Fitness One

اشتركت في فرع الرابية مع انه مو الفرع الاقرب علي بسبب اجهزة القلب -كارديو- التي تحتوي على اجهزه تلفزيون (فرع عبدون بس فيه تلفزيون واحد منفصل عن الاجهزة). للاسف لما جيت العب طلعت الالات كلها خربانة. كل البسكليتات بتهتز و ولا بسكليت له قشط للاقدام والاجهزة اللي عليها تلفزيونات يا السماعات ما بتشتغل او الشاشة اصلا ما بتولع. الكروس كلهم فيهم مشاكل بالدواسات او التلفزيون وآلات الاثقال بعضها ممزع. لما بلغت الاستقبال قالوا الصيانة جاي بس ما عملوا شيء لانه ما كان معهم قطع. الكويس انك ممكن تشترك بجراج بدفع ٥ دنانير طول مدة الاشتراك والحمامات نظيفة. انا اشتركت لشهر بس اذا ما اتصلحت الالات اكيد راح اترك.

انا اشتركت فيه شهرين وكانت تجربة لطيفة وممتعة جدا النظافة ممتازة المدربات لطيفات وكفوءات الموظفات بشوشات ولطيفات جدا المشكلة الوحيدة هي الازدحام لكن يلي يخفف من هذه المشكلة انهم فاتحين للساعة 10 ليلا ممكن واحد يروح شوي متاخر يلاقي الجو هادي الاسعار مقارنة مع الحدمات جيدة جدا ويوجد كراج خاص ممكن الاشتراك به مرة واحد يتم دفع رسومه

انا اشتركت فيه سنه كامله بس بصراحه اندمت كان لازم اشترك شهر اشوف الوضع بعدين اقرر

النادي فخم واجهزته مرتبه بس تعامل المدربات فيه سيء وما بسالوك الا اذا حدا احتاج شي وسالهم

كتير فيه مشتركات فدايما معجوق بالذات ما بين الساعه 5-7 الي هي وقت ما بيروحو الموظفات بيكون ما في اجهزة فاضية وبدك تستنى عالدور

لما جيت اعمل الفتنس تيست اخدت موعد واتصلو فيني لغوه حكيت مو مشكله واعطوني موعد تاني رحت وحكولي الي بتعمله مو موجوده فانا عصبت وثالث مره لعملته كان الي شهر ونص مشتركة

وفي كمان شغله لما سجلت سالت في ستيم حكولي لا وبعد شي شهر شفت غرفه سالت شو هاي حكولي هاي غرفه ستيم فسالوني مين حكالك انه ما في فحكيتلهم مين البنت الي حكتلي صارت تحكي البنت انها كانت جديده عندهم

انا شخصيا ما حبيته بالمره

بس الشي الكويس فيه انه نظيف كتير اول ما اي بنت تقوم عن الجهاز بيمسحوه دايركت

بس الاداره عندهم سيئه

أن جربت الفرع الجديد المفتتح في شميساني قدمولي عروته مغرية جداً وصلت أنهم اعفوني من كل الرسوم ما دل غير إدفع ستين دينار بس الإشتراك الشهري بوفرو خدمات تطابق المعايير الأجنبية... بل ملخص ما عليك غير تيجي بإواعي الرياضة وتبلش تبني عضلاتك

.