اسأل جيران عمان مساعدة؟

قائمة مشتريات رمضان

دعاء334
من: دعاء أحمد |قبل: 6 أعوام ضمن: إجتماعيات
أضف أجابة

سؤال بما انه رمضان قرب والناس بتنجن تركض على السواق تجيب أكل وكأنه في حرب او مجاعة ، شو اول 10 اصناف بتشتريهم ومش ممكن تستغنى عنهم؟؟

Mohammad9
من: Mohammad Kilani |  قبل 6 أعوام
أضف أجابة

بالنسبة إلي بروح أول أو ثاني أيام رمضان لأنه السوق بكون فاضي، وأهم شي طبعاً ما يلي: قمر الدين، الحلاوة، المرتديلا، اللبنة، الجبنة بأنواعها، الشاي، البيض، التمر الهندي المجفف، المربى، الحليب، التمر، عجينة السمبوسك، الخضار المجمدة،، وبالنسبة للعزايم الله يخليلنا مطعم حضر موت فرع الجامعة الأردنية


waleed16
من: waleed barham |  قبل 6 أعوام
أضف أجابة

اها جارتي دعاء دعااء الناس ما بصدقو متى يسمعو عروض او ما شابه يعني والحلو بالموضوع انو يا ريت الناس بتكتفي بحاجتها بتوخذ مونة سنة تحكي انو داخلين على حرب وحتى الشوارع بكونو محسسينك انهم الك بصومو بحملو ربنا جميلة استغفر الله
واهم 10 اصناف : التمر,,الدجاج,السمبوسك,الشوربة,القطايف,خروب,اللبنة,البيض,القشطة,المربى .

ويا رب يكون رمضاان خير علينا


فراس729
من: فراس قاسم |  قبل 6 أعوام
أضف أجابة

بالنسبة الي طبعا بعد الدجاج واللحمة والسمك بيجي العصائر ووبعض انواع الخضرة يللي بتساعد ع الصوم بشكل منيح متل الخيار والبندورة وبعدين بيجي كل من السنيورة واللبنة والنقانق والبرغر
يعني هادول اكتر شي الواحد بحب يجبهم وطبعا معهم الرز والشاي


فراس729
من: فراس قاسم |  قبل 6 أعوام
أضف أجابة

نسيت طبعا احكي انو الشوربة بانواعها ضرورية كتير والتمر واللبن لانو من اساسيات اي افطار
وكل عام والجميع بخير وينعاد عليكم بالصحة والعافية ويتقبل منا ومنكم الطاعات والله يعينا ويصبرنا على صيامه


دعاء334
من: دعاء أحمد |  قبل 6 أعوام
أضف أجابة

كل عام والجميع بخير ورمضان مبارك..
فعلا الواحد يروح ثاني يوم بكون هادي الوضع نسبيا لانه الناس من هلا بلشت تلملم.
لاحظت اغلبنا بنجيب نفس الاغراض لكن انا صدقا حاسة حنمضي رمضان نشرب سوائل من الشوب والاكل على الفاضي.
صحيح شو أنواع التمور؟


Mohammad3
من: Mohammad Abo Damin |  قبل 6 أعوام
أضف أجابة

كالعادة جبنة كيري مرتديلا تمر هندي وجوز هند وجبنة قطايف لبنة بيض والمشكلة بنجيب زي المجاعات ونصو بنكب


دعاء334
من: دعاء أحمد |  قبل 6 أعوام
أضف أجابة

فعلا اكثر مما تحتمل بطوننا وخزائنا!
انا مبارح جبت اعداد قليلة ولو بخلص برجع بجيب! السوبرماركتات معبية الدنية! تقول ساكنين في الاسكيمو ونبرح على الحضار مرة كل 6 شهور :)
المشكلة الناس بتفكر انه عروض فليش اخد 2 معلبات باخد 6 بوفر 1 دينار!
طيب ولما يضلو بوجه الواحد ويحمل حاله تكلفة ما الها داعي!


فراس729
من: فراس قاسم |  قبل 6 أعوام
أضف أجابة

مزبوط، ي اوقات مافي داعي جيب كميات كبيرة خصوصا المعلبات لانو بالاخر يمكن ما تفتح غير علبة وحدة بس
وبعدين هلا معظم المنتجات والبضاعة موجودة بكمية كبيرة كتير وبتلاقيها في معظم المولات او السوبر ماركت او حتى الدكانين الصغيرة
يعني يوم بيوم افضل واريح


Mohammad622
من: Mohammad Magid |  قبل 6 أعوام
أضف أجابة

بصراحة انا مشترياتي برمضان او غيرو ما بتتغير ابدا لكن يمك الاشي اللي بشتري خلال شهر رمضان فقط هو قمر الدين


اجب عن السؤال
(يجب إدخال 20 حرف على الأقل)
عدد الأحرف المتبقية (250) حرف
حمّل تطبيقات جيران على هاتفك المتنقل الان!