قصر الصنوبر

الحقيقة تقال والله من اجمل المطاعم التي دخلتها وجلسته رايقة وحلوة وسعره عادي بالنسبة الي وحبيت قعدته وببيض الوجه قدام الضيوف هاذه نصيحتي

من اجمل وامتع المطاعم في عمان... موقعه خلاب وجلسته هادئه، يقدم ازكى المأكولات والمقبلات.

بصراحة هو اكتر مطعم استمتع به في الاردن...

وكمان سعره مقبول جدا...

انصحكم بالذهاب اليه وجربوا فيه الكبه النيه اللذيذه...

مطاعم قصر الصنوبر مميز جدا من حيث الاطلالة و الموقع بين الطبيعة والهويات الباردينخصوصي بالصيف القعدة الخارجية و نوافير المي و الجو ولا اروع من هيك و غابات الصنوبر جو شاعري و بروق الاعصاب

الاكل طيب و متنوع بالطبق الرئيسي و مقبلات و مشروبات باردوة و سخنة و كمان الفواكه والحلويات و الاراجيل

المطعم نظيف و مرتب والاستقبال جيد والستاف موجودين حوليك عطول الطلبات بيجو بسرعة

و مافي مشكلة بالمصفات

الاسعار شوي غالية

احلى مطعم لافطار برمضان و السهر بين احضان الطبيعة

بصراحه أكلو أقل من العادي وفي ملاحظات كتير على الناس الي بتشتغل هناك..ما بنصح فيو...

بعدين القعده تاعته كتير كلاسيكيه وممله

وما بحس فبها شي مبتكر

بحس اني بالتسعينات يعني يا ريت لو يطوروا ممكن يطلعوا بنتيجه منيحه............................................

بالنسبة للسحور انا مو اكتيير بعزم او بنعزم خارج البيت بس اذا انعزمت أو عزمت بحب اروح ع المكان اللي بفضل اني اتناول وجباتي فيه ز.. وقصر الصنوبر برأيي هو المكان العائلي الهادي المناسب

من اكتر المطاعم يلي بجب ازورها لانو رايق وكبير وبروق الاعصاب واكلو زاكي كتير وخدمتة سريعة ومكانه روعة وفي اماكن اصطفاف وفي العاب للاطفال،،،،،

واسعارة متوسطة

اجمل شي في قصر الصنوبر موقعه ...كتيير حلو بين الاشجار و الطبيعة ..اكله كتيير طيب ....اسعاره معتدلة نوع ما...يوجد اماكن العاب للاطفال ويتوفر اماكن للاصطفاف

مكان مميز بالنسبة الي جدا ، هالمحل فيو ذكريات حلوة من الطفولة ، اجتماعات العائلية بالصيف لما يجو المغتربين ، قعدة حلوة بين الشجر والمي وكمان اكله زاكي واظن انه عنده مشروب كمان ، عنده كمان العاب للاطفال بتذكرها يعني اسعاره شوي غالية بس بيستاهل فعليا الواحد بيروحه مع العيلة بتكون احلى سهرة بالصيفية :)

كتير حلوة القعدات فيه ... والاكل كتييير طيب ولذيذ ... واحلى شي السهرة بالليل على نفس ارجيله وعصير ،،، يعني الواحد بروح يروق اعصابه هناك....وحلوة جمعات العيلة

انا صراحة دابما بروح على هاد المطعم ممكن يكون بريئكو مش منيح او اكلو مش زاكي بس انا بينصحكو تروحولو عشانو احسن مطعم و اكلو زاكي و ارجع و احكيلكو نصيحتي احسن نصيحة

مطعم قصر الصنوبر مطعم راقي ذو اطلاله رهيبة والاكل عنده منوع وخصوصا في رمظان الفطور عنده غير شكل المقبلات من احلى ما يكون والفواكه كذلك خدماته رائعة ونظيف جدا

ما اروع انك تتغذى في احضان الطبيعة و صوت العصافير و الهواء العليل............... كأنك في رحلة زززززززززز..مطعم مميز واسعاره عادية...وتوفر مكان لاصطفاف السيارات..................

اوووووووه مطعم قصر الصنوبر من افخم المطاعم الي رحتها انا وخطيبي وحتى بعد متجوزنا لأنة القعدة بصيف بتجنن مع المطرب والأجواء العائلية والأكل الي بشهي صراحه مطعم ولا يعلى علية الخدمة ممتازة والنضافة ولا اروع هوه صحيح غالي بس انا بحب لما اروح على مطعم اتكون قعدتة مطلة وحلوة يعني بكفي الهويات الي بنسمو عليك وانتى قاعد وبشتى كمان رحنا كانت القعدة بداخل لكن مع المطرب والأكل الطيب القعدة بتحلى.اي حدى محتار وين ايروح هوة او مرته ايروح على قصر الصنوبر او ازا حاب تعزم ناس مهمين

أنا بب قعدته كتييير،ومهما كان فيه ناس بيضل رايق،ما بنروحه الا بالصيف عشان بالشتا برد كتير،نصيف،وخدمتو كتير كويسه،وازا عندك اي اعتراض عأي شي،عطوول بيزبولك اياه،زي ما تحب،بس اسعاره تعد غاليه نسبيا بس مو كتيير،يعني اسعاره حلوه بالنسبه للقعده،،

بنصح الكل يجربو عشان سواء عائله كنتو او مجرد كابل بدهم مكان رايئ،هاد انسب مكان

تحياتي

مطعم ذو جلسة خارجية جميلة بين أشجار الصنوبر الكبيرة

الطعام عادي جداً ليس مميزاً بس قعدته بتبيض الوش لو معك ضيوف

قعدته بتجنن و اسعاره غالية جدا و اكله انا جربته بالعيد بجوز الجماعة كانو معجوقين بس انا متاكد مليووووون بالمية انه الاكل بواقي صحون و مسخنينه!!!!اكل باااايت مشان هيك قلت غالي ما بسوى!!!ما بعيدها بالمرة

ممكن توصف مطعم قصر الصنوبر بأنه مطعم صيفي أكثر من انه شتوي. قعداته بالخارج رائعة تحت اشجار الصنوبر و محاطة بنوافير المياه. مكان لاجتماع العائلة كلها والجو جميل جدا.المطعم كتير نظيف و الخدمة ممتازة جدا و سريعة، و الموظفين بلبوا نداءكم و طلبكم على السريع.الاكل كله رائع بس اهم شيء تجربوا الدجاج المثوم!