Jerash Gate Restaurant

مطعم من اروع ما كان من كل النواحي بجد

هاد المطعم من المطاعم المميزة جدا بالنسبة اللي انا

دايما بروح عليه لما اكون بجرش

المطعم موقعو كتير حلو ومرتب

المطعم كبير من ناحية المساحة وفي اكتر من قعدة بالصالة او برا ببيت الشعر او على الترس

كمان هم متخصصين بالمشاوي بأنواعها ولما تاكل بتحس بالنكهة الطيبة وانو ما بيستخدمو غير افضل انواع الخامات

خدمتهم سريعة ومنيحة ومرتبة وكمان كتير خدومين من موظفين للادارة

وعندهم اراجيل كتير زاكية كمان

الاسعار بسيطة وكتير مناسبة

المطعم قعداتو حلوة واكلو طيب كتير :)) لتغيير الجو وترييح البال بنصح فيه تزوروه وحلو للمات العيلة او الاصحاب

خلال زياراتي للمطعم بطلب مشاوي والاكل زاكي ونظيف الديكور والجو حلوين وفي مكانين للجلوس واحد صيفي والثاني شتوي. التدخين مسموح والخدمة روعة وسريعة. عندو مساحة كبيرة لاصطفاف. مطعم ممتاز بكل معنى الكلمة والاسعار جدا مناسبة. انصح به وبشدة.

المطعم رائع و المشاوي و المقبلات رائعة و الاجواء ممتازه و الخدمة جيدة جدا .....يصراحة انصح بشدة ....

المطعم عنجد حلو والأكل كتير طيب. والغراسين كتير خدومين، بس يا ريت في حلويات غير البوظة اطيب شي المشاوي واوو شو لزيز واجمل شي الخبز الطازج الي بنعمل ادام الزبون جد شي رائع وافكارهم دائما جديده انا بروح دائما عليه ف ستمرار مره ف الاسبوع وجد بنصح الجميع يزورو هدا المطعم الراقي

أنا جربت المحل امبارح المطعم بيقدم مشاوي بأنواعها ومقبلات وكبه زاكيه كتير ... في عندهم صاله بالصيف بتكون مفتوحه وصاله مغلقه بالشتاء الأسعار مقارنة بجودة الطعام جدا معقولة والأكل كتير زاكي وأظن عندهم ألذ خبز فريش بالاردن حتى أنه أخدنا معنا على البيت وماريضيوا أنه ياخدوا ثمنه الخدمة كتير منيحه وكتير محترمين للي حابب ياكل بره عمان لازم ايجرب هذا المطعم ومش راح يندم

المطعم رائع مع انو برة عمان لكن بانصح بزيارته وخصوصا الخبز اللي بساوية لزيز ومافي غلط لو جربتو الارجيلة

بوابة جرش من أروع المطاعم والمكان كتير جميل وموقعه متميز بحيث انه بجانب جامعة فيلادلفيا والدفاع المدني على طريق جرش٠ أنا زرت المطعم بالصيف وبعد سنتين بالشتاء والمرتين طلع علينا نفس السعر يعني الأسعار عندهم ثابتة ومو غالية والخدمة ممتازة والموظفين رايحين جايين ومحترمين - المقبلات بتشهي - حمص بيروتي كتيييير لذييذ والفتوش والخبز عندهم من الاخر - الأرجيلة ماشي حالها - وعندهم فروج مطفى ولا أروع! المحل اجمالا نظيف وراقي٠ امبارح رحت أنا وخطيبتي عليه والحمدلله عجبها كتير فلذلك بنصح كل واحد يجربو وما راح يندم٠