اسأل جيران عمان مساعدة؟

My Pottery Shop

فراس728
من: فراس قاسم |قبل: 6 أعوام ضمن: بشكل عام
أضف أجابة

بهاد المساء الجميل طلعنا مع ادارة جيران طلعة ربما تكون احدى اجمل طلعات جيران على الاطلاق
فكرة الطلعة رائعة وبحق اقول انو انا شخصيا اتفاجئت بالمكان يللي رحنا عليه واعتقد انو جميع الجيران يللي حضرو اللقاء وعددهم 7 كانو متفاجئين بروعة المكان
حقيقة انا حب اشكر ادارة جيران على ترتيب هاد اللقاء واشكر راعية المكان الاخت غدير (اعتقد هيك الاسم) على حسن ضيافتها النا (مع انو شربت الشاي بدون سكر )
وطولة بالها علينا لانو جميعنا غلبناها معنا بس اعتقد انو كبداية الجميع ابدع بمشاريعو يللي عملها
طبعا يللي مابعرف شو المكان يللي رحنا عليه هو My Pottery Shop وهو مكان مخصص لصنع ماتريده تقريبا بواسطة الطين ( صناعة الخزف على اصولها )
بصدق انا مبسوط كتير بهاي الطلعة ومبسوط كتير انو عملت شغلة ولو صغيرة او خفيفة بس كانت حلوة كتير واعتقد انو الجميع بشاركني الراي انو الجميع انبسط بالشغلة يللي عملها لانو هاي اول مرة احنا بنعمل شي بجيران غير انو نكتب راينا عن مطعم او كوفي شوب
بتمنى تتكرر هيك طلعات وتكون طلعاتنا المقبلة كلها فيها فايدة او تعلم شغلة جديدة

بالتوفيق لجيران وادراتها وكل الشكر للقائمين على هاد المكان واخص الاخت غدير وكل الشكر لمخاتير جيران يللي شاركو بهاد اللقاء الرائع والخفيف

Maram189
من: Maram Nabulsi |  قبل 6 أعوام
أضف أجابة

كتيييير حلو, فكرك بتعطي دورات تعليم؟ لأنو ج ع بالي أتعلم الخزف


Mohammad618
من: Mohammad Magid |  قبل 6 أعوام
أضف أجابة

بجد كانت طلعة رائعة بكل ما للكلمة من معنى ومر الوقت من غير ما نحس واحنا مبسوطين
كل الشكر لجيران ولادارة الماكن اللي كانو بجد بيستاهلو يكونو منكان لطلعة جيران


فراس728
من: فراس قاسم |  قبل 6 أعوام
أضف أجابة

اخت مرام طبعا بعطو دورات تدريبية بس اللي عرفته انو 180 دينار مقابل 8 ساعات تدريب وبتقدري تراجعي المركز لتاخدي تفاصيل اكتر
جاري محمد فعلا الطلعة كانت رائعة وعلشان هيك مر الوقت بسرعة وبدون مانشعر فيه


Mohammad618
من: Mohammad Magid |  قبل 6 أعوام
أضف أجابة

جارتي مرام ممكن تحجزي وتروحي انتي والاصدقاء او العائلة ولو كان عددكم قليل زيارة وحدة عندهم لتجربي وبعديها تقرري الدورة و تكلفتها


دعاء333
من: دعاء أحمد |  قبل 6 أعوام
أضف أجابة

للتذكير فقط انا مريت على المكان يوم السبت وان شاء الله بس يخلصوا من عجقة رمضان مصنوعتنا بتكون جهزت. برجع بتابع بلكي اخدناهم قربيا :)


اجب عن السؤال
(يجب إدخال 20 حرف على الأقل)
عدد الأحرف المتبقية (250) حرف
حمّل تطبيقات جيران على هاتفك المتنقل الان!