Taj Lifestyle Center

امبارح رحتلو للمرة الاولى زيارة الو انا والعيلة بنية نقضي وقت حلو فيه

قبل ماروحلو قريت نصائح جيران عنو واتلكنا على الله

بصراحة المول رائع بكل شي

بترتيبه وبديكوره وبمحلاته والستايل يللي فيه

في عدد كبير من المصاعد الكهربائية يللي بسببها مابتلاقي اي ازمة ابدا على اي درج

في محلات كتتيرة بس بصراحة برايي معظمها غالية الاسعار يعني مو اي حد بقدر يشتري بس يمكن لانو انا ما تجولت فيه بالكامل مالقيت محلات تانية باسعار اقل

عجبني طابق السينما والمطاعم يللي تفاجئت بعددها واعتقد انو اكبر مول فيه مطاعم هوا تاج مول

بشكل عام انبسطنا وما انبسطنا، انبسطنا من ناحية انو الوقت يللي قضنا فيه كان حلو وماانبسطنا انو تفاجئت بنوعية الناس يللي فيه (بصراحة حسيت حالي مو من الاردن لانو لقيت طبقة من الناس فيه غريبة كتير )

بس ختام الجول لم يكن مسكا ابدا، تغلبت كتيييييييييييير بالترويحة وقعدنا يمكن اكتر من 40 دقيقة ننطر تاكسي

هاد عيبو انو ما في تنظيم ابدا بخارج المول خصوصا للناس يللي بدهم تاكسي

مممم من وين بدنا نبلش.... خلينا نبلش من اول ما نفوت... المصفات "بعيدا عنكم" بشبهوا الملاهي! ما بتعرف وين انت والمكان كتير ضيق ومزعج!! حجم المول منيح وكتير من المحلات اللي فيه مش موجودة بمكان تاني بس اغلبها اسعارها غالية... التصميم لا تعليق... يعني انا ما عمري ضعت بمول بس فيه ما بكون عارف وين انا!!! اللي كتير حبيته هو الترس الخارجي اللي فيه مطاعم... جد جميل وبنصحكم فيه... فيو سينما بس ما جربتها... يعني بالمختصر ابدعوا بشغلات ولم يوفقوا بشغلات تانية...

تاج مول كتير كتير حلو مرتب

الديكور الخارجي للمول كتير حلو ومرتب

الديكور الداخلي حلو بس شوي ضيق

المول من الداخل ديكورو حلو و الوانو حلو بس شوي بضيع الزائر و التصميم من الداخل صاير دائري وكلو متشابه فبضيع الزائر

يوجد دلالات ارشادية بالمول و لو حات مع الاتجاهات و ترقيم المحلات بتساعد الزائر

بالإضافة يوجد أشخاص لتقديم المساعدة آخر فترة صرت أستعين فيون و أسأل عالمحل يلي بدو روح عليه

الموظف خدوم كتير وبساعد وبيشرح الطريق الصح و عمهل و بقدم المساعدة مع ابتسامة

محلات المول كتير كتير حلوة و مرتبة وفي ماركات كتير منيحة و حلوة

المول وقت بكون معجوق كتير و زحمة مو كتير حلو لان شوي المول من الداخل بأماكن معينة ديق والناس بتصير قراب من بعضا كتير و ع جقة و في أماكن واسعة

بعد ما زرت المول عددت مرات بأوقات مختلفة أحلا الشي زيارة المول الصبح بكون هادي كتير و رايق و مو كتير معجوق والزائر بياخد راحتو بالفتل

المول فيو كل شي محلات لبس - محلات رياضة- محلات لعب للاطفال- محلات أحذية - عطورات -مطاعم- سوبر ماركت - صيدلية....

طابق المطاعم كتير كتير حلو و دائما مرتب و نظيف المحلات الموجودة كتير حلوة

والعقدة عالتيراس بطابق المطاعم قعدة حلوة كتير كتير

المول مرتب و دائما نظيف

بالساحة الداخلية للمول دائما في شي جديد و دعايات جديددة و حلوة

موظفي الأمن يلي بفتشوا السيارة و التفتيش عالبال معاملتون كتير منيحة و مرتبين

الباركينغ بالمول كبير كتير و بضيع داءما لازم نضيع وين السيارة مع العلم كل الباركينغ مرقم بس كتير متشابه و كبير

خدمة الفاليه بالمول ممتازة كتير والشباب خدومين و سريعين كتير كتير المول قد مايكون زحمة والشباب كتار بياخدو السيارة وبتنزل عباركينغ خصوصي للفاليه منفصل عن باركينغ المول قلو مدخل ومخرج منفصل

وقت الزائر بدو السيارة لو كان زحمة كتير ما بتتظاخر السيارة والموظف بيجي بسرعة بطول أقل من دقيقة لأن كتير كتار الموظفين و نشيطين .

مول حلو وممتع التسوق فيه

المول كتير حلو ومرتب وكبير ونظيف وغير عن باقي المولات اللي بنعرفها من ناحية التصميم والترتيب

المكان وسيع ومريح وفي كل شي ممكن تطلبو او تحتاجو تقريبا

المدخل تبعو حلو شكلو مرتب

عندو كراجات بالطوابق الارضية لكن انا كنير بكرهها لانو الخله عالكراج من ورا المول وكمان الكراج كتير تحت الارض والطريق الو مو مريح ابدا يعني السيارة وهي نتزلة عالكراج بتحسها رح تزحلق وبعدين الكراج شكلو غريب يعني ما بتحسو منظم ومرتب

ولما بدك تطلع تروح بتلاقي انو الطريق ازمة وكمان بدك تطلع عالشارع طلو واقف وصعب كتير والتاس بيصير يرجعو على بعض وهاد شي سيء كتير

غير هيك كل شي بيخص المول من جوا رائع وكمان عندهم محلات وماركات معروفة ومرتبة

يعتبر من المولات الجيده في عمان بس اللي بدخلوا ما بقدر يطلع منه لانه تنظيمه سئ وخاصة الكاراجات

it's a relatively good mall , has many choices , but the parking is awful and scary !

Yesterday I've visited Taj Mall with my family to buy a mobile phone for our beloved Mom from Smart Buy shop we really enjoyed seeing the offers on this shop .. we also get around the Mall just to see the new goods & offers ...

One Comment that ruins the experience.... WHO designed their underground parking? I never seem to find my car.... I have reached to a point to take a picture for the number of the floor and section... I still do not find the car..... And the path leading up and down the entrance of the parking: So this, wiggly and is ill constructed... It feels like a tomb.

There is a floor between the ground floor & the first floor (fashion floor) has ceilings so low.... If a person is 2 METERS, he would have to lower his head to pass through... WHO designed this?

مكان رائع وجميل يوفر للزائر فرصة الترويح عن النفس بالإضافة الى فرصة التسوق والترفيه واضافة الى ذلك زيارة احد الكافيات الموجودة داخل المول بالاضافة الي الترسات المكشوفة .

يضم اكبر تجمع للمطاعم في الاردن حيث يحتوي بين محلاته 50 مطعم وهو ايضا اكبر تجمع للسينمات ويضم 16 دار للسينما بالاضافة الى وجود مدينة العاب ضخمة وهو اكثر المولات يحتوي على عدد ادراج كهربائية والتي عددها 60 درج كهربائي.

بالإضافة أنه يحتوي علي 1500 موقف للسيارات بالاضافة الى

خدمة الفاليه استحسنت للتسهيل على زائر المول.

ويقسم المول من حيث تصميمه الى طابق ال Level Market للخدمات السريعة ومنها فروع لثمانية بنوك عاملة في الأردن ومتجر Smart Buy و Spinneys. إضافةً إلى Midas للأثاث والإكسسوارات المنزلية وتشكيلة من متاجر لبيع الألبسة وألعاب الأطفال ومكتبة.

أما القسم الثاني فهو طابق الـ Fashion One و Fashion Two وتحتوي على متاجر عالمية عريقة وجديدة في السوق الأردني منها H&M و Aishti والعديد من المتاجر الأخرى.

أما القسم الثالث والأخير فهو طابقان من التراسات المكشوفة والتي تحتوي على 16 دار سينما والتي تعد الأكبر في الأردن ، بالإضافة إلى متاجر للألبسة والمعدات الرياضية ومنها Addidas و Nike.

كما يضم هذا القسم أكبر تشكيلة من المطاعم في مكان واحد والتي تزيد عن 50 مطعما و منها Spice Safar و Pizza Express و PF Chang وهي أول فروع لها في الأردن، كما يضم المول مواقف سيارات تتسع لأكثر من 1500 سيارة.

ويقام المول على مساحة 150 ألف متر مربع كما سيكون معلماً هاماً في المملكة بجمعه ما بين التصميم المعماري الأنيق الفريد والخدمات المبتكرة والمتميزة ، وقد تم تصميم المول من قبل مستشارين امريكيين بخبرة وسمعة عالمية من شركة .

وجاء تصميم المول جاء وفقاً لأحدث المواصفات الخاصة كأحد أرقى مراكز التسوق على مستوى العالم بحيث تتوفر فيه جميع مستلزمات الحياة وكمالياتها، متضمناً تشكيلة واسعة من المحال التجارية والخدماتية بما في ذلك 16 دار سينما ومراكز التسلية الحديثة و50 مطعماً ومقهى، وأماكن اللعب الخاصة بالأطفال بالإضافة إلى السوبر ماركت. ويحتوي TAJ على 190 متجراً ويضم أكبر تشكيلة من المرافق التجارية في الأردن».

ونصيحتي الكم تتفضلو بزيارته لأنو مكاان فوق الخيال

I've visited the mall more than one time it's a beautiful place ....

let's begin with the building .. so strange but nice .. but the site is too close we always have problem to park the car so narrow & busy streets around .....

the mall has a lot of diversification with food , drinks , clothes , electronics & much much more .

I've bought some clothes & mobile phone from Smart Buy ......

concerning the prices ...... some people can afford it but the other maybe not .

but it is fun to be in this place more than once !

مول كتيييييييير كبييييير و مرتب والنظافة عندهم ممتازة ... وكتييير مناسب لتسوووق واسعاره بعض الاحيان مناسبة بس الاكتر انها غالية خاصة ب محلات الماركات العالميه الي المول معبا منها والي منها لاول مرة بتفتح بالاردن ، مع انو مرات كتيرة بتكون القطعة ما بتستاهل السعر الموضوع عليها بس شو بدنا نعمل !! ... و مدخل الكراج كتيييير ديق ومش مريييح وعادي جدا انك تضيع سيارتك بالكراج وكان نفسي اعرف من وييين طلعت من الكراج ... زرت المول 3 مرات ونفسي وامنية حياتي احفظ مداخل ومخارج الكراج يا ريت لو ينتبهو ل هاد الموضوع ... بالنسة الي هاد المول احلى من الستي ومكة مول بس ليش ما في سينما ما بعرف!!!!!! ... يعني بس ناقص فتحو سينما ويزبطو الكراج بصييير احسن واحلى مول بالاردن.

المول من الداخل حلو بس ترتيب المداخل والمخارج والمصاعد مش مرتب غريب جدا وسهل انك تضيع في وضيع سيارتك

بنصح اصحاب المول ينظمو المداخل والمخارج عشان الناس تعرف وين هي على الاقل فوق ولا تحت

امبارح رحت مع اهلي عليه وتفاجأت انو في مطرب بالطابق الي قبل الأخير..

والكافيهات فل أغلبها

عنجد حلو الوضع..

بتمنى المول يضل يتقدم .. كل مرة بيفاجئني أكتر عالمول

بنصح الكل فيه عنجد

Despite the fact that I have stopped buying Eid clothes a very long time ago, I'm assuming that Taj Mall is the best destination for shopping these days.

المول نظيف لأنه جديد و مليان ماركات عالمية ( الماركات الغالية كتيييير زي لوي فيتون و بيربيري )

بس المول مو مرتب و مو منظم ابدا و تصميمه من الداخل غريب و صعب انه الواحد يوصل للطوابق لازم تعبر ممر سقفه واطي كتييير و فيو درج كهربائي عشان توصل لأي طابق ، بإختصار المول بتوه كتيير و لازم تروحوا اكتر من عشر مرات عشان تعرفوا و تتزكر الأماكن

الجراجات فااااااشلة كتييير و السقف واااطي كمان

الفود كورت كتيير حلو و مرتب و فيو مطاعم جديدة زي جست فلافل

كتير السلع متنوعة واسعار مختلفة تناسب الجميع المكان قريب من مكان سكني و فيةمساحات واسعة و مريحة و فية كتير من الماركات العالمية و محل سبنيز نظيف و كبير بس غالي مقارنة ل باقي الاماكن بس الكراج ضيق و غير مريح الدخول والخروج منة

كل إلي قال عن المول سيء..

أنا كنت متلكم أحكي بس رحتو امبارح ... أروع وأرقى مول بالأردن

كل الماركات و كل المطاعم العالميه فيه

بعدهم ما خلصوه و لسا الجاي أحلى بكتير وبتحدى

والاسعار والعروض شي رائع

يعني جد نسيت اني بالأردن

آه صح في شغلة دايقتني هي المصعد بدو قاموس لتعرف الطابق الي بدك اياه لانو رموز مو أرقام..

حماماتو نضيفة وتقريبا بكل طابق

زرته فبل ما يفتح و بعد ما فتح و اكتملت المحلات بس و الله ما حبيته و ما حسيته ممتع و دخلات الكراج فيه مزعجة و ما اتوقع رح ارجعله

بصراحه رح اخالف اغلبتكم الرأي لانو هاد المول كتير حبيته مريح للتسوق وكل شي موجود فيه ونظامه غربي وفي باميركا وكندا نفس تصميم هاد المول بحكم غربتي وخبرتي

تقسيمه جدا مريح ومابتضيع فيه متل مكه مول لهلأ مابعرف من وين بفوت ولا من وين بطلع!!!

واغليبة المحلات براند ومعروفه بالنسبه للجوده انا بحكي ممتازه بالرغم انو الاغلبيه حكو متل " الباله " خصوصا عند H&M بس روحوا هلأ شوفوا البضاعه والمول لانو تقريبا 60% من المحلات فتحت ورح تنبسطوا كتير

اكتير شكلو ستايل وزوء واحلى من الستي ومكه مول بيكفي جلساتو اكتير رايئه بالتوفيق وانا ولادي وزوجي اكتير حبوه بيكفي هادي واخلى شي لسا مانشهر ومنظرو خرافي ستايل غربي