sara jalouqa

المينا هاوس أنا بحكيلكم تاريخه .. انا كنت ساكنة بالعقبة وبعرف تاريخه بالتفصيل هلأ بالبداية بيجي واحد وبيشتري او بيسأجر المطعم بغض النظر بروح بزبطه وطباخين وديكورات وجرسونية ومرات بزيد طابق وقعدات… المينا هاوس أنا بحكيلكم تاريخه .. انا كنت ساكنة بالعقبة وبعرف تاريخه بالتفصيل هلأ بالبداية بيجي واحد وبيشتري او بيسأجر المطعم بغض النظر بروح بزبطه وطباخين وديكورات وجرسونية ومرات بزيد طابق وقعدات وقصص من هالحكي شهر زمان بينكسر المحل وبيتسكر لبين ما الله يفرجها ويجي واحد تاني ونفس القصة تكرر على مدى التاريخ يعني ازا واحد نزل على العقبة وشافو واااو وانو حلو فما يستعجل على رزقه بكون ناس شاريه جديد مع انو المطعم كتير حلوة فكرتو فهو على شكل يخت وبيتكون من طوابق ومنطقته كتير حلوة وسياحية يعني اغلب اللي اجوا على العقبة شافو بس انا برأيي انو المحل يا بتسكر يا بينفتح مش معقول كل شهر شكل وحتى لما حدى يزبطوا بحط اسعار بالخيال وبقدم مشروب كمان يعني انا مني نصيحة لا حد يروح عليه ولا يستأجرو ولا يغلب حاله لسا يفتح محل عادي اربحلة وبعدين صار فيه انواع من اليخت واسعهار مغرية وبيمشي بالبحر كمان ليش اضلني واقفة بمحلي ... اما بالنسبة للمواقف هادا لما يكون فاتح ففي مساحة منيحة من المواقف .. والاسعار زي ما قلت ناار و عالية جدا و صراحة انا ما دئت من اكلوا لانه بقدم مشروب وبيحطوا بالأكل هاد كل اللي استأجروا اللا كمن واحد ما قدم مشروب :( و موقعه منيح بس صراحة انا بحياتي ما شفت اشي منيح فيو بس صح لو بنزل على العقبة مرة أو مرتين بالسنة رح استمتع بمنظره لانه اشي غريب بس انا كنت اشوف تطوراتة بالتفصيل بحكم اني كنت ساكنة بالعقبة يعني السياح بينبسطوا على منظره مش أكتر وولاأسف طبعا انو ما قدر يوصل لمرحلة من التطور انو يضل فاتح على الاقلية :( هاي وجهة نظري المتواضعة ممكن حدا يخالفني فيها هي وجهات نظر بالآخر .. بس انا ما بنصحكم تزوروا ازا احتجتوا تروحوا باليخت او تاكلوا مأكولات بحرية اسألوني وانا ما رح اقصر معكم :) Read more

المحل موقعه كتيييير حلو واستراتيجي صراحة ... فيو قعدات للصيف برا وقعدات للشتاء جوا .. وبيتميز المحل بأنه عندة خدمة مواقف السيارات اللي أغلب مطاعم عمان ما بنروح عليهم عشان الأزمة و بنحتار وين بدنا نصف… المحل موقعه كتيييير حلو واستراتيجي صراحة ... فيو قعدات للصيف برا وقعدات للشتاء جوا .. وبيتميز المحل بأنه عندة خدمة مواقف السيارات اللي أغلب مطاعم عمان ما بنروح عليهم عشان الأزمة و بنحتار وين بدنا نصف سيارتنا فهيك بتروح أنتا مطمن بالك على سيارتك . بالنسبة للأكل فأكتر شي مميز بهالمطعم هو الخبز : وتتواجد الكثير من انواع الخبر اللي بتحتوي على مكونات غير موجودة بالأردن بالمناسبة أصل المحل فرنسي . والموظفين اللي بيشتغلوا بالمحل عندهم خبرة واسعة بمجالهم واللي اجوا جديد نقلولهم هاي الخبرة وبهيك صار الكل متميز بالنسبة للمشروبات وبالأخص القهوة فهي كتير زاكية و معمولة على الأصول والعصائر طبيعية وطازجة وطعمها فوق الخيال . قائمة الطعام كتير منوعة و مرضية لجميع الاذواق . والصورة العامة للأكل هو فرنسي فهيك بندوق أكلات فرنسية واحنا قاعدين ببلدنا . وازا رايحين تفطروا فرح تلاقو كل اصناف الاطعمة اللي بتفضلوها من انواع الاوميليت و الكروسانات و فطائر الكيش و العديد من الاصناف الأخرى . السلطات كتير منوعة وزاكية وغريبة نظرا لانها فرنسية والبرغر عندهم كتير زاكي ومميز انا بظن لانه نوع الخبز اللي بيستعملوا مو موجود بالبلد فطعمه غلريب و جديد وزاكي بنفس الوقت . أما بالنسبة للحلويات اللي هاد المحل بيتميز فيها بكل البلد فأزكى شي التارت بكل اطعمتها وخصوصا البيري : روزبيري ، بلوبيري ، ستروبري . وفي تارت تفاح مع لوز بشههههي :) بالنسبة للديكور فالألوان هادية ومريحة وبيجمع بين البساطة والعراقة . القعدات مريحة وكراسي مناح والاهم من هذا كله هو النظافة فالمحل ما بيسوئ شي ازا ما كان نظيف فهاد المحل نظيف لاعلى قمة النظافة والجرسوني بيلبسوا زي كتير مميز زجميل وانيق يعني بتحس جالك بمحل راقي لاعلى درجة . وبالبنسة للأسعار 4 نجوم . يعني يعتبر كالأسعار المتداولة بين المطاعم اللي برا الفنادق . والسهرة بهاد المطعم جميلة جدا وبتسمتع واهم شي بتروح مبسوط من كتر ما بحاولوا الموظفين يوفروا الراحة الملائمة صراحة انا ما قلت اي عيب مش لاني انا ما بدي اقول انما لعدم وجود اي عيب شفته انا بهاد المحل بتمنى انكم تحسوا زيي :) زوروووووووا :) Read more

أهلا بك في كونكورد :) الموقع : تنتشر محلات كونكورد في جميع مناطق عمان صراحة ما بعرف ازا في خارج عمان لكن المهم اللي بدي احكي عنو هلأ ، فرع جبل الحسين العنوان موجود في الأعلى عند وصف المحل مع خريطة… أهلا بك في كونكورد :) الموقع : تنتشر محلات كونكورد في جميع مناطق عمان صراحة ما بعرف ازا في خارج عمان لكن المهم اللي بدي احكي عنو هلأ ، فرع جبل الحسين العنوان موجود في الأعلى عند وصف المحل مع خريطة فممكن تستفيد منها ، المحل عبارة عن طابقين وصراحة مين بعمان ما بعرق كونكورد يعني سمعتهم الطيبة سبقتهم ، المحل ببيع الأحذية والحقائب بشكل عام لكن تتوفر لديه الأحزمة والاكسسوارات لكن بشكل أقل من الاحذية والحقائب هلأ المكان استراتيجي جدا يعني منطقة جبل الحسين وبالتخصيص بالقرب من دوار فراس الكل بيجي عليه من مختلف مناطق ومحافظات الأردن يعني اي حدا بيجي على عمان وبدو يتسوق بينصحوا انو يروح على جبل الحسين وبهاي الميزة استغل المحل وتميز بشغلة اخرى وهي رقي المحل يني هو يتكون من طابقين وديكورات رائعة وكراسي للقياس متوفرة في جميع زوايا المحل ونوعية الاحذية ممتازة جدا يعني ازا حد زاروا ولاحظ ازا بدي اشتري مثلا بالارينا بتدور كل جبل الحسين وبتلاقي اسعار مختلفة ونوعيات على الاغلب رخيصة بغلوا بحكم موقعهم لكن كونكورد على العكس تماما ان كات صويفية ان كان مكة مول او جبل الحسين او اي فرع آخر رح تلاقي نفس الجودة ونفس الأسعار يعني مصداقية بالأسعار وجودة حقيقية . وصراحة أنا بتعجبني طريق عرض الأحذية عندهم كل نوع الو مكانه الخاص والالوان مرتبة ونرتك بتوصلك بنفس اللحظة بالرغم من الاكتظاظ اللي عندهم بالمناسبة الموظفين جد خدومين وما بدهم غير رضا الزبون بغض النظر اشترى او لأ ، وتتوفر عندهم أحذية وحقائب نسائية وأحذية فقط للرجال والأطفال ، يعني العيلة كلها بتقدر تشتري من عندهم ما بتتغلبوا تلفوا من محل لمحل ، وأحلى شي بهاد المحل هو التنزيلات المشجعة يعني فترة التنزيلات بيعملو اسعار خيالية للمنتوجات وبكل الفروع كمان مرة بقولها لانه في بعض الاشخاص بيتوقعوا انو فرع جبل الحسين ارخص من فرع عبدون مول لكن على العكس تماما ، فبنصحكم لا تغلبوا حالكم اي فرع قريب من منزلكم زوروا لكن انا اخترت فرع جبل الحسين لانه اكتر شي بشتري منه . انا كتبت كل هالكلام عشان المرة الجاي لما بدكم تشتروا احذية او حقائب ما تلفوا المول كلو عم بتدوروا على جودة وسعر فهيني خففت عنكم وقلتلكم ما الكم غير كونكورد . وبالمناسبة هو مو محل جديد انما هو محل عريق الو عشرات السنين مفتوح :) زوروا وما رح تندموا :) Read more

أهلا بك في جافا يو :) الموقع : الصويفية (الدوار السابع ) _ بجانب مطعم جو جرين . المطعم موقعه كتير ممتاز وجميل والقعدة فيو رايقة كتير ، هلأ هو بقدم مشروبات ساخنة وباردة وانواع محددة من الحلويات… أهلا بك في جافا يو :) الموقع : الصويفية (الدوار السابع ) _ بجانب مطعم جو جرين . المطعم موقعه كتير ممتاز وجميل والقعدة فيو رايقة كتير ، هلأ هو بقدم مشروبات ساخنة وباردة وانواع محددة من الحلويات واراجيل ، المحل دايما فيو زبائن قلال فكل حدا بيجي بحاولوا الموظفين رايحين جايين شو بدك تطلب وازا طلب بضلهم يبلشوا فيك تطلب كمان اشي يعني بالعربي ( بقززوك ) ، ولما تروح مع صحابك قاعدين مبسوطين انتا مو جاي عبالك تطلب او كنت هلأ ماكل وما في محل تاكل اي اشي والكل طلبوا الا انتا غصب عنك بخلوك تطلب فبالآخر عشان تخلص منهم بتطلب اي شي بس هذا لا يعني انو المشروبات او الحويات مو زاكية على العكس تماما فهم بيقدموا انواع غريبة من المشروبات الساخنة والباردة وتتوفر لديهم جميع نكهات الشاي اللي بتتخيلها واللي ما بتتخيلها يعني اشي غريب اما زاكي او لأ كل واحد وزوؤو . هلأ المكان عبارة عن طابقين زي ما قلت الموقع مميز وقعداته حلوة وزي ما بتفضل اما كنباية او كرسي يعني كل واحد واللي بريحو . بس أحلى شي بالصيف القعدة اللي برا بيجي في هوا عليل ونسمات باردة لطيفة . في أماكن للاصطفاف وهي ميزة حلوة والأسعار منيحة لا غالي ولا رخيص بس في شغلة على الأسعار يعني انا بفضل نوع معين من الشاي على نكهة معينة بروحوا بجيبوا نفس النكهة لكن النوع الأغلى من اللي انتا طلبتوا مع انك بتكون قايللهم شاي كذا على نكهة كذا بس هم ونظام المحل ما بنقدر نحكي انهم مقصودة لكن ممكن ما يتوفر عندهم هاد النوع فلخدمة الزبون بيعطوا النوع الموجود عندهم وهاي لا تعد سلبية لاننا لا نعرف نوايا الناس . أما عن الخدمة فهي جيدة بغض النظر عن السلبيات السابقة يعني بيتعاملوا باخترام ورقي لكن عملهم بيحتم عليهم انهم يتصرفوا بطريقة ما (للأسف طبعا ) . انا هاد كان رأيي لكن ممكن حدا يخالفني الرأي تماما كل واحد و وجهة نظره والزاوية التي ينظر فيها للكافيه . بس عشان تتأكدوا من اللي حكيتوا أو تنقضوا لازم تروحوا وتجربوا وبالمناسبة الو فروع متعددة فممكن انو اللي زرتوا انا غير عن اللي زرتوا فممكن تختلف الخدمة بس انا حكيت عن اللي زرتوا . زوروا :) Read more

أهلا بكم في التشيليز :) الموقع : شارع مكة المكرمة _ بعد دوار الكيلو . بصراحة المكان كتير مرتب و في محل للاصطفاف دائما وهاي تعتبر ميزة أغلب مطاعم عمان تفتقر الها ، من أول ما الواحد يدخل بستقبلوا… أهلا بكم في التشيليز :) الموقع : شارع مكة المكرمة _ بعد دوار الكيلو . بصراحة المكان كتير مرتب و في محل للاصطفاف دائما وهاي تعتبر ميزة أغلب مطاعم عمان تفتقر الها ، من أول ما الواحد يدخل بستقبلوا العاملين و بيتأكدوا انو ماخد الطلب اللي بدو ياه وبصراحة كتير مأدبين يعني بيعطوا الواحد (space) وبنفس الوقت بيخدموا خدمة كتير ممتازة و راقية هلأ بالنسبة للمظهر العام للمطعم جميل جدا والوانه راقية ورومانسية يعني كلها غامقة زي الأحمر والخمري والأسود . والطاولات كتير مريحة والشخص بياخد راحته وخصوصيتة بالقعدة مش زي كتير من المطاعم ما بتسدئ تخلص الوجبة وزي ما قلت العاملين بالمطعم خدمتهم كتير منيحة وازا هادا بدو يدل على اشي بدل على شدة اهتمام المدير بالخدمة الراقية والمريحة للزبائن . و بالنسبة للاسعار معتدلة يعني مو غالي ولا رخيص والوجبات رائعة وطازجة دائما وبتوصل لعندك هلأ طالعة من الفرن :) وبالنسبة للحلويات زاكية و رائعة زي مولتن الشوكلاتة اللي بتكون عبارة عن طبقات من الكيك والبوظة والشوكلاتة دايبة عليهم هاد الاشي اللي حبيته أكتر شي بالمطعم . و كل شئ زاكي ولذيذ بس في مشكلة واحدة انو الوجبات كلها حجم عائلي اللي المفروض انها لشخص واحد بس مستحيل الواحد يخلص وجبة لحالو يعني بدك تنين تلاتة ياكلو الوجبة معو يعني لو يعدلوا حجم الوجبات بيكون احسن يعني في مطاعم بتعمل وجبات بأحجام مختلفة وانت وحسب جوعك . ازا كنت جوعان كتير بتختار الوجبة الاكبر حجما بس هاي الشغلة مو موجودة بهاد المطعم يعني جوعان ولا مو جوعان بدك تاكل كل الوجبة :) و اللحمة الموجودة داخل البرجر سميكة جدا و كتير مستوي يعني بتحس راح طعم اللحمة ولا كيف بدو يستوي كل هاللحمة ازا ما حطوها لفترة طويلة وبهالفترة بيكون استوى زيادة من برا . بس لو كان ارق شوي كان كتيير احسن و أزكى . يعني انا بقول هاد المطعم من الامطاعم النادرةاللي بتلاقيها بعمان من نظافة و خدمة واماكن اصطفاف و رقي بالتعامل . بنصحكم كلكم تزوروا وما رح تندموا :) Read more