Sheraton Dushara Grand Ballroom

جميل جدا هذا المكان اذا كنت ترغب فى الارتقاء فتوجه كتير حلوه و قاعاتهم جميله ...

و الفطور عندهم كتير مرتب ... و القعده كتير حلوه ....

و أكيد مافي حكي عالفندق و خدماتوا .. ممتازه

الى قاعات فندق الشيراتون

لإفطار رمضاني رائع توجه إلى الشيراتون حيث بوفيه الافطار الرمضاني الرائع الذي تستحقه عائلتك واصدقائك والتجربة خير دليل ستجد التشكيلة الواسعة من الاطعمة المستوحاة من المطبخ الشرقي والغربي ولا تنسى المطبخ الصيني ولا العصائر الرمضانية اللذيذة زي السوس والتمر الهندي ولا القمر دين ويا عيني على الكنافة والقطايف ولا السهرة بعد الافطار ... بعد يوم من الصوم بتستاهل تدلل حالك بفطور في الشيراتون اكيد بتعرفو وين موقعه ... الدوار الخامس لا تترددوا

يعني فندق عنجد 5 ستارز يعني في فنادق بتكون 5 ستارز متل الهوليدي ان مثلا بس مو حلوة بالمرة والخدمة كأنها 2 ستارز..اما الشيراتون عنجد بجنن واحلى اشي طبعا ال view عندهم منظر حلو وال فرنش كوفي عندهم خياليه.... وبالنسبة لرمضان فالبوقيه عندهم كتير كبير وزاكي وفي كل اشي اصلن ما حدى بيقدر يدوق كل الانواع والصالات حلوة والمطاعم وكل اشي سراحة..حتى الويترز كتير مناح و kind بنصح الكل يجربو.. وصحيح جربو المسبح لانو عنجد نظيف

حضرت في عرسين من جديد وكان الترتيبات معهم جيدة. القاعة كبيره والتهويه منيحة والخدمه ممتازه. طريقة عرض البوفية كانت شوي عجقة والأكل مش بطال بس كانو من أحلى الأعراس إلي حضرتها

كتير حلوه و قاعاتهم جميله ...

و الفطور عندهم كتير مرتب ... و القعده كتير حلوه ....

و أكيد مافي حكي عالفندق و خدماتوا .. ممتازه

و الفندق هادي و رايق ... و الناس فيه كتير محترمين ...

الفندق فخم ... و ما عليه حكي ... بس قاعة الافراح مو بمستوى انها تكون قاعة بفندق الشيراتون... اكيد السعر مو منخفض نهائي... بس بالنسبة للبوفيه والاكل فكتير منظم و مرتب و زاكي.... كل شي بينطبخ و بضل على النار قدام الكل فما بتاكل شي بارد هناك... حجم القاعة مو كبير وسط... اكيد الفندق ما بقدم اي خدمة للاعراس من ديكورات وورود وكوشة... لازم على العروسين انهم يروحو لمكتب تنظيم افراح بكون حسابو منفصل و هو ينظملهم العرس حسب الطلب... الفندق بسلم القاعة فارغة بدون ديكورات... اكيد خدمة الزفة و التصوير و ال دي جي من مكتب تنظيم المناسبات و كل شي بحسابو... اماكن الاصطفاف متوفرة باجرة ...

فندق الشيرتون واحد من الفنادق القليلة في عمان التي تجعل من تجربة المشاركة في احدى المناسبات الاجتماعية او الاجتماعات المرتبطة بالاعمال تجربة غنية تبقى في الذاكرة طويلا وقد حضرت احد مناسبات الافراح لنسيب لي وقد كان العرس في غاية الاناقة والترتيب وكانت القاعة الكبرى للاحتفالات تغص بالمدعوين الذين وحسب ما رأيت كانوا في غاية الانسجام والانبساط حيث اتاحت المساحة الكبيرة للقاعة والبهو امامها مجال كبير ليس فقط للرقص والغناء والدبكات الشعبية وانما ايضا دارت في جلسات جانبية احاديث وحدثت لقاءات بين الاقارب والاحبة والمعارف لم يعكرها الضوضاء او مكبرات الصوت او الضوضاء وكانت الوفية المفتوحة داخل القاعة غاية في الترتيب وحوت على اصناف عديدة من المأكولات اللذيذة التي اعدها باتقان طباخوا الفندق المحترفين واما التحلاية باصنافها العربية والاجنبية اضافة الى انواع لشاي الفاخر كانت جميعا تكمل بعضها بعض بسهرة بالنسبة للعرسان هي سهرة العبر وللحضور مناسبة جميلة لا تنسى. وغذا فاتني شيء فلن يفوتني ~أن ابنائي واقرانهم اخذوا راحتهم كما يقال وهم يصعدون وينزلون بالمصاعد السريعة ويتفقدون اجزاء الفندق جزءا جز ويصعدون بطوابق الفندق طابقا طابق وكأن ملرافق الفندق المصممة باسلوب معماري جميل بالنسبة للصغار عجيبة جديدة تضاف الى عجائب الدنيا الصغيرة ولكن لربما الاهم أنها كانت تجربة لاتنسى بالنسبة لكل واحد منهم ما زالوا يتذكرونها بشوق وتلهف.

قاعته روعه و الخدمه فيه مميزه من احلى الاماكن الي بحب احضر فيها اعراس كل شي فيه بجنن من نظافه و خدمه و اكل و اضاءه عنجد فندق بستاهل الخمس نجوم و اكتر

راااااااااااااائع جدا الصاله حلوه كتير والي بيخليها جميله هو طريقة التنسيق الي بتحلي كل مكان شو ماكانت مساحتو

من افخم فنادق عمان ومعروفة بمستوى عالي من الخدمات الممتازة والقاعات الفخمة المتوفر فيها جميع المستلزمات المطلوبلة نضيفة وانيقة مرتبة وفي تناسق بالالوان والترتيب ومتسعة لعدد كبير من الحضور جودة الطعام عالية ما عليها حكي اسعارها مرتفعة قليلا ولكن هناك خدمات ممتازة بالمقابل وانصح جميع الي حابين يتزوجو اوعندهم مناسبة مميزة يتجهوا لهاد الموقع

فندق رائع والتعامل معهم كتير مريح، وكمان الاكل كتير رائع بالمطعم spice garden انا بشجع الكل أنهم يجربوه.

قاعة فندق الشيراتون فخمة كتيير ومرتبة.

والخدمة ممتازة..والأكل دائما عنده مميز وزاكي.

...........................

قاعة فندق الشيراتون فخمة كتيير ومرتبة.

والخدمة ممتازة..والأكل دائما عنده مميز وزاكي.

صح غالي بس جد بستحق الدفع.. لانه خدمتهم جد 5 نجوم.

الصراحة من القاعات الجميلة والخلابه جدا و المنظمة و مناسبة لعمل الاعراس واكتر ما يميزها المساحات الواسعه و المفتوحة التي تجعل العريس و العروس يتألقان ويسمح للجميع مشاهدتم و مشاركتهم الفرحة

صراحة القاعة كتير رقية ومرتبه احنا عملنا عرس أخوي فيه وكتير كانت الخدمه ممتاز ، بتمنى إنو الكل يعمل عرسو في لئن عنجد بستاهل إن الواحد يدفع هاد المبلغ عليه

من افضل القاعات في عمان انا حضرت فيه تقريبا 5 اعراس و كمان مؤتمرات و محاضرات..

بالنسبة للاعراس دايما بكون مرتب و انا بتوافق مع راوية انه مدير الحفلات عندهم اكثر من رائع.

اللي بميز هاي القاعة بالنسبة اللي في عندهم حائط كبير مليء spot lights اللي صغيرة كتير و هي افضل مكان لرقصة العرسان او للكيك شو بتبين زي كانهم وسط نجوم..المنظر بطلع كتيير حلو.

كمان التهوية كتيير منيحة والاكل ممتاز و منوع:)

بالنسبة لمؤتمرات العمل او المحاضرات فالقاعات مزودة بكل شيء يلزم لنجاح المؤتمر او المحاضرة.

أنا من عشاق فندق الشيراتون وقاعتة كتير ممتازة و اللي بلعب دور في ابراز جمال هذا القاعة هو ذكاء منظم الحفلات المتعاقد معه . واللي بميز هذه القاعة المساحة هي المساحة الواسعة لما يفوق عن 300 شخص وخلائها من الاعمدة التى تحجب النظر.