Essentials Ladies Beauty Spa

بصراحة مكان كتير حلو ومريح جداً لأي صبية! وأسعارهم مناسبة جداً مقابل الخدمة! :)

انا جربت اسنشال بيوتي و كتير مرتاحه و مبسوطه على شغلهم كتير و صارلي معهم اكتر من سنة، انا بعمل تنظيف بشره عندهم كل شهر تقربيا، الاجواء كتير حلوة و الميوزك اللي بحطوها كتير رايقة و مميزه و كمان المنتجات اللي بيستخدموها كتير حلوة و بتترك اثر ايجابي على بشرتك، انا عملت تنظيف بشره في اماكن كتيره بس مو لمستوى اسنشل، السعر غالي نوعا ما، بس مو خساره فيهم، بحس حالي بدفع وانا مبسوطه مقابل خدمة مميزة و اجواء حلوة و فائده عاليه لبشرتي ، بنصحكم مش بس تجربوه بل تصيرو تعتمدوه الكم على طول :)

صراحه رحت عندهم مرتين !!

وكتيييييير انبسطت من حيث ( شغل نضيف ودقة في المواعيد ومرتبين )

اسعارهم مناسبة !

بشوشين وبيرحبو فيك بطريقه مميزة !!

رح يكون مركز التجميل المفضل بعمان :)

بنصح فيه تروح الست لعندهم وهي مطمنه ع حالها :)

رائع رائع رائع.. ببساطة

كصبية أكيد بيهمني أرتاح لمركز التجميل اللي بتعامل معه، essentials مش صالون يعني ما في صبغة وقص وسشوار ومن هالحكي.. هو مركز تجميلي علاجي.. هو مكان لتجميل (المزاج) أكتر من أي شي تاني.. إزا حابة تدلعي حالك لازم تجربيه.. رح أذكر بعض مميزاتهم مش رح أقدر أكتب كل إشي بس بعطي فكرة:

* أول تفوتي عليه بتنتعشي دائماً مشغلين ميوزيك هادية وشمع وعطور رائعة مريحة للأعصاب.

* الصبايا اللي شغالين فيه كتير بروفيشينالز وخبيرات بشغلهم مش أي كلام.

* عندهم تريتمنتس شاملة للوجه تقشير وتبييض وشد و100 نوع تاني.

* تريتمنتس للجسم كامل تقشير وغيره.

* عندهم ellipse light system لإزالة الشعر نهائياً.

* طبعاً عندهم العناية بالأظافر والقدم منيكور وبديكور وغيرها

* في عندهم واكس وسكر

* عندهم تاتو

* موجود عندهم شورات

أكيد في شغلات تانية كتييييييير بس أنا ما بعرف تفصيلات عنها

نيجي للأسعار.. أسعاره عادية ما بتفرق عن الصالونات العادية بالمنيكور والبديكور بس أكيد الشغلات التانية مش موجودة بالصالونات العادية :) بس أنا ما بتردد بإني أدفع عندهم.. في إلهم بروشور موجود عليه كل الأسعار..

موقع السبا سهل عند دوار عبدون..

لما أروح عليه بهتم بحالي وبشكلي وبغير نفسيتي وبريح أعصابي بنفس الوقت.. ما تترددوا يا صبايا جيران بإنكم تزوروه :)