Umsiat Amman Restaurant

انا بحب وسط البلد كتير .. وبزورها كتير لوسط للبلد .. اما بنسبة لامسيات عمان منيح لا باس فيه من ناحية الاكل منيح وارجيلتو كمان منيحة لكن مافي صفة لسيارة اكيد بتتغلب والمكان شوي ديق وئعدت البرندة كتير حلوة بصيف كنت اروح ايام من شغلي دايركت عليه وخاصة المساء عموما المحل جيد لا باس به ..شكراً

امسيات عمان كتييير ئعدتو حلوة ورايقة وتراثيه وراقي المكان وخدماتهم كويسة وئعدة بترد الروح وانا بنصح الكل يرحوا انا جربت اكلهم كتير زاكي وصوانيهم بجميع انواعها كتير زاكية

انا بحب وسط البلد عموما بحسه تراث واصاله غير شكل وبكل الاوقات بتحس انو في حياه وبالنسبه لامسات عمان انا بحبه وبحب ازوره كتير وبحب االاكلات الي عندهم زاكيه كتيرر والاعدات عندهم حلوه والديكور حلو لاني بذكرك بالثرات وبالروعه خدماتهم حلوه

امسيات عمان حلو كتير والسهره في حلوه و ديكوراته مش بطاله بس جوه شتوي لانه القعده في بره صغيره وما في مكان تصف سيارتك والمدخل مش كتير بس برضه المحل حلو وبنصحكم بزيارته

بالنسبة للمكان فهو جميل جدا حيث يحمل على حوائطه الصور القديمة للعاصمة عمّان عندما كانت صغيرة وهذا شيء مهم لأن أصحابه مهتمون بتاريخ المدينة، وأيضا ووقوعه في وسط البلد، وهو وأفضل من المقاهي التي زرتها، وما رأيته من خدمات مقدمة فيه من مشروبات جيدة جدا، أما عن الأسعار فهي بشكل عام جيدة، المشكلة هي في الأماكن الخاصة بالسيارات.

يعجبنى هذا المطعم جدا من حيث الخدمة والعمال والتراث والسعر ممتاز جدا انا موجود حاليا فى عمان من سنتين لا اجلس ولم اعرف سوى امسيات عمان رائع جداااا صلاح

كافيه رائع فيه مطرب المسا اما اكله وارجيله و خدمته كتيييييييييير ممتازة هادي و ترثي تصميمه و ديكوره حلو في مصفات و نظيف انا كتيير بحبه لانه كفيه بنقدر نحكي شرقي

بعدني جاية من عنده

كتير حلو خاصة موقعه بوسط البلد

بينقلني لعالم اخر

بعيد عن التعب والملل

الاسعار ممتازة

بس المشكلة اننا بنطر نصف باخر العالم لعدم توفر مكان

رحت عليه مرة انا وصحبيتي للامانة محل نظيف وديكورات كتير حلوة طلبنا وجبتين شاورما وكاستين كاكاو وارجيلة الشاورما اقل من عادي واذا انا كبنت ما شبعت البطاطا مو زاكية بس للامانة الارجيلة والكاكاو زاكي كتير اسعاره منيحة نسبيا ارخص من جفرا واقل عجقة من جفرا مصري الارجيلة ابدا ما قطعنا ضل رايح جاي علينا بدون ما انادي مكان حلو لاعياد الميلاد كانوا عم بعملوا تحضير لعيد ميلاد اشتهيت يكون عيد ميلادي صفة السيارة صعبة شوي ما بنصح حد يروح يوم الخميس وما بنصح حد بلشاورما تحياتي :)

رحت على أمسيات عمان مرتين، قعدت جوه ما صار في مجال أجرب القعدة برة. بس المشكلة الطاولات كتير قريبة من بعض يعني كأنه كل الناس قاعدين مع بعض وهاد شي مزعج وبخلي الواحد يضوج. طراز المطعم قديم يعني أجواؤه مختلفة، وبجيب مطرب بغني أغاني طرب.

جربت الشاورما عنده، كتير زاكية وحجمها كبير وبتشبع بنصحكم تجربوها. ما ركزت كتير في الخدمة لكن اللي بشتغلوا في المطعم ما لفتوني في شي، يعني لا سيئين كتير ولا جيدين كتير.

المشكلة في موقع المطعم ، صعب تلاقي مصف عنده، بس في فالت.

مكان حلو إزا قعدت بره

في عندو صنية كبده بالخضار كتيير زاكيه

مكانو حلو و مُطل

بس ما تطلبوا دجاج بروستد، شكلو بايت عندو من السنه الماضيه

و مرات بيجي مطرب أو بالأحرى مُطرش بعزف عالعود بكرهكم القعدة كلها بصوتو

يشكل عام المكان لطيف و الخدمه فيه جيدة

الي بيعشق البلد وشوارع البلد وحتى ضجيج البلد لازم يعقد على البلوكنة في امسيات عمان وقتها بيعيش الحياة الرائعة والطبيعية لاهالي عمان وفوق هاد اكل طيب ومشروبات اطيب وخدمة حلوة مع ابتسامة

جرب امسياتها لعمان :)

عنده الافطار بوفيه مفتوح من كل ما لذ وطاب بس ب 12 دينار على الشخص شامل الخدمات والضريبة محل ممتاز نظيف ومرتب انصح فيه للفطورات العائلية

بصراحة مكان ممتاز للسهر وأجواء كتير حلوة

بخصوص الاسعار كتير مناسبة والخدمة جيدة جدا

بصراحة اذا حبيت تعيش باجواء البلد فجرب سهرة بأمسيات عمان وعلى البلكونة كمان

كثير كويس كويس و التوت البري كثير كثير نايس وبارد ونظيف وجيد جدا وكثير حلو وشكله انسيابي و تقديم المسولين كثير زوق

المطعم جميل و مميز وقريب على القلب ، ديكوره جميل، طعامه لذيذ، والخدمة ممتازة، والموقع يذكرنا بعمان القديمة و جمالها، لديهم تشكيلة مميزة من الطعام وملائمة للسحور وجميع الوجبات. الجلسة على الترس جميلة

امسيات عمان تقدم شاورما رائعه جدا وخدماتهم مميزة الارجيلة ايضا رائعة واسعلرهم مناسبة وهو مطعم عائلي جدا ويوجد فيه مطرب صوته جميل وديكور المطعم شرقي قديم ولكن محل الاصطفاف غير متوفر الا بنقود وهذا شىء يجعلنا في بعض الاوقات نختار المطعم المجاور له

مطعم حلو ونظيف لكن المصيبه يوم الخميس. هالمغني صارع الدنيا و أغبى اشي فيه انه بفصلوا الشباب عن العائلات.. يعني لما رحنا شباب حشرونا بزاويه و الارجيله بليرة ما بشتريها والمصري شايف حاله و هالمانجر الي قد ولادي شايف حاله.. طلبنا كلمة سر الوايرلس اربع مرات ما أعطونا الا لما رحت عالمانحر.. وبيقولي ليش بدك اياها؟؟؟ وبعدين بعطيني اياها غلط ... اخر مرة بفوته

المطعم كتيير حلو واكلو زاكي ونظيف والقعدة حلوة ورايقة بتحس حالك قاعد بالبيت،اسعارو معقولة مع انو زمان كان ارخص بكتير بس لما زاد الطلب عليه رفع الاسعار،الخدمة حلوة والموظفين بشوشين،المشكلة انو صعب تلاقي محل تصف السيارة بس بنصح الكل يزورو

زرت أمسيات عمان من يومين بهدف الالتقاء بمجموعة من الاصدقاء العرب، المكان صغير الحجم والطاولات قريبة جدا من بعضها مما يفقد الزائرين له جزء من خصوصيتهم.

طلبنا وجبة عشاء، وتأخر الطلب لأكثر من ساعة وبعد الاستفسار من الجرسون قال أن زميله نسينا!

ومع هيك الأكل عنده زاكي، وخاصة صحن البطاطا وشيش الطاووق رهيب فعلا.

الاسعار عنده مناسبة، واعتقد أنها في متناول الجميع لكنني لا أنصح بزيارته لأن الخدمة فيه مش ولا بد وكمان في كتير خدمات مش متوفرة عندهم مثل اصطفاف السيارات والانترنت المجاني مع أنه بعلن أنه بقدمها، لكنها مش موجودة.

اكثر شي غريب واحنا قاعدين هناك أنه الموظف صار ينظف ارض المطعم أمامنا واستعمل مادة "الديتول" بكثرة لدرجة أن صار الكل يقح من الريحة!

هالزيارة، تنزكر وما تنعاد .. ما بنصحكم فيه الا اذا بتطلبوا اكلكم ديلفري، ويا دار ما دخلك شر.