حلويات النجمة

حلويات النجمة من محلات الحلويات المعروفة على مستوى المملكة بالكنافة والبوظة تبعتو

الطعم لايعلا عليه وكمان السعر مناسب كتير

عندهم بتلاقي اصناف اشكال الوان من حلويات الى كيك وبوظة وشوكولاته وكل انواع الحلويات

المكان نظيف كتير وكمان معاملهم منيحة

يوم الخميس كنا بالبيادر ومرينا عليه ناكل بوظه

عندو عدة انواع من البوظه والكيك بأضافة للحلو العربي المشكل والحلويات الساخنة كنافة - وربات وغيرها

طلبنا كل واحد بوظة ماكينة مش سكوبات هههههههه صغيرة وكانت بجد زاكية وطعمها مرتب

والمحل كبير وحلو وكمان نظيف والعمال في شكلهم مرتب

السلام عليكم : انا كنت اسمع انو محل زاكي كنافته النابلسيه و بوظة العربيه و القطايف وكل ما موجود في المحل رحت جربته عنجد طلع حكي اصحابي صحيح وبع بفتره صارت عنا مناسبه وحكيت لبابا يشتري من عنده ورحنا اشترينا كانت المعامل كثير كويس والخدمه منيحه كثير ..........................................جربوه ما بتخسره

بصراحه...

مستحيل أستلذ بكنافه غير كنافة النجمه...

جد يا جماعه الي بدوق كنافة النجمه رح يوافقني الرأي وبقوة..

السعر متل أي محل حلويات مناسب...

بيعملو معمول مع فستق حلبي رهيــــب...

أنا بحب كتير حلويات النجمه.لأنو جد غير..

المحل نضيف والخدمه مناسبه...

حلويات النجمة عنده قطايف عصافيري كتير طيبة بالظافة الى حلاوه الجبن والايسكريم كل شي اطيب من التاني بنصحكم بزيارته عن جد القطايف من عنده غير شكل

الله الله الله ، عليها وعلى القطايف الي بتعملها

نجمة وقطايفها متل النجمة ، اشي زاكي وبشهي

رمضان من غير قطايف النجمة ما بكمل

انا بحب البوظه من عندهم كتيررررررررررررر زاكيه والكنافه كمااان كتير بزبطها بالزات الناعمه ..............بس الكيكات عنده مش ولا بد

واسعاره جيده

بالنسبة للبوظة طعمها رهيب لارغم من حجمها الصغير والكنافة افضل نوع ولذيذة بكل مو طبيعي الجبنة قليلة مقارنة مع غيرها من محلات الحلويات وخدمة سريعة للزبائن، والاسعار مناشبة ومو غالية والنظافة ممتازة والحفلات ما جربتهم بس السفري منو احسن شي حلوياتو محلية وما في اشياء مبتكرة

من زمان والنجمه متميزة بحلوياتها .. خاصة الكنافة .. اله افرع كثيرة لكن مشكلته انه مافي مصفات .. بس الخدمة سريعة ومتميزة .. وفي قعدات خاصة فرع طبربور .. بنصحكم تجربوه وتجربو العصير فيه

المكان رائع ،، انا ما جربت غير الفرع اللي فاتح عنا ب طبربور و كانت الخدمة ممتازة ،، و الحلويات ذات جودة عالية بالاخص الكنافة و البوظة العربية ،، عدا عن انو الاسعار مناسبة جدا ،، بنصح الناس فيه :)))

النجمه كتير مرتب وزاكي وكل شي عندو من الالف إلى الياء... وبالصيف أيسكريم بره بكون كتيير زاكي وفي قعدات داخلية عندو ... انا بحب كل انواع الحلويات إلي عندو .

و سريعين بالتحضير .

انا كتير بجربوا لانه بجانب عملي المحل نظيف وعند جلسة للعلائات والخدمة جيده ونوعيه الحلويات جيده جدا" وياريت يستمر على هذا المنول بس في عيب واحد انو بالقرب من الاشارة ولايوجد محلات للاصطفاف فقط .

بصراحة بعدو ما في جربت من عندو البوظة و الكنافة كتيييييير طعمهم زااااكي و معاملة الزبون عندهم جيدة جدا للغاية و اسعارهم مناسبة مو غالية يعني وتقريبا كل مناسبة بنجيب من عندو و كل فروعو كتل بعض يعني كلها ممتازة و بنصح الكل يجربو

أنا جربت هذا الفرع و الفرع الموجود في ماركا، الفرع الموجود في ماركا أزكى بكتير. بس هذا الفرع القطايف عنده زاكية في رمضان. أنا بنصح الناس يجربوه الفرع الموجود في ماركا.

انا اكلت من فرع تاني بس صراحة طعمة كنافة النجمة غير شكل :)

و القطر مزبوط على الاخر بكون

الشي الوحيد الزاكي عندهم البوظة و العربية و بس

بصراحة ... غير شكل و سعرها مناسب ... بس الحلويات مو طيبة ..

بصراحة كنافة التي يقدمها كثير ممتازة

ونظافة المحل كثير نظيف و سعر وسط

وانا بنصح جميع انو يجربوه.

لا احبه ديكوره فقط جميل ولكن حلويته ليست جيدة كل مرة بتكون الحلويات شكل مرة بتكون منيحة ومرة سيئه

الصراحة انه فعلا من افضل محلات الحلويات و اهم شي لتقييم مستوى الحلويات هو الكنافة الي ممكن اصنفها بصفتي خبير انها ممتازة

الخدمة كمان ممتازة و سريعة نوعا ما

يمكن اماكن صف السيارات قليلة بس م عمري صادفت مشكلة بالصفة

انا جربت البوظة عن جدا زاكيه و الاجواء الي عملها برمضان كتير حلوه و برمضان بعد الافطار مابتلاقي مكان تصف السيارة مع العلم انه في محلات قريبه منه و اسماء معروفه بس ما بتلاقي حدا عندها