الأفغاني

المكان كتير حلو مو اول مرة اروح الو بس اول مرة ازوره قبل رمضان و صراحة عندو اشياء كتير حلوة رمضان شريت زينة للبيت و هدايا لرمضان حلوة و معبرة عن الشهر الفضيل و خامتها جيدة جدا و اسعارهم معقولة مش غالية كتير .

شريت فانوس قماش لرمضان و نجوم كرتون و مفارش و اواني زجاج مرسوم عليهم الهلال و النجمة . بنصح الكل يروح يجيب من عندو :)

انا شخصيا كتير بتعامل معهم بلنسبة للجودة كتتتتتير مليحة ولا

سعار مو غالية بلنسبة للبضاعة انها مليحة وبرضو الموظفين معاملتهم كتير مليحة ولطفا .

الأفغاني فعلا راقي كتير عنده هدايا بتجنن من تراثنا الفلسطيني والأردني.. أول مرة بدخل على هذا الفرع شفته كتير مرتب وحلو وفيه كتير هدايا بحتار الواحد شو يختار.. جبت من عنده مدالية لإمي مكتوب عليها "قل أعوذ برب الفلق" وجبتلها ميدالية للسيارة عليها اية الكرسي كتير مرتبة وحلوة.. بالنسبة للأسعار مش رخيص أبدا.. المدالية الأولى 3.25 والثانية ب 8 دنانير بس راعاني كتير وأعطاني إياهم ب 9 دنانير.. كتير كان منيح الشب وأعطاني إياهم كل وحدة بكيس هدايا.. ما ندمت من روحتي عليه بالعكس كتير منيح المحل ورح أرجعله..

عندما أصف مكان بقيمة الأفغاني لا أدري من أين أبدا ،

هل أبدا بالموظفين المتعاونين الدؤوبين ام بمحتويات هذا المكان الجميل من كل ما يخطر ببالنا من تحف ولوحات وزينة وكماليات ، ام من التوضيح المستمر من الموظفين حيث ان كل موظف يترك ما بيده ويمشي بالقرب كل زبون حتى يعطيه أكبر فائدة ممكنة عند شراء مبتغاه .

من منا لا يعرف الافغاني ، من منا لم يشتري منه من قبل !؟ ، القليل فقط لم يفعل ذلك بل من النادر ان نجد اشخاص لم يسمعو به في عمان .

يعتبر الافغاني من المحلات التي تجمع بين التراث والاناقة والشكل والاداء العصري ومواكبة الحاضر باكثر من قطعة من محتوياته ، فمثلا يحتوي على اقدم السيوف واللوحات الاثرية وفي الوقت ذاته يحتوي على ساعات حديثة وافكار مميزة وقطع حديثة من الحلي وبعض الماركات الجميلة والمبتكرة .

انا شخصيا تعاملت مع الافغاني في اكثر من مناسبة وخرجت ببياض الوجه في كل المناسبات التي لجأت فيها اليه ، قبل عامين اهديت شخصا عزيزا على قلبي هدية مبتكرة ، ساعدني فيها احد الموظفين عن طريق وضع الازهار الحمراء في صندوق كبير ، اضافة الى صندوق من عند الافغاني لونه مخمل ازرق ممزوج مع الفضة ومحفور عليه كلام مني ، وداخل هذا الصندوق قلادة من نوع وشكل مميز وكانت مخبأة داخل هذا الصندوق ، وعندما اهديت هذه الهدية ونالت الاعجاب ، عدت الى الشخص الذي ساعدني وشكرته كثيرا في داخل المحل ، وفي موقف اخر اهديت ضيفا وصديقا عزيزا اتى الى الأردن قلما محفور عليه اسم الشخص وموضوعا داخل علبة مخمل سوداء محفور على سطحها اسمي وامنيات التوفيق على قطعة من الحديد،وكانت هذه ايضا فكرة نفس الشخص الذي ساعدني في اكثر من موقف ، والطريف بالموضوع اننا اصبحنا اصدقاء بعد ذلك ...

صراحة بامكاني ان الخص ما يميز الافغاني في النقاط الاتية :

1- مكان مميز يجمع عدة ثقافات وافكار وعصور وتقاليد .

2- مكان يحتوي على الدعم الكامل من الموظفين ومثال للتعامل مع الزبون على اكمل وجه كما حصل معي في اكثر من موقف ، وبالتأكيد مع غيري .

3- مكان ( ما شاءالله ) دائما ممتلئ ويحتوي حركة وزبائن .

4- في معظم الاوقات نرى الموظف يقوم بخصم معين ما يقارب 10%-15% بدون استشارة احد ، علما انه لا يوجد خصم او عرض في تلك الفترة ، كسياسة كسب الزبون وهو ما نجح الافغاني في تحقيقه .

كل امنيات التوفيق لهذا المكان الذي استمتع بزيارته ، وانصح الجميع بتجريته ..

الأفغاني حلو وفخم.. مافي كتير محلات زيو، أسعاره منيحة بشكل عام في أشياء غالية وأشياء رخيصة.. في مداليات وتذكارات من كل الأنواع وخصوصا لفلسطين والأردن.. وعندو أشياء مطرزة بالطريقة الشعبية اللي بحبوها أهالي عمان وفلسطين.. في أشياء كتيييير بسيطة بس الواحد بشتريها لإنو فكرتها كتير حلوة وإلها ذكريات وبتذكر الواحد ببلده.. كتير حلو الواحد يجيب هدية لصاحبه أو حتى لإمه وأبوه.. انا صرت شاري الشطرنج الزجاجية لخمسة من صحابي.. فيه كل شي بدور عليه السايح.. المحل نظيف ومكيف.. وإذا شريت هدية بلفلك إياها أحلى لفة ببلاش.. العاملين هناك محترمين ولطيفين.. في مصفات للسيارات برة عند المحل.

الافغاني اكتر من رائع بكل شي عنده من تحف ومناظر و فضة :))))))))))

والخط الي بكتبوا فيه عالفضة روعة حتى لو ما اشتريت من عندهم لازم ارجع عندهم عشان احفر عندهم عالفضة او حتى عالخشب

ومعاملتهم كتير زوء خصوصا فرعهم بجبل الحسين كتير بتعامل معهم وبنصح الكل يجرب يشتري منهم او حتى ازا بدو يكتب شي على خشب او فضة بس من عندهم

الافغاني من الاماكن المميزة في البلد والمولات عنا ، والدليل وجود محتوياته في اكثر من منزل من منازلنا ،

انا شخصيا كل فترة وفترة بشتري من عندو ، كذلك استخدمه في اهداء العديد من الهدايا المميزة والفريدة ،

من نوعها ،

ودائما يحتوي على افكار جديدة ومميزة

صراحة اعطيه تقييم 4 نجوم :)

هاد المكان بترجم الشرق بلمساته الفنيه...

أي قطعه رح تاخدها من عنده رح تكون إنت الكسبان..جد كل شي عنده حلو...

بعدين الخدمه هناك كتير لطيفه..

إزا حابب تاخد هديه لناس بره الأردن أو لسياح ما إلك غير هاد المكان ..

شي ببيض الوش...

محل الافغاني كتير حلو و من زمان يعني اكتر من ثلاثين سنة ولما بحكي حدا محل الافغاني يعني كل اشي قيم وجمبل الله يعطيهم العافية بس الاسعار اشوي غاليه ولما الواحد بدو يشتري من عندهم اقل اشي بتاخد منة نصف ساعة من كتر المعروضات الجميلة و المتنوعة

الافغاني من المحلات العريقه المميزه في الاردن فكل ما يخص التحف الفريده والفضيات الرائعه والاكسسوارات الغجريه القديمه الرائعه موجوده عنده والمناظر الخاصه بالاردن من الرسم بالرمل وكل زواره من الاجانب والسياح وموقعه الاصلي في البلد وله فروع اخرى منتشره في المملكه واسعاره ممتازه ومحله ممتاز ونظيف ومرتب وخدمه الموظف جيده

الافغاني مكان رائع جد فوئ الخيال سواء للتحف المنزليه او للهدايا او لشو ما كان موظفين كتعاونين و براعو بالأسعار انا جد smurf الافغاني :)

بصراحة قطعه مميزة وانا شخصيا بحب اشتري من عندهم وخصوصا الهداية المرتبة والثقيلة لشخص بعز عليك بنصح الجميع فيه

من المحلات الحلوه الي لازم كل يجنا ضيف على الاردان أخده للتسوق منه ... عنده فضة حلوه و تحف و كتير اشياء بتجنن

المحل متميز ، كل شي شرقي وحلو وفخم موجود عنده ،، بس اسعاره مبالغ فيها شوي . بس مثلا واحد جايه ضيف اجنبي حابب يقدمله هدية شرقية متميزة ، متل شماغ بعلبة خشب وجلد او ارجيلة مزخرفة عندوا اشياء حلوة .

الأفغاني غالي شوي، بس في عنده شغلات كتير مميزة، و لما بتزيين بيتك ما بكون زييك زي كل البيوت التانية! عنده اضائات كتير حلوة و اكسسوارات لجوة البيت ما بتشوفها بكل مكان.

الأفغاني ممتاز لأن التشكيله الموجوده عندو مميزة وجميلة ومختلفة عن البضاعة في السوق والأسعار مقبوله والخدمة ممتازه والتعامل جيد وساعات العمل منطقيه

محل جميل ومرتب وفيه كل شيء للسياح والمواطنين من تحف وفضة وهدايا حلوة .... الأسعار متفاوتة .. ربما الأسعار أغلى قليلاً من غيره ولكن هذا ثمن الشهرة .. أنصح بزيارته

محل جميل متنوع اسعارة مرات بتكون غالية ومرات مناسبة كتير بتلاقي فيه تشكيله مناسبة لحفلات التخرج وحفلات الوداع للموظفيين والمواليد الجدد ويوجد عنده اشياء كلاسيكية جميلة جدااا جدااا

يعني من اجمل التحف الي بشوفها في حياتي واحلى ما في مافيش اسهل من الصفه عندو يعني مكان شرح وبرح تصف في بنصح الجميع يتفضل على الافغاني بس دربالكو توخدو النسوان معك ترا الافغاني مش رخيص بس بستاهل

محل كتير مرتب،،، فيو اشياء و فضيات و هدايا و تشكيله كتير حلوه،،،،بحب عندهم خدمة الكتابة على الهدية،،،و اسعاره منيحه كتير ،،و فرع مكة مول مستحيل تلاقيه فاضي ،،،،،