La Mirabelle

من زمان بسمع عن ميرابيل بس ولا مرة رحت عليه رغم اني دايما بشتري معمول من زلاطيمو بس مو فرع الشميساني. قد ما حبيت الريفيوز اللي انكتبت عنه قلت لازم أجربه. المهم رحت انا وخطيبي عليه قبل يومين، يعني قبل رمضان بيوم. رأيي في المكان كالتالي:

1. الأكل: كتيييييز زاكي، اكلنا ساندويش دجاج مع جبنة وساندويش ستيك مع جبنة وكانوا زاكيين كتير بس الستيك أزكى، جد ساندويش الستيك كانت رهيبة، والخبز كان فريش وزاكي.

2. النظافة: المطعم نضيف، والاكل نضيف، ما حسيت فيه شي مو نضيف.

3. الخدمة: مش منيحة. أول ما وصلنا، لحالنا رحنا شفنا طاولة وقعدنا، وضلينا نستنا ويتر (جرسون) ييجي يعطينا منيو (قائمة طعام)، بس طولوا كتير لغاية ما ناديناهم وإجوا أعطونا منيو. بعدين تأخروا لرجعوا ياخدوا الطلب، بس الاكل ما تأخر كتير، يعني زي المطاعم التانية لأنه أصلا بياخد وقت. بس أكتر شي تأخروا لما طلبنا الفاتورة، اضطرينا نطلبها مرتين وأخرونا. حسيتهم معجوقين أو ملبكين، ما بعرف كأنه شي صاير معهم. طول الوقت عم يركضوا ويروحوا وييجوا بس ما عم بخلصوا شي بسرعة. وعدد الناس ما كان اكبر من العدد اللي بنشوفوا في كل الكافيهات والمطاعم. صراحة ما حبيت خدمتهم ابدا بس ما بعرف اذا همه دايما هيك والا بس هالمرة.

القعدة: المكان جوة مرتب وحلو ونضيف والقعدة برة كتير حلوة بالذات المسا لما يصير الجو حلو.

أجواء المكان: الناس في المكان كانوا تشكيلة بس مو شباب لحالهم، يعني اما شباب مع بنات او بنات مع بعض او ستات مع اولادهم، يعني عائلات، بس المشكلة انه كان في اطفال كتير فصار الجو كتير مزعج، لأنهم عم بركضوا وبنطوا وبلعبوا وصوتهم طالع طول الوقت لدرجو بتدوش جد. صراحة تخيلت المكان يكون اهدى من هيك بس جد انزعجنا من الصغار، لو ما كانوا كان الوضع حيكون كتير احلى.

مصف السيارة: ما كان في فالت على الباب، بس لقينا صفة قريبة، واحنا رحنا في موعد مو عجقة فما بعرف اذا مع العجقة بصير صعب تلاقي مكان والا عادي.

السعر: يعتبر غالي بس زي المطاعم والكافيهات التانية اللي زيه.

كنت كاتبة ريفيو ممتاز عميرابيل عبدون من قبل، وأنا دائما بروح عميرابيل سواء عبدون أو الشميساني ، لأنه مع إنه سعره غالي فقعدته حلوة وأكله كتيــير طيب وخدمته جيدة. بس رحت من يومين عميرابيل عبدون مشان نفطر أنا وصحباتي، خبرونا إنه ما في بوفيه إفطار بعبدون وبس بشميساني، علما إنه إعلاناتهم ما قالت هيك وعلما إنهم حاطين إعلان قد الدنيا عباب ميرابيل عبدون عن بوفيه الإفطار. الحمد لله كان معنا وقت ولحقنا نروح عميرابيل شميساني. التجربة كانت بالمرّة، أول مرّة بروح وما بنبسط. أولا كان في بوفيه عبارة عن نوعين شوربة(خضار وعدس) وصحن متبل وصحن حمص و3 أنواع سلطة ومعجنات وفاصوليا خضرا وبازيلا. الكميات كتير قليلة. نحن وصلنا متأخرين شوي فخلص معظم الأكل وما رجعو جابو وصرنا نحط بواقي. جابولنا تمر ومي عالطاولة والمقبلات كانت طيبة ومش سيئة بس لو طلعلنا أكتر من لقمة كل وحدة كان أحسن، بعدين إجا الويتير يسألنا شو بدنا main course الخيارات: beef وmushroom أوchicken أو سمك هامور مشوي أو أرابياتا. وين البوفيه بالموضوع؟! الإعلان كان عن بوفيه، مش مفروض مكان بيحترم نفسه يخدع الناس هيك. المهم طلبت أنا دجاج مع فطر. وياريتني ما طلبت! الدجاج كتير ناشف، والمفروض في مشروم وصوص مشروم، الصوص يمكن نقطتين بالعدد بس واللقمة ما بتنبلع بالساهل. عادة أكل ميرابيل لا يُعلى عليه، بس بصراحة هاي كانت تجربة جدا جدا جدا سيئة. ومشان تكمل الحمامات كانت "مقرفة" إلى أبعد حدّ، كإنه ما حدا منضفهم ولا اهتم ينضفهم. السعر مع الضريبة بيطلع 24 دينار وشوي عالشخص. أنا لقيت إنه حرام كتير وحسيت المصاري انكبو عالأرض لأنه ما كان في شي بيستاهل هالمبلغ أبدا أبدا أبدا. ما بنصح حدا يجربه برمضان نهائيا! ويا ريت المسؤولين عنه يشوفو هاي الملاحظات.

Mirabelle seems to be one of those places that I can’t put my figure on I think they have good food, with nice twists on the traditional offerings. You get to have your choice of deciding to be healthy with their great salads and sandwiches or you can indulge your sweet tooth with their yummy chocolate éclair my favorite.

However, my confusion with the place is probably atmosphere related, as I feel that is mostly for mothers and aunties to go have morning coffee discuss wedding plans and what the latest talk around town is, or for those couples that are looking to have a really quiet outing, so it never pops into my mind as place to go to, but rather to order out from, which in all honestly I do at least twice to three times a month when at work, which brings me to the only thing that I can say annoys me about the place, the purchasing mechanism for takeout orders. Basically it consists of four or five steps of ordering, paying getting a slip, giving the slip to the guy behind the counter, getting another paper and then going back to get your actual order, I am sure that there must be a better way of automating the process in order make this less of a hassle. Also they should actually invest in delivering food not sure why they don’t do that still?

But all in all I can say it’s good food

المحل حلو و بحب أعدتو بالصيف كتير. أسعاره منيحة و أكلوا كتير طيب! السندويشات و السلطات عندو ممتاز و الحلويات بشهو! الخدمه عندو ممتازه. بتقدر توصي على كيك من عندو والأسعار بتختلف حسب النوع و الحجم

من أجمل وأرقى المقاهي / المطاعم في عمان. أجواء هادئة. الجلسة الصيفية في الحديقة جميلة جداً وبعيدة عن صخب الشارع

نوعية الطعام والتشكيلة الموجودة على القائمة جيدة ومتنوعة.

الخدمة جيدة ومستوى النظافة عالي

الأسعار مرتفعة قليلاً

نظيف والخدمة ممتازة شوي غالي

الجلسات بالحديقة ممتازة بالصيف خاصة للفطور انصح ب دكتور ريكومنديشن والحلويات رائعة

انا جربته بأول الصيف وكان هادي وقعدته حلوةوأكله زاكي ولو انه غالي شوي بس تعليقي عليه ب رمضان..بصراحة شي بخزي..قال بوفيه ولا يمت للبوفيه بصلة!! عمري ما شفتها ولا سمعتها انه الطبق الرئيسي بتختاره انت واحد من اللي حاطينهم لبوفيه اليوم؟؟!!!!!! وين البوفيه بالموضوع؟؟!!والبوفيه عبارة عن نوعين سلطة ونوعين شوربة .. وطبق صغير بازبلا وفصوليا انا بعمل أزكى منهم وحمص ومتبل...وطبق معجنات ما بكفوا ربع القاعدين عينات صغيرة وكميات قليلة وما رجعوا عبوا الاطباق بس شافوا انه ناس كتير ما اخدت... وخيرونا ناخد هامور او جاج بصلصة المشروم او بيف مع صيني وبصراحة كنا 3 واخدنا التلات اطباق وكل واحد اسوأ من التاني!!!! في تنين من الجراسين مناح ولطيفين والباقي دفش وبحملك جميلة انه جاي عنده عالمحل!!! وبالاخر عالشخص 23 دينار عالفاضي..

بهاد المبلغ في كتييييير مطاعم تانية وقعدات وخيارات تانية احسن منه بكتير بالاكل وانواع الاطباق ..الشي الوحيد اللي كان حلو هو فكرة الديزرت اللي جابولنا ياها بفناجين قهوة عربية... غير هيك ما بنصح حد فيه ابدا بالزات برمضان...

أكله نضيف و زاكي، خدمه رائعة .

لكن أسعار مرتفعة جداً . باعتقادي بستاهل هيك أسعار .

يوفر خدمة اصطفاف السيارات . بنصح الجميع إيجربو

من أكثر الاماكن إلي بحس جوها أوروبي بعمان.. يعني الأكل والديكور والقاعده إلي برة.. حتى الحلويات.. بعدين المينيو فيو كل اشي وكل زكي بدون أي إستثناء!

very hygienic , extremely delicious , they dont make enough crossians and canapes they are always out of those early in the morning , but i love it , desserts and sandwiches are amazing and one of the very few places that still have a theme and an age group

I always go there during lunch. It is very clean, but I am always disappointed with the service. They never smile, and they do not show appreciation or care for their customers.

Menu could use a bit of an upgrade or to add more varieties. Also, they are not very flexible. For example, one time I ordered sausages and white cheese during lunch and after checking with the Chef, they accepted. Another time, I ordered the same thing and the waiter simply refused!!! Inconsistency.....

مكان بقمة الجمال من كل الاتجاهات

كادر عمل زوؤ وتعاملهم واستقبالهم بيجنن

الخدمه ممتازه بتطلب بيعملك شبيك لبيك نحنا بخدمتك وبين ايديك :)))))

النظافه لا يعلى عليها ابدا

الناس الي بيترددو ع هالمكان بقمة الرقي والاجواء رايقه وحلوه وعائليه جدا بتحسسك بدفئ المكان

بتئعد وبيمر الوقت وما بتحس عليه

الاسعاؤ مناسبه جدا يعني كلشي وسعرو فيه الاكل لزييييييييزززز والكابتشينوووووو يميميميميييي

ولا الهوت شولكت يا دليييييييييييييييييييي ما اطيبوووو مع حبة البسكويت شو لزيز

ومصفات للسيارات موجوده

حلو بالشتويه مع الدفا

وحلو بالصيفيه والقعده مع الحبايب صفااااااا

وشو ما حكيت ما وفيت

:))))

وتجربه موفقه للي ما جرب ؛))

La Mirabelle offers a wide selection menu from salads to sandwiches to pastas, complimented with a selection of pastries, cakes, ice creams, & canapés.

*Location

Start at the American Embassy Circle and go in the direction of Taj Mall. Take the 3rd right. La Mirabelle will be on your left hand side at the end of the street. Same building as Abu Shakra.

*Features

Wifi Available, Delivery Available, Alcohol Free Environment, Catering Available, Outdoor Area Available, Breakfast Served.

*The menu

They serve: Cakes / per Person, Cakes & Loafs, Andalou, Tarts, Petit Flours, Cookies, Muffins, E'clairs, Soiree, Canape's, Sandwiches, Croissant Sandwiches, Open Sandwiches, Bread , French Baguettes, Multi Grain Bread, Pain au Lait - Milk Bread, Croissant, Japanese Bread, Fougasse, Mini Sandwiches, Mini Croissant Sandwiches, Salads, Quiches, Arabic Pastries, Platter & Displays, Stations, Ice Cream , Sorbet, Special Flavors, Mutabak.Went there the other day with my friends. I tried La Mirabelle's Delicious breakfast box. It was very well prepared, it had 2 pieces of Croissant, a small sandwich, very delicious choco-chip cookie & absolutely fresh 100% natural orange Juice. Very good quality I recommend for breakfast!

*atmosphere:The restaurant has a relaxed ambiance and a nice decor.

*service: attentive but not overbearing waiters, they are neat and friendly.

*Prices: its expensive somehow but worths every penny.

I advice you all to go and try it

مكان رائع وأجوائه بتجنن وأحلى منظر بحبوا وأنا ئاعده بره بشوووف الناس الكبار بالعمر بيجوا على هالمكان يعني هالمكان ما بحسوا شغل اصحاب او رومانس .......طبعا الئعده بره راااائعه وبتجنن وعنده اشياء زاكيه بس غالي كتيررر وازكى شي منظر وألوان العصيرات والكوكتيلات جد بتفتح النفس طبعا المصفات أنا بتغلب لحد ما الائي والخدمة والنظافة رائعين

مكان جدا رائع، أطعمة و مشروبات لذيذة ، خدمة جيدة ، المكان بشكل عام هادئ و مريح. المكان مناسب للعائلات للسهرات و التمتع بأجواء هادئة. زوار مميزين بسبب ارتفاع الأسعار عن المعتاد "سلبية ايجابية". أنصح به للاستمتاع مع الأحبة و العائلة و ليس للأصدقاء و "الشلة".

كل شيء ممتاز. الخدمة ممتازة. الحلويات والمشروبات ممتازين. المكان والحديقة ممتازين. فرع شميساني لا يقدم خدمة الاصطفاف. الأسعار غالية جدّاً. لكنني أنصح بزيارته.

من احلى الاماكن اللي زرتها وخصوصا فرع عبدون .. اكله طيب كتير وفي مصفات وخدمتهم كتير ممتازة .. السعر غالي ..لكن القعدة فيه بتستاهل هيك اسعار

القعده في بالصبح روعه رايقه مع فنجان قهوة او شاي على زوئك و بعدين فطور كتير طيب الناس بتكون كلاس الكبار بالعمر بكونوا عاملين جمعه نسوان كتير حلوين و المساء اعدة بالجنينة برا كتير حلوة المحل نظيف و عريق معروف و مرتب و خدمتة رائعة لا يقدم مشروبات كحولية انصح به اكيد.

العرض الخاص برمضان رهيب و السعر منطقي و لانو اجواءه عائلية و لاني مجرب اكله و قعدته فهو من احسن الاماكن لتناول وجبة الفطور في رمضان

و طبعاً التحلاية الاساسية بعد الفطور و برشح التشيز كيك تبعهم لانو مميز و فنجان القهوة الصح الي ما شربت ازكى منه في عمان

فرع الشميساني حلو وقعدته مرتبة كتييييير وبنبسط الواحد فيها.. المحل مكيف والواحد برتاح فيه... الأبل باي عنده بتطير العقل مش طبيعية شو زاكية و في كتير كمان أشياء زاكية مثل التشيز كيك والليزي كيك.. المحل كلو على بعضو بشهي.. كمان القعدة البرانية من الاخر ومرة عملنا عيد ميلاد اختي هناك كان الوضع كتير حلو بس صراحة دفعنا اللي فوقنا واللي تحتنا كتير غالي.. مش غلط الواحد يروح مرة كل كم شهر.. بالمناسبة بتقدر تصف عنده بكل سهولة.. والواحد بحس إنو العاملين هناك بدورو على رضا الزبون دوارة.. جد إنو فخم.