والمثمرة مثل شجر الزيتون المبارك، وزرعت الميادين بالورود والأزهار، ومدت شبكة طرق حديثة تخدم الجامعة ومبانيها، وتوجد فيها أماكن وساحات كثيرة لاصطفاف مركبات الموظفين والزوار. وتوجد عدة مداخل للجامعة، وأفخمها المدخل الرئيسي بأقواسه المميزة العظيمة. ويوجد مسجد مستقل متوسط الحجم في حرم الجامعة، ومباني لرئاسة الجامعة وعمادة شؤون الطلبة والمكتبة وعمادة البحث العلمي، ومباني للكليات المختلفة، ومطاعم ومراكز الأبحاث والمختبرات والمدرجات والمسارح والقاعات، وملاعب كرة القدم ومستشفى طبي ومحطة لمعالجة مياه الصرف الصحي والذي تستخدم مياهه المعالجة لري الأشجار والمساحات الخضراء وغيرها مرفقات وخدمات كثيرة لا يمكن ذكرها في هذا المقام. ثلاثة أيام قضيتها في رحاب هذه الجامعة افتتح المؤتمر في اليوم الأول في مسرح مجمع الكرامة ثم في اليومين التاليين في قاعة صلاح الدين للمؤتمرات. وكنت أستغل فترات الاستراحة للتجول في أنحاء الجامعة المترامية الأطراف وما شاهدت إلا قليلاً. الضيافة في المطعم كانت كريمة والخدمات فندقية بخمس نجوم، الطعام لذيذ جداً من مقبلات وسلطات ولحم ودجاج وارز وغيرها. أما عن نظام التدريس فأعتقد أنه قوي ولكن يعتمد على الأساتذة والطلاب فهناك الممتاز والجيد والمقبول ولا يمكنني الحكم بصورة أفضل حيث لم أدرس في هذه الجامعة ولكن عالمياً حققت الجامعة مراتب مرتفعة بالنسبة للجامعات العربية والأردنية وبعض أنظمة تقييم وتصنيف الجامعات أعطتها المرتبة الأولى على مستوى الأردن والثالثة على مستوى الوطن العربي و من 401-500 على مستوى العالم (THE World University Ranking 2018 ) . وغيرها من التصنيفات مثل QS WU Ranking. ما يلفت الانتباه المكتبة الضخمة الجميلة والتي تعد من أكبر مكتبات الشرق الأوسط الجامعية. كانت الطريق إلى الجامعة من عمان إلى إربد سهلة ومعبدة عدا منطقتين فيها تحويلات مرورية والسرعات المسموح بها عالية من 80-100 كم/ الساعة. وتوجد كاميرات مراقبة ورادارات منتشرة على الطريق. أتمنى للجامعة ورئاستها وكادرها وطلابها دوام التقدم والازدهار وأشكرهم على حسن الضيافة والاستقبال وعلى حسن تنظيم المؤتمر الذي حضرته.
  • Review جامعة العلوم والتكنولوجيا الأردنية by اسلام عبيدات
    3 من المراجعات |  قبل 4 سنوات
    my lovely university :)))) والله ذكريات
  • Review جامعة العلوم والتكنولوجيا الأردنية by هند
    32 من المراجعات |  قبل 4 سنوات
    My beautiful university
  • Review جامعة العلوم والتكنولوجيا الأردنية by Sulaf
    1 من المراجعات |  قبل 6 سنوات
    Fantastic , I'm in love with just
  • Review جامعة العلوم والتكنولوجيا الأردنية by مجله
    12 من المراجعات |  قبل 7 سنوات
    نرجو التواصل مع تمنياتنا لكم بالتقدم مجلة اطفالنا حياتنا
  • Review جامعة العلوم والتكنولوجيا الأردنية by Asmaa
    7 من المراجعات |  قبل 7 سنوات
    جامعتي الي اتخرجت منها ,, كشكل كتيييييييير رووعه وحلوه وهلا صارت احلى بعد المباني الجديده والتزبيطات ,, اكاديميا مناهجها كتير قوويه وكل شي فيها مهيأ اللابات والقاعات بس ككادرتعليمي كتير فيها واسطات ومحسوبيه كنت مشتاقه اشوفها رحت ازورها بعد ما تخرجت بسنتين كرهتها حسيت كأنو مو مكاني ابدا :/ عموما يا ريت ترجع ايام الجامعه احلى مرحله كانت
  • Review جامعة العلوم والتكنولوجيا الأردنية by Amani
    2 من المراجعات |  قبل 7 سنوات
    هاي جامعتي طبعا وراح احاول ما اكون متحيزة بهاد الموضوع اول اشي من الناحية الاكاديمية طاقمها التدريسي كأي جامعة بالعالم فيه المنيح وفيه العاطل، يعني في دكاترة بتحطهم فوق راسك وفي منهم لا يحتملوا مع العلم انو اللي بحكيلك ان مستوى امتحانات التكنو اعلى من غيرها فهو على حق 100% من الناحية الجمالية الجامعة ما فيها بعدها، يعني المباني والشجر والبحيرة والمكتبة ومبنى القاعات الجديد ما في بعدهم بتحس حالك رايح رحلة سياحية. خاصة المكتبة (وهي اكبر مكتبة جامعية في الشرق الاوسط) اشي فخم وراقي جدا، والقاعات التدريسية برضو ممتازة بالنسبة للأكل كفتيريا الجامعة اسعارها مقبولة بس المشكلة بعد الساعة 11 تقريبا ما راح تلاقي عندهم اللي بدك اياه فبتضطر تروح على الجمعية الموجودة في المباني الطبية والهندسة واللي اسعارها سيايحة بامتياز (والنظافة عندهم مستواها متدني جدا) بس بما انو هاي الجمعية جهة خاصة ما الها علاقة بالجامعة نفسها اداريا ما راح احطها بعين الاعتبار بالتقييم بالنسبة للكتب الـbook shop اسعاره مناسبة اذا بدك كتب اصلية مو مصورة والكتب المصورة موجودة بالجمعية ومكتبة الـJUST بمجمع الباصات وبرضو الاسعار مقبولة مع انها ممكن تكون غالية احيانا الحياة الجامعية رائعة جدا مع انو الجامعة "معزولة" يعني ما في حواليها اشي بس عنجد رائعة طبعا بضل آخر اشي وهو المواصلات، اذا كنت من سكان عمان عجلون، جرش او المفرق راح تتغلب مع شركة الباصات "المقرفة" اللي اسمها العروبة. في بدائل لباصات هاي الشركة بس بدهم وقت وكلفة اكثر واتحاد الطلبة حاليا بحاول يلاقي حل لهاي المشكلة وان شاء الله بتنحل قريبا. يعني جامعة منيحة من نواحي كثيرة بس في بعض الدكاترة اللي نفسياتهم بتخزي والواسطات طبعا كأي جامعة أردنية بس على الاقل العنف الجامعي شبه معدوم بهاي الجامعة فهاد كمان اشي ايجابي. يعني بالنهاية ممكن نحكي انو ايجابياتها اكثر من سلبياتها وان شاء الله تضل هيك.
  • Review جامعة العلوم والتكنولوجيا الأردنية by Yosra
    48 من المراجعات |  قبل 8 سنوات
    انا من خريجين جامع العلوم والتكنولوجيا
    درست تقنيات الاشعة في الكلية الطبية الجامعو دراستها كتير صعبة ، بتنقسم لجزئين الكليات الهندسية والكليات الطبية. يعني ما في عندهم ولا تخصص ادبي غير انجليزي تطبيقي. ساعتها غالية وكل مالها الاسعار عم بتزيد. مستوى التدريس جيد جدا بس ممكن يكون كتير احسن . المكان جدا جميل ومساحتها كبيرة وهيي من اكبر الجامعات في العالم من حيث المساحة. التدريس كللو بالانجليزي . موقعها برايي جدا رائع لانه برا المدينة مما يوفر جو دراسي مناسب . طبعا ما في مطاعم او مقاهي حولين الجامعة الا الكافتيريا اللي برا واللي لا تعتبر مطعم للاسف. الدكاترو اللي فيها _زي اي جامعة طبعا_ فيه المنيح وفيهم اللي لا يمكن تقدر تحكي معو او تحضرلو محاضرة. فيها مختبرات وعندهم امكانتيات كويسة بس برضو لازم تكون احسن. مستشفى الملك عبدالله ساعد الطلاب كتير على انهم يطبقو اللي درسوه بسبب التصاقة وقربه من الجاامعة والجامعة عنجد نضيفة كتير وحلوة كتير كمباني
  • Review جامعة العلوم والتكنولوجيا الأردنية by المعاني
    8 من المراجعات |  قبل 9 سنوات

    طبعا انا خريج من جامعة التكنو،، ولكن للأسف لن اشتاق للأيام التي قضيتها في هذه الجامعة (ما عدا طبعا الاوقات الجميلة مع الاصدقاء و بعض الدكاترة المحترمين). و لكن للأسف مستوى الجامعة في تدني فظيع،، و كل ما يهمهم الان هو (المصاري). بشكل اصبح نسبة كبيرة من الكادر التعليمي ليسوا من حاصلين الدكتوراة،، و ان وجد فأنهم يدرسون اكثر من مادة ليس لهم علاقة بها الا انها متقاربة من تخصصاتهم الاصلية مثال: كيمياء عضوية و كيمياء حيوية.. و الطالب للأسف في هذه الجامعة داااائما حقه مهضوم (نعم يكاد انو يكون دائما) و الحق دائما مع الدكتور او المسؤل ،، و طبعا الشكوى وجودها زي عدمها،، بل انهم يبلغون المشتكى عليه من الكادر التعليمي ان الطالب الفلاني بالاسم هو الذي اشتكى عليك،، و تعال بعدها مرمطة من الدكتور... اهم شي في الموضوع اني اخيرا افتكيت من هذه الجامعة اللي باعتقادي كسبت سمعة بسبب صعوبة امتحاناتها التي في غير موضوعها،، و قلة عدد الطلاب المتخرجين بنسب جيدة،، وبالنسبة لينا نحنا العرب نفسر هذا الموضوع كما يفسره معظم الاشخاص الغير دارسين في الجامعة بقولهم: "اكيد الجامعة هاذي مش سهلة وقويةومعناها انو ما بينجحوا الا الفاهم" المشكلة هي: هل في اصلا احد "فاهم"... و اتمنى انو الجامعة تتحسن لأنها في الاخير جامعة عربية مشهورة،، و ان لا يجعلوا شغلهم الشاغل "المصاري" و كيفية تحصيلها باي طريقة كانت سواءا بترسيب طلاب بالامتحانات الخرافية او زيادة الرسوم...
  • Review جامعة العلوم والتكنولوجيا الأردنية by Omar
    38 من المراجعات |  قبل 9 سنوات
    انا درست بالتكنولوجيا فصل دراسي كامل و بصراحه من اقوى الجامعات الاردنية
    و جامعه العلوم بتمتاز بجمالها الخلاب لانو فيها بحيره كتير بتجنن و فيها بط و طيور مهاجره و المواصلالت داخل الجامعه بالباص الي زي القطار وكتيير خدمات فيها اما بالنسبه للدراسه و الدكاتره فيها ف حسب كليتي بالهندسه كتير كانو الدكاتره ممتازين و انا منونلهم ولاخلاقهم العاليه
Next