Kashmir & Al Argeelah

ياالله شو قعدته حلوه وخاصه في رمضان شي مختلف تماما عن باقي المطاعم والاكل زاكي والخدمه ممتازه بيهتموا بالزائر كتير واسعاره معقوله

المكان حلو بعترف بس المشكلة بالأكل مو كتير زاكي ونفس الشي بالنسبة للأرجيلة بس بشكل عام القعدة حلوة، الخدمة حلوة والناس هناك خدوميين بشكل مش طبيعي، الطلة لبره مش حلوة لأنها على الشارع وموقف السيارات كتير صغير بس اصلا مافي عليه ضغط كتير فما بتلاقي صعوبة بالاصطفاف

يا سلام جو تاني ومختلف بتحس حالك في الهند الاجواء والروائح اللذيذه والمتنوعه واراجيل من الاخر حتى السحور عندهم واللمه مع الاصحاب كثير حلوه لعب شدة وطرب

رائع وعندو ارجيلة بتسطل

المكان مرتب ونظيف وأكله متنوع. هناك العديد من الأكلات العربية التي يفضل الناس أكلها في شهر رمضان. كما أنهم يقدمون عرضاً مصرياً وأغاني عربية بعد الأكل. أطباق الحلويات لديهم جيدة أيضاً. مناسب لزيارة عائلية للإفطار خارج البيت في شهر رمضان

هومن اروع المطاعم واجملها

وانا شخصيا افضل زيارتها في رمضان

لان خدماتهامميزه

وتكلفتها بسيطه

يمكن لاي شخص بزيارتها

وانصح بزيارتها

هو اروع مطعمعلى الاطلاق

البوفيه الرمضاني عندهم خطييييييييييييير الاكل كتير زاكي ومرتب ومنوع.. والحلويات فيها تنوع.. ازكى نوع حلو عندهم جلاب جامون حلو هندي كتير زاكي.. وفي ست طيبة بتعمل خبز طابون قدامك كتير زاكي.. بنصح الكل يروح وفي اماكن اصطفاف وفيه فاليه باركنج

مطعم كشمير و الأرجيلة ممتاز و خاصة في رمضان،في سنة كان الإفطار في جبل القلعة،بوفية انواع عديدة من المقبلات و الأطباق الرئيسية و الحلويات،سعره مناسب جدا،خدمتة جيدة جدا،انصح بالذهاب اليه خاصة برمضان لانه حتى اجواء السهرات جميلة جدا فيه.

رحته مرتين لاني دارس بالهند فبعرف الاكل الهندي.لا تطلبو قائمة الاكل اللبناني لانه اغلى بكتير من قائمة الاكل الهندي اطلبو الاكل الهندي بصراحة تمام نفس بالهند.اسعاره معتدلة ارحم من غيره بس برضو نحنا محتاجين مطاعم نضيفة باسعار اقل يعني بكفي تعبنا مافي انبساط لاهل البلد الا باسعار سياحية!!!

رحت يوم الخميس مع العيليه، كان الفطور جداً لطيف او منيح السعر 15 دينار شامل الضرائب و الخدمه .

البوفيه كان كتير مرتب و لذيذ . كان في تنوع بالمقابلات . عجبتني الباستا إلي بعملها .

الصراحة سعر كتير ممتاز و خدمه منيحة كتير و طعام زكي كتير . بنصح الجميع إيجرب الإفطار عندو .

كشمير والأرجيلة بذكرني برمضان، لأنني أزوره سنويا وتحدديا في شهر رمضان؛ تلبية لدعوات افطار جماعية من قبل أصدقائي وبخاصة المغتربين منهم، يقدم المطعم تشكيلة لذيذة ومتنوعة من الأطعمة، كتير بحب الشاورما اللي بعملها، لذيذة جدا، وبعد الافطار يقدم المحل لزائريه طبق حلويات ممممممم، كتير زاكي، وبالنسبة للأرجيلة وكوني غير مدخنة لكنها غير شكل بشهادة أصدقائي، المحل يتخذ من مساحة صغيرة نوعا ما في جبل عمان باتجاه الدوار الثالث مكانا له، جربه في رمضان بدعوة اصدقائك لتناول الافطار معهم فلن تندم خاصة اذا ما قررتم مواصلة السهرة حتى وجبة السحور على أنغام طربية من فرقة مصرية يحضرها المطعم خصيصا في رمضان على ما اعتقد.

من افضل المطاعم اسعارو جدا معقولة. المشاوي عندو يا سسلام, المشكلة الوحيدة انو المحل صغير شوي.

الخدمة كتير ممتازة و برمضان عندو بوفيه افطار بجنن و في فرقة مصرية بعد الفطور بتخلي السهرة احلى.

طبعا لازم تحجز قبل ما تروح و بيقدموا خدمة اصطفاف السيارات.