Hashim

المطعم من الاماكن اللي قد ما غبت عنو لازم تحنلو ترجعلو تروح علية

مكان مميز كتير بالقدة والجو تبعو كيف بتحس حالك حر بالاكل بالقعدة بكل اشي بدون تكلف ولا اي تصنع

المكان بعيدا عن موقعو كتير نظيف وعمري ما حسيتو غير هيك

طعم الاكل عندو غير شكل وكتير زاكي

الموظفين كتير محترمين وشاطرين وبيخدموك بسرعة

الاسعار كتير منيحة ومش غالية مع انك ما بتعرف سعر شي بس الناتج دايما كويس

ولازم الوحدة كل فترة تروح علية لتغير جو وناس ووجوه وكل شي

اولاً انا من عشاق وسط البلد بحبها وبحب عجئتها تانياً مطعم هاشم مطعم منييح يعني اكلو طيب وخاصة الفتة بتشهي وئعدتو برا حلوة واسعارو جيدة بس كمان في عيوب يعني المكان تنقصه النضافة ينقصو التوسع وطبعاً صفة لسيارة ماتحلم فيها بس عموما بضل وسط البلد جميلة جداً بنضري ومافي احلى منهااا

المكان حلو ومفتوح بس يكون ازمه والخدمه حلوه ومريحه وقعدته حلوه بس بالصيف يكون في ذباب بس لان مفتوح يكون هيك والاكل نظيف والعمال كتيير خدومين والله بنصح فيي خصوصا بالصيف واسعاره معتدله وخرج عائلات مافي مصف سيارات خاص تركن شوي ابعد وفي تدخيين

أول شي بميز المطعم أنه بالبلد، وأنا بطبيعتي بحب كل ما هو متعلق بالبلد.

بحب أقعد فيه وأشرب كاسة شاي بالنعناع وأذوق الفتة الزاكية تبعتهم، المشكلة أنه دايما معجوء، وصايرين بطيئين والنظافة عندهم شبه معدومة.

الأسعار في تزايد مستمر، مع بقاء الجودة نفسها نفسها إن ما كانت أقل.

اللي بحبه فيه، أنه مطعم قديم، وكثير أجانب ومواطنين بجوا عليه، وبعطوه جو حميمي ودافي :)

مع انو مش مهتمين في موضوع النظافه بس بصراحه اول ما اسمع فول و فلافل و حمص ما بيجي على بالي غيرو

بحب اكل عندهم :)

انا غلطت غلطة عمري ورحت مره عليه، كان المكان مقزز والنظافه معدموه! شو الي انا اذا كان الاكل زاكي وللا مش زاكي طالما الاكل معفن والكاسات يلي بيقدمولك فيها الشاي معفنين! يعني متل هادا المطعم ما شاء الله دايما عليه حركة ما بيخسر اشي من قيمته الشعبيه اذا كان نضيف، شعبي ونضيف ممكن يجتمعوا مع بعض عادي، حرام يعني هادا المحل واجهه للسياحة عنا، كل السياح بيجيبوهم هناك، مش منظر ابدا!! اسعارهم ممتازه، ويمكن يكون اكلهم زاكي، بس اذا نضفوا المحل انا بضمنلهم انه يزيد الاقبال عليه اقل شي الضعف.

طبعا المطعم يقدم المأكولات الشعبية ( حمص فول فلافل فتة مسبحة ....) بالنسبة للنظافة طبعا سيئة جودة الطعام عادية جدا ولا يوجد ما يشجع على الذهاب خاصة انه في وسط البلد زحمة السيارات قائمة الطعام محدودة الديكور قديم ولا يوجد ديكور أصلا لا يقدم مشروبات كحولية والاسعار مقارنة بالجودة تعتبر غالية الخدمة سيئة وبطيئة ومن عيوبه ايضا صعوبة وقوف السيارة بسبب الزحمة

المطعم لا انصح بالذهاب اليه

اكيد هاشم لانو المطعم التراثي المعروف بالجو الجميل في وسط البلد والقعده الرحلوة مع الاكل الزاكي بالسعر الكويس

هاشم من افضل واجمل مطاعم عمان يمكن في كتير ناس بيشككو بنضافتو بس ابدا كل شي بيجيبو فرش وما شالله الناس عليهم مش ملحقين انا حتى مرات بسوي عزايم هناك

جودة الطعام : ممتازه ، أكله زاكي كتير وما حدا بينكر هالشي

السعر : كويس ومنافس جدا .

نظافة المحل : نظيف ،بس المحل معجوق شوي دايما .

خدمة الزبائن : جيدة بس دائما بكون عنده ازمه .

الاصطفاف : متوفر لا طبعا انت بالبلد

لا يقدم مشروبات كحولية .

انصح الجميع بتجربته والمبلغ اللي بتدفعه بيستاهل

نصيحتي لأي شخص بيفكر ياكل في هالمطعم انه يلغي الفكرة نهائيااااا .. أصلا حرام يسموه مطعم! لانه ما بيشبه المطاعم بشي.. نظافة تحت الصفر.. سواء الطاولات او الارضية او حتى كاسات وصحون الاكل شي مقرف جدا.. والموظفين صحيح سريعين بتقديم الخدمة لكنهم بيفتقدوا ادنى مستويات النظافة بلباسهم او طريقة تقديمهم للأكل أنا اول مرة بحياتي بشوف موظف مطعم بيعمل ايده صينية وبيحط عليها الصحون والخبز مباشرة ع بشرته وهو عرقان والدنيا حر!

الديكور يا عيني ع الديكور حسيت حالي قاعدة بكراج سيارات مش بمطعم!

الاصطفاف الكل بيعرف معاناة وجود مصف بوسط البلد.. الأكل أبدا مو لزيز .. والأسعار عادية زي اي مطعم شعبي

باختصار سندويشة وحدة من حمادة بتسوى مطعم هاشم كله والتعامل سيئ جدا!

1انا زرت مطعم هاشم بس ما كان مطعم لائق بسب الديكورات ويجب على اصحاب المطعم تطوير هدا لكي يكون مكان اجمل ... ملابس العمال غير نظيفة وبما انه مطعم تاريخي قديم يجب الحفاظ على مثل هده الامور ومدة الانتظار تكون طويلة

احد افضل المطاعم الشعبية في عمان، موجود بوسط البلد بجانب سرفيس اللويبدة

القعدة عندو رائعة وشعبية كتير وبتعيشك ايام زمان

طبعا نضافة المطعم مو كتير كونه شعبي كتير والخدمة فيو نوعا ما مو سريعة لانو دايما عليه ضغط

عندو صحن حمص من الاخر، معو شوية مخللات وفلافل سخن من الاخر شي بشهي

بتقدر تتسحر عندو واحلى سحور عندو جد، كاسة شاي وصحن حمص وفلافل و ازا بدك تجرب الفتة من الاخر، طبعا انا مابحب الفول بس الفول عندو زاكي كتير زي مابحكو اصحابي

جد ازا بدك تتحسر سحور خفيف ما الك الا هاشم

وكون ع ثقة وجبة سحور بتكفيك شاملة حمص وفلافل وشوية مخللات وكاسة شاي مابتطلع سعرها اكتر من 3 دنانير

جرب وادعيلي :)

احلي سحور ممكن الواحد يجربه من عند مطعم هاشم غير الاكل الطيب الجو الرمضاني يلي بتعيشه في مكان شعبي اله طعم تاني بتلاقي كل الناس حواليك بعيدوا عليك بتحس بروح رمضان عنجد وازكي شي الفته والمسبحه

حمص + فلافل + مسبحه

النظافه 100\100

اما الطلبات فهو مطعم شعبي بحتوي فقط على الطعام الشعبي (فلافل حمص فول وهيك اشياء )

الديكور احلا اشي في المطعم لانو بلدي ومش متل المطاعم الكبرا يعني متواضع ورائع

لا يقدم المشروبات الروحيه ويمكن زيارته مع العائلات في اي وقت

التدخين مسموح في كل المطعم وهاد يمكن الشئ السئ في المطعم

اما الاسعار فهي رخيصه متل اي مطعم شعبي ولاكن الجوده مش متل اي مطعم شعبي

خدمة الزبائن سريعه وممتازه والطعام نظيف وطازج

اما خدمة التوصل فغير متوفره

يوجد اماكن للاصطفاف وللاولاد

هو خلينا نحكي بصراحة وبدي موافقة الشباب والصبايا على الموضوع

نبدأ باهم شي بلمطعم الي هي نظافته طبعا سيئ

الجوا العام لخبطة عليه ازمة كتير فقعت عشان الاقي طاولة وكل شوي يوعدوك وتلاقي حد تاني قعد صرت اتقاتل انا والناس اضطرينا نرشي واحد من الموضفين عشان يقدر يدبرلك طاولة طبعا هاد غير الفقعة لما تلاقي مكان للسيارة

المهم قعدت و اجانا الموضف الي اعطيناه مصاري له عشان يزطنا طلبنا ككل الناس حمص وفول وشاي وفلافل بحكيلنا هلأ بمر تبع الفلافل والشاي وانا بجيبلكم الحمص والفول وباقي الاغراض من جوا المحل ودخل وجابلنا الاكل خلال عشر دقائق قال هيك مزبطنا واقعد نادي ع الي بوزع الفلافل عشان يحط فلافل حط الفلافل وعدهم مية مرة قبل ما يروح ونادينا على موزع الشاي قلتله نزلي ٣شاي ويا ريته ما نزلهم ما بدي اوصفلكم بس ححكيلكم الكاسة مو نضيفة ول انه ما كان وقت سحور والاذان بده يأذن ما اتسحرت عنده وبعدها انت اقعد دور على احد عشان تحاسب

في النهاية هو الاكل عنده جيد بس مش اكتر ولا واحد وبلمليون عشان ما نكون ظلمنا احد و هاي جربة شخصية ما بعرف في تجارب الناس معاه

هاشم من المطاعم التاريخية الاثرية التقليدية بالبلد ،، يعود سبب اشتهاره عندما اتاه الملك عبدالله للسحور ،، يقدم طعام شعبي (حمص، فول، فلافل، فتة ... )

بالرغم من شهرته الا انه يتمتع بادنى مستوى من النضافة ،، و يعتبر ما يقدمه من طعام لا فرق بينه و بين اي مطعم اخر..

بالنسبة للقعده ،، فهي على الشارع و هو ما اجده جميل ، بتحس حالك بين الناس

اسعاره رخيصة و بطئي نوعا ما في تلبية الزبون..

افضل الذهاب اليه في رمضان وقت السحور ..

المطعم غني عن التعريف و في اجمل مكان في عمان القديمة وسط البلد, طبعا اكلو زاكي ز الأسعار معقولة, بس النظافة مش كويسة , مثل نظافة الطاولات و الصحون و الكاسات , و المشكلة لما تلروح تتسحر هناك بدك تستنالك نص ساعة و ممكن اكتر عشان يجيك دور و تفضى طاولة ... بس على جميع الأحوال الحمص و الفول المصري هناك ما بلتقي بأي مكان تاني! موسيقى مافي هناك ولا مشروبات روحية طبعا و بالنسبة للتدخين بتدخن وين ما بدك, مرات الأكل بطول لما يجي و مرات على طول , اما بالنسبة للمصفات فة مشكلة لأنو مافي مصفات و هات لاقي مصف في البلد!

يقدم هذا المطعم نوعية الطعام الخفيف,,,يعني حمص ,فلافل,فول,بيض مقلي,بطاطا,,الخ,,

ويتميز بنظافته وحسن استقباله للزبائن,,,ولو ان فيبعض المرات تاخير لكن هذا يدل على جودة المطعم وسمعته الطيبه,,

كماذكرنا يقدم نوعية الطعام الخفيف,,,يعني شغل سحور..يتميز بديكور قديم واجواء ترجعك الى عمان الستينات والسبعينات,,اي من الممكن ان تصفه بالمطعم الشعبي الاردني,,لا يقدم هذا المطعم الكحوليات ,,,والاسعار ملائمه مع ما يقدمه من طعام,,,

اماعن خدمة الزبائن فكما ذكرنا سابقا يشوبها بعض التاخير ولكن ليس باختيار ادارة المطعم بل اجباري,,,لكثرة الزبائن خصوصا على السحور,,يقدم خدمة السفري والتوصيل المجاني,,

بالنسبه لاماكن الاصطفاف في هذا المطعم اقول انها هي السلبيه الوحيده لهذا المطعم...وهذه السلبيه عائده الى موقع المطعم الذي يجاوره الكثير من المحلات,,,ولكن كما ذكرنا سابقا فهو مطعم شبه شعبي,,,

استمتعت بتذوق الحمص ولافلافل في هذا المطعم,,,اجواء جميله في رمضان صراحه,, ^_^

اكيد هاشم لانو المطعم التراثي المعروف بالجو الجميل في وسط البلد والقعده الرحلوة مع الاكل الزاكي بالسعر الكويس

فول حمص فلافل شطه خبز شاي

جيد

نعم

مقبول

لا

لا

تقريبا

سريعة

جيده

نعم

لا

لا

لا يوجد

مطعم شعبي ولديه اقبال

مطعم عادي بالنسبة للاكل اللي فيه وحتى الاجواء بالعكس انا شايف انه ما بستحق السمعة اللي طالعة عليه بامكان اصحابه يجددوا من ديكور المطعم ونظافتة والكادر لكن مابدهم