قاعات قصر النخيل

كنت حاجزة لعرسي بهاي القاعات وبآخر وقت غيرت الحجز لظروف خاصة. بس بقدر أحكي عن القاعة وتجربتي بالحجز.

القاعة كتير جديدة ونضيفة ومرتبة, بتتكون من اربع صالات مغلقة مع رووف حلو كتير لحفلات الصيف و هو أبدا مو مكشوف. الصالات واسعة كتير و ديكورها جديد وفي إمكانية لتغيري الديكور والثيم على حسب انتي شو بتحبي, عندهم أفكار متنوعة للعرس, الإضاءة حلوة وحديثة, وبتقدري تعملي بوفيه او سناك او كيك بس. بصراحة فالقاعة تعتبر الأفضل بإربد, وبتضاهي قاعات كبيرة بعمان.

لما لغينا الحجز صاحب الصالة تعامل معنا بزوق وإحترام, وكان على إستعداد يرجع العربون في حال إجى حجز تاني للقاعة بنفس اليوم بس إحنا ما تابعنا الموضوع لأنو غيرنا الحجز باخر أسبوعين.

المصفات متوفرة بشكل كبير لأنو القاعة بعيدة عن الشارع الرئيسي ومافي حوليها شي.

قاعات قصر النخيل جد ملوكية جدا جدا

وكل شي فيها مرتب كثير

صالة فخمة وجد صالة راقيه يعني ارقى صالات على مستوى الشمال