Khodar Al Omor

قبل ما أحكي عن المحل.. الأولوية لصحاب المحل.. جد ما أحسن معاملتهم وما ألطفهم.. كتييير محترمين الشب وأخوه صحاب المحل.. والشغيل المصري كمان كتير منيح ومحترم.. المحل قبل فترة قصيرة جددو الديكور عنده، صار أحلى بكتير وصار مكيف.. في كل شي من خضار رئيسية للبيت والعديد من أنواع الفواكه.. بالمناسبة أول ما يبدأ موسم فاكهة معينة بتلاقيه أول واحد جايبها وبأجود الأنواع (خصوصا المانجا، البطيخ، الشمام، الصبر، العنب، التين) أسعاره جيدة جدا ودائما بخصم وبراعي خصوصا للزبائن.. قصدي بكلمة براعي إنو مرة نقص علي ١٥ قرش فكنت بدي أروح على السيارة على السايد التاني أجيبلو إياهم فحكالي خلص إنسى بتجيبهم بعدين.. وفعلا جبتبو إياهم بالليل.. بالنسبة لصفة السيارة دائما في صفة قدامو إلا الظهر لما يكبسو الناس بدك تصف عند الهيثم للبصريات أريحلك من ما تصف ورا واحد ويزمرلك تشيل السيارة قبل ما تقضي غرضك.. كمان إذا كان معك كتير أغراض في شب بشتغل هناك باخذلك اياهم على سيارتك واذا ما كان معك سيارة بضل واقف معك حاملك الاغراض لحد ما تلاقي تكسي.. بالنسبة إلي انا راضي عن المحل ونظافته على الاخر وبنصح الناس يجربوه.