باب اليمن

مطعم ممتاز من نتحية الخدمة والتعامل بجد

لكن من نتحية الطعم في مطاعم تانية بتقدم نفس الاصنتف وبطعم الذ

والاسعار كمان عندو شوي غالية مقارنة بمطاعم تانية

لكن اللي بيشجعك تروح عليه هو انو تعاملهم ممتاز وبيحسسوك انهم بيعرفوك من زمان

المكان نظيف كتير وما عليه كلام ابدا

When I think Of Yemani/ Khaleeji food, the first option that comes to mind is Bab Al Yaman. So let's list the things that make bab al yaman such a great restaurant:

1. Quality and Quantity of servings never went down

2. Super Fast Service

3. Super Tasty

4. Healthy...relatively

5. authentic real Yamani food , not Jordanian Yamani, Real Yamani!

I never dined in so dont know about the ambiance or the waiters I often take out !

Highly recommended

أكله كثير زاكي.

نظافته ممتازة. والمحل نظافته جيدة جدا.

الجو العام حلو. في قعدات يمنية خاصة كمان حلوة.

الأسعار متناسبة مع الجودة. وبشكل عام أسعاره رخيصة.

في عنده كثير تنوع بالقائمة.

في أماكن اصطفاف خارجية بس مش كثيرة.

السرعة متوسطة إلى سريع.

ما في كرسي أطفال ولا مكان لعب للأطفال.

بحبه كثير لانه الأطيب بين محلات الطبخ اليمني.

أكله زاكي و الكمية محرزه يعني بتشبع و يمكن يزيد. بالنسبة للنادل كثير محترم و كويس. ولما فكرت أجرب مطعم ثاني نصحوني بـ( قصر المندي) أنا دفعة أكثر مقابل طعام مش زاكي و الكمية للعامل دايت مناسبة ؛)

بنصح بـ باب اليمن: ان يكون اول خيار للطعام اليمني :)

هاد المطعم والفرع هاد (مابعرف ازا كل الفروع الموجودة بعمان بنفس الاسم تابع الو او لا؟) كتير افطرت فيه سواء هناك او جبنا منو فطور للبيت وبصراحة بالحالتين ممتاز جدا ومافي اختلاف ابدا لا بالطعم ولا بالمذاق

بخصوص الصالة فهي جيدا جدا والخدمة فيه جيدا جدا

بخصوص السعر والخدمة بشكل عام فهي ممتازة وسعرو ممتاز مقارنة بكمية الاكل والطعم والمذاق الوجود بالوجبة والتي تكفي حتى الاشباع وسعرها 4دنانير لكن حقيقة تستحق هذا المبلغ

عندو او بقد اكثر من ونوع وانا شخصيا مابحب غير المندي واحيانا البرياني والبخاري (بصراحة تاني وجبة عندو بتشهي ) والزربيان (كتير طيب من عندو )

المطعم يعيبه عدم وجود مواقف خاصة وجو المطعم يميزه الهدوء من الداخل ورائحة الطعم الرائعة

مابتزكر ازا عندو خدمة التوصيل ابدا وبخصوص التدخين فمسموح لانو كان في ناس بدخنو وماحدا حكى معهم شي

يستحق الزيارة والاكل من عندو سواء برمضان او غير رمضان

تجربة ولن تتكرر إن شاء الله

اليوم اللي هو 15 رمضان طلبت وجبة فطور وأكدنا عالمطلوب وعالعنوان وطبعا لما اتصلت فيهم كانت الساعة 4 الا عشر دقايق العصر وتعمدت اطلب بدري

لما سألت أي ساعة بتوصل الوجبة حكالي الموظف قبل الافطار يعني بين الساعة 6:30 لغاية ال 7

والأذان 7:40

عالساعة 7 اتصلت اشوف شو صار حكالي طلبك طلع

وظليت استنى وأذن المغرب والساعة تعدّت ال 8

عالساعة 8:15 اتصلت فيهم حكالي الموظف يمكن ما طلعت الوجبة قلتله زمان حكيتولي طلع الطلب

قاللي اعطيني العنوان كمان مرة اعطيته العنوان صار يسأل في اللي عنده اذا طلع او لأ

قلتله يعني انت بتسأل ليش متى بدك توصلني الوجبة حكالي هسة بطلع الموظف ان شا الله قلتله مش المفروض يوصل قبل الإفطار حكالي اه

حسيت إنه مخزّن بصراحة

حكيتله هاد لما يكون الإفطار عأذان العشا بوصل قبل الأذان

حكالي والله اليوم أزمة

حكيتله انا طلبت بدري كثير وأكدت الطلب

كان بإمكانكو تخبروني انه ما في مجال مش أظل بدون فطور أستنى بس انتو مطعم ما بحترم الزباين قالي خلص هسة بطلع الموظف باتجاهك

قلتله ما إلي مصلحة إلغي الطلب

وأنهيت المكالمة

وهاي قصة حياتي مع هالمطعم اللي ما بحترم الناس

انا كتيييير جربته لهالمطعم ...الاكل عندهم كتييير طيب وخاصه البرياني؟... اسعارهم مقبوله مقارنه مع كمية الوجبه ....النظافه هلا صااارت كتير احسن عن قبل والخدمه جيده فيه ...واحلى شي انو بتئدر تدخن ف هاد المطعم ...انا اكيد بنصح الكل يجربه

مطعم يمني بس بصراحة من الاخر

هو افضل فروع المطعم بالاردن

عندو صالة اكل للعائلات كبيرة

خدماتهم ممتازة واسعارو كتير ممتازة ومناسبة للجميع

المندي عندو بشهي ومن الاخر

عندو البرياني كمان رائع والزربيان زاكي كتير

يتميز مطعم باب اليمن بتقديم الوجبات القديمة ذو النكهة اللذيذة التي تذكرنا باجدادنا حيث يقدم اشهى المكولات اليمنية و العربية كالبرياني و و جميع انواع الرز العبي و يتميز بالفخامة رغم ديكوره القديم ذو الشكل الجميل و الاسعار جميلة و مرغبة و لنها مرتفة قليلا عن غيرها و خدمة النظافة هي التي تجذب الزوار الى المطعم و شكرا

مطعم باب اليمن من المطاعم المميزه يلي عندها اطباق منوعه وزاكيه كتير وانا من عشاق الاكل الخليجي وهالمطعم بيعمل الاكل بطريئه زاكيه كتيرر وانا جربت ((زربيان اللحمه + مظبي الجاج +البرياني)) كتير بستمتع بالاكل من عند هالمطعم

الأسعار متناسبة مع حجم الطلب والكميه مشبعه كتيررررررررررررررررر

الخدمة سريعه كتير

الاصطفاف شبه مستحيل

وبالعزايم كتير ببيض الوجه

وخدمة التوصيل ما بعرف ازا متوفره

كنت من زوارة الدائمين خلال ايام الجامعة ...كل ما يجي في بالي الاكل الخليجي بالوقت الحالي بروح علية..الاكل عندهم خيال بحب القعدات الارضية الاسعار عندوا رخيصة بالنسبة لكمية الطعام الي بيقدموها ...جربت غيروا ما عجبوني زيو...المشكلة الوحيدة ما في مكان لاصطفاف السيارات....بنصح بتجربتو

مطعم كثير رائقي ، و اكلات خليجية و عربية و محلية كثير زاكية و فنانين و ماهرين في الأداء و نظيف و دقة في طرق الطهي و ما بيقصروا مع حد

مطعم يمني بس بصراحة من الاخر

هو افضل فروع المطعم بالاردن

عندو صالة اكل للعائلات كبيرة

خدماتهم ممتازة واسعارو كتير ممتازة ومناسبة للجميع

المندي عندو بشهي ومن الاخر

عندو البرياني كمان رائع والزربيان زاكي كتير

على فكرة من افضل المطاعم الي بتقدم اكل يمني بيعمل المندي على اصوله والموظفين خدمتهم على اعلى مستوى طعم طيب وخدمة ونظافة واسعار مناسبة جدا جدا

أنا جربته مرة أكلت عنده زربيان كان زاكي بس مو واو النظافة جيدة السعر جدا ممتاز الخدمة ممتازة المصفات إنت وحظك إذا لقيت مصف هههههه يعني بدون خدمة اصطفاف أكيد بدون كحول بس برأيي في محلات كتير افضل

محل جميل جدا وخدمتو منيحة وسعرو مناسب بس انا ما بحب الاكل اليمني بس الي بحبو يجرب المحل راح يرتاح كتير فيه

الجلسه العربيه وحدها حكايه

و الطعم مقبول الى حد ما

بس بحس مرات انو النضافه فيه مو كتير

اولاً : جودة الطعام ممتازه ،انا جربته كتير وخليت اصدقائي يجربوه وكلهم مدحوا فيه ،وخصوصا الزربيان !

ثانيا : المحل نظيف وانا طلعت بنفسي على المطبخ وشفتهم وهما عم بحضروا بالرز واللحمه والدجاج.

ثالثا:السعر معقول جدا بالنسبه لحجم الوجبه.

رابعا:خدمة الزبائن سريعه جدا ،يعني 5 دقائق بالضبط

خامساً : توفر الاصطفاف صعب .

لا يقدم مشروبات كحوليه طبعا ، وانصح جميع الاشخاص بتجربته سواء فرع الجبيهه عند البوابة الشمالية او فرع ماركا الشمالية عند دوار المطار ، كليهما نفس الجوده ونفس السعر .

انا كتير بحب اتعرف عالماكولات العربيه

اختياره لاسم المحل كتير موفق

اليمن بتتميز بماكولاتها العربيه وحضارتها عريقة

هاد المطعم جذب انتباهي وانا مروحة من الجامعة

ماكوته بتناسب جميع المستويات

والاحلى من هيك موظفينه البشوشين

حبيت اليمن من وراه اسعاره بتناسب الكل

انا شخصيا كتير انبسطت فيه انصحكو تجربوه رح تحسو حالكو باليمن

موفقييييييييييييين

مطعم رائع

ما اله منافس حقيقي في مجاله

القعدة الحضرمية اكتر من روعة

خصوصية عالية

راحة تامة

هدوء ولا احلى

اكل طيب

اسعار اقل من المعقول

نضافة خليها على جنب...مش بطال

و بنصح فيه الاكيلة...و بصراحة للعزايم ببيض الوجه خصوصا على طفر