Holiday Inn Grand Ballroom

يمكن هاي اول مره بكتب نصيحة عن فندق بعمان او عن القاعات بالذات انا اليوم كنت بالهوليداي ان الفندق منيح مرتب بس بالنسبة ل 5 نجوم الاستقبال صغير و مافي تهوية كافية

اما القاعة فكانت منيحة يعني الارضة والاضاءة والجو كتدفئة كان ممتاز

اما الخدمة يمكن كانت بدها عناية اكتر شوي

روووووووووعة بكل معنى الكلمه ...الاكل والبوفيه والنظافه كلو ممتاز ....ووكبيره ...والزفة روعه والبركه برضو روعه ....والديكور بجنن والزهور والورود والاضاءه ممتازه وال DG برضو رائع كلو رائع بدون مبالغه

الفندق كتير مرتب وحلو حضرت فيه اكتر من عرس وبوفيهات وكان حلو كتير و الخدمه مميزه واكله كتير زاكي ونظيف والعاملين فيه متعاونين .. حجم القاعه كبير ومناسب وديكوراتها حلوه ...

فندق جميل بتميز بالتنوع والذوق

واسعاروا مناسبه وبطل على البحر الميت

بيحتوى على عدة اماكن من مطاعم وقاعات سباحه ورياضة وافراح ومتاجر وغرفة اجتماعات وغرفة ضيوف واجنحه واستراحات ومنتجعات صحيه وغير هيك فيه قعدات بطل على الشاطئ وبوفيهات

نظيف والطعام زاكي نوعآ مآ

الي بيحب يروح اهلآ وسهلآ فيه

فندق كبير جيد نوعا ما خدماته متوسطه والطعام مش مميز جدا مقبول الاسعار لا اعلم فالاسعار في نوع من هذه الفنادق غالبا ما يكون مرتفع ليس فقط في هذا الفندق رائع للاعراس والحفلات وانا زرته مرتين كان هناك اجتماع وعرس اقاربي ولم اجد شي مميز لاكنه يعتبر جيد جدا وليس بالممتاز بالنسبة لبعض الفنادق المحلية والعالمية .

فندق من احسن الفنادق بالاردن

واحلا اشي فيه الاعراس الهادية والراقية

وانا بنصح يللي بحب الهداوة يعمل عرسه فيه :)

مرحبا............

أعتقد أن الذي يختار فندق الهوليدي إن صاحب ذوق رفيع بالفعل......

طبعا خلال تجربتي.......الفندق رائع بكل ما فيه والخدمة ممتازة جدا

يعطيك شعور بالراحة وتتمنى إقامة أكبر وقت ممكن في هذا الفندق الرائع.........

إحتفالاته هادئة جدا جدا وجميلة والتعامل مريح بشكل غير عادي

بنصح الجميع إنهم يزوروه وخاصة لإحتفالات راقية والي بحبوا يعملوا عرس مميز!!!!!!!!!!!

بس وللصراحة ما في شي كامل ...........مشكلة الباركنغ مشكلة صعبة إزا انحلت بصير الوضع تمااااااااام التمام......

وشكرا.......

الفندق في قمة الروعة والبوفيهات عندهم كتير رائعة وجميلة رحت حضرت عرس فيه وكتير استمتعت وبوفيه رمضان كتير كتير حلوووووووووووووو

فندق راق ولكنه غالي بعض الشيء لكنه فريد من نوعه ولديه العديد من الوجبات وانا بنصحك تروح عليه

من اجمل الفنادق ب الاردن و انا احب الذهاب اليه

قاعات الهوليدي ان من اجمل القاعات كبيرة وهادية وديكوراتها حلوة كتير والزفة تبعتهم حلوة والاكل عندهم كتير زاكي ومنظمة كتير القاعات ...............

فندق حلو قاعته كمان حلوه بس انا ما بحب الاضاءه فيها من اسبوعين حضرت عرس فيه و كان منظم و مرتب بحبه بس الموظفين فيه تعاملهم مو بزياده مره رحت احجز القاعه لخطبة اخوي كان تعاملهم مو بهالمستوى المطلوب لهيك فندق بس هو نظيف و كل شي فيه منيح

من أفضل فنادق عمّان خاصة للمناسبات الكبيرة، حضرت فيه أكثر من مؤتمر على مستوى عالمي، الفندق ممتاز بتجهيزاته.

القاعات فيه واسعة جدا، وتستوعب عدد كبير من الحضور لمؤتمر أو مناسبة ما، الموظفين كتير مريحين في التعامل .. بخدموا الزائر أو من يقرر المبيت في الفندق بطريقة أكثر من رائعة، كل طلباتك تلبي في أقصر وقت ممكن.

الاكل .. الانترنت .. الضيافة .. الخدمات الاخرى من غسيل وكوي الملابس ممتازة، بتحس حالك في بيتك.

موقع الفندق مميز، ويقع في واحدة من أماكن عمان التي أحبها على المستوى الشخصي، فيه مصفات للسيارات وفيه خدمة الفاليت.

أنصح من يبحث عن فندق مناسب لتنظيم مؤتمر أو اي حدث على مستوى محلي أو عالمي ينال رضا الحضور أن يحجز في الهوليدي ان الذي له سمعة ايجابية واضحة بين أهل عمّان وزوارها من العرب والاجانب.

فندق يتسم بالذوق الرفيع والهدوء

تعامل حلو

نظافه ..........

واهم شي بالموضوع انو العرايس الي عملتهم بيجننوووووو

بالتوفيق لكل كادر العمل الي فيه

مكان مرتب وراقي وخرج مناسبة مميزة وصراحة حضرت فيه كم مناسبة بتميز بالرقي من ناحية ترتيب الطاولات والالوان والديكور جودة الطعام عالية بتحس براحة نفسية مكان واسع ونضيف ومرتب وخدمة فوق الممتازة ويستحق انه الشخص يعمل عرسه بهيك مكان

فندق الهوليدي ان

بحكم الشغل عملنا في دورة تدريبية

عنجد فندق راقي وخدماتو ممتازة جدا وضيافتو كتير مرتبة وكتير نضاف وأكابر حتى الموظفين بيعاملوك بطريئة كتير حلوة وأنقية هادي الشغلة كتير ممتازة لسمعة الفندق الخدمات ممتازة عندهم والشغلات الي كانت عنجد لازمتنا لائينها بنفس المكان عنجد ممتاز

بس المشكلة انو مافي باركينج يعني هي شغلة عنجد مزعجة انو بتضل تلف تلف وماتلائي مصف

وانا بنصح اي حد حابب يجربو يجربو ومارح يندم بالعكس رح يحطو رقم 1 في قائمة الفنادق

شكرا

بتمتاز هاي القاعة بمساحتها،أناحضرت عرس قريب إلي هناك كتيير عجبتني..ومن ناحية الخدمة والنضافة والترتيب ممتازة .. والأكل جدا طيب. حتا سألت عن أسعارها بالنسبة إللي ضمن المعقول.

لما أتجوز رح أعمل عرسي فيها.

قاعته مرتبة و الاكل عنده زاكي و اسعاره مناسبة بالمقارنة مع بقية الفنادق.

اكتر اشي بحب فيه كيف زفة العرسان بتكون على الدرج يعني نزولهم على الحفلة بكون كتيير مميز و حلو .

بس في مرة حضرت فيه عرس كان على الترس ابدا ما كان مريح مع انه كان بالصيف و بشهر 8 بس كان في هوا كتيير و برد يعني الكل تبهدل خصوصا البنات :) تسريحات الشعر كلها خربت، كمان الاشياء الموجودة على الطاولات كلها طارت .

و وقت العشاء صارت الناس تفوت تاكل جوا من قد البرد.

يعني انا ما بنصح حدا يعمل حفلته على الترس لان الجو مو مضمون ابدا!

برأيي ، إن فندق الهوليدي ان يمتاز بهدوء عارم .. فلا نجد حوله ضجيج كباقي الفنادق .. انه مكان مناسب للاحتفالات، من خطبة .. اعراس .. اعياد ميلاد وحتى مؤتمرات.

شكرا جيران على افكاركم الحلوة : - )