Sufra

رحت عالمكان مع جيراني في طلعة مارس 2013.

المكان كتير عجبني، زكرني بأيام زمان وبيوت زمان.

أول شي قدمولنا:

- فتوش: كان جيد، كل اشي بطعمه طيب بس كان عليه سماق كتير كتير اللي خرب الطعمة.

- حمص: عجبني معمول على أصوله.

- متبل: عجبني، بس يمكن ما يعجب الكل لانه كان ملحه وليمونه قليل.

- فلافل: كتير طيب، فريش وخلطته طيبة.

- مخلل مشكل: شكله مشجع بس ما جربته.

- جبنة مقلية: يالله شو طيبة.

- لبنة: كرات جامدة، طيبة بس مو 100%

- لحمة بعجين: طيبة كتير كتير، اللحمة والعجينة بس كانت صغيرة كتير كتير.

- قلاية بندورة: طيبة كتير والحلو فيها انها مو كتير حامضة.

- كبدة: كبدة دجاج مقلية مع بصل وطيبة كتير كتير كتير.

- العصائر: ليمون ونعنع، برتقال، فراولة، ومشروبات غازية، أنا نقيت برتقال وكان طبيعي 100%.

بعدها جابوا الأطباق الرئيسية:

- منسف: كتير طيب، الجميد كتير طيب واللحمة بلدية. وهو يومياً على المنيو تبعهم.

- قطع دجاج مقلى مع بصل ومع مكسرات: كتير طيب.

- فوارغ: طيبة كتير، نظيفة كتير، وطعمة القرفة فيها كتير ظاهرة. وحشوتها طيبة. وهي كمان يومياً على المنيو.

- صينية كفتة بطحينية وبطاطا: اللحمة خروف مع عجل، بالتالي طرية وبتشهي، كانت تخينة شوي (أطيب وأطيب) والطحينية كتير مناسبة من جهة التقل والملوحة والحموضة، والبطاطا كانت ممتازة، استواءها جداً مناسب، لا كتير ولا قليل وعلى الصينية مكسرات كمان (صنوبر ولوز).

وبعدها الحلويات:

- لقمة القاضي وأصابع زينب: معمولين فرش، جربت بس أصابع زينب وجد طيبة.

- حلاوة شعر مع بوظة عربية: كتييييييييييير طيبة، ما تخيلت في مكان بقدم هاي الحلويات :)

وبالنهاية جابوا شاي وقهوة: الشاي كتير طيب عجبني، بس القهوة التركية كان طعمها غريب.

عندهم فاليه، بس كان في أماكن برة قريبة وصفينا فيها.

نظافة المطعم ممتازة.

شوبنا شوي وفوقنا ما كان في مروحة وقال الويتر بشغل الشفاط، خف الضغط شوي بعدين رجع.

وتعامل العاملين هناك كتير لطيف وبشوشين.

عندهم أراجيل، وما حسيت في أماكن للمدخنين وأماكن ﻷ، بس ما كنت شامة ريحة الأرجيلة ابداً غالباً لانه في شفاط :)

الصراحة بنصح الكل يجرب المطعم، صحيح بعد ما شفنا المنيو الأسعار غالية كتير كتير، الأكل جودة ونظافة وكمية بستاهل، بس بالنسبة إلي الاسعار غالية كتير.

أكيد من المطعم إلي بحب أرجع عليها ،،،تجريبتي في كانت كتير كتير حلوه ، أنا أول مرة بزوره ، حسيت حالي داخله ع بيت قديم من أيام زمان من البيوت القليل تلتقى ، ومعمول لمطعم ، أجواء كتير حلوه ، دافيه وهاديه ومو عجئة ،،وفي خصوصيه لكل طاوله ، وإضاءة كتير هاديه وخافته بطريقة رائعة أما الطاولات و الكراسي كتير حلوين بلنسبه لا هيك مكان ،،، الخدمه 10/10 ،،،من أحلى ما يكون ،،،والنضافه 10/10 ،،،

الأكل رائع ، بصراحة حسيت حالي عم باكل من أكل البيت مو من مطعم ...جد رائع هدى شي عندهم ،،،الأكل كان عبارة عن طبيخ عربي أردني ... المقبلات كتير طيبه ومعموله صح ، أما الاطباق الرئيسيه بتشهي كانت ، أنا مو من الأشخص ايلي بحب المنسف بس جد أكلتو عندهم كتير طيب كان واللحمه بتشهي كانت ، والحلو العربي كان أكتر من رائع ،،،10/10 ...أكيد بنصح في ، مناسب للكل ،،عائلات ومجموعات وأصدقاء .... كتير المطعم رييء ،،، ممكن تتغلبو شوي بلصفه برى ... بس مكان المطعم كتير رائع بشارع الرينبو ... أكيد رجعة عندو وتجربه كانت موفقه .

المكان كتير حلو وديكورو كمان كتير حلو خصوصا انو متل المباني القديمة

الاكل عندو متنوع وان كان معظم يللي اكلتو شغل فطور او عشاء بس مو غداء

عجبتني اكتر شي صاجية الدجاج والكبدة وكمان السلطة كانت كتير زاكية وطيبة

اسعارو بصراحة اتفاجئت فيها ، يعني كتير غالية وانا شخصيا مابعتقد انو اجي عليه مرة تانية مع العيلة بس يمكن مع اصدقاء بضل ارخص بصراحة

الترتيب في المكان حلو والطاولات ترتيبا مناسب والكراسي مريحة بس الاضاءة نوعا ما خفيفة ومو قوية بينما بشكل عام الديكور والجو حلو ولطيف كتير

عندو عيب كمان انو مسموح التدخين باي منطقة بتكون فيها والافضل انو يخصصو اماكن معينة فقد للتدخين والارجيلة

يعني يللي مابتفرق معو السعر وبحب الاكل الخفيف والبلدي يروح عليه

طلعتنا مع جيران كانت مميزة اليوم ..

لانو أغلب كان معهم حدا بيعرفو..

أما بالنسبة للمطعم.. كجو.. كان حامي كتير وضغط.. والاضاءة كتير خفيفة انا مابحب هيك اضاءة..

بس بصراحة المعاملة كانت حلوة كتير..

جربت الفلافل

وتقلاية البندورة

والمخلل

وجاج مع بصل

وعجينة بلحمة

وكلهم زاكيين وحبيت طعم البهارات كان فعلاً راائع ♥

بس ماكانت ريحة الزفر كتير ظاهرة مع انو كان عالطاولة في فوارغ وكبدة دجاج ومنسف جميد.. فأنا بعتبر شي ايجابي الهم :)

in love with this place, it feels like home, traditional design and interior, very comfortable atmosphere, waiters are nice and smiling, the food is beyond amazing i couldn’t stop eating, in love with their fatoosh, sfiha and labaneh, you must try their mansaf it taste like home cooking, you must end your great meal with dessert, and Sufra got the best “ايس كريم مع حلاوة شعر “ heaven.

I don't like this place.

It's horrible, the place is very crowded, that you need to Shout to talk to someone near you. The menu is very limited, and the tables are very closed to each other. The service is BAD.

It's the worst restaurant i've ever went to :(

هاي تاني زيارة الي لسفرة وأكيد في بعدها زيارات. أول مرة زرته كان رمضان فتقيمي كان أقل من هالمرة. هالمرة قعدنا جوا، المطعم حلو ورايق ونظام البيت العربي القديم مناسب عنده مع الاطباق. طاولاته موزعة صح ومناسب جدا للطلعات الكبيرة سواء عائلية او اجتماع

المقبلات كلها فريش وزاكية، جبنة مقلية ولبنة كرات وحمص ومتبل وسريعين بالخدمة وما بتنتظر وقت بين المقبلات والطبق الرئيسي. الخبز بتوزع من سلة.

الاطباق الرئيسية الي جربتها كانت ممتازة، المنسف مزبوط وصاجية الدجاج. كمان كان في قدامي فوارغ وما كان الهم ريحة زنخ وشكلهم مبهرين صح.

ازكى اشي كان البوظة العربية بحلاوة الشعر.. خرافية وما حد شفتها عند حد!

المكان كان مليان عرب واجانب. الخدمة كانت ممتازة طلبنا يصورونا وما كان عندهم مشاكل ولعند الباب وهمه يرحبوا فينا.

الصفة عنده فاليه وسريعين لما يرجعوا السيارة.

للناس الي بيحبوا أكل عربي وشرقي جدا مناسب اما للما بيحبو الطبيخ فما بينفع. وبالنسبة لأسعاره مو رخيص لكن مناسب للمكان والخدمة ونوعية الاكل.

انا رحت على هاد المطعم مع جيران المبدعين وجيراني الطيبين.

المكان حلو ما في ديكور ولا شي وكل شي بسيط وهو اصلا بيت قديم وعملوه مطعم ( الفكرة حلوة بس صارت تتكرر كتير ).

الاضاءة كانت مناسبة مو كتيرة ولا خافته بس بجد مناسبة للكل.

اول ما رحنا ما كان في كتير ناس بس احنا وكمان طاولة او طاولتين بس بعدين لقينا المكان كلللله فل وما في مكان فاضي.

اول شي جابولنا العصائر والمشروبات انا جربت الليمون بنعنع عندهم طعمه زاكي بس النعنع كتييييييييير زيادة عليه حسيت لازم اكله مو بس اشربه.

وبعدين جابو المقبلات كانت:

مكدوس ( جيد جداً ) حمص ( جدي جداً وطعم الطحينة دارج فيه )

وعجينة بلحم ( كانت متقنه من بره مستوية ومن جوا شبه عجينة )

جبنه بيضا مقلية هي زاكية بس انا ما حبيتها كتير لانه ملوحتها رايحة

لبنه كرات بالزيت ( كانت ناشفة كتير ومو منقوعه بالزيت )

فتوش كان السماق كتييييير حامض وكتييير موجود عليها وما حبيتها بالمرة.

وفلافل مع ديب طحينة كان زاكي.

بعدين جابولنا الوجبات الرئيسية بعديها تقريبا ب 10 او 15 دقيقة وكانو:

منسف ( اللحمة كانت كتيييير مدهنة والرز مو كتير مستوي بس اللبن كان زاكي )

دجاج وبصل مقع ( كان تاني ازكى شي عالسفرة بجد ومعمول بطريقة كتيير رائعة ).

كبدة مشوية ( المشكلة فيها انها كانت مقلية وبعدين مشوية يعني ما بين وبين )

والاروع على السفرة والي انا بجد حبيته الفوارغ اول مرة بشوف فوارغ كتير زاكية زي هيك وكتييييير نضيفة وبجد رائعة.

وصينية بطاطا وكفته كانت زاكية بس اللحمة كانت كتير سميكة وتوصل لل 4 صانتي وهاد كتير كبير.

ككمية الاكل كانت كويسة مو كتير ومو قليل.

بس الاشي الي دايقني انه الطاولات ما في مكان للجمعات او الناس الي كتار وحطولنا تقريبا 4 او 5 طاولات عشان نوسع وكانو الطاولات يتحركو كتير ومو متساويات بالحجم وكتير بتلاحظ الفرق بينهم.

بعد الاكل شربت قهوة بس عنجد القهوة كانت جدا جدا مخزية بالنسبة للمطعم, ما الها طعم قهوة وفيها طعم زي الكبريت وحتى فكرت انه طعم تمي هيك خليت تنين من الجيران يدوقوها بس كانت نفس التعليقات. ما تجربوها احسن.

الخدمة كانت سريعة اول بس لما ينعجقوا بطولو شوي.

كان موبايلي ما في شحن وحطولي اياه على الشاحن وكتير مزوقين ولبقين بالحكي وبالخدمة.

الفاليه حسب ما عرفت انه باخد دينارين يعني مو مجاني وبتقدر بكل سهولة باغلب الاوقات تلاقي مكان تصف فيه يعني مو محتاجة.

انا من زمان بسمع عن مطعم سفرة بشارع الينبو بس ما عمري دخلتو غير مبارح مع جيران من خلال الطلعة الشهرية

موقعو ما بيتوه في شارع الرينبو بعد المعهد البريطاني عالشمال

وصلت ما لقيت اي مصفات وكمان ما كان في فاليه موجود بلحظتها فرحت صفيت بالدخلة اللي جنبهم عالرصيف

دخاة المطعم من البوابة ما كان في حدا لما وصلت باب المطعم كان في شب بيستقبل الموظفين بابتسامة سألنا عن طاولتنا ودلنا عليها

قعدنا المكان حلو وهادي

سألونا شو نشرب انا ما طلبت شي بس احدى الجارات - حلوة هاي احدى الجارات - طلبة ميرندا اعتذر منها الموظف بكل تهذيب وحكالها انو مافي ميرندا خلصت بس اعطينا شوي وبنجبلك من برا وكان هاد شي كتير ممتاز الهم كمطعم انهم مستعدين يخدموك لاخر لحظة وكان واضح انو جابها من برا

وصل الطعاااااااام:

بلشنا عشائنا بالخبز الدافأ وصراحة ما قدرت احكم هو مخبوز عندهم ولا جاهز من برا ونسيت اسأل

بعدين نزلت المقبلات الباردة حمص بشهي بجد

متبل زاكي

فتوش بدو ليمون واشياء

مخللات مشكلة طهمعا ما لو طعم

ولبنة كرات ما دقتها بش كلها بجنن

والمقبلات الساخنة فلافل مقرمشة ولا اروع من هيك

كبدة من ازكا ما كان

جبنة مقلية واضح انها غنم صافي بتجنن

قلاية بندورة زاكية جدا

الاطباق الرئيسية

كفته بالطحينية زاكية شوي بس لانو طعم اللحمة غريب وكان اكيد انو البطاطا ازكا من اللحمة

منسف كتير شكلو حلو وطعمو زاكي بس حسيتو بارد شوي وكمان اللحمة مش بلدي اكيد بس زاكي عموما

صاجية جاج شيء من الخيال طعم ولا اروع من قطع الدجاج مع البصل المكرمل وعلى النار الهادئة امام كتيييييييييير زاكية

واخيرا وليس اخرا فوارغ كوارع شو ما بدك سميهم كانو كتير زاكين ومستوين تمام ونظاف اهم شي بس برضو حسيتهم باردين شوي

بخصوص الحلو كان عوامة واصابع زينب ما دقتهم وايس كريم مع الحلاوة شعر زاكية كتير

بعد هيك طلبنا قهوه وشاي صراحة مو زاكين ابدا لانو الشاي بدون نكهة لاميرمية ولانعنع ولا غيرو ويمكن الحق علي لاني طلبة شاي وما قلتلو بشو بنعنع ب ... وهو كمان ما سأل

القهوة نوعيتها مش ممتازة ابدا

ما كان في منطقة مخصصة للمدخنين او لغيرهم وهاد شي غريب

اما بخصوص المكان فهو عبارة عن بيت قديم ومازل يحتفظ ببعض من مكوناتة الاصلية وفيه روح البيت الشرقي الاردني الدافئ

الموظفين ودودين وخدومين جدا لكن من الواضح انهم يفتقرون للخبرة الكافية ومساحة المطعم كبيرة لكن المسافة بين الطاولات لا تكفي للقيام بخدمة ممتازة

بجد نفسي اذا ادارة المطعم بتطلع على النصائح اقولهم

المطعم مكان كتير مميز وحلو انا شخصيا استمتعت بالتواجد فيه لكن لا شيء كامل

المقبلات وخصوصا المخللات نوعيتها وشكلها رائع لكن لا طعم لها فحاولو توجدو حل

الخبز ما بعرف هو طازه من عندهم ولا لا بس يفضل يكون من مطابخهم انتاجه

موضوع التدخين انا شخصيا من الناس انزعج جدا من رائحة التدخين عند الاكل ومستحيل اعرف اكل بعدها فممكن تخصيص منطقة للمدخنين

نظرا للاسعار المطروحة اتوقع يجب استخدام اجود الخامات والنوعيات

اول مرة بزور المطعم برفقة ورعاية جيران كان مبارح ..المكان من حيث الخدمة ومن حيث قيمة التأصيل والتمسك بالهوية العتيقة اللي بتميز جبل عمان بياخد 8 على عشرة خدمة سريعة وممتازة وبحس الضيف انو مرتاح وكانه بياكل في بيته ... الاكل في هاد المطعم بالنسبة لغالبية الناس ميزة كبيرة انك تاكل اكل بيتي برية البيت وخصوصا الناس اللي ساعات عملها طويلة وبترجع على البيت بتاكل وجبات سريعة فبتشتاق للأطباق التقليدية ... وكمان فرصة للسواح الاجانب يتعرفوا على الاكل الاردني والفلسطيني البحت ..بالنسبة الي كنت كتير حابة اتذوق طعم مميز مختلف عن الاكل البيتي، ولكن كنتيجة نهائية بعتبر المطعم تجربة رائعة جدا .. لانك بزيارة هاد المكان بتعطي نفسك فرصة تتعرف على طبيعة البيوت في فترة من الزمن بعمان ما كنت معاصرها ..لدرجة انهم تاركين آثار الرصاص على احد الابواب ومش مرممينو ... رصاص حرب ايلول ... فرصة تشوف كيف كانو يستعملوا البلاط المزركش ويبنوا البيت بأسقف عالية وابواب خشبية بتفتح من الجانبين ..وتتمشى بالباحة الخارجية اللي فيها النافورة وشجر النخيل ... بالنسبة للأصناف اللي جربناها: قدمولنا لبنة كرات وقلاية بندورة وفلافل سخن رهيب الطعم وصفيحة لحمة ممتازة وكبدة مقلية ومخللات وزيتون بلدي اخضر وخبز سخن وطازج وعصائر طبيعية منوعة ... ومتبل وحمص وفتوش... الاطباق الرئيسية كانت صينية كفتة وصاجية بالدجاج ومنسف وفوارغ محشية رائعة الطعم .. اما الحلو فكان جميل جدا وخفيف وهوي بوظة بحلاوة الشعر ...

I went there for dinner, the place serves Jordanian food and this theme is clearly showing all over the place starting from the building itself, it was an old house and then transferred to a restaurant.

i got greeted by the waiters by a smile and showed me my table which ,waiters there are so professional and well trained

Food was absolutely amazing , my favorites were to name a few Labaneh,Falfel platter(recommended), Mansaf

but the prize goes to ice cream with halva its Arabic pistachio ice cream served with something that looks like cotton candy!!

I really liked the decoration and the Antiques, it emphasize the identity of

the place

I will definetly go again

We went there for dinner, the place is very nice it gives you the vibes and atmosphere like ur having dinner at the family house as its an old villa turned to be a restaurant, the place isn't crowded and enough spaces between tables which makes you feel comfortable, the crowd there is from the top class of the country, the staff are very helpful Salah and Jamal the manager were very professional n service oriented, I tried the Famous Mansaf there it was very delicious as the sous is thick and the meat is cooked very well n tastes very good, chicken Sajyeh it was my first time to try it and I recommend it for the chicken lovers, it's cooked with onions and some spices which makes it so delicious. The desert which is my favorite part, I had the halawa n Arabic ice cream an amazing combination with a great taste u can't find anywhere in Amman except at Sufra, Awameh and Zeinab fingers were served hot with qater "sugar" I loved it as it tastes similar to the home made ones.

كان تجربتي الأولى في هذا المطعم مع كادر جيران الرائعين .

المكان كان سهل كثير للوصول ..

و المكان كان كثير ضغط و الجو حامي عشان الناس كثار في هداك الوقت ..

و الأكلات كثير طيبين بالرغم أنني ما أكلت كثير إلا أشياء بسيطة ، كونه بحب

الأكلات الخفيفة مو دسمة ^_^ ..

و خبز الصاج عجبني .. لأنه بيقدموه طازه .. و كثير زاكي ..

و خدمتهم سريعة و بيلبوا الطلب بسرعة ..

و كل ما بتمنالهم الا التوفيق و أنه يزيدوا من التحف التراثية أكثر ..

و شكرا ً كثير لجيران على الدعوة الرائعة ..

تحيتي ..

ليث .

المكان كتيير حلو وهادي وموزع الطاولات فماتحس لو حدا ارجل بالطاولات الي جنبك العاملين هناك كتيير متعاونين وخدومين والديكور رائع بس الاضاءه كتيير خافته زياده عن اللزوم الاكل كتييرزاكي ومتنوع بيناسب جميع الاذواق انا ذقت الفلافل والقلايه ولحم بعجين وكانو كتيير زاكين وحتى الفوارغ معمولين بطريقه مرتبه ونظيفه والحلويات منيحه حبيت البوظه مع حلاوه شعر فكره حلوه وكتيير كانت زاكيه بنصح فيي وانا شفته انو مناسب اكثر للفطور وفي انترنت لاسلكي مجاني

مطعم حلو كتير ومرتب تصميمو عالستايل القديم وديكورو حلو محل تراثي ورايق والاكل فيه كان زاكي واصنافو متنوعة وشهية كتير كتير

كان الاكل متنوع عددت انواع والحلو عندو كتير كتير زاكي واطيب شي كانت الغزل بنات مع بوظة طيبة طيبة كتير

والشاي عندو زتكي بقدمو الشاي ببريق قديم حلو

المحل كان نظيف كتير والخدمة فيه كانت مرتبة وسريعة والاموسيقا حلو نفس اجواء المطعم اغاني قديمة والصوت مو عالي كتير الانارة منيحة مو قوية كتير ولا بدايق

يوجد اماكن اصطفاف ويوجد فاليه

محل حلو الاكل بكل الاصناف كان زاكي

سفرة مطعم جميل جدآً و طعامه أجمل، وله ميزه غريبة من باقي المطاعم من ناحية الطعام..أي أنه قريب جدآ لآكل البيت، ولذة طعامه مختلفة عن باقي المطاعم الشرقيه الموجودة في الأردن، حيث له حديقه كبيره يزرعون بها البعض من الخضروات الطازجه، ويستعملوها في الطهي..وخدمتة من أفضل خدمات المطاعم، وتصميمه من وحي العربي و غربي بشكل مذهل و جميل

Definitely one of the best restaurants in Amman. Not to be missed. Check the special dishes of the day and choose one that you like. Mansaf available on the daily-- a huge plus. The sfe7a is ridiculously good, as well at the mtabbal, the falafel, and just about every other mezze. Service is friendly and professional, and the design and feel is uniquely Amman, (شرح) as we say in Arabic.

انعزمت على المطعم وكان الطبق موحد لكل المعازيم وهو مسخن وابدا ما حبيته. المقبلات نزلت قبل ما اجي فما دقتها عشان اعرف مستواها. المكان حلو ولطيف جدا... الموظفين لطيفين... في خدمة اصطفاف بدينارين! اعتقد انو غالي شوي دينارين... الاسعار ما عندي فكرة عنها لاني ما دفعت بس اعتقد انها مش رخيصة... الموقع على شارع الرينبو مباشرة... مش مستاهل تضيعو مصاريكم عليه روحو ضيعوها مكان تاني P:

I've been only once there, the place is bit over-rated. the food is okay and depends on your order, the service is really slow! i went there in Ramadan and i actually had to big for a bottle of water or a soft drink. I got it after 45 minutes of Maghrib prayer! their outdoor area is very nice though, feels like someone's grandmother back garden, something i usually like to find in places. Price wise it is not cheap at all. I've tried their mansaf, kubeh loabanyh and chicken freekeh, all i would give between 5 and 6 stars out of 10.

It was a horrible experience by all means. We have been to sufra a couple of weeks ago for lunch. The first moment we entered this place we expected we are going to experience an extraordinarily delicious bites based on it's finest decorations & atmosphere setting. Unfortunately, it wasn't as good as it seemed. We got badly shocked by the lousy taste, the lousier portions they serve and the lousiest prices they charge. The worst part was upon the waiter's request for feed back, I stated that I was very much disappointed from the not fully cooked chicken!!. This was of no help. He just said he will pass this to the chef!!... Ya who cares!!!

Other than the Olive jar & nice decoration I must say this was defiantly the very first & last time we are hitting this place.