Mashhoor Real Estate

أهلا وسهلا بك في مؤسسة الحاج مشهور العقارية :) الموقع : شارع زهران الدوار السادس بجانب فندق دانا بلازا الخدمات : 1. خدمة الوساطة العقارية 2.خدمات استشارات و استثمارات عقارية3. خدمات إفراز 4.خدمات تحكيم عقاري 5. خدمات تسويق عقاري . هاي هي الخدمات بس أنا رح احكيلكم عن رأي عنه مش عن خدماته هلأ في البداية طلب عمي أنو بدو يشتري أرض بسعر معين قلنالو ما الك الا هاي المؤسسة بتروح عندهم بيعطوك كشف بتسجل جميع مطالبك مثلا ارض بفضل انها تكون بهادا الموقع على عدد معين من الشوارع وما تزيد عن هذا السعر فهم من خبرتهم بدوروا على مطالبك من خلال الناس اللي بدها تبيع واجت عندهم عشان الاقوا مشتري وفي حال ما لقولك طلبك الا ما يتوفر عندهم لو اراضي مشابهة وقريبة اما من السعر او المتطلبات . وفي شغلة تانية عندي قريبة الي لاكانت بدها تشتري فيلا مكونة من ثلاث طوابق وناسبها السعر والموقع وكل شي بس هي لقتوا صدفة يعني ما تعاملت مع أي شركة فقبل ما تشتريها بس للأسف كانت دافعة عربون انو خلينا نجيب مقيم من مؤسسة الحاج مشهور العقارية يشوفلنا شو رأيه بالفيلا والله هيك كان طلبنا منهم انهم يقيمولنا الفيلا واجانا الرد في غضون 3 أيام "بالكتير " هو مغلف فيه جمييع المتطلبات اللي احنا حابين نعرف عنها واللي مو حابين يعني بالعربي شرع كافي ووافي وزيادة كمان شو طلع بالكشف انو الارض المبنية عليها الفيلا لا تحتمل ثلاث طوابق وممكن تنهدم في وقت اجا في هزة ولو خفيفة فباستشارة صغيرة وفرت علينا الاف الدنانير اللي كنا رح ندفعها . وبالنسبة للمبلغ اللي رح تدفعه مشان الاستشارة او التقييم فهو مبلغ رمزي بالنسبة للمضار اللي جنبت نفسك في الوقوع فيها . وفي شغلة حلوة بالمؤسسة أنو الكل متعاون مع بعض في بعض شركات فلان بيشتغل كل الشغل لا هدول اشي بشوف الموقع وبحط ملاحظاته وواحد تاني بنظمها و برتبها فبالنهاية بيطلع شغل منظم ومرتب بيغريك لترجع عندهم كل ما احتجت لاستشارة او بيع أو شراء . بس في مشكلة صغيرة بمناسبة انو واقع على الدوار السادس بالزبط فهي مشكلة المواقف محدودة وغير كافية نسبيا لكن ازا كنت ماخد موعد وهداك ماخد موعد فما يضارب الموعدين وما رح يسير ازمة بفضل التنظيم والترتيب في هاي المؤسسة لكن برأي هاد موقع استراتيجي جدا لا يمكن اننا انلاقي متله في عمان وهاي وحدة من المميزات انو الدوار السادس من المواقع المهمة في عمان :) زوروا

شركه الحاج مشهور العقاريه شركه ممتازه فقد باع عمي عده اراضي عن طريقه فمعاملتهم ممتازه واجراتهم بالنسبه للبائع والمشتري ممتازه فهي شركه عريقه والكل يعرفها لكن للاسف موقعه لا يوجد به محل لاصطفاف ويوجد الكثير من عروض البيع والشراء للاراضي والشقق عنده