المستشفى الاستشاري

مستشفى كتير نظيف و مرتب و الممرضين فيه كتير تعاملهم و خدمتهم للمرضى منيحه و عنده احدث و احسن الاجهزه و اشطر الدكاتره امي كل فتره بتعمل فيه تربيط دوالي مريء و الدكتور سمير عويس هو بيعملها عنجد اجهزة كتير منيحه و مستشفى كتير منيح اسعاره غاليه شوي بس بيستاهل لانو جد رائع

رحت على المستشفى بغرض زيارة مريض, أول مرة كنت بروح عليه, تفاجئت فيه بصراحة, مدخلو كتير مرتب, فيه منطقة للتدخين متل تراس فيه داخلو مكتات وكراسي, يعني الناس الي بتدخن برة المستشفى ما ح ترمي السجاير عالأرض.

في للكافيتيريا جلسة خارجية رايقة.

لما تفوت جوا المستشفى بتلاقي انو المصاعد اتوماتيكيا بتضل واقفة عالطابق الأرضي وأبوابها مفتوحة, وهدا شي كتير زكي بالمستشفيات مشان ما تقعد تستنى وانت مستعجل كمان كتير سريعة و كتير هادية ما بتحس انها عم تتحرك.

في بكل طابق منطقة للإنتظار مرتبة و نضيفة و مطلة على الشارع, وعلى الطاولات في مصاحف.

تصميم المستشفى بسيط و حلو و شرح. مساحتها مو كبيرة.

أنا استغربت من هدوء المستشفى و رواقها, وهالشي لأنو ما في للمستشفى عيادات اختصاص خارجية, غالبا هاي العيادات هي الي بتعمل العجأة.

الممرضين و الموظفين كتير لطيفين و متعاونين حتى موظفين الأمن والحماية لما بيجو بحكو للزوار انو انتهى وقت الزيارة, بتعاملو بلطف و إنسانية.

بتوفر المستشفى مصفات داخلية الشي الي خفف الأزمة عند مدخل المستشفى.

صيدلية المستشفى بتضل فاتحة للساعة 11

بكلمة وحدة,,,المعاملة منيحة والنظافة مميزة لكن وركزوا على كلمة لكن وشوفوا شو صار معي!!!!

-دخلت والدتي تعمل عملية جار غدة الدرقية والحمد الله تمت العملية بنجاح من شطارة الدكتور مش المستشفى

-الجوده ممتازة ونظافة الغرف جيدة مش كتير فئة الدرجة الاولى لانها كتير صغيره .

-كفاءة الكادر الطبي ممتازة.

-موجود فيه قسم للطوارئ .

-مستوى الاسعار اللي فيه نااااااااااااااااااااااااااااااااااااااااااااااااااااااااااااااااااااااااااااااااااااااااااااااررر

-متابعة المرضى بعد العلاج جيدة ويمكن صفر كمان,,,,,والدتي بعد ماعملت العملية صار معها موقف وكانت تعبانه ولولا وجودي معها كان قلبت من التخت واتصلت على الممرضات وصراحة كان اسعافم بطيئ.

-يتعامل مع كل شركات التامين

-موجود فيه صيدليه وفيها كل الادويه بس مش زي كفاءة فارمسي ون

-لا انصح اي حدا يروح يتعالج عنده

-اخيرا

كنا قاعدين عند والدتي,,,اجى الامن وحكالنا ازا في اي حدا بدو ينام مع الوالده لازم يدفع رسوم اضافيه,,,,رسوم مبيت مرافق معها,,,,واحنا دافعين حق غرفه كاملة,,,,من وين جابوا هاي الرسوم؟؟؟....نصب عيني عينك,,,,بعد مع حكينا مع خدمة المرضى والمدير وبعد طلوع الروح,,,,ولا فكروا يتنازلوا عن هاي الرسوم,,,,,بالاخر جابو مرافقه تقعد معها,,,,الشغلة مش عشان فلوس بس المبدأ غلط ونصب,,,,,,,,ياشباب وصبايا هاد المستشفى اسعاره نار وبيحط بنود غريبه عشان ينصبوا عل الواحد.

عيب المستشفى الوحيد هو طبقة الممرضين الثرثارين (يمكن سماع ضحكاتهم وشتمهم لبعض و مزاحهم من امتار) الغير كفوءة مع العلم بان الاطباء من افضل جامعات و خبرات. تجربتي:

اضطررت الى اخذ طفلي الى مستشفى الاستشاري لسحب عينة دم. المسؤولين في المختبر حاولوا سحب العينة بانفسهم دون ارجاء ذلك الى قسم الخداجة! بعد ١٥ دقيقة من البكاء ادرك المختبر اخيرا ضرورة الاتصال بالخداجة لسحب العينة. تم تسليمي الطفل بعد ٣٠ دقيقة من البكاء بيد منتفخة جدا و زرقاء و مخزقة!

تم تجاهل شكواي المبعوثة بالايميل!

طبعا لا توجد مصفات كافية بالمرة.

مستشفى خمس نجوم ما بيعتمد اي تأمين اطباءه محترفين و تعاملهم جدا رائع و عندهم احدث الاجهزة الطبيه

المستشفى ممتاز ولدت فيه يوم عيد الام من تلات شهور مع العلم اني موظفة بالخالدي بس ما عنا ولادة .كتير نضيف ومريح مواقف السيارات فيه مزعجة وما بوخدو تأمينات نزلت درجة اولى اسعاره كانت مقبولة مقارنة بباقي المستشفيات يلي بمستواه النيرساري كانو ممرضاتو مش بالمستوى المطلوب مش بروفيشنال بالتعامل بس ممرضات الطابق رائعين ومتعاونين غرفة الولادة جدا نضيفة ومريحة الهدوء رائع الاكل زاكي في صيدلية بالمستشفى وفي طوارئ.بنصح الكل يراجعوه .

نضيف و الممرضات تعاملهم منيح و بضلهم يطمنو عليك و ما بتتركوك المستشفى بتهتم بالمريض و ال HR بيجو لحد عندك عالغرفة عشان يسألوك أزا عندك ملاحظات على أي شي بالمستشفى .

انا رحت زرت صديقي وكان عندو كسر قدميه وبصراحه المستشفى كتيييييييييييييييييييييييير نضيف و الموظفين كلهم متعاونين دون استثناء بس سعرووو في . وصاحبي ما دفع ولا قرش كلو كان ع حساب التأمين

مستشفى جيد جدا بالنسبة للخدمات والنضافة والتعامل على مستوى عالي من حيث الكادر الطبي والاجهزة الحديثة والمتطورة كانت لي زيارة لاحد الاقارب غرف الاقامة ذات جودة عالية بالنضافة والترتيب والاسعار عالية ولكن بمقارنة بالخدمات المقدمة فهي مناسبة