Shawermama

بجد انا ربحت قسيمة اشتراك من اذاعة نشامى وكان فيه اكثر من مطعم بالقسيمة وانا اخترت شاورماما وبجد مثل ما كنت اسمع اشي رائع ونظيف

اول مرة جربتو لما انعزمت عليه..

وكانت جد زاكية وماقصروا والله..

حبيت انو الساندويش طويييييييييلة وبتشبع بس حسيتها رفيعة وخفيفة كتير..

الصوص كان طعمو مميز بصراحة ..

محل مرتب و نظيف و سريعين بتلبية الطلبات و الاسعار عادية جربت من عندوه الشازوكا و وجبة اللحمة و حلقات البصل و بطاطا بنسبه الي اللحمة احسن من الدجاج بس بالحالتيين اقل من عادي و اكتر شي ما عجبني في نوع بهار بستعمله و بكتر منه و خصوصا على الدجاج مخرب طعمه كلها يا ريت يخففوا البهارات شوي على الاقل يحطوا متل المحلات التانية لنحس بطعم الشاورما هدا راي اما في ناس ممكن يشوفوا طعمة البهارات طيبة اما الاطباق الجانبية بطاطا او حلقات بصل او غيره طيبة و بالنسبة للمصفات متوفرة كونه المحل المول بالنسبة الي ما بنصح فيه و السبب بهارات كتيرة الي مغطية على طعم الشاورما

أذكى شاورما دقتها..

نضيف او خدمتهم حلوه او ديكورو ممتع و بيسليك..

مو بس إلي بمكة مول أنا حبيت إلي بالرينبو كمان..

الساندويش كبيره و ذاكيه صلصتها،،

بنصحكم تروحوه ما بتندمو

كتيير زاكي ، و خفيف ، افضل اشي انو بس بستخدمو صدر الدجاج ، و بصراحه انا بنصح في لانو مش بس زاكي ، الخزمه سريعة و نضيف و اسعارو معقولة. اكتر شي زاكي عندو وجبة شوا بنجا ( بتشبة كاساديا الدجاج الاسبانية) و شازووكا ؛)

مو طبيعي قديش زاكية الشاورما والحلو إنه عندهم أكتر من نوع شاورما وهاد الحلو بالموضوع، كتير بحب الشوابانجا والشازوكا وجد وجبة مشبعة بطريقة مو طبيعية والطعمة خيالية، الفرانسيز عندهم كمان زاكي كتير وبشبع أكتر وأكتر.. الجودة عندهم كتير مميزة والنظافة والترتيب من أهم الأشياء عندهم، تعاملهم كتير لزيز.. أسعارهم عادية وبتتناسب مع الجودة صراحة.. بحب إنهم كل فترة بعملوا عرض وخصوصاً ع الوجبات العائلية، بتكون الكمية كبيرة كتيييييير والسعر جداً طبيعي مو غالي متل غيره من المطاعم.. إلهم أكتر من فرع بس بحب أكل من فرع جبل عمان أو مكة مول لإنهم تقريباً أروق فرعين :) فرع عبدون دايماً عجئة هاي مشكلته الوحيدة، وبأغلب الأوقات بطلب ديليفري وجد أسرع ديليفري بالعالم ياللي عندهم :) صراحة بنصحكم تجربوه وانشالله ما رح تندموا ورح تحبوه :)

الشاورما عنده مميزة وشهية جدا جدا وصدقا بتخلي الناس ترجع عليه مرة اخرى وتجرب اكله بالاضافة ان اسعاره جيدة وخدمتهم جيدة

السرعة منيحة أنا فطرت منه برمضان و كانت الوجبه جاهزه عال أدان مع إنه كان في ضغط ، بس صغيره بل نسبه لمحلات تانيه

زاكية الشاورما والاكل يل عندو.اسعروا عادية كتير.شوي بطولو في تجهيز الاكل والشاورما

انا جربت يلي في مكة مول

مطعم اكله زاكي والمحل نظيف ومرتب وسريع في تحضير الطلب وخدمتهم ممتازه فانا جربت الشاورما عنده كانت كتير زاكيه سواء اللحمه او الدجاج والبطاطا كتيره وزاكيه وعلى فكره الوجبه العائليه عنده كتيره وكبيره ومحرزه وسعره ابدا مش غالي

لذيذ و طعم رائع ، الشاورما باللحمه اطيب من الجاج برأيي بس الجاج كمان طيب

السعر شوي غالي بالنسبه للكم بالوجبه بس توفر اماكن الجلوس شغلة ايجابيه

أنظف و أزكى محل شاورما بعمان.. الموقع ممتاز.. صديقتي هند بس تيجي من دبي لازم تزوره أول شي .. بنصح كل اللي بحب الشاورما إنه يجربه أول شي.. سعر ممتاز و خدمة سريعة :)

ما شاء الله عنه ، أسعاره مناسبة و عروض وجبات رمضانية مناسبة و محل نظيف و سرعة تعامله مع الزباين ، بس لو أنه يقدم مع كل وجبة على الأقل 3 حبات تمر

يوم شفت موضوع فرانكوم و تجربته مع مطعم شاورماما اليديد قلت اجربه و اشوف شاورمته تسوه و لا لأ.

جربت اللحم الأوريجينال و صراحة عادية ، اللهم انه الصمونة بصاج.

و جربت شاورما اللحم بيجنغ و كانت احسن من الأوريجينال بس هم نسبياً عادية ، ما اتعنّى لمطعم بعيد عشانها.

أما الدجاج فجربت لقمة من شاورما دجاج اوريجينال و …. ما عجبتني كلش.

حطوا ببالكم انه حجم صمونهم مو كبير ، و لا صغير يعني بس على هالسعر الواحد يتوقع شي شوي اكبر من اللي شفته.

الشي اللي ما شفته بالمواقع عن المطعم هو الصورة اللي تحت:

زرت المطعم مرة واحدة .. ما بحكي شي عالنظافة .. بس مش زاكي بالمرة .. بيحط ننوع بهارات بيخرب طعم الشاورما عالآخر .. وكمان الكمية مش هداك وتعامل موظفمي مكة مول سيء ما عجبني

ما بنصح حد يروح

خدماتكم كتير كويسه وجباتكم نايس بس لازم تهتمو بالزباين وتعملو ديتا بيس ولحتى تعملولهم خصم وعروض ومشكورين على جهودكم الطيبه ........بالتوفيق ونشألله نسمع بعروض جديده خلال فترة الاعياد

كتير زاكي بس بحب فرع عبدون اكتر بحس الخدمة فيه اسرع بفرع مكة مول بيطول حتى يعطيك الطلبية بس بحس شاورمته صحية اكتر من غيره نظافته ما عليها حكي

اكلت عنده من فرع عبدون عن جد طيب عندو نكهة خاصة بالشاورما إلي بقدمها . الخدمه و النضافه على أعلى مستوى. أسعارو شوي مرتفعة لكن فعلاً بقدم اشي غير عن باقي محلات الشاورما . عندو اصناف كتيره ، و عجبني إنو بقدم حلقات البصل إلي كتير بتشهي

كتيرررر زاكيه الشاورما من عنده بالزات شاورما اللحمه مع خلطة الطحينة بتشهي ...........وأنا من عشاق أصابع الموزاريلا هادي شغل نئرررشه

وفي ساندويشه فرنسيه ما بعرف شو اسمها كمااان روووعه

أسعاره منيحة بس الكميات لو يكترها شوي

من أفضل وأطيب سندويشات الشاورما وخصوصا شاورما اللحمة

السعر مقارنة بالمحلات الاخرى يعتبر غالي بعض الشيء

النظافة والجودة ممتازة

ولكن اجمالا ممتاز وانصح بزيارته