مستشفى عمان الجراحي

أنا شخصياً جربته 3 مرات ، ولادة قيصرية ، يعني أقمت فيه كل مرة 3 أيام. بصراحة المستشفى كتير ممتاز والممرضات ما شاء الله عليهم والأسعار بتهيألي من سؤالي لغيري إنه مش غالي.

أنا كتير إرتحت بإقامتي فيه ولقيت الرعاية والاهتمام.

يعني بالمختصر لا غبار عليه.

مستشفى عمان الجراحي المعروف بنظافة و الهدوء تاعة و غرفه جميلة مريحة و خدمة النيرسس الممتازة

خلال العام الماضي 2 من افراد اسرتي عملو عمليات واحدة تنظير و واحدة جراحية في الركبة و كان الوضع ممتاز.

بس اسعارهم مرتفعة جدا، صحيح انو مستشفى يصنف ب 5 نجوم لكن تبقى اسعارة مرتفة.

وبالنسبة للطوارق قبل فترة والدتي تعبت و اخذناها على الطوارق على الساعة 11 ليلا وللاسف خاب ظني فيه!

النظافة كانت سيئة جدا، الارض كلها ورق و بلاستيك و ابر، الشرشف كان مطبع و غير نظيف، سلة المهملات مليانة غير نظيفة، بعد ما خلصنا كتب الدكتور 3 ادوية و رحت على صيدلية المسشفى اصرفها لكن الدكتور الصيدلي كان بشرب قهوة و كان باحد طوابق المستشفى انتظرناه 10 دقائق و دور على الادوية و طلع ولا واحد موافر بالصيدلة!!

و الساعة 12 ليلا مافي ولا صيدلية فاتحة قريبة!

اتمنى انو المستشفى يحافظ على النظافة اكثر و ما يفقد سمعته الطيبة.

هاد المستشفى حكالي عنو ابن عمي كتير

وحماي اكتر

خدمات كتير ممتازة بصراحة

نظافة ممتازة

الكوادر الطبية ممتازة

قسم الولادة ممتازة وبتواجد مع المرأة الحامل الدكتورة الخاصة بها

بغرف الاقامة ممتازة

عندهم متابعة للمرضى بشكل متواصل

واسعارهم متوسطة وحسب الحالة وعدد ايام الاقامة

المستشفى راقي ومرتب ، تعامل الموظفين والممرضين فيه كتير مريح ، الغرف حلوة ونظيفة ، وفي اهتمام من الكل ، الدكاترة شاطرين هنالك والمستشفى هادي يعني مكان جيد للنقاهة والعلاج .

مستشفى منيح و نظيف و كتير مرتب من جوا و الخدمه فيه كتير منيحه اسعاره غاليه مقارنة بالمستشفيات التانيه الي من نفس المستوى فيو اطباء من احسن اطباء الاردن و منهم الدكتور زياد شرايحه بيعمل فيه تنظير