حضانة الحلوين

عمان - جبل عمان - الدوار الرابع

شارع مستشفى الخالدي

مراجعات (1)

  • Review حضانة الحلوين by Randa
    306 من المراجعات |  قبل 8 سنوات
    حضانة كتير مرتبة، حطيت فيها بنتي من عمر 70 يوم. فيها زي باقي الحضانات لكل مواليد سنة صف. وومكن اكتر من صف لأنه الحد الأعلى لصفوف البيبي 7 أطفال وبتكون مسؤولة عنهم معلمة وحدة. معلمة بنتي خبرتها كانت اكتر من 20 سنة، ما شاء الله عليها ولا عمري دخلت الصف والأولاد كانوا ببكوا او جوعانين او وسخين. ولا حتى شميت ريحة غريبة. الحضانة بشكل عام مرتبة ونظيفة. المعلمة كانت تغير للأطفال بنفسها وتطعميهم وترتبهم. وشغلهم بشكل عام مرتب ومنظم. ودائماً كنت آخد بنتي من عندهم مرتبة ونظيفة واغراضها مرتبة. الدوام الأساسي عندهم لل 3. وبضلوا لل 5 للي بدهم. الدفع يومي، اسبوعي او شهري. أنا كنت ادفع على البيبي 110 دنانير بالشهر من ال 7 ونص لل5 المسا. الأكبر كانوا يدفعوا أقل، زي 80 - 90. فيها أشياء مميزة كتير، زي انهم بالأعياد، المديرة بتطلب من كل معلمة تعمل كروت وهدايا للأولاد اللي بصفها، بايدها، يعني هدايا مصنوعة يدويا. ومعلمة بنتي كانت مميزة جداً بأفكارها المش طبيعية للكروت والهدايا. والهدايا للطفل والأم :) وعلى ميلاد اي طفل، بتقدمله معلمته هدايا، وفي اله هدايا من الحضانة نفسها. دائما بصوروا الأطفال وبعطوا الاهل الصور، وبحطوهم على البور عندهم.
Next