Silwan Charity Association

القاعه واسعه نسبيا بتكفي 350 ل 400 شخص كتير مرتبه و مستعدين يلبو كل الطلبات يلي بيطلبوها بالمناسبات انا شخصيا حضرت فيها حفلة وداع لعروس صاحبتي و كان التنظيم كتير مرتب و الخدمه جيدة بس المشكله الوحيده انو الباب الرئيسي بفتح عالصاله مباشره يعني لو ما في حاجز خشب بين المدخل والصاله الكل جوا بينكشفو عالشارع

ممكن تستخدم لمناسبات اصغر شوي متل جاهه او كتب كتاب بس عرس ما بنصح..

الموقع جاي علي نزله و في مكان قبال القاعه ممكن تصف في السياره

طبعاً الجمعية إلها مكان كبير بقلبي شخصياً مو بس لأنه فيها كان كتب كتابي وخطبتي بس كمان لأنها صالة حلوة ومرتبة مساحتها منيحة ما في عمدان ومرايا زيادة عن اللزوم أهم شي..

طبعاً لأنه زوجي من سلوان طلعلنا خصم بس هيه بتستحق وبتنافس أحسن الصالات..

الخدمة ممتازة والتعامل كتيييييييييييييير راقي.. طبعاً في إمكانية لحجز قاعة للمختلط وقاعتين لغير المختلط.. سيستم الصوت ممتاز بس التصوير ما كان كتير منيح لأنه فيديو عادي كان بس هجا الحكي صارلو أكتر من سنتين أكيد بيكونو جددوا هلأ..

بنصح فيها.. موقعها سهل وما بيتوه وما في مشاكل بصفة السيارة لأنها في حواليها فسحة فاضية بيقدر الواحد يصف فيها..

حضرت فيه عرسين لاقاربنا ، تعاملهم منيح و بقدمولك خصومات لما يكون احد العروسين من القدس و القاعة منيحة و اضائتهم كويسة كمان .