Fayiz Al Musaitif and Partners Co

رح أحكي عن تجربتي الشخصية باسكانات المصيطف.

للأسف شرينا بيت بعمارة صارلها مبنية سنتين، كانت الدنيا صيف، فما بينت معنا العيوب مزبوط، كان فاضي جديد ومو مسكون قبل، بالشتاء بلشنا نجهزو للسكن، رحنا عالبيت وكانت قبلها الدنيا شاتية كويس، لقينا الغرفة الي وراها المنور مليانة مية، والحيط مبلول كإنو حدا كابب مي، فكرنا في شي غلط عند الجار الي فوقنا، بس لما شيكنا القصة طلع انو في تسريب بالحيطان لأنو المنور مو معزول و سطحو مكشوف وطلع في ميلان بسطح العمارة! للأسف كانت فترة الصيانة خالصة لأنو عادة بتكون سنة من تاريخ البناء! حلينا المشكلة ولما دفت الدنيا بلشنا دهان، بعد شهر بلش هدا الحيط يقشر، مو عارفة شو ح يكون الحل، يمكن كل سنة ندهن، كمان التشطيبات الداخلية مو بزيادة، الأبواب كلهم بدهم خف ودهان. عن جد بنصحكم انو تديرو بالكم منيح لما بدكم تشترو بيت وخصوصا من هاي الشركة.