E-Mart Electronics

هاي تاني مرة بكتب عت هاد المحل اللي مستحيل كان اني اروح عليه لولا انو الوالد هو اللي اخدني.

رحنا قبل فترة واشترينا تلفزيون وقررنا ناخدو معنا عشان التلفزيون اللي عنا خرب وما بدنا نستنا 3 ايام عبال ما يجيبوه... المهم فتحنا التلفزيون وكان مشخوط ومش موجود عليه النايلون اللي بكون عالشاشة... المهم انا ما حبيت انكد عالوالد فغطرشت عالموضوع... بعد كم يوم في شخص حكالي انو التلفزيون بيجي معه فوط خاصة لمسحه وفعلا فتحت الكتالوج وكان مكتوب انو في معه فوط... طبعا الفوط ما كانت موجودة مما يؤكد انو التلفزيون كان مستعمل من ناس تانية وشايلين النايلون وشاخطينه ومش مرجعين الفوط معه! راح ابوي عندهم وانكرو انو يكون التلفزيون مستعمل وحكو انو ما ضل عندهم منه اصلا ووعدونا انو يجو يشوفو قصة الشخط ويجيبولنا فوط بدل الفوط الناقصة... طبعا هالحكي الو 10 ايام و عيب عاللي سمع منهم خبر بعد هيك... لا جابو الفوط ولا حكو اصلا...

الخلاصة لا اجد انسب من مقولة "من برا رخام ومن جوا سخام" لتنطبق على هذا المحل... منظره لطيف بس بضاعته بائسة وهاي تالت مرة نشتري اشي ويكون فيه مشكلة (اول مرة ميزان ديجيتال وخرب وبعد ما فحصوه بدلولي اياه عالكفالة, وتاني مرة رسيفر وبرضو كانو يبدلولنا اياه)

لا انصح به بتاتا... المرة الماضية حطيتلو نجمتين هاي المرة مستكتر النجمة عليه... خدو نصيحتي واكسبوا راحة بالكم وبعدو عنو تماما....

the price is good in thid place , the stuff they sell is cool , there's only one thing thats not good in it , the employees there dont know anything about electronics , specially when it comes to the spec of the tablets and smartphones.

best wishes

mousa shehadeh

انا بشتري من عندو الالكترونيات و الكهربائيات لسبب واحد لا غير انو بدفع على الفيزا كارد ( البنك العربي ) و بقسطها على دفعات ( من 3-12 دفعة) حسب السعر و من غير فوائد..بس أعتقد ان الموظفين عندهم مش ملمين جدا بالالكترونيات و الكهربائيات

تجربتي سيئة جدا!! بعد ما اشتريت مكيف من عندهم وعدوني بتركيبي بحد أقصى 72 ساعة وبعد مرور 4 أيام حاولت أحكي على خدمة الزبائن اللي مستحيل يردو عليك قبل ساعة !! وكل شوي يحولوني على ناس ما بردو وينقطع الخط !! بالأخير حكولي انو بدهم كمان 3 أيام عشان يركبو !! الخدمة ما بعد البيع أسوأ محل بتعامل معو ... تليفون ما بيردو !!

بتاريخ ١-٣-٢٠١٢ قمت بشراء جهاز iphone 4s من Emart وبعد مرور يومين لاحظت عدم وضوح في الصوت وظهور خطوط أفقية على الشاشة.

وبما أن عمر الجهاز هو ٣ أيام فقط ،ولأن العطل هو عطل مصنعي حسب E.mart فقد توقعت أن يتم تبديل الجهاز فورا بجهاز جديد (كأي محل من المحلات الكبرى).. لكنهم قرروا تصليح الجهاز … مما جعل جهازي الجديد كأنه جهاز مستعمل يقدر ثمنه ب ٣٠٠ دينار أردني.

أرغب حقا بأن أفهم ما هو المفترض بي عمله بموبايل صوته غير واضح ولديه عطل في الشاشة.. وكل ماقامت E.mart بفعله هو تصليحه لأن سياستهم تقول أنهم لا يستطيعوا إعطاء جهاز جديد... ويفترض بي قبول أنني قد دفعت ٥٣٠ ثمنا لجهاز معطل.

شكرا لكم E.mart على هذه الخدمة الرائعة المقدمة من جميع موظفيكم بدءا بموظفي المبيعات حتى المدير العام.

تتكرر تجاربي السيئة مع اي مارت وهاي المرة باني اكتشفت انو عندهم اسلوب موحد لمعاملة الزبون وهو اقناعه باغلى قطعة من الصنف اللي بدو اياه ووصفها بصفات رائعة الها اول ما الها اخر! ومش مرة صار معي الحكي بل اكثر.. اول ما تدخل ويعرف ع شو بتدور بقلك انا بدي افرجيك احسن قطعة وطبعا سبحان الله هي دائما اغلى قطعة! ومش اغلى شوي بل بتكون ضعف السعر المتوسط دون مبالغة! السبب يا اما هاي سياسة المحل يا اما موظفي البيعات باخدو نسبة وعلى الجهتين هاد الحكي عيييييب!!! يمكن البعض يحكي هاد طبيعي انو اغلى قطعة هي الاحسن بس انا بقول انو مرات القطعة بكون فيها احيانا ميزات طفيفة مقابل فرق كبير بالسعر عن نظيراتها ولو في اخلاص واحترام للزبائن بنصحوهم بالقطعة الافضل من حيث تناسب السعر و النوعية الجيدة!

ايمارت اشتريت من عندهم ال سي دي وسشوار براون من اول زياره للمحل لانني وجدت سعرهم ممتاز وارخص من باقي المحلات وكانت خدمتهم ممتازه جدا فالموظفين كانوا يساعدوني كي اختار الافضل وحتى المودير ممتاز بيحاول يساعد وبيسال عن انطباع الزبون عن ايمارت \ وايمارت طابق كامل كبير نجد فيه جميع الاجهزه الكهربائيه ويوجد ساحه لمصفات السيارات لانه يقع في سامح مول الطابق الثاني وحتى انه عندما تشتري 100 دينار تاخذ كوبون سحب على 3 سيارات شهريا بالاضافه الى 40 جائزه اسبوعيا وذلك احتفالا بمرور سنه على افتتاح ايمارت والسحب يكون مباشر امام الزبائن وبرعايه اذاعه مزاج وتلفزيون رؤيا

انا رايي بصراحة .... كاسعار تقريبا جيدة لكن ..........! خدمة الزبائن او الموظفين اغلبهم ملقنين من قبل مدير الايمارت او المحل نفسه ...... يعني لما تشتري منهم جهاز لابتوب يقولون اذا لم يشتغل او فيه عيب مصنعي ممكن تغييره بواحد جديد ..... وثاني يوم يقولون نحن لانستطيع استبدال الجهاز ونخسر شركة ترفدنا بالاجهزة لمجرد ( زبون ) واحد تخيلو الاحترام .....! للاسف

المحل كبير ومرتب والموظفين خدومين بس الكهربائيات عندو حالفه يمين ما تشتغل زي العالم و الناس.. اشتريت رسيفر ما اشتغل رحت ابدلو جربوه طلع بدو سوفتوير فبدلتو وطلع التاني برضو بدو سوفتوير رجعت وبدلتو بواحد احسن منو و برضو كان مش على بعضو فقلت بوفر عحالي وبروح عالوكيل.. رحت وعملي سوفتوير جديد والحمدلله كل اشي تمام الان.

وديت اشي يتصلح قبل فترة طويلة حكولي منحكي معك بعد اسبوع و وجهك وجه الضيف ما سمعت خبره لهلا :S

كثير المحل حلو وبنقدر نلاقي في كثير من الالكترونيات من تجهيزات مطابخ تلفزيونات لابتوب كل اشي بخص الالكترونيات متواجد الموظفين كثير حبوبين ومحترمين ومعاملتهم ممتازة مع الزوار و مع الزبائن...يعني ان كنت رايح تشتري او تتفرج بيساعدوك و بعرفوك على البضائع الي عندهم خصوصاً الجديدة...بتمنالهم التوفيق و الازدهار

رحت على إي مارت كزة مرة بس للأسف ما اشتريت منو اشي..بس حاب اشكر الموظفين هناك عشنهم جدة مؤدبين و خدومين..يعني رحت أخدت كورس عن شاشات التلفزيون والغسالات ،الأفران والثلاجات!!

جربت المحل مبارح، حبيت فيو اينو ذي كارفور عندو كل أنواع الكهربئيات بطريقة سريعة أو ما في دعي دوري على و تلف كل المحل> الشباب هناك متعوينن ، أو في إكتير شغلات ما شفتها بمحلات تانيه

محل مميز جدا وبتلاقي فيه كل شي بدك اياه من الاكترونيات، أنا اشتريت من عندهم لاب توب توشيبا وقت الافتتاح، كانوا عاملين عرض وأخدته أرخص من السوق ب 50 دينار، الموظفين خدومين والمعرض واسع ومنظم، بيعطي كفالة مع أي جهاز وعنده خدمة التوصيل المجاني.