Hayat Mall

بحب اروحلو كتير لانو بقدم عروض حلوة واسعارو مممتازة دائما من مؤكولات واغراض المنزلية واطفالي بحبو يروحو يلعبو بالطابق التاني فيو العاب حلوة لجميع الاعمار .. .. اما باقي المحلات اوالمطاعم روعه انا اكتر شي بطلب من البيك و دانكن دوناتس اكلهم نضيف ورائع .. والاهم انو قريب من البيت ودائما بوصلو وبنشرو بروشورات لجميع مناطق صويلح

ملاحظة بسيطه : عندي شي سلبي وبحسو خدمه الالعاب بالنسبة للبطاقات الي بلعبو فيها رسومها غالي ومو الكل بقدر يشتري او يعبي زي هيك رسوم! لو بخفضو الاسعار بنكون ممنونين لالكم والكم كل التحية

المحل كتير منيح ومرتب ونظيف وأسعاره جيدة .. اللي بيميزه عن محلات التسوق التانية بنظري موضوع المساحة لأنه مساحته كبيرة والبضاعة مرتبة صح فبتمشي وبتلف براحتك وكل شي موجود عنده والمواقف متوفرة كمان وقريب من بيتي :))

مكان حلو و كبير وفيه كل الاغراض إلي بتلزم البت والعزومه ومش بس أكل كمان حلويات ومطاعم ومدينة ألعاب

قريب من دوار صويلح باتجاه الجامعة الاردنية، يحتوي على العديد من المنتجات مع العروض المميزة بالاضافة الى وجود محمص، مخبز، خضار طازجه، وعروض اللحوم المميزة، مول جديد نظيف

مذهل مكيف مصمم باحدث التصميمات و الرائع فية يضع اذان التعامل مع الزبائن مدهش مكانه مناسب تقريبا في وسط صويلح اسعاره جذابة بعمل خصومات حلوة كما ان بضاعته جديدة

انا بحب اروح عليه بس عشان الالعاب الي فيه بطابق تاني هي اغلبها لصغار بس انا بحب ألعب لعبة فيها مغامرات بتقتل فيها عناكب بهجمو عليك صرت مدمنة عليها بتحجج بنتي لاروح العب الاكل حرام محل شورما منيح اكلت من عنده شورما ايطالية وجبة بتشبع ونظيف بطول شوي بس سعرها ارخص من مختار مول بس بيتزا مو بزيادة مرة اخدتها تاك اوي متت وانا بستنى وما طلعت لزيزة

جودة الطعام: توجد بعض المطاعم في الطابق الأول ليست مشهورة طعامها مقبول نوعا ما جربت مع عائلتي البيتزا لكن البيتزا هت كانت ألذ بكثير وانتظرنا كثيرا لما جهز الطلب

نظافة المحل و ترتيبه: نظيف ومرتب

السعر: جيد

خدمة الزبائن: جيدة

توفر خدمة الاصطفاف: يوجد أماكن مجانية لاصطفاف السيارات

هل تنصح الاخرين بزيارته: أنصح بزيارته ( هل يستحق السعر الي دفعته: يستحق )

معلومات أخرى : هو عبارة عن مول صغير قريب من دوار صويلح توجد به مدينة ألعاب للأطفال (لونا بارك) في الطابق الأول أسعارها مقبولة وأحيانا يتم عمل عروض بمضاعفة قيمة شحن البطاقة .. كما توجد بعض المطاعم ومحل للأدوات المنزلية كذلك في الطابق الأول .. يوجد في الطابق الأرضي "فود سيتي" بعض الأسعار مقبولة وبعضها عال وبعضها رخيص .. وتوجد مكتبة وبعض محلات الملابس كذلك في الطابق الأرضي..

هاد المكان انا بروح عليه عشان في أولاد أختي الصغار بتناسب عمرهم الالعاب الموجوده .....المكان جيد وفي مطاعم بس ما بعرف ما بتشجع أكل فيها ما شووف كتير اقبال عليها .........السوبر ماركت كتيررررر حلوو بس اسعاره غاليه شوي بس بعمل عروض جيده

الفود ستي كتير حلو ومرتب ، المطاعم مش بزيادة ، عادية وقولة هدى ما بتشجع الواحد على الأكل . الحمامات نظيفه

الخدمة جيدة ، ملائم جدا للأطفال عشان في لونا بارك بالطابق التاني ، الدخول على كل إشي مجاني ، أنصح بزيارته