Jingo's Jungle

مكان جيد جدا للأطفال والمكان منيح فيو العاب متنوعة للاطفال وفالالعاب آمنة للصغار وفي العاب مابصير يلعبو فيا الاولاد لعمر معين والموظف المسؤول بقول شو بصير وشو مابصير والمعاملة منيحة والمكان نظيف آمن

This place is very lovely, i loved the tiny pink house for little girls, their prices are average in winter it is too hot, some of the employees are nice others are not.

آخر مرة رحناها امبارح.

كتير انبسطوا الاولاد.

بشكل عام ﻷطفال عمر سنتين وتلاتة زي اللي عنا، بنفعلهم اكم من لعبة بس.

زي منطقة لعب الأطفال، اللي بتكون منطقة واسعة شوي، بدخل فيها الطفل لحاله مع حد كبير. فيها نطيطة وقلعة، وسحاسيل صغيرة وليجو وسيارات، واكم من شغلة حلوين ومخصصين بس للأطفال الصغار كتير Toddlers

دخوليتها ب دينارين، وأظن الفترة ساعة ونص.

في كمان ألعاب متل القطار والضفدع وشوية ألعاب الكترونية وغيرها. كلهم كتير حلوين ومناسبين للأطفال بهاد السن.

النظافة لا يعلى عليها هناك، والشباب المسؤولين عن الألعاب لطيفين وكتير بنتبهوا على الأطفال، وعندهم قواعد صارمة بالنسبة للأمان.

في عندهم دكتور أو ممرض عشان اذا حد وقع والا صار فيه اشي، وسريعين ولطيفين.

التدفئة منيحة بالشتا،و بالصيف بكون الجو منيح.

في عندهم خدمات كتير. زي سناكات، ورسم عالوجوه ورسم على المنحوتات، وجديد فتح صالون للأطفال.

بغض النظر عن الضجة اللي بأي مدينة ملاهي، الا انه هاد المكان كتير مناسب وحلو. وبنصح الناس تزوره.

جدا المكان رائع والعابه مميزة اخذت ابني عليه الخميس وجد فرح كثير العابه منوعه ومناسبه لجميع الاعمار ابني عمره سنه ونصف وفي العاب خصوصي لعمره وعليها حاجز تمنع خروج الاطفال وكلها العاب امنه ... وفي العاب للكبار كمان وممتعه ومعاملة الموظفين ممتازة والمكان نظيف بس مشكلة المكان ضيق وازمه جدا واسعاره غاليه بالنسبه لمدن الالعاب الثانيه اللي بالمولات بس صراحه رح ارجع اوخذ ابني كمان عليه لانه مكان مسلي ومتميز :)

مكان جميل للترفيه عن الاطفال يوجد به العاب متنوعة تناسب الكبار ايضا احلي اشي انو في المول فالاصطفاف سهل و يوجد بنفس الطابق جميع المطاعم ،اسعاره غالية نوعا ما و بعض الالعاب يضطر فيها الكبار اللعب مع الاطفال لسلامتهم بالتالي يصبح الامر مكلف فبدلا من الاستفادة من كامل المبلغ للاطفال يصرف جزء منه للعب معهم

its a nice place and the kids enjoy it alot although some games are over prices like the roller coaster i have 3 kids so me and them to go to that game for 2 minutes it costs 8 JDs i think its over priced other than that it is very nice and have alot of games and i like that they have food for kids like chili house :)

بكل صراحة المكان ضيق جدا بالنسبة لمدينة ألعاب للأطفال.. ومش نظيف ، بس الألعاب امنة ولا خوف على الأطفال منها... هاي نظرتي الصريحة لهاد المحل!!

اخدت ابن اختي عليه بس المشكلة الالعاب يلي بتناسب عمره قليله والباقي بتناسب عمر 11 سنة

المكان ضيييييييق بالنسبة لعدد الالعاب

الموظفين متفاعلين و بيعرفو يتعاملو مع الاطفال

والاسعار ممتازة وفكرة البطاقة الدائمة حلوة

العاب كتير حلوة و مرتبة و متنوعة و جديدة كتير اسعار المدينة غالية بس مافيها عجئة و ما بتخاف على الاطفال لانوا المكان واحد و مسكر و التكيف عندو ممتاز لا شوب ولا برد و بعملوا عروض كتير حلوة.

مدينه جنغوز جنغل مدينه العاب في مكه مول الطابق الرابع وهي من اجمل مناطق الالعاب للاطفال فجميع الالعاب الامنه للاطفال موجوده وله بطاقه للشحن خاصه ويوجد مكان خاص لاحتفال الاطفال بعيد ميلادهم وكثير من العروض الشيقه وعرض فضي وذهبي خاص بالمدارس والمجموعات