Deeritna Express

صراح السعر مش كتير غالي مس مقارنة مع الاكل اللي بقدموه! جدا غالي اللحمة اللي بقدموها لونها اسود و طعمها اشي مقرف و مليانة بالدهون! المنسف سيئ جدا جدا! و اكيد ما بعيدها من بعد هاي المرة اشي مقرف اجيت ل استفرغ من طعمة اللحمة لولا ما فيي ناس معي عم ياكلوا!

كتير حبيتو نظيف والاكل زاكي ونظيف لولا انه الدنيا كان شوي شوب وكان في دبانه مش عارفه كيف دخلت المطعم وجلطتنا واحنا عم نتغدا كنت بدي امرمشها باسناني قد ما جننتني ...

اسعارو منيحه والخدمه كتير محترمين الشباب ..

وبجربو كمان مره ما عندي مشكله

مطعم ديرتنا مطعم لا بأس فيه كمطعم يقدم وجبات سريعة من الاكل الشرقي اكثر شيء عجبنب بهذا المطعم النظافة وتعتبر عنصر مهم بالنسبة لي...بخصوص الطعام بصرافة افضل شيء يقدمة هو المنسف مع انه في بعض الاحيان يختلف طعمة من يوم لأخر غالي بعض الشيء ولكنة مقبول

ومع ان البعض يفضل المنسف في مطعم القدس بوسط البلد ولكن للاسف مطعم القدس يفتقد لعنصر النظافة بكل شيء ...الجو العام بمطعم ديرتنا لا بأس فية هناك نمط بالديكور بميز فروعة وطريقة عرض السلطات والمشروبات ممتازة خدمة النادل متغيرة ايضا مرة ممتازة ومرة سيئة....بالنهاية ليس افضل مطعم بعمل منسف بعمان ولكنه جيد لانه مطعم نظيف

دايما بنروح عليه كتير حلو ومريح واكله بشهي خاصة المنسف نضيف وديكوراته مرتبة بصراحة غالي شوي بس منيح مع اماكن تانية بنصح الكل يجربوا لانه كتييييييييييييييير زاكي

قمنا بتجربة المطعم مرتين ، الاولى طلبنا فيها منسف بلدي و بعد أكثر من 10 دقائق حكالنا الجرسون ما في منسف بلدي

بتحبوا أجيبلكم منسف عادي !!!!! وطلعنا من المطعم ، والتجربة الثانية قبل أسبوعين طلبنا فيها منسف بلدي و الحمدلله وصل الاكل بعد أقل من 10 دقائق و التقييم كالتالي :-

1- الارز لم يكن بالمستوى المطلوب وكان الارز ناشف وكأنه كان في فرن او تم تحميصه .

2- الشراب ( اللبن ) ثقيييل جدا و بحاجة الى تخفيف .

بشكل عام لم يكن بمستوى المنسف البلدي المطلوب ، ومن خلال التجربتين لن أعود للمطعم نهائيا .

من اسوأ تجاربي مع المطاعم صراحة.. أكل ما إله طعم وأسعار خيالية على عينات أكل والمشكلة إنهم بتأخروا بالديليفيري أكت من ساعة ونص وبحملوا الواحد جميلة كمان.. نصيحة ما تغلطوا غلطتي وتجربوه لا بسندويشات ولا بطبيخ

المطعم ممتاز و نظيف و اكاو كتير طيب بس اسعاره مبالغ فيها شوي و الوجبة صغيره يعني الواحد ما بقدر ياكل عنده كل يوم

كنت معجب بديرتنا اكسبرس من ناحية طعم وترتيب ونظافة بس صراحة اخر زيارة الي لهل فرع خلتني أتراجع عن رأيي بالنسبة للنظافة، الموظف اللي كان يعملي الساندويشات كان شكله مريض ونازل ايكح (يسعل) على الغرل والخبز اللي بدو يعمل فيه الساندويشات، حكيت للموظف اللي على الكاش انه بدلي الخبز ولما سألني ليش حكتله عشان الأخ بكح، بدلهم بس انه يعني الأخ اللي على الغرل زعل انه ما بدي أكل سندويشة بكحة :) ، المهم، بما انه هالحكي صار قدامي فهيك بخليني أشك ايش بصير جوه المحل خاصة انه ما حد بدل الخبز أو اهتم للموضوع ولو اني مو موجود كان عادي ما صار اشي، فما أعتقد انه حرجع عالمحل مرة ثانية أو على الأقل فرع الصويفية. تجاربي السابقة انه المحل بشكل عام أكله نظيف ومرتب، كل اشي معلب ومغلف بطريقة مرتبة، زي السلطات وحتى الخبز كان مغلف . الخدمة شوي بطيئة حتى بالنسبة للوجبات اللي بتكون جاهزة. أسعار المحل شوي غالية بالنسبة للأكل والكمية. صعب ايكون في مصف عند فرع عبدالله غوشة، لأنه على الشارع، بس في خدمة اصطفاف للي حاب. فرع الصويفية الشارع أوسع، بس أغلب الأحيان بصف بعيد عن المكان أو على الجهة المقابلة.

أسوأ تجربة أكل في عمان، طلبت وجبة سندويش طاووق، اجتني عينة سندويشة بتشبعش صوص ... أول مرة وآخر مرة يا ديرتنا اكسبرس

مطعم ديرتنا اكسبرس نظيف ومرتب والخدمه عنده ممتازه وسرسعه عنده المنسف البلدي والأوزي والشاورماشو زاكيه عجبتني وعنده تشكيله من السلطات. أنا شخصيا عجبني الطبيخ عنده.و المصفات متوفرة واهم شي خدمه التوصيل متوفره والسعر جيد

طلبت وجبة مشاوي مشكل ووصلتني دليفيري. الوجبة عبارة عن عينة و مش زاكية بالمرررررة حتر البطاطا كانت سيئة و اصلا باردة

و اخيرا اكلت منه صرة اوزي بعد اربع او خمس محاولات لأنه عادة بشتهي الصرة بس ما بلاقي بتكون خالصة.

الطعام نظيف و على جودة عالية هنالك تنوع بالقائمة الديكور جميل لايوجد موسيقى لكن يوفر مكان للقعدات ما بقدم مشروبات روحية و عادي التدخين فيه

الاسعار متوسطة في وجبات غالية وفي رخيص يعني الصرة مع علبة لبن صغير ب 3.65 انصح بتجربتها لذيذة بس انا بحب اللحمة تكون راس عصفور داخل الصرة عند ديرتنا بتكون لحمة قطع

خدمة الزبائن جيدة انا طلبي كان سريع يا دوب 3 دقائق. الطعام طبيخ او مشاوي فنعم صحي ،

لديه خدمة التوصيل لكن حذاري انك تجربوها لأنه تكلفتها 3 دنانير !!! مافي اماكن مخصصة للأطفال.

اماكن الاصطفاف صعبة و انت و حظك

محل نظيف و زاكي بالنسبة لمحلات الطبخ بعمان،اسعارة مناسبة بس القعدة جوا المحل صغيرة

بصراحه محل مميز نادر ما نلاقي محل بيعمل هيك اكلات و بخدمه شريعه و اسعار مناسبه عنده الاوزي بجنن و السلطات عنده منوعه و عنده كتير اكلات تانيه طيبه بنصح الكل يجربه لانو جد مميز

من ازكى محلات الطبخ اللي موجودة في عمان، بتقدر تلاقي عندو انواع كتيرة و الحلو انو كل يوم عندو طبخة شكل، مناسب للعزابية امثالي و اللي قاعدين لحالهم و بشتهو اكل البيت، اسعاره معقولة لاحجامه ... بنصح الكل يروح علية و يجربو :)

الصراحة بحس أن مناسب كتير للناس يلي مشغولين بالشغل وبرجعو تعبانين بالذات إنو أكل بيت وطبيخ وعند سلطات منوعة بس خدمة التوصيل كتير غالية أخر مرة طلبت منو كانت على خدمة التوصيل 3 دنانير

كتير كتير زاكي اكله . جربته قبل يومين مع صديقاتي في العمل وبالفعل كتير اكله طيب ... بيمتاز باكلاته الشرقة العربية المميزة ... جربت عنده الاوزي الصرر والكفته بالطحينة كتير يممي ... اسعارة كتير معقولة بس اذا بدك توصي سفري على التليفون بيأخذ 4 دنانير على التوصيلة . صاحباتي جربوا عندة الكبسة والمنسف وكتير بينصحوا فيه .... المحل مش كتير قعدته مريحة بس ما شاء الله الاجر عليه كتير . كتير بنصحكم اتجربوه وتطلبوا من عنده وخاصة في العزايم الكبيرة

محل جدا رائع

انا مرة انعزمت على لازنيا كانت بتوخذ عقل جبنة عليها جدا رائعة و تمط معي

واسعار غالية

وبنصحكم تجربوه لانو جدا رائعا

على فكرة في كثير اشياء غير لازنيا

وتوجد فيه خدمة توصيل

من ازكى محلات الطبخ اللي موجودة في عمان، بتقدر تلاقي عندو انواع كتيييرة و الحلو انو كل يوم عندو طبخة شكل، مناسب للعزابية و اللي قاعدين لحالهم و بشتهو اكل البيت، اسعاره معقولة لاحجامه، اكيد بنصح فيه.

لو كان في تقييم اقل من بلمرة كان يستحقه ، الاكل مش طيب نهائيا عدا المنسف احيانا ، ببداية المحل كان الاكل مميز لكن فشل يحافظ على مستواه ، عدة اصناف ممكن اليوم تاكلها طيبة بكره تاكلها بدون طعم ولا لون خاصة الجاج المشوي و الكباب