استكشف موقع جيران بحلته الجديدة اضغط هنا

اسأل جيران عمان مساعدة؟

الدفاع المدني

مرحبا يا جيراني
حابب اشارك معكم موضوع واناقشكم في شو رايكم بالدفاع المدني عنا بالاردن؟
يعني شو رايكم بالخدمات اللي بيقدموها وكيف شايفينها؟
هل في اشياء ناقصة عندهم ؟ وهادا شي اكيد!
في حدا من غير شر طبعا طلبهم او تعامل معهم وكيف كان ادائهم؟
السرعة والفعالية في التفاعل مع الموقف او الظرف اللي عندك او حوليك كيف كان؟

Bashar127
من: Bashar Snobar |  قبل 6 أعوام
أضف أجابة

والله مرة كان والدي نازل من البيت لقى الدفاع المدني بحاول يطلع جارتنا من المصعد بعد ما علق.. كانوا عم بكسروا الباب مع العلم انو اخر اشي ممكن تحتاجه هو انك تكسر باب المصعد... في حلول اسهل واقل ضرر فما بعرف ليش اختاروا هاد الحل اللي ما عمرنا اضطرينا نشتخدمه بالعمارة... وهاي تجربتنا الوحيدة معهم


Mohammad615
من: Mohammad Magid |  قبل 6 أعوام
أضف أجابة

كلامك صح تمام
مرات كتير بيكون الحل سهل وبسيط لكن بيحبو بغلبو يخربو باسم انو السرعة هي المطلوبة


TGWarez2
من: TGWarez |  قبل 6 أعوام
أضف أجابة

تدخين السائق او المرافق داخل سيارة الاسعاف من السلبيات اللي شوفتها كثير من خلال تعاملي المتكرر معهم وكل مرة بتهاوش معهم بطلعوني انو انا ماخد الامور بجدية زيادة... ولا حول ولا قوة إلا بالله هههه


Mohammad615
من: Mohammad Magid |  قبل 6 أعوام
أضف أجابة

لا والله يا جاري هادا اللي بتحكي في بشكل قمت الاستهتار من ناحيتهم لانو ولا بأي شكل من الاشكال بيصير


فراس715
من: فراس قاسم |  قبل 4 أعوام
أضف أجابة

انا رح احكي عن تجربة صارت عنا بوزارة التربية
لما علق المصعد ببعض الموظفين واجو طبيعا بسرعة (بعتمد على مكان وجودهم بالمنطقة لانهم بصراحة اوقات بتاخرو ) بصراحة حاولو فتح المصعد باكتر من طريقة لحد مافتحو ( بس طبعا مو كسر الباب)
ومرة انا صار معي حادث زمان واجو دغري لمكان الحادث وبصراحة اسعفوني مباشرة وحطوني في سيارة الاسعاف ووصلوني للمستشفى وضلو موجودين لحد ما اطمنو عليا
بمختصر الكلام بنسمع قصص كتير لكن الحق يقال مهما سمعنا انو تقصير لكن جهودهم اثناء الثلج جبارة وبستحقو كل الاحترام لانهم ماقصرو ابدا مع حدا وبحاولو بقدر المستطاع يخدمو الكل دون تقصير او تاخير
لكن المشكلة عنا انو الجميع بدو ينخدمو باسرع وقت بدون اعطاء اي عذر للتاخير
لكن مابتقر تلوم الجميع العاملين في هاد القطاع لانو بتلاقي جزء منهم مابحكي بنفس وهاد اكيد بسبب انو طالعة روحو المسكين من كتر الضغط. شكرا


اجب عن السؤال
(يجب إدخال 20 حرف على الأقل)
عدد الأحرف المتبقية (250) حرف
حمّل تطبيقات جيران على هاتفك المتنقل الان!