Sajeda

غالي ع الفاضي..

مش كتير شرعي ..يعني الوان وتفاصيل ملفتة او ديقة او قصيرة

مش هالجودة ..

وحتى شالاتهم نفس البضاعة برا بتكون ارخص ..

كأنو مفهومهم انه المحجبات شراشيح وكتير عليهم هيك بضاعة او انهم عجايز

الجوده كانت زمان رائعه لكن الان مش كتير والسعر مو بجوده القطعه يعني غالي

وتفاوت السعر من مكان لاخر اشي مو حلو

المحل عادي ...

مافى شي جديد ولا مافى موديلات حلوة ...

الاسعار غاليه مو الكل بقدر يشتري

بنصح صاحب المحل التغيير والتجديد ... لضمان نجاح المحل

والتقليل من الاسعار او الشي الغالي حتى بالجملة لا يشتريه لانو عارف وضع البلد

في محلات احسن منه بصراحه الاسعار غاليه مع انو بضاعه محليه مفروض تكون ارخص من المستورد موديلاته نفس الاشي من وئت ما فتح سنة الخشبه

محلات ساجدة من المحلات المميزة في المملكة خصوصا المحجبات

احلى شي عندو المانتو

الجلابيب احسها كتير فيها حركة لو انهم يخففوا الاكسسوار فيها

العبايات الخليجيه لطيفه وفيها انواع راقيه ومميزة

بس المشكله الوحيدة الي عانيتها في ساجدة تذبذب الأسعار من فرع لآخر لنفس القطعة ،،،، والفرق الكبير والغريب في الأسعار بين فروع عمان والمحافظات

محلات ساجدة منتشره بالمملكة بفروع كثيره منها فرع جبل الحسين والزرقاء والستي مول ومكه مول وتقدم ملابس محجبات رائعه وجميله تناسب جميع الاذواق عباءات ومطرزات مميزه ويوجد ايضا ملابس صلاة مميزه يستطيع الزبون ان يقدمها هديه فخمه ويوجد تشكيله من الايشاربات والشالات والمريح بمحلات ساجدة توفر غرف القياس المريحه للزبون ويتمتع زبون شركة ساجده ببطاقه خصم تمنح الزبون خصم مميز عند كل عملية شراء ويجمع عليها نقاط وتقدم البطاقه الذهبيه مجانا والخدمه رائعه وبالنسبه لنوعية العباءات والجلابيب فاسعاره مميزه ومقبولة

الموديلات كتير حلوة ومتنوعة وجديدية وغريبة

العبايات عندو كتير بتجنن

الخدمة ممتازة

أسعترة شوي غالية بس بنصح الصبايا يجربو

تشكيلة الصيف الجديدة حلوة كتير هو مميز بالجلابيب التركية

الجلابيب و نوعيتها جيدة جدا

و عندهم موديلات حلوة و مش موجودة بأي مكان تاني

الاسعار شوي اغلى بس بنفس الوقت ما بتلاقي النوعية بمكان تاني ولا الموديلات

خدمة الموظفين كويسة و دايما متوافر شخص بالخدمة

انصح الآخرين بزيارته و تجربة البضاعة

و بعملوا عروض كل فترة و بطاقات بصير عليها سحب

ممكن تفوز بقسائم شراء

هاد المحل زمان كانت بضاعتو حلوة ومميزة.. هلا ابدا مو حلوو وابدا مو مميز .. بس يمكن شالاتو منيحة وحلوة بس الجلابيب ابدا ما عجبتني عندو.. وغالي كتيير

اذا بدكم معنى الاصالة والجودة فكلها تندرج تحت مسمى ساجدة والاسم وحده يعني الكثير

فالقديم عند كل لبسة جديد فما بالكم بابداع الجديد

وكل موديل لوحة فنية وبنصح الكل بزيارته

ساجدة هادا فخر لمدينة عمان فعلاً، منتجات اردنيه بكواليتي اجنبيه .

أنا صرلي سنوات بشتري من عندي شالاتي و حجاباتي. جوده منافسة ، أنا بالنسبه إلي هاد أفضل محل ببيع هيك أشياء. عندو تنووع رهيب بمعروضات المحل و أي لون بخطر ببالك أو أي موديل ، كلو موجود عندو .

أسعارو مناسبه جداً و منتجاتو جودتها عاليه كتير  .

بسنح الكل يشتري من عندو .