shawerma wok

هاد المكان من الاماكن الي دائما كانت مميزة بالنسبة الي، من ايام مكان فاتح في الصويفية زمان، كانت السندويشات، الخدمة والدبز اكثر من مميزة شوي شوي بلش يختلف بالحجم السعر وطعم البطاطا الي كانت من اكتر الامور المتميز فيها, ولكن كل هاد مسموح طلما طعم الساندوش لساتو جيد.

شفت انو قرر يفتح موقع جديد قريب على موقعة في شارع المدينة المنورة فقلت زمان عن شاورما وك.

طلبنا وجبة صيني ووجبة فطر وكريمة، طابعا موظف الكاش ما سئل شو حجم الساندوش مش مهم ،ولاكن افترض انو بدنا ال XL.

بعد نص ساعة نادا على الرقم، طبعا الساندويشات موجودين امامه من اكثر من 5 دقائق بس طلع كاين يستنى البطاطا.

بعد اول لقمة صرت اتمنى لو انو المشكلة الوحيدة هي برودة الاكل، صراحة الساندوش ما بطعميها ليهودي رافع علي رشاش من كثر ماهي سيئة.

الصيني عبارة عن ساندوش ملفوف XL والفطر مع كريمة لاطعم الكريمة ولا الجبنة واضح شويت شورمة مع حبتين فطر XL برضو.

السعر كان 7.5د للوجبتين.

صحيح لما اعطاني الوجبات سألتو "ليش ما سئلتني شو بدي دبز" جوابو كان "دنا شكلتيلك" مع غمزة طبعا كان حاط اقل نوعين ماشيين عندو.

ساندويشات لا توصف من قد ما هيي طيبه و طريقه عمل الساندويش قدام الزبون ملفته ماشالله و دايما زحمه

مطعم جيد و ممتاز ويقدم اشهى الوجبات

جربت هادا المكان زماااان... وكانت تجربتي كتير سيئة.. بس بالصدفة قررت أرجع أجربه مرة تانية.

أولاً المحل موقعة بشارع المدينة وكتيير أزمة ومافي مصفات. الشخص الي بالمحل كتير خدوم وبقدم اقتراحات. هالمحل بقدم شاورما بجميع الانواع ... صيني مكسيكي وبيروتي وعامل اشي جديد هو عبارة عن بطاطا مع صوص غريبة تشيز ومشروم أو تشيز وتشكن.

المهم أنا قررا أجرب وجبة خفيففة اسمها شاورما بيروتي. وهي عبارة عن جاج وبندورة وزعتر ومخلل بخبز شراك وبيجي معها بطاطا وك المشهورة بالبهارات الزاكية . والطعم كان روعة بس بردت شوي عشان المحل ما فيو قعدة .. كان لازم ننتظر لنوصل.

اجمالاُ تجربتي كانت جيدة ..بس كنت بفضل لو يفتحوا فرع تاني لهالمحل ويكون فيه قعدة ولو زغيرة..

اسعارة معقولة كتير

انا من عرب 48 جيت مره سنة 2006 لزيارة صديق الي بتعمل بعمان واكلنا من عند وك شوارما مع ماشروم وجبنه كتيييييييير زاكي ولليوم بتمنى اني ارجع وازوره وازور كمان محلات حلوي بعمان الخدمه سريعه ومنظمه وشعرت انه الاكل والمطعم نظيف وحلو, الله يعطيهم العافيه وتحيه للشعب الاردني الغالي

this place should open outside Jordan, very good idea's mixed with shawerma.

good service and if they do any mistakes they would give you the same order for free.

i like it and i like the service.

oh and rally good fries seasoning.

ما بجربه الا لما أكون جوعان ، مشان أكل قد ما بقدر ، من أزكى مطاعم الشاورما بعمان ، مش تقليدي عندوا انواع و خلطات رهيبة ، أحلى اشي لما يولع النار قدامك ! و بطبوخوا الشاورما قدامك يعني طازة

أسعاره مناسبة و طية ، يعني شغل الشباب ، بس خدمة التوصيل للمنازل بطيئة شوي

وك .............. مكان كتير اكلو طيب انا بحب الشاورما بأنواعها من عندو صح دسمة شوي بس طيبة لابعد الحدود ولا البطاطا يا الله شو زاكية :)

الاسعار بحسها كتير مناسبة لهيك اكل وطعم

المكان طتير نظيف

جرب وما رح تخسر

لووووووووووووووووووووول شو طيب :)

nice restaurant, high quality, creative with the french toast idea.. and its one of my favorites....

الشاورما كتير كتير كتتير زاكية بس المشكلة الاسعار .نوعا ما غالي بالنسبة ل اسعار الشاورما العادية. لو بفتحو فرع يوكل في صالة الأكل بكون احلى

من ازكى مطاعم الشاورما الموجوده بعمان .... انا جربت من عندهم الباربكيو والتشاينا تاون يعني جد كتير بستمتع بوجباته والبطاطا وانواع الصوص الغريبه عندهم كمان كتير مميزززززززززززز بس اسعاره غاليه كتير بشكل مبالغ

الموظفين جدا رائعين واحلى شي انهم بيلبسوا طائيه وكفوف وهالشي كتير ممتاز ونظافة المحل رائعه

ما فيو ئعده

وبيئدم خدمة التوصيل

والمصفات انت وحظك

شاورما وك عندو خيارات كتير و كل شي جربتو من عندو كان زاكي

الحلو إنو فيك تشوف كيف الأكل بيتحضر قدامك، المكان نظيف و مرتب و التعامل لطيف

المفضلين عندي: تشيزي راب و باربيكبو تشكن و البطاطا كتير زاكية

الأسعار أغلى نسبيا من سعر الشاورما العادي بس الطعم بيستاهل

المطعم موجود في أكتر نقطة مزدحمة في أكتر شارع مزدحم في الأردن مشان هيك يمكن يكون صعب تلاقي مصف

الأكل بدو حوالي 20 دقيقة ليجهز و ما في قعدة بس تيك أواي

من أزكى ساندويشات الشاورما بالخبز الفرنسي ... خصوصا شاورما مع الفطر و الصوص و الشاورما الباربيكيو...

كمان الصلصات إلي بقدمها مع الوجبات رائعة ...

لكن سعره غالي نسبيا ..

المطعم نظيف و إله مخبز خاص فيه ...

المطعم تيك أوي ... يعني مافي مكان للقعدة لكن خدمتهم سريعة

عن جد شاورمته كتير لزيزه ومتنوعه مش لحمه وجاج وبس وطيبه كتير وفكرته حلوة كنوع من انواع التغيير عن جد بنصح بالمكان

اكلت عنده مرة وحدة بس بالنسبة للطعم زاكي ولكن سعره غالي شوي و خدمة التوصيل عندة غالية فبتردد مرات لما اطلب منه بس على العموم الشاورما الي بالبابريكا عنده طيبه كتير كتير والجودة بصراحة عالية

ساندويشاته كتيير زاكية وسعره غالي شوي ....مش مشكلة السعر اذا الجودة ممتازة....ازمه كتير الشارع و مرات ما بعرف وين اصف السياره....بس لو يفتحو اكتر من فرع بيكون احسن ..............

من اطيب الساندويشات بعمان كلها و البطاطا كتير طيبه عنده نظيف و خدمته ممتازه بس لو ما بيجي الف شرطي مشان يخالف لما الواحد بدو يشتري من عنده :) بنصح الكل يروح و يجربه لانو جد روعه

لمطعم الوحيد الذي يستحق تقييم 5 . # جودة الطعام. ممتازة .. ووجباته دجاج بالكريمة و باربيكو و بيروتي راب الأفضل . وجبات اللحمة لم تعجبني كثيرا. # نظافة المحل و ترتيبه. جيدة # السعر. جيدة بالنسبة للخدمة # خدمة الزبائن. من المطاعم الأفضل في خدمة الزبائن و إذا كنت زبون للمحل توقع الإتصال منهم في أي وقت ليسألوك عن الخدمة . خدمة التوصيل ممتازة . # توفر خدمة الاصطفاف لا . # هل يقدم المشروبات الكحولية لا . # هل تنصح الاخرين بزيارته بالتأكيد

الساندويش مو طبيعي شو طيب بالفعل بغض النظر عن سعرو

جد انا كتير بحب شاورما ووك ومن نظري من افضل المطاعم بعمان بس لو يفتحو كم فرع الهم جد بسيرو نارر على علم

الذ و اشهى شاورما دقتها بحياتي

السعر متوسط الى غالي

ازمه كتير الشارع و مرات ما بعرف وين اصف السياره

جربو الشاينييز عندو حكايه