Queen Alia International Airport

أول مرا بسافر عن طريق هدا المطار، ما توقعت يكون هيك بهادي الفخامه ، يعني ما حسيت اني بلأردن !!! مطار كبير كتير و- واسع ، و (نضيف كتير) الحمامات كبيرة ونضيفه ، والمبنى من برى حلو كتير ، ومقسم بطريقة رائعة ، ما بضيع ، وراح أحكي واركز شوي عخدمه بلمطار ، بصراحه إلبشتغلو فيو خدومين كتير ، ومرتبين كتير ، وانيقين ، وأيا حد بتسألو بسعدكم بصدر رحب ، ما كنت متوقعة هدى شي ، وفي قاعات واسعة ؛ و- كراسي مريحة ، وتفتيش بلمطار دقيق أكتر من أول ، والحرة شي رائع كبيرة ووحلوه وفيها كل شي ، وفي مطاعم ، وبنوك ، وسوبر ماركت ، مطار كامل بكل معنى الكلمه ، الديكور من فوق رائع بعطي إنطباع عن ضخامة المطار ... أكيد شي رائع إنو يكون عنا مطار هيك ، يعني ايلي بدو يسافر ما راح يتغلب ، وبرجعة بس ملاحظة بسيطة ع جوزات بصير تبتسمو جد مو ممنوع :) كتجربه كانت موفقة

المطار الجديد فعلا كتير متغير للأفضل متل ما الجيران كتبو, بس أنا عندي ملاحظة بتمنى حدا من المسؤولين يسمعها و ياخدها بعين الإعتبار.

الدخان ممنوع بالمطار ما عدا غرف صغيرة بتكون موجودة باماكن متعددة, انا لاحظت هاي الغرفة الموجودة بقسم انتظار الطائرات بطابق المغادرين. الغرفة كانت عبارة عن محششة, الموجودين جواها هن موظفين التنظيف او أصحاب المحلات الي موجودة بهذا الطابق, وما شفت بطول الساعة الي كنت بستنى فيها الطائرة غير مسافر واحد دخل دخن سيجارتو وطلع, أما الباقي فهم عاملين الغرفة ديوانية! متبطحين على الأرض و عم يلعبو بموبايلاتهم و يضحكو بشكل غير لائق!

بتمنى من أمن المطار أو المسؤولين عن هالحكي انو ينتبهو لهالموضوع لأنو أبدا مو لائق بمطار فخم وجديد.

أنا حبيت أكتب في هذا المكان لأنني ما جربته ..

بس حبيت أعرض فكرة و هي مطبقة في مطار كوريا ..

و اللي عاملينه هو أنهم منشئين زاوية خاصة بحضارتهم و فيه بيعرضوا أشياء من تراثهم و عاداتهم و تقاليدهم باللإضافة لبعض مجسمات لآثار بلادهم مع تفاصيل أماكنها لحتى يتعرف السائح على مكان هذه الآثار و يسهل وصولها ..

و بالنسبة لعندنا .. ما شاء الله الأردن من شتى الثقافات يحتفظ بعبق تاريخي للحضارات منها الرومانية و النبطية و المسيحية و اللإسلامية ..

فليش فكرة زاوية للحضارة العربية الأردنية تطبق في المبنى الجديد للمطار ..

يعني ما يكون بس محلات عالمية تكون موجودة بالمطار بس عالأقل نعطيه لون لحضارتنا و ننمي السائح عن ثقافتنا أكثر ..

ليث .

المطار حلو كتير كتير وواسع وكبير

تصميم المطار حلو

تنظيم المطار ممتاز

واجهة المطار الزجاجية حلوة

صالات المطارات واسعة ومريحة للزوار

مكان استقبال المسافرين كبير وواسع قد ما كان موجود عالم ما بتحس بالزحمة لأن الصالة واسعة

يضم المطار طابقين كل طابق منفصل عن الآخر وله أدراج كهربائية ومصعد

طابق للمغادرين الطابق الأول

وطابق للقادمين الأرضي

المطار نظيف كتير

المواقف واسعة جدا

الإنارة منيحة

مكبرات الصوت واضحة

شاشات العرض لمواعيد الطائرات كبيرة وموقعها ممتاز و واضحة جداً

اللوحات الدالة والشاخصات داخل و خارج المطار واضحة و كبيرة

الصالات الداخلية واسعة ونظيفة

الساحات الخارجية واسعة و كبيرة و نظيفة

يضم المطار شركات للموبايل & سوبر ماركت & عددت أفرع للبنوك يوجد بنك الاسكان و بنك الأردن و البنك العربي وبنكالاستثمار العربي الاردني & البريد الأردني & شركات النقل و تأجير السيارات .

الخدمة بالمطار ممتازة وموظفي المطار معاملتون كتير منيحة ومتعاونين واجهتني مشكلة بالمطار طلبت المساعدة من موظفين الأمن كانوا جدأ متعاونين ومتفهمين وساعدوني بسرعة

معاملة رجال الحاجر عند مدخل المطار ممتازة

خدمة موظفين الباركينغ منيحة

مطار حلو كتير ومرتب

ملاحظة بسيطة مندوبي الشركات أو الفنادق يلي بوقفو وبيحملو إسم المسافر القادم لأي جهة او شركة يجب من إدارة المطار أن تخصص لهم مكان معين لأن أغلب الوقت بكونوا منتشرين بالمطار والمسافر القادم يلي بيعرف في مندوب عم يتنظروا بضل بلف عليهون من طرف لطرف ليشوف اسمو ومنظرون مو حلو وقت بكونوا متشرين بالمطار بين الناس.

يجب تخصصي مكان معين لهم قريب من بوابة القادمين

المطار روعة

hada el matar bdo tazbeet kter ,mu mrtb bl mara w mu ndeef ,,,w el gareeb bl modo3 eno el moazfeen eli bkono bl matar 2iza sa3dok bl shanati bseer bdhom masari ...! hada shoglak ,,eno sho gareeb jad ...w gear hik 3adi 2iza la2eto basbosea bttmasha bl matar o.0 ,,,w jad ma be3ex soret el ordon bl mara w ma fio shi yin7ka 3ano ,,,w ma fi shi momyaz ,,,3al 2alela law 7ateen swar la tare5 jordan ,,, shi bedaye2 kter ,,,bewsal el wa7d la fi ebtesameh wala ta3mol mnee7 wala eshi ,,,, saye2 jedan jedan ,,, lazm yikon aktr makn mhtmeen fio ,,,lma yiwsal el wa7d ye7es eno b baldo ,,btwsal btro7 la taboor el jawazat w ba3din la taftesh ,,,w ya reat 7ad besa3d bdon masari,,,,

مطار الملكة علياء الدولي يصنف بوضعه الحالي من أسوأ عشر مطارات في العالم وذلك قبل التوسعة التي لم يتم افتتاحها بعد والتي لا أعلم شخصياً متى بالضبط سيتم افتتاحها فعلياً ..

المطار القديم أنشأ في بداية الثمانينيات من القرن الماضي وهو يتكون من مبنيين متشابهين متقابلين (مبنى المسافرين ومبنى القادمين) . وقتها كان يعتبر من المطارات الجيدة في المنطقة العربية وأفضل من مطارات بعض دول الخليج آنذاك كمطار الدوحة مثلاً .. الآن أغلب الدول العربية طورت مطاراتها بشكل عصري رهيب وننتظر إنتهاء عمليات تطوير مطارنا ..

لقد جربت هذا المطار في صغري وأثناء دراستي الجامعية وقبل سنة أيضاً عندما ذهبت إلى كوريا الجنوبية ..

أول مشكلة تواجه المسافرين أو المستقبلين لهم هو عدم وجود أماكن كافية للاصطفاف بالقرب من البوابات حيث يقف رجال الأمن والسير ويجبرون السيارات على سرعة المغادرة وإلا سيتم مخالفتها .. أما عن المواقف الموجودة فهي غير مجانية وبعيدة عن البوابات حيث يضطر المسافرون إلى السير حوالي خمس أو عشر دقائق للوصول إلى المواقف ..

معاملة الموظفين جامدة بعض الشيء وتعلوها الكشرة وأذكر أن إجراءات التفتيش كانت صارمة حيث طلب من بعض المسافرين -عندما يعطي جهاز التفتيش إشارة - بخلع الأحذية والأحزمة وهذا شيء مهين للإنسان لكن ربما يضمن شيئاً من الأمان لرحلات الطيران..

تحدث أحياناً بعض الأخطاء من الموظفين ويتحملها المسافر أو يتحمل غلبة الشكوى .. أذكر أن أحد الزملاء الذي كانت رحلته من عمان إلى سيؤول مروراً بدبي قد أخطؤوا معه فشحنوا حقائبه إلى دبي فقط واضطر أن يقوم هو بدفع مبلغ كبير ليشحن حقائبه إلى سيؤول مرة أخرى ولا أدري هل تم تعويضه بعد عودته أم لا؟

"السفر قطعة من العذاب" كما قال رسولنا محمد صلى الله عليه وسلم : ( السفر قطعة من العذاب يمنع أحدكم نومه وطعامه وشرابه ) .. ويشتد هذا العذاب في مطار عمان حيث يبقى المسافر قلقاً حتى ينهي جميع الإجراءات ويتجه إلى قاعات الانتظار في الأعلى عند البوابات إلى الطائرات ..

توجد سوق حرة وسط قاعات الانتظار ولكني لم أحاول أن أشتري منها شيئاً وللأسف تباع الخمور المحرمة شرعاً فيها ..

إذا قارنت مطارنا بمطار دبي أو سيؤول -(مطار إنشون) الذي يستعمل فيه المترو للتنقل بين أقسام المطار الضخم- فإنك تصاب بالإحباط وتخجل من شكل مطارنا وأساليب التنقل فيه بواسطة الباص القديم ..

للأسف استخدمه كثيرا

المطار لا يرتقي إلى سمعة الاردن والله انو يخجل فيه

الخدمات في المطار سيئة والموظفون مترهلون كما المطار نفسه. إذا أردت أن ترى الخدمة الحقيقية من موظف ممتاز اذهب إلى دبي. الموظفون يشعرونك أن المطار لهم وانك تدوس في حرم أرضهم وطبعا إلا من رحم الله. وطيران الملكية سيء جداً سأكتب له نصيحة مستقلة.

وانا لا انتظر الكثير من المطار الجديد

للأسف الشديد موقف باص في اليابان أحسن من هيك مطار ... ويا عيني على الاستقبال يعني المطار بوابة الاردن لازم يكون في لطافة بالاستقبال .. وين كاين ؟ عند مين رايح .. من وين جاي شو معك أغراض كمان شوي بيحكيلك ليش جاي هون وشو جاي تسوي

مطار الملكه علياء الدولي من احسن المطارات على وجه الارض وانه مريح / والموضفين خدمتهم ممتازه ١٠٠٪ وانصح الجميع بل سفر في مطار الملكه علياء دولي واتمنا المزيد من التقدم الباهر

يعني هو المطار الوحيد الحقيقي في عمان ومع هيك مش نافع!!!

هالمطار غريب

إزا كنت طالع من عمان جيد وواسع وماشي حاله بس بالرجعة عجقة والشنط حالتها حالة وبيرموها رمي وما في أي مراعاة للنظافة ولا المعاملة منيحة..

يعني مطار بيروت أسخم مطار رحته بيضل أحسن من مطار الملكة علياء بس على أمل إنهم يزبطوه بعد الشغل اللي صارلو أبصر كم سنة!!!

الحرة ما فيها شي عليه القيمة ولا أسعارها منافسة.. يعني اللي طلع من البلد وشاف الحرة في دبي والدوحة والهند ما بيقدر يمدح مطار عمان للأسف!!

كرسي الانتظار مش مريحة والمطاعم مش نافعة وغالية عالفاضي اللي بيروح عال lounge ما بتفرق معه أكيد.

بما إنه ما في مطار غيرو بس يزبطووه ويخلصو من هالتوسعة اللي ما كانت تخلص!!!!

مطار الملكة علياء مطار حلو و مريح بشكل عام. في مطارات احسن منه بالعالم بس هو كتير منيح. الموظفين اللي بشتغلو في محترمين وتعاملهم راقي . نظافة المطار جيدة جدا. بالنسبة للسوق الحرة غالية نوعا ما .و في اسواق ارخص منها بمطارات اخرى. ومشكلة اخرى هي الشنط انها بتوصل مليانة غبرة . الطائرات اللي فيه طبعا بتعتمد على شركة الطيران بس بشكل عام الطائرات اللي في مريحة جدا. يعني برأي بالنهاية مطار الملكة علياء حسناته اكتر من سيئاته .