Half Moon Travel & Tourism

سافرت مع شركة نصف القمر - فرع جبل الحسين الى العقبة ووادي رم انا والعائلة وكان معنا ضيوف من برا البلد عرب واجانب الرحلة كانت من اروع ما كان ولما اجينا عندهم عالمكتب بالاول كنا متخوفين كونو مكتب غير معروف والموظفين شباب صغار ودايما مبتسمين وبضحكو وواثين بنفسهم كتير، البرنامج طبقولنا اياه زي ما اتفقنا معهم بالعكس حتى اخدونا على اماكن زيادة ما كنا متفقين عليها.

اسعارهم كتييير مناسبة يعني مش غالية ولا رخيصة كتير اسعار بتتناسب مع الخدمة الفع عندهم كاش او شيك بس وهاي هي العقبة الوحيد اللي واجهتنا بس غير هيك كل شي كان على الاصول، هلا لانو كنا حوالي ال 12 عملولنا خصم بسيط وساعدونا بالامور الاختيارية بنصائحهم ولانو معانا 2 اجانب حكولنا شو نعمل وكيف الطريقة مشان ندفع عنهم بالمواقع السياحية وهم منهم حسبولنا سعر رحلتهم للتنين كانهم عرب .

المكتب بيحجزلك بسرعة فلكية ههههههه، بس بقعدو ممكن ساعة اذا بدك وهم يحكولك عن البرنامج ويورجوك صور للمواقع والفنادق والخدمات حتى لرحلاتهم السابقة .

هلا اجا موعد الرحلة وبدنا نطلع كان موعدنا الساعة 5.30 صباحا نكون عندهم ونطلع عال 6 وصارت الساعة 5.45 ومافي حدا ولما رن التليفون كان مندوب المكتب بيخبرنا انو ضايل ربع ساعة وما لازم نتاخر فقلنالو انو احنا باب المكتب فصار يضحك وحكالنا كان لازم قرئتو الحجز لتعرفو انو التجمع في الساحة خلف المكتب وفعلا اجا المندوب وهو بيحي معنا اخدنا .

طبعا ما بدي احكي باصهم رم يعني باص بجد مريح وفعلا زي مقال باصات رم بتنسيك الهم ههههههه.

والمندوب كتير زوق وفهمان وبيحكي انجليزي كتير منيح ، ولما وصلنا وادي رم ما خلانا نطلع رحلة صحراوية مع السيارات اللي واقفين وحكالنا استنو شوي وجبلنا سيارة احسن وبسعر اقل ب 10 دنانير وكتير كتير انبسطنا .

انا بجد بنصح اي حدا بدو ينبسط يطلع معهم لانهم ثقة .