كايرو جاز كلوب
كايرو جاز كلوب

القاهرة - العجوزة

197 شارع 26 يوليو ميدان سفنكس - بجوار سوبر ماركت سى مارت
احصل على التوجيهات

مراجعات (1)

  • Review كايرو جاز كلوب by Rabab
    61 من المراجعات |  قبل 5 سنوات
    كايرو جاز كلوب من اشهر اماكن اللى بيتعمل فيها حفلات فى القاهرة, انا رحت اللى فى العجوزة, حضرت هناك حفلة Telepoetic لانى بحبهم جدا بيلعبوا الكترونيك ميوزيك, المكان هناك لازم بالحجز طبعا قبلها و مينقغش تبقول ولاد بس الدخول كابلز ودي قواعد المكان قبل ما تدخل فى طرقة صغيرة الاول تحس انك داخل مغارة بعدها تلاقي الباب, باب خشبي لونه بنى غامق تحس انك داخل مغارة فعلا. اول ما دخلت المكان كله خشب بني الحيطان, الترابيزات, البار شكله جميل جدا و مختلف و يدخلك موود لوحده من قبل اى مزيكا, طبعا المكان كله عازل للصوت, فيه ترابيزة فى الاول عليها كنبه لافة عليها, بعد كده كذا واحده متفرقة و كراسي بار كتير و اغلب الناس بتبقى عند البار او واقفة , فيه مكان للباند اللى هيلعب مزيكا او هيغنى, و المكان كبير وفيه مساحات عشان الناس اللى حابه ترقص, وطبعا لازم ترقص. المكان شيك جدا و مفيش اى حاجة هتدايقك فيه و الناس محترمة جدا فى الخدمة, دايما الحفلات بتبدأ 9 مثلا وطبعا انت تسهر براحتك, دايما فى كايرو جاز كلوب فيه فوتوجرافرز و معظم الوقت بيبقوا تبع كايرو زووم المعروفة وبتزل الصور على صفحتها تانى يوم الاكل هناك حلو و والبيتزا طعمها لطيف و لو مش بتشرب كحول خالص عادى فيه عصاير و فيروز و لمون براحتك يعنى. هتستمتع هناك بالمزيكا و الرقص و مش هتحس ان فيه حد بيبص عليك اصلا وانك براحتك تماما. العيب بس هناك انه مبيقبلش دخول محجبات للاسف و انا شايفه ان ده مش حاجة منطقية. تابع صفحتهم عشان تشوف مواعيد الحفلات و تحجز قبلها, لازم تجرب كايرو جاز كلوب و تغير مودك
Next