Total Station

أول مانعبي عطول بيبين بالعداد مو متل محطات بتطول ليبين!!

كمان هي ثقة ومريحة ومعاملتهم حلوة..

أخوي لو بيفضى البنزين كلو مابيعبي غير منها!!

محطة توتال هي محطة محروقات كتير مرتبة وراقية واسلوبها عصري وخدماتها مميزة

انا دايما بحب وبفضل اعبي من محطة توتال وين ما كنت لانو كل افرعها بتحسهم واحد والخدمة مميزة منتجاتهم موثوقة الجودة وما عليها كلام انا بعبي من عندهم بنزين وبغير عندهم زيت للسيارة لانو جودة زيت السيارات عندهم عالية كتير وكمان خدمتتهم كويسة وسريعة وكمان بغسل السيارة عندهم والحلو انو عبين ما تخلص غسيل بتقدر تقعد تشرب او تتاكل شي خفيف من الماركت تاعع المحطة وكمان من الميزات الحلوة عندهم انو بيوفرو للعميل تواليت خاص كتير بيهتمو بنظافتو وخدماتو وبتكون الخدمات في على اعلى مستوى غير انو المحطة فاتحة 24 ساعة باليوم وهاد شي كتير منيح

محطة عصرية فرنسية رائعة بس الملاحظة اللي تكررت معي 4 مرات عندهم لأني بعبي من عندهم دايما انو الشباب اللي بتعبي بنزين كتير بضحكو على الزباين بالباقي ما بين خمس قروش و عشرة و بعدين بطولوا لما يرجعو الباقي خاصة اذا فيه فراطة معدن عشان الواحد يسامحهم..انا مستغرب وين الادارة عنهم..انا تمشكلت مع واحد عندهم بقنعني انو العداد معبي 18.2 و هو فعلا معبي 18.02 و ضل يجاكر و مصر على رأيه من باب انو الناس ما بتعرف تقرأ العداد..

يا ريت اللي صارت معاه نفس الملاحظة يحكيلنا تجربته

i like the stuff there they are nice and they treat you well , espically when you are a regular customer

and i liked the glass wash policy

loved the mini market ( bounjour ) as thy open 24 hrs and available all the time

Out of the world !! unbelievable how modern it is , very clean , very certain with the prices , I really like how great is this station

بصراحة محطة كتير مرتبة و منظمة والخدمة فيها سريعة ومتميزة ، الموظفين مرتبين وبشوشين وخدمتهم ممتازة، اما بالنسبة لانتشارهم فمحطة توتال موجودة في كل المتاطق تقريبا، بالاضافة الى خدمة الغسيل عندهم ممتازة، يعني بصراحة محطة توتال من احسن المحطات في الاردن.

محطة توتال من المحطات الي كتير عجبتني خاصة لانها حسب ما اذكر اول محطة فيها انواع البنزين كاها عند كل مضخة بنزين وهاد الاشي بسهل على الناس كتير ، غير انها عن جد كتير مرتبة الواحد بشتهي يروح عليها .

الخدمة عندهم كتير ممتازة والعاملين بشوشين حتى مرات بضيفوكي ملبسة حتى الواحد يحس بالاهتمام اكثر ، وعندهم خدمة غسل الزجاج لما تكوني بتعبي بنزين ، الخدمة سريعة مش مثل المحطات التانية . وحركة السيارات بسهولة فتخطيطها ممتاز.

محطة راقية وحديثة بديكور عصري جذاب وبألوان زاهية وهي إحدى محطات مجموعة توتال التي أخذت في الانتشار في عمان .. وتقع على شارع حيوي مهم لذلك عندما أمر من هذا الشارع أعكف على هذه المحطة للتزود بالوقود اللازم حيث أرتاح لهذه المحطة لجودة الخدمات المقدمة ..

ماكنات تعبئة المحروقات سريعة التعبئة وبتقنية ممتازة حيث يكون في كل ماكنة أصناف الوقود المختلفة للسيارت فلا داعي للبحث عن نوع الوقود الذي تستعمله ومباشرة يمكن الاصطفاف عند أي ماكنة فارغة ..

النظافة ممتازة في المحطة وخدمة وتعامل الموظفين حسنة وسريعة وهم يلبسون زياً موحداً مما يعطي انطباعاً بالمهنية ..

كما يتم أثناء تعبئة الوقود تنظيف الزجاج الأمامي مجاناً ..

توجد في المحطة خدمة غسيل السيارات وغيار الزيوت وغيرها من الخدمات وتحمل الزيوت علامة "توتال" أيضاً المعروفة بجودتها فشركة توتال هي شركة نفط فرنسية من أكبر شركات العالم ~

توجد في المحطة سوبر ماركت بأسعار مقبولة ومقهى لم أجربه حتى الآن ..

المحطة تراعي معايير الصحة والسلامة العامة ..

وتحدد المحطة مدخلاً ومخرجاً للسيارت كما هو مطلوب ..

بالطبع أنصح بتجربتها والتزود بالوقود منها ..

كنت أتمنى أن تكون هذه الاستثمارات الكبيرة أردنية بحتة ولا علاقة لها بدول أخرى أجنبية ..

توتال اول ما فتحت وحبيت عندهم النظام كتير ورتابة الكازية وحتى الموظفين لابسين كلهم نفس الشي

والسيارة اول ما تصف لتعبي بنزين بطلبوا منك طفيها

وبمسحولك الزجاج القدام للسيارة من غير مصاري

بس ما بعرف في مرة وانا بعبي من عندهم صارت مشكلة مع زبون قال لاعبين بالعداد ووعبولوا بنزين بكمية ققل من المصاري الي دفعها يغني غشوا بالعداد وما صفروا متل ما مفروض يعملوا

ومن يومها بصراحة ما عجبتني القصة فبطلت اعبي من عندها

توتاااااااااااااااااااااك بنظرررررررررررررررررررررري من احسن محطات البنزين يعني انا ما بتعامل الا معهم وبس ادخل ااعبي بنزين دايما عندهم خدمة تنظيف القزاز الامامي والخلفي للسياره مجانا بفرع صويلح ما بعرف عن بائي الفروووع ....

وعندهم خدمة تنظيف السيارات كامل بس ب (( 3 دنايير)) وجد بنضفوه العمال بضمير

وفي قسم لتغيييير زيت السيارات

وفي سوبر ماركت جوه عنده كل شي

وفي عندهم مواد للسيارات للتنظيف او للميكانيك للبيع ممتازه واسعارهم جيده

جد توتال اروع محطة بنزين بلاردن بنظري الكل لابس يونيفورم نظيف العمال مو سرسرية وكلهم مؤدبين ونظام بتلاقي عنده مجلة السيارات الشهرية اسعاره منيحة وما عندهم غش السوبر ماركت كتير كتير كتير نظيف واسعاره عادية وكل شي موجود من احسنه والشب الي على الكاش اردني يعني مافي خوف لو بعتت ابنك الصغير لحاله لانه انا بصراحة ما بحب يكون كاشير مصري مع احترامي طبعا غسيل السيارة بعطيك هدايا عليه طابة و معطر هواء تعليق على المرايا وبكيت فاين جد بنصح الكل ما يروح الا عليه اخر مرة زرته كنا رايحيين علبحر الميت عبينا البنزين من عنده واخدنا كل اشياء الزاكية للرحلة من عنده روعة

محطة جيده بس بصراحه في الأحسن منها بس هي محطة مرتبة و ما بغشوا بالبنزين و الموظفين مرتبين و محترمين بتمنالهم التوفيق :)

في الحقيقة محطة توتال للوقود من اكثر المحطات التي ارغبها في عمان لما فيها من راحة و ضطمان في الوقود فلانها شركة فرنسية عالمية فهي مضمونة ذو اسعار معتدلة و خدمة مميزة التي يقدمها العاملين فيها و استقبال مريح وسرعة في تلبية الطلب و بما انها موجودة في ارقى الاماكن في عمان فلا يدخلها الى الاشخاص الذين يريدون البنزين او كاز او غيرها من مشتقات البترول المضمونة و المؤكدة و الاستقبال بكلمة معلقة مكتوب عليها (بونجو) باللغة الفرنسية فنتمنى بان يتقدم وضعها في الاردن لما افادت السيارات المتقدمة من الطلبات المعاصرة و شكرا.

محطة التوتال للوقود و غسيل السيارات محطه كامله بكل معنى الكلمه فقد ذهبت لها ذات مره لأملأ وقود السياره فرأيت طريقتهم في غسيل السيارات فأعجبتني فقررت غسيل سيارتي هنلك وبالفعل وضعت السياره في مكان الغسيل وذهبت لأتناول فنجان قهوه بالكفتيريا (بونجور) الموجوده داخل المحطه الى ان تم غسل سيارتي بالكامل نصيحه لكل من يهمه ان تكون سيارته بكامل نظافتها فاليذهب و يجرب بنفسه