صدر دجاج مع فطر وكريما ، ستيك مطفى بالليمون والتوم ، وسلطة جرجير
الجو الرائع
ساقية الدراويش من اجمل المحلات
ساقية الدراويش من اجمل المحلات
ساقية الدراويش
ساقية الدراويش
Review ساقية الدراويش by Asma Rumman
31 من المراجعات |  قبل 5 سنوات
انا بعرف المكان من لما كان محترف الرمال قديما. عجبتني التغييرات الي عملوها بالمكان، الديكورات الجديدة جميلة و انيقة والها طابعها الخاص المتناسب مع جو المكان و جو المنطقة بشكل عام، بس حزنت عالممر الخشبي المغطى بالشجر لو انهم خلوه كان اعطى جو جميل بزيادة للمكان. رحنا ع بوفيه الافطار تاعهم انا و صحباتي و كان جيد بشكل عام كطعم و ترتيب، المقبلات كانت جيدة، بس الباستا ناشفة شوي، الاطباق الرئيسية كانت جيدة كمان بالاخص السمك والبامية، لكن الباستا بالاطباق الرئيسية للاسف ما كانت زاكية برضه. ملاحظة كانت انهم بالاعلان تاع بوفيه الافطار كانوا كاتبين وجود اصناف بس ما كانت موجودة عالبوفيه بالواقع! الحلويات برضه كانت جيدة. القعدة الخارجية عالتراس جداااا جميلة خاصة بجو الصيف هاد، الخدمة كانت لطيفة بس اتطرينا نطلب حد يجيبلنا عصير 3 مرات لحتى اجا حد اخد الطلب. بالبداية كانت القعدة لطيفة و هادية مع وجود عدد كبير من الناس بس كانت رايقة، ما بنعرف كيف فجأة طلع صوت موسيقى و اغاني مزعجة من مكان ما، ما بعرف هو من المسرح تحت او مكان تاني بس صراحة خرب الجو عالااااااااخر و خرب مزاج المكان، ما كانت ابدا موسيقى تتناسب مع جو المكان بالمحصلة المكان جميل و قعدته جميلة جدا، بتخيله اختيار ممتاز لطلعة فطور صباحية، لان المنيو تاعتهم نفس منيو ركوة عرب و جفرا، بس كجلسة وجو هاد المكان بيتفوق عليهم بجدارة

عمان - جبل اللويبدة

شارع نمر بن عدوان
احصل على التوجيهات
الأحد
9:00 ص - 2:00 ص
الاثنين
9:00 ص - 2:00 ص
الثلاثاء
9:00 ص - 2:00 ص
الأربعاء
9:00 ص - 2:00 ص
الخميس
9:00 ص - 2:00 ص
الجمعة
9:00 ص - 2:00 ص
السبت
9:00 ص - 2:00 ص

مراجعات (62)

  • Review ساقية الدراويش by Aliya
    5 من المراجعات |  قبل سنة واحدة
    The service is really good ! also the prices are reasonable considering the great atmosphere there.
  • Review ساقية الدراويش by Ghasan
    1 من المراجعات |  قبل سنتين
    جو المكان رائع جدا ، الاسعار جيدة .. لكن معاملة الموظفين مش كثير ممتازة خصوصاً اذا كانت الزيارة شبابية فقط
  • Review ساقية الدراويش by Enas
    109 من المراجعات |  قبل سنتين
    قعدته حلوة بس مو كتيير مريحة اكله طيب بس مش بكل أنواعه يعني الأشياء الي بفخارات طيبة بس مثلا الباستا لا و الخدمة جيدة لما يكون في عجاة و الاحسن تحجز لانو كتيير مرات ممكن ما تلاقي مكان بس الحلو فيه في و فصل بين الأماكن اللي حدا حابب يعد بجو دخان و اراجيل و ناس اللي ما بتحب تعد بهيك جو الها مكان مخصص دون دخان و اراجيل و عندهم كمان شخص بعزف المسا و الجو لطيف اجمالا
  • Review ساقية الدراويش by Laith
    3 من المراجعات |  قبل سنتين
    رحنا من فترة عليه انا و الشباب نسينا حالنا و لو علينا ما بدنا نروّح ... قعدة رايقة و اجواء حلوة و مشاريب فخمة
  • Review ساقية الدراويش by Dana
    131 من المراجعات |  قبل سنتين
    A nice place in general, perfect for families and groups. Didn't try food there but the drinks are good. The staff is nice and the service is very good.
  • Review ساقية الدراويش by محمد المفلح القرشي
    24 من المراجعات |  قبل سنتين
    مكان لطيف وفكرته كثير ممتازة لازم اذا رحت اللويبدة اروح عنده بس يا ريت يزودوا الإهتمام بالزباين شوي ويكونوا الموظفين الطف بالتعامل شوي اسعاره فوق العادية بشوي المطرب رايق كثير وبتعمد اروح اثناء فقرته
  • Review ساقية الدراويش by Layan
    3 من المراجعات |  قبل 3 سنوات
    المكان كتير حلو واجواء قديمة
  • Review ساقية الدراويش by سيد
    356 من المراجعات |  قبل 3 سنوات
    مقهى ومطعم ساقية الدراويش.. في قلب العاصمة القديمة العريقة يقع مقهى ومطعم ساقية الدراويش في جبل اللويبدة المطل على وسط البلد، مقابل مبنى البنك المركزي وبالقرب من وزارة المالية. كنت على موعد يوم السبت الماضي بتاريخ 23/12/2017 مع طلعة جيران والجيران في هذا المكان العتيق وهو لقاء نظمته إدارة موقع جيران مع الفئات المستهدفة من أصحاب الأماكن والزوار والأعضاء النشطاء والأعضاء في مواقع جيران على شبكات التواصل الاجتماعي. وصلت إلى المنطقة قبل الموعد وركنت السيارة مجاناً في ساحات الاصطفاف التابعة لوزارة المالية حيث كانت شبه فارغة بسبب العطلة الرسمية ، وسرت على الأقدام أستنشق عبق الماضي وألتقط الصور للأماكن المشهورة في محيط المقهى، وعندما وصلت حمدت الله تعالى أني ركنت السيارة بعيداً حيث لا توجد أماكن كافية للاصطفاف وخدمة الاصطفاف غير مجانية (فاليه) . المقهى عبارة عن تحفة تاريخية لبناء جميل يتكون من مستويين بمزيج من أفكار مبدعة من حيث الديكور والتصميم الجذاب واستغلال مساحات المكان في وضع القوارير المعلقة المزروعة بأصناف نباتات الزينة المنزلية وكأنك في منازل الأجداد. تتنشر الجلسات الداخلية والخارجة في أرجاء المكان وهي عبارة عن طاولات خشبية بطابع قديم ينعش ذكريات الأمس القريب، لكن الجلسات الداخلية المغلقة غير مريحة لكثرة المدخنين والذين يتعاطون الأرجيلة .. كان اللقاء في الأسفل في قاعة متوسطة المساحة مجهزة بالطاولات وشاشة للعرض وببعض التجهيزات الأخرى ويوجد بوفيه من الساندويشات الخفيفة والمقبلات والحلويات الغربية (البيتفورات) حسب الطلب بالإضافة إلى المشروبات الساخنة. اللقاء كان ناجحاً والموقع يصلح لمثل هذه الاجتماعات . الطعام كان جيداً وأعجبني منها "الكيك" والبيتفورات.. توجد دورات مياه في الأعلى وفي الأسفل وكانت كلها نظيفة.. المعاملة كانت حسنة من الموظفين .. أنصح بزيارته لمن شاء ولكني لا أعلم قائمة الأسعار.. وشكراً لإدارة موقع جيران من جديد على ذلك اليوم المميز..
  • Review ساقية الدراويش by Basil Alsareisy
    3 من المراجعات |  قبل 3 سنوات
    من أروع الأماكن التي اذهب إليها وأحب أن اذهب الى هناك دائما اسعاره مناسبه وأكله ممتازه وقعدته كثير حلوه وهادئه
  • Review ساقية الدراويش by Anwr
    25 من المراجعات |  قبل 3 سنوات
    اغلى مقهى في اللويبدة .. الخدمة سيئة واكثر من مرة تكررت تجارب سيئة .. المكان كثير حلو كديكور "لهيك معطيه النجمتين" ومهتمين فيه كثير لكن للاسف بكون كثير مخنوق لانه كله اراجيل وما في منطقة مخصصة للغير "مأرجيل" ... الاصطفاف متواجد دايما لكن محجوز كله للفاليت مع انه الشارع عام والمقهى بتشارك المصفات اللي بشارع مع سكان المنطقة والمحلات اللي حوليه
Next