جامعة البلقاء التطبيقية

انا درست بالجامعة ووالله ما كان الي نفس اتخرج

الجامعة مو كتير واو ولا كبيرة زي الاردنية متلا او التكنو

بس من جوا مرتبة كتيييير جوها مع الناس اللي فيها كتير حلو يعني والله الكل بتعامل معك زي كأنو حدا من اهلك ولاحدا بشوف حالو عليك ولا شي يعني الناس نفسياتهم كتيييييير طيبة والدكاترة كمان كتير مناح وبقدرو ظروف الطالب

التدريس بصراحة مو كتير قوي يعني ازا الواحد ما اعتمد على حالو واخد دورات مارح يطلع بفهم اشي على الأقل هاد بالنسبة لتخصصي (هندسة كمبيوتر) بس اجمالا كل الجامعات هيك لازم الواحد يتعب على حالو

اكتر شي مو منيح فيها اولا الواسطات طبعا هي موجودة بكل مكان بس عنا بزيادة كتير

وتاني شي الطوش اللي بتصير بس احنا اتعودنا هههههههههههه

مو عارفة شو كمان بس هاد رأيي تقريبا بكل النواحي

جامعتي اللي درست فيها وبحمد ربنا انه طلعلي فيها.... حلوة كتير بناسها وبعض دكاترتها وبجوها الحلو ومبانيها المرتبة... كل يوم عن يوم بتتحسن... بالنسبة للتدريس فهو بتقييمي (جيد) والطلاب بعد التخرج لازم يشتغلوا على حالهم كتير مشان يمشوا بسوق العمل وبتخيل اغلب الجامعات عنا هلأ هيك للاسف... بتمنى انه بس ازورها كمان كم سنه اتكون اتطورت و صارت من اهم الجامعات بالاردن.... ويارب الطلاب اللي فيها يبطلوا سلبية ويبلشوا يشتغلوا ويطالبوا بحقوقهم مشان اتصير احسن واحسن :)

انا ما درست بهل جامعة لكن كنت ازور صحابي فيها ، جامعة كتير مرتبة ومنظمة . فيها كل الخدمات الي بحتاجها الطالب . لكن المشكلة انها حوليها بيوت وما فيها مجال للتوسع . والمشكلة كمان انو اي واحد ممكن يدخل عليها ويعمل مشاكل مافي تدقيق على الي بدخلوا الجامعة . او في بس كتير في واسطات . كمان انا رحت مع صاحبي مرة وقت التسجيل كان الوضع بقرف . كتير عجقة والكل فوق بعض . يمكن هاد الحكي تغير هالايام وانشاء الله يكون تغير . لاني صارلي اكتر من خمس سنين ما زرتها.